[藺相如,司馬相如,名相如,實不相如](*)咪講笑!同Freddie Mercury同Billie Eilish 齊名!獲得誠品認證!我是一個文青!
TLDR:屯門牛呢,真係睇好嘢都慢人一步,睇戲又多垃圾。所以要有馬蘭頭獎學金
1. 實情係屯門誠品,已經有貨。都話日日去睇,我仲發現搬咗位,原本係在啲財經書度,而家已經literally 「上神枱」,同Freddie Mercury同Billie Eilish 齊名!雖然暫時我都未見有任何人拎起嚟睇。實情咁耐以嚟都冇!
2. 又,真係的,明明銅鑼灣,太古同尖沙咀誠品都一早有,屯門就要再遲啲。真係鄉下地方資訊不便。「啲小朋友都要遲兩個星期先接觸到啲高質毒物」。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
3. 你真係唔好睇少呢樣嘢,What we talk about when we talk about 村上春樹?好多人都知道佢開coffee shop/酒吧,收工在廚房寫嘢。亦都有啲人聽過個契機係明治神宫野球場(我都去過朝聖),養樂多燕子隊
4. 但再之前呢?村上春樹係關西人,京都伏見出世,但神戶讀高中。佢唔止一次提過,神戶改變佢好多。神戶係個海港,易接觸外國文化(你見仲有異人館),佢就在嗰度睇好多西洋文學。
5. 我話睇書都慢人兩星期,當然只係講笑。「而家屯門都有Donki」「仲有Mirror」。但,你可以留意下,屯門戲院(屯門戲院並唔單指「屯門戲院」)上嘅戲,都真係同「市區」唔同。唔通會上《惡與他們的距離》?主要都係上「長相屍手」之類。有人話歧視,有人話市場考慮,「啲屯門牛就係睇垃圾」,乜都好,客觀結果都係一樣。喂,呀影帝林家棟,都公然恥笑去巴倫紐睇戲嘅人啦。2015年咋喎,香港人好尊重本地電影咩?(而不幸地,套《點對點》我都有睇,但居然唔係在巴倫紐!正如導演話頭,根本巴倫紐冇上呢套戲,全新界得葵芳新都會上,我就在嗰度睇)
6. 你都唔好話冇影響,我講兩件事你知。第一,好少同人講,當年我買樓,係有諗過買駿發花園嘅。咩話?駿發花園在邊?點解我會想買?「駿發花園咪會樓下上《惡與他們的距離》」。最後點解冇買?唔係因為冇錢(我有咁窮?況且我講緊2013年),而係因為懶,同埋我諗真啲,「我買完百老匯電椅中心搬走我咪仆街?去廟街聽數波波定食煲仔飯?定學麥路人郭富城咁去聽楊千嬅唱歌?」。第二,當然係因為我懶。租開我老母(真係我老母,唔係助語詞)屯門嗰樹好地地,咪買埋佢。係呀,買架,咪撚以為佢送畀我。電視框?框你老母(呢度就助語詞)。創屋苑尺價新高添呀!虎毒不吃兒呀。「不過冇人拎支槍迫你買」「況且之後都升咗好多」「所以真係唔使怕高追,咪縮數話咩等調整」
7. 一念任天堂,一念海天堂。一念八天堂,一念朱天堂。如果我當初買咗駿發花園?而家我係咪好有文化我就唔知,「但應該執多幾球嘢」
8. 講返,我變成「港片之鬼」,你估係偶然?並唔只係因為我細細個鍾意睇港產片。喂我年代啲小朋友,個個細個都睇港產片架啦,但大咗佢地自然就會覺得好check,我溝過N條港女,都以自己唔睇港產片為榮,我最鍾意都係我問佢睇乜戲,答曰「我個人冇乜所謂不過唔睇港產片」,充份反映到港女嗰種自以為嘅優越感同懶撚係considerate,多撚謝喎。不過我都冇諗住同佢去睇港片,因為我主要係為上床。到後來睇港片先有得上床,就係後話,只能講句十年河東,十年煩西
9. 我之所以到中學都不停睇港產片,主要係因為一個人。他的名字叫徐一刀。四十歲以上嘅麻甩佬應該聽過。根本就係香港全裸監督村西徹,佢進軍海外時吳宇森都未去荷里活。佢就係自己親身上陣,同「五十嵐」一齊拍愛情動作片
10. 但關我乜事?我又唔係蘇B(一個徐一刀有份用嘅演員)。主要係,徐一刀係我同學嘅舅父。咁佢就畀好多免費戲飛我地睇,當然唔係睇佢嘅戲(當時我中二咋),而係可以去睇任何戲。我唔知係咪只係港片,但肯定嗰時咩 凱都呀, 巴倫紐呀,仲有「屯門戲院」,都好多時係上港片。
11. 我仲記得我第一套用佢嘅飛睇嘅戲,就係《水滸傳之英雄本色》,李克勤唱主題曲,梁家輝做林沖,徐錦江做魯智深,劉青雲做大茄,但最正係豹哥單立文做高俅個仔去淫辱林沖老婆王祖賢。
12. 另外仲有《風塵三俠》(梗係柏安妮嗰套),仲有套日本人拍但廣東話配音嘅《三國志》(1990年代初,已經好過《三國無双》N倍,可見周顯揚真係食撚屎的,係呀,我又要好波過美斯先可以評論?)等等。可見我嘅中學年代,就係咁渡過。
13. 然後你諗下,埃汾太(名校女生嘛)。人地呢,午飯去Pacific Place食嘢—仆你個街到我在金鐘返工我都仲嫌貴呀!另外有個朋友仲誇張,中學年代,去「有馬」日本料理午餐。
14. 朋友同我同年,但你老味,我地年代在屯門?日本嘢?「就係去八佰伴食熱海麵屋」,好撚難食的,難食過味千。當然我好後來先知道,熱海係地名(大佬呀,嗰個年代冇維基百科,又冇一年去十次日本),而八佰伴第一間店,就係在熱海。
15. 至於我嘅名句(其實係朋友講),「嗰時食百人一朱已經覺得自己好撚high」,sorry,呢個係去到出嚟做嘢嘅事。仆你個街,我去到教書嗰時,兩皮嘢個月,都係同成班搣時去荷里活(梗係鑽石山啦,好彩未去旺角荷李活)食百人一朱咋!(話時話,就快又七夕,有冇人未聽過七夕搣時嘅教事?)
16. 睇到呢度,你心諗,有冇咁誇張。都真係有的。例如我估我好似去到2000年,即係,大學畢業,我先知咩係Tiramisu,「開頭以為日本嘢」。而家啲小朋友,幼稚園茶點都食喜知次一夜干啦!
17. 真的,as a 學霸,我博聞強記嘅能力,叻過好多「名校」嘅普通學生。但行出嚟就係冇嚟貴格,食幾多貴格燕麥片都冇用。「即係余文樂咁」,真係好多年先洗到嗰種新界牛嘅味。
18. 你話冇影響?有機會我細寫。但當年我去in Oxford獎學金,邊個in我?係李兆基,冇錯係四叔。仲有楊鐵樑。同埋羅德丞(唔係羅傑承),同埋一條牛津嚟嘅鬼。喂,我見到都變秦舞陽,腳震震啦。最記得鬼佬問我點解地盤啲鐵係工字型,我都答唔出,但其實我係知嘅。(BTW,當年我報N展,真係好彩冇收我).後來當然獎學金拎唔到,做唔到乜乜學人,返去港大繼續have fun stay poor.四叔變咗亞洲股神。楊鐵樑變咗教英文。羅德丞?選唔到特首,冇耐死撚埋了。(原來都隔咗十年)
19. 事後諗?如果我醒少少嘅,我應該話畀四叔知,我阿麻係順德大良人。我成日返去的。拿,呢啲咪分野。但冇計,歷史沒有如果,洛賓2010年球單刀如果入咗?
20. 寫咗好多,都唔係咩獅子山下可歌可泣。你心諗,而家扁平化咗好多啦。而家屯門都上到NetFlix嘛,屋企都睇到 德國飛機吸血片啦,有得上網,拉近晒啦。
21. Yes and No.但其實,個世界,都係向比較有錢嘅人傾斜嘅。我甚至覺得,我幾幸運,我年代都仲可以叫做「上流」,即係一個普通家庭(唔好講到自己赤貧啦,至少有錢去睇戲)嘅屯門仔,都仲有得發下圍。而家?未必冇,但大家心知,越嚟越難。
22. 最新嘅趣聞,英國A Level,一半人A或A+。因為多咗Teacher assessment,fuck that 教師好專業唔偏私。但有乜所謂?好似阿婆賣紙皮咁,你會噴水上去,我又自然會計返你平啲。英國好嘅大學,更加大條道理自己搞admission test,甚至乎用自己嘅discretion—冇錯,就係傳說中嘅去緬甸做義工。點解啲名人富豪仔女都入到名大學?真係叻啲?你話呢?
23. 寫咁多,冇錯,最後都係講「馬蘭頭奬學金」嘅理念。呢個年代呢,你做屯門牛又冇錢嘅,真係比較大鑊。可惜我暫時都仲係只有理念,未有好多錢,更重要係未有執行力。但,總會搞到出嚟。
(*)又,我都係早排先知,司馬相如唔係真名,正如河國榮崇拜張國榮,佢因為崇拜藺相如先叫自己司馬相如。正如司馬遼太郎,都係因為崇拜司馬遷(應該唔包括腐刑嗰part),但自愧不如亦係自謙,先叫自己司馬遼太郎。
似乎姓司馬嘅都啱呢味嘢(司馬遼太郎又會姓司馬啦!)。不過司馬賽兒,就唔係因為鍾意馬賽所以變咗馬賽。主要係鍾意波圖。講返,上季法甲馬賽第5,冇歐聯踢,所以要等波圖歐聯分組賽第三,先有機會馬賽對波圖
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
「mirror 100問 part 2」的推薦目錄:
- 關於mirror 100問 part 2 在 Facebook 的最佳貼文
- 關於mirror 100問 part 2 在 龔成 Facebook 的最佳貼文
- 關於mirror 100問 part 2 在 Facebook 的最讚貼文
- 關於mirror 100問 part 2 在 コバにゃんチャンネル Youtube 的精選貼文
- 關於mirror 100問 part 2 在 大象中醫 Youtube 的最佳解答
- 關於mirror 100問 part 2 在 大象中醫 Youtube 的最佳解答
- 關於mirror 100問 part 2 在 MIRROR 100問!PART2 馬鞍山系列又出現姜濤細個想做太空 ... 的評價
- 關於mirror 100問 part 2 在 MIRROR 100問- YouTube 的評價
- 關於mirror 100問 part 2 在 為大家送上100問PART2 除咗有MIRROR成員特異技能表演之 ... 的評價
- 關於mirror 100問 part 2 在 MIRROR 100問PART 2 | 【平安夜快樂 MIRROR 特異技能篇 ... 的評價
- 關於mirror 100問 part 2 在 compiler-rt/msan_interface.h at master · llvm-mirror ... - GitHub 的評價
- 關於mirror 100問 part 2 在 【睇YouTube】MIRROR成員嘅YouTube頻道有咩睇? - Timable 的評價
mirror 100問 part 2 在 龔成 Facebook 的最佳貼文
【龔成問答信箱】(Q21781-Q21800)
Q21781:
龔sir, 我係你舊生,有關於現金流嘅問題想請教,我偶爾聽到你評論一些公司現金流強,請問現金流強、普通、弱有什麼指標?謝謝你百忙抽空回答
龔成老師:
投資者會分析企業的現金流量表,在年報可以找到的,當中會分為「經營活動」、「投資活動」、「融資活動」3部分,而我地會集中分析經營活動部分。
如果企業的經營活動現金流保持強勁,反映企業憑做生意,持續保到理想現金流,除了反映業務不差外,企業得到大量現金,無論發展,又或派息,都是有利因素。
你預保持年年正數,就是現金流強或普通,而當中的數字大,就是強勁。當然,我地仍有好多因素分析,例如現金流量表的各項目,盈利的情況等。
------------------------------------------------
Q21782:
龔老師你好丫,我係你嘅忠粉,我有問題想請教你的
我現時28歲,剛上車一年,地點係粉嶺聯和墟帝庭軒,買入價係550萬。
想問下黎緊幾年個區樓價升幅大唔大?因為我見附近又有新盤開賣。
我想過幾年轉返出沙田或荃灣的地方住。所以先上車再換樓,咁樣做岩唔岩丫
龔成老師:
坦白講,粉嶺聯和墟始終離市區有距離,就算去翻地鐵粉嶺站,都要坐小巴或行一段時間,長遠的升值潛力不算大。
當然,聯和墟有點似一個小鎮,如果工作地點不是市區,從本身的生活配套上,其實不算差,因此不是劣質。
你擁有一個物業,都算是處於「物業追物業」的狀態,不過選擇物業就不是最好類別,但都不是差。現時你物業,可持有的,到你日後,可轉翻出去沙田或荃灣,無論自住定長遠升值能力都會較好。
------------------------------------------------
Q21783:
龔老師你好。我今年已32歲,一直都沒有理財概念,只係被動地儲錢(即係用剩先儲,但我唔買名牌嘅)。
上年好不幸地被裁員,剛剛搵到工,但人工只剛剛夠食住行+俾屋企人藥錢(年頭驗到有事),差唔多無剩。而我亦只是個文員仔,唔望會加人工,就算搵新工都唔會加到好多。
我嘅人生好似入左個死胡同咁,晚晚臨瞓時都眼濕濕,唔知未來點算。
目前儲蓄只有20萬,深明擺係銀行只有慢慢眨值,想請問有什麼資產增值的方法?
龔成老師︰
現時大環境唔係咁理想,就業市場,以至人工收入受到影響,係正常,唔好諗得太負面。大環境我地係改變唔到,但個人心態係可以改變。
你先要了解自己未來工作發展目標,講緊係長線,10年以上。
再睇翻,現時工作,可唔可以幫你達成目標。如果唔得,那這份工作,純粹只過渡性。你就要工作之餘,努力為你目標工作做準備。
學習相門知識、上相關課程、或者做有關兼職。目標係當市道轉好時,這些經驗可以增加你成功就職理想工作的勝算。
至於財富增值方面,你要一改以往金錢觀念。想做到理想財富增值效果,每月我地係先要儲起一筆錢投資,到真係有錢剩,才作休閒消費,概念是跟你以往係倒轉。
我建議你有時間的話,可以找些增加收入方法,例如兼職、網上小生意等,目的係每月可以開始空出一定資金,作投資增值。
以你32歲,可以選擇一些「平穩增值股」+「潛力股」作投資目標。
到你每月可儲到錢時,你可以每月先用一半儲蓄做月供股票,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注。此期間,你最好是努力提高投資知識,才慢慢增加翻潛力股比例。
餘下現金就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
至於20萬,我建議你扣起半年開支和屋企人藥錢。有剩的一半,你可以分注買入上述股票,餘下同樣等大跌市機會。
------------------------------------------------
Q21784:
龔sir你好,我今年年初開始接觸到你呢個Facebook page,好有啟發,慢慢開始改正我投資觀念,仲一次過買左你幾本書希望增加投資知識。
有兩個問題想請教你:
1)未認識你呢個網之前只係靠屋企人一d介紹買入一d股票,所以唔識睇“平貴”同優質程度去揀同買,宜家手上股票組合需要慢慢調整,
其中手上持有696呢隻股票,而且係組合入面都佔左幾多(大概20萬入面嘅5萬)。我睇過你嘅書知道呢隻股票有佢嘅獨特性,但我當時2-3年前嘅平均買入為$21-22,
宜家佢股價一路都上唔返去。我因為某d原因暫時唔可以再投入額外新資金去買股票,可以動用黎買嘅現金只有萬五左右。如果我得戶口入面個二十萬黎增值財富,
咁我應該繼續放係度繼續等待定先賣出部份黎增加現金同買其他股票增值?
2)另外,你係書度提過可以留意係生活之中自己喜歡嘅野同埋身邊嘅潮流黎發掘潛力/優質股。最近香港人都係度談論Viutv/mirror/error,
我都係一份子。請問龔sir點睇電盈前景?我睇過佢地係電視業務之前都仲蝕錢,但已經慢慢開始有改善,如果佢地咁嘅走勢,
會唔會有潛力突破到一直以來嘅“穩定”?
先謝謝你!
龔成老師︰
1) 中國民航信息網絡(0696)係資訊服務及網絡管理解決方案商,目標市場為中國航空客運及旅遊行業。
例如電子旅遊分銷系統、機場旅客處理系統等,過往業務穩定,有長線投資價值,不過不是高增長類。
你買入價有少少貴,但又唔係好貴,可以守。若你係年青至中年人士,這股適合,照持有就可以。但由於佢佔你組合較重比例(個股應維持少於組合15%),我建議你都部份,換至其他優質股,咁會較好。
記住,我地投資股票,就等同你投資緊一間企業,一盤生意。你必需了解佢業務、賺錢能力、行業發展、財務狀況等,才去做決定。
如果你而一刻投資經驗較淺,不懂定平貴。你可以用分注或者月供模式去儲貨,去平衡買貴貨架風險。
現時大市只在合理區,你餘下5萬蚊就先儲起,等大跌市才出手。
2) 生活選股法,係其中一個選股模式。因為這些企業和你生活息息相關,所以你較易了解佢當中營運模式和優勢。
但這只是初級,之後我地就要進一步審視佢本質、行業未來發展、財務狀況等等,才可以決定,是否一間值得投資的企業。
電盈(0008)雖然業務算穩定,但由於負債較多,都有一定風險。
VIU TV最近的確發展不錯,但當你再仔細分析佢年報。你會發現媒體部份,其實佔佢收入比重不高。
因此,就算佢有較理想發展,當整個集團盈利幫助,唔會好大。
這股作為收息股,可以,但增長力不強,若你較年輕,就不宜持有太多。同時負債多有風險,不建議大手投資。現價合理的。
雖然這隻算不上係優質股,但你這個思考模式係正確。只要你再努力學習更具體的投資知識,和累積經驗,相信你長線會有唔錯成績。
------------------------------------------------
Q21785:
龔成老師你好,一家準備移民到英國生活,賣出香港物業後可預計套現800萬。
準備到當地買一層$200~300樓自住,其餘想投資賺取生活費,因為未必會在當地工作,所以需要現金流。
請問:用50%~70%資金買英國樓收租,其餘買收息股好唔好?
如果買收息股,應該係買英國股?還是買港股比較好?
因為對英國股票唔熟悉,只有留意港股,阿sir有無英國收息股推薦?
我見阿sir話個組合要平衡,同一股不能太多,咁一般收息組合應該買幾多隻股票?
(好難搵到太多唔同行業又有6%以上既收息股)例如3988 1398 939 都係銀行業
多謝阿sir解答
龔成老師︰
買入自住物業後,用50%~70%資金買英國樓收租,其餘買收息股架策略,係可以。
但你投資英國樓時,緊記只可以投資一些真正了解的項目,堅守「不認識就不投資」的原則。
確保自已真的已了解當地的物業市場、租務市場、法例、經濟發展。而物業有潛力,租金回報率又理想,咁就可以。
另外,唔好用晒全數資金去投資,要保留一部份現金在手,大約半年開支左右(你可自己按情況調整),以備不時之需。
至於收息股,其實你買美股、英股、港股都係無問題。你只要睇翻你自己的認識程度、交易成本、稅務成本等,去做決定就可以。
我自己主力研究港股,所以比你建議,都會集中係港股。由於現市大市只係合理區,有不少優質收息股,都無6%咁高。
但我地唔會知,未段一段時間,佢地會唔會回到6%以上。所以,我地只可以策略性地,因應平貴,係現階段先入小注入貨。每有回調,再慢慢加注。
但正如你所講,係配置股票組合時,唔好太集中某行業,以免出現過度集中性風險。相同行業不可佔組合多於30%,而單一企業不要高過15%。
特別要留意係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
收息股︰港燈(2638)、香港電訊(6823)、恆生(0011)、工行(1398)、置富(0778)、陽光(0435)、深高速(0548)等,大多有5%股息
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
(你可睇下《50穩健收息股》當中仲有好多)。
最後,你要留意英國係收取股息時,係會抽稅。係計算你實際現金流時,你注意這點,以免高估左實際股息回報。詳細計算方法,建議你上官方網頁,或者向當地稅務顧問查詢。
------------------------------------------------
Q21786:
你好,龔成老師,我今年34歲,獨女,屋企供滿左層居屋市值大概480萬,月入4萬,之前因為種種原因幾乎沒有儲蓄。現時有5萬現金,MPF 30萬,
黎緊每月可以儲1.5萬
1. 希望可以55歲退休,想之後每月有最少2萬現金流,請問我應該可以點步署?
2. 屋企人曾經提出以現有單位再買私樓,但居屋原來不能再按,所以唯一方法就係賣出現有單位再另外買私樓,請問長遠計係咪私樓會保值啲?
老師有冇建議我可以點做?點樣安排會好啲?
多謝龔成老師
龔成老師︰
1) 如果你希望55歲退休時,每月有2萬蚊現金流,以股息率6%計,你需要本金400萬。
你可以用「平穏增長股」 + 「潛力股」的組合,去累積這筆資金。現在你每月先用5成儲蓄,即$7500做月供。其餘先儲起,用一邊月供一邊儲蓄的策略。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
2) 居屋雖然投資價值,一般都遜於私樓,但好處係投入資金較少。可以用空出資金,作其他投資之用。
由於你這間是自住屋,是否配合你長線生活需要,會比佢保值能力更重要。除非你現時自住樓,真係好唔理想,配合唔倒你長線生活要求。否則,我唔建議你沽出。
若你想投資物業,你可以先用優質股增值,到一定金額才買物業投資。
------------------------------------------------
Q21787:
早晨龔sir,我除左月供apple外,頌可以月供咩股票可以做到五年連本賺200萬,月供資金有1萬蚊其實有無咁既機會?
現持有9988兩手、823四手、6618兩手、966三手、BIDU 8手,Apple 26股、JD京東20股,Qcom 21股 美股都係依兩星期內先入手
現持有股票還可行?
龔成老師:
你月供apple,可以,佢有質素,無論持術、發展、品牌、銷售網絡都十分強,是可以長線持有的股票。
佢設計了各種各樣的消費電子設備,如智能手機(iPhone)、(iPad)、智慧手錶等。
而iPhone占蘋果總收入的大部分。另外,蘋果亦為客戶提供各種服務,亦是一些延伸的賺錢模式,如蘋果音樂、iCloud、蘋果電視、蘋果支付等。
由於已經發展得好大,因此,最高速增長期已過,之後會進入穩定的增長期。長遠的投資價值仍在,但要留意股價。近年大部分時間在合理區中上部至略貴的水平,如投資要分注,長線。
至於其他股,都可以持有,基本上都是有質素的。
不過,你較多比例集中在科網類別,這會出現集中風險,你要注意翻。
要5年$200萬,$10000月供,仍未足夠的,你要提高金額同時供其他股。另外,每月仍要儲到基本現金,等機會。
選股無問題,但最好平衡翻個組合。同時,在買入時,要慢慢分注,不要一次過買入太過。要同時留現金。
------------------------------------------------
Q21788:
Sir,其實到水桶3楷段買收息股,基本上長期收息,不會常常買出買入,應該選優質的企業的股息越高越好,你常推介的置富和陽光分別5.7%、6.1%
我見3988中國銀行有7.1%更多,反而很少推介是否有問題呢?
龔成老師:
其實最好是建立一個「收息股組合」,因此,幾隻都得,可同時持有。
但我地在分析收息股時,要同時考慮佢業務,因為業務將會影響佢的股價及股息變動,金融業的不確定性以及內銀的風險,比本地的收租企業,前者風險較高。
------------------------------------------------
Q21789:
龔sir。本人48歲,因健康問題已退休,正準備移民往台灣!有幸在半年前朋友介紹而認識你!
購入你的作品,有股票勝經、年報勝經、50穩健收息股、財務自由行及80後百萬富翁!
想請教,我現持有以下股票:
66 有728股 (在IPO時購入一手,持有多年有碎股!)
178 有6000股 (平均價$1.927)
270 有6000股 (平均價$13.773)
435 有1000股 (平均價$3.48)
778 有2000股 (平均價$6.98)
823 有100股 (購入價$69.9)
1398 有1000股 (購入價:$4.94)
1810 有400股 (平均價:$23.35)
2638 有1000股 (平均價:$7.77)
2800 有500股 (購入價$26.62)另開始月供,每月投入$4000
另有3067 有500股(平均價$17.66
我會繼續購入,還有50萬資金!
1.請問龔sir 我是否買得太多問種類股票?
2.需要整合一下嗎?可以如何優化?
3.另我還想購入9988及0285作長線投資!
麻煩你
龔成老師︰
1) 你現時持有種類和數量,算可以。長線計,組合維持10隻左右,會較理想。
2) 從質素上而言,你持股係無問題,可持有。但由於你係退休人士,投資選項時,我地要保守少少。
你應該較集中係「收息股」類別,因為你退休之後係無收入,需要透過「收息股」的現金流,去支援你的生活開支。
因此,你應以「現金流是否充足」作大前題,去考慮你個財富配置。現時你收息股只有陽光(0435)、置富(0778)、工行(1398)和港燈(2638),唔算太多。
長線計,唔好太集中係幾隻身上,應建立一個平衡的收息組合,包括不同企業和行業,唔好太集中係個別股票。相同行業不可佔組合多於3成,而單一企業不要高過15%。
以下係一些優質收息股,你可以參考下。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
當然,你都可以參考我<50穩健收息股>書中資料。
如果你現有收息股,產出現金流已經係足夠應付你基本生活。你才考慮增持一些「平穏增長股」來增值,好似盈富(2800)、港鐵(0066)、粵海(0270)、領展(0823)、莎莎(0178)等。
否則,「平穏增長股」類持有現貨好了,唔好再加注。
而小米(1810)、安碩恒生科技(3067)這類「潛力股」雖有增長潛力,但波動性太高,唔適合你。現貨可持有,但唔好加注了。
現時大市只在合理區,你可以用多15-20萬,以分注形式入市。餘下的就等大跌市,才用來入貨。
但由於你將會移民台灣,加上你本身身體都有些問題。建議你先預留相關的潛在支出,才開始投資計劃,這樣安排會較為穏當。
3) 阿里(9988)和比亞迪電子(0285)同屬「潛力股」類別,波動性太高,唔建議你投資。
------------------------------------------------
Q21790:
龔成老師你好!本人想請教你有關投資方案 , 本人50歲 , 因市況不景氣, 剛被公司辭退, 待業中 , 家中有兩老需照顧及供養。
本人住公屋, 有積蓄大約25-30萬, 希望老師可以指導如何投資增值, 以維持家庭基本生活.
感激萬分 !! 謝謝 !
本人為基層人士
龔成老師︰
我地做財富增值,係需要因應人生階段、投資經驗、客觀環境等因素,去作出一個配置。
由於你暫時無收入,加上有雙親需要照顧,中短期現金的需求不少。所以我地投資前,先要保障好你生活上無問題,做好防守部份,才考慮進攻。
以你現時情況,我建議你先儲起半年基本開支(包括照顧雙親部份)的應急錢,計好數,真的「閒錢」才開始投資計劃。
你可以用「收息股」作投資目標,雖然佢增長力唔高。但派發的股息,可以為你提供穏定現金流,去減輕生活支出的壓力。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
但要留意,現時股價只是合理,未到平宜。因始資金不要用盡,大約先用一半,以分注形式慢慢入貨,餘下等大跌市才動用。
到你將來工作變得穏定,有更多空閒資金可作投資。你就可以加入一些較有增長力的「平穏增長股」,去提升翻個增長力。
但現階段,你應以維持家庭基本生活為主要目標。故先集中係能提供現金流的「收息股」身上,「平穏增長股」就暫時不要考慮。
平穏增長股:金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
------------------------------------------------
Q21791:
龔Sir,最近我媽媽退休,有一筆$28萬退休金,現想幫她作投資,想請教一下阿Sir
Plan A
$20萬 股票收息股投資
$5萬 作定期或買Ibond
$3萬作後備資金
收息組合
6823 (15%)
1883 (15%)
778 (15%)
6 (15%)
435 (15%)
1038 (10%)
939 (5%)
1373 (5%)
1398 (5%)
Plan B
$25萬,特選客戶優惠
放5年,每年回$6萬,5年後總共得到$30萬
途中如需提出餘下金錢,則不可再累積任何利息,並需收取3%手續費
龔Sir 對兩個計劃有什麼意見?那個較好?
龔成老師︰
整體而言,PLAN A會係較好。
如果想組合更加平衡,可以加入GX恒生高股息率ETF(3110),同時減少你部分15%幾隻股的比例,去到10%,會較好。
因為你不少選股,都有相同類別的情況,例如相同是電訊,相同是房託,長建(1038)與電能(0006)關連性都高。
PLAN A以收息股作為主力,再加入風險較低的Ibond作平衡。而且,整體回報都明顯較PLAN B為高。
當然,PLAN B都有佢好處,就係回報係更有保證。因為始終收息股都係股票,會有一定不確定存在。
你可以在風險承受能力和回報之間,取個平衡,去決定用邊個計劃。
------------------------------------------------
Q21792:
成哥,我今年一月碩士畢業,過多幾個月就黎25,一d工作經驗都無。因為讀書讀得太多,現在覺得早我兩年出黎做嘢d人好似都好好。
我自己見mt第二輪failed左, 覺得好失敗25歲已經輸俾人地同年齡好多。雖然上左你股票班投資有斬獲,但事業上確是0。
突然覺得自己全部都係0,係社會廢物。好想消失係呢個地球。我應該點算。
龔成老師︰
你現在才事業剛起步,一切由零開始,是正常的。
加上現時市道較差,未必可以短間內找到心儀的工作,但唔好咁快放棄。
同時間,如果未能找到合適工作,都唔代表無野做。你可以做些兼職,有收入之餘,可以獲得工作經驗,如果同你本科有關,咁就更好。
另外,你可以有時間,去借書返來進修其他知識。把握現在空閒,去上些有用課程。
保持個人積極態度,無論對你本身或者見工,都百利而無一害。
另外,我建議你加強一些讀書以外的技巧,例如溝通、領導、處事等。記住,無人生來就是廢物,只是你未找到自己的真正價值而已,加油!
------------------------------------------------
Q21793:
龔sir你好,我睇左你本5年買樓4部曲,想請教你
我27歲,老公30歲。2人月入大約$43000。已問銀行話我同老公收入及職業可買530萬樓下的樓按9成都冇問題。
我同老公睇緊灣仔區樓,我地睇左十幾間樓,有間心水單棟樓,賣445萬,中銀估價430萬,匯豐估400萬。開放式實用207尺,間屋四正,但42年樓。打算用首置按9成收租
樓的詳細:
好處:
間格實用四方,多窗
高層(非頂層)向東,景觀開揚有山有公園望,光猛
落樓30秒即到地鐵站(囍匯旁近合和中心)
旺中帶靜,樓下條街唔嘈(唔係對正大馬路及叮叮路)
裝修企理四正,再油油就ok
冇任何滲水情況
廁所乾濕分隔整齊
平路入大廈唔洗行樓梯級
管理費唔貴,平其他單橦樓$400-$500
外牆及大堂已大維修,來緊換升降機都唔洗業主比錢,大廈有盈餘200萬及政府津貼50萬
唯一唔好處:
42年樓齡,現在可按30年,但將來放好難放。
主要想買樓收租,現在租金下降,但都位置方便都應該放到$11000-12000。感覺間樓幾好,就算老左冇地方住係到住都唔差。
我們目標係400萬/under 400成交,都係我地budget內。灣仔20-40年樓齡較貴,而且有啲太近街市。所以比較心宜這物業,只是擔心樓齡老,但灣仔區的樓都係比較老,我需要擔心之後難放售嗎?
我們仲要睇其他樓,希望發現荀盤。感謝sir解答,謝謝!
現在我們同朋友一齊夾租新界私樓3房單位,兩人租樓支出共6300。如冇意外未來5年都會同朋友一齊住慳錢。
另外因為我未來大約5年後可能會quit現在full time社工的工作,想自己做塔羅諮詢師+part time 社工,所以襯現在工作穩定,想先上車然後遲啲放心追夢。
兩個都第一次買樓,希望將來可換大屋/再買多層。這個上車盤可取嗎?
龔成老師︰
若能做到你預期租金回報$11000-12000,租金回報率,勉強算係可以。
雖然位置係唔錯,但始終係偏舊,相再轉手較難。而且維護成本,可能都唔少。再加上,實用面積太細,連一個基本家庭生活的尺寸(約300尺),都未到,都係扣分位。
我明白你策略係先細屋,後大屋。但要這策略成功,其中一個重點位,就係個細屋必需有一定增值能力,至少同大市同步。
你現時灣仔這個納米尺寸的單位,能否做到,我較有保留。
如果你未找到合適單位,其實你都可以用優質股,去先做住增值。加上你未來5年住屋問題,都算解決左。
除非你真係找到租金回報率理想、單位又有質素、價格都可以,才出手置業。否則,你唔需要急於一時。
------------------------------------------------
Q21794:
Sir 早晨,我上佐3堂睇埋80後的百萬富翁,開始有d投資既概念,想幫我媽媽買入水桶3既股票,發現佢原來係好多年前開佐個股票戶口,
當中有1102環能國際同埋1150米蘭站,但一直無理到d股票,雖然佢好彩當時都有買到d水桶3既股票,但原來而家呢2隻股票已經供過好次股或者係合股,
佢手上既貨變哂碎股,量唔多既,分別係500股同2000股,但而家賣又賣唔出,可以點做?
同埋我都想問個問題,劣質股係唔係可以跌破0股價或者負數?如果會,甘會點架?股東會唔會被逼補倉架?麻煩哂你
龔成老師︰
首先,持股數量多與少,係唔係碎股唔重要。我地是否持有一隻股票,最重要係睇質素。
環能國際(1102)年年虧損,無投資價值。
加上核數師意見,每年都是「保留意見」,代表盤數有機會有問題,建議盡快沽出。
米蘭站(1150)質素不太好。
佢每年的生意持續下跌,加上年年虧損,投資價值不高,建議沽出。
劣質股係可以跌到個價好細,但唔會跌破$0或者負數,所以唔會有補倉情況。
你所講的補倉,多數是一些槓桿性投資(例如︰用孖展買賣),才會出現。一般去買正股,係唔會出現咁架情況。
------------------------------------------------
Q21795:
請問9888百度2021Q1業績公佈後最新PE9和預期PE4是怎樣理解?
有時見到靜態市盈率及TTM,又是怎樣。
龔成老師︰
我地一般會成日講的市盈率PE,就係「靜態市盈率」。
[計算︰現時市值,除去最近一年的總純利]
而「市盈率TTM」,係表達現時總市值,相對過去4個季度的純利。[計算︰現時市值,除去最近4個季度總純利]
由於年度數據,只會一年更新一次。故用季度作比對,數據會相對較新,會比較貼近現況。
若「市盈率TTM」比「靜態市盈率」細,你可以理解為,佢近季度盈利能力係有上升。但緊記,我地投資要分析長線和整體,唔好單用這個數字,就下結論。
至於「動態市盈率」,主要係預估本年全年純利。
[計算︰現時市值,除去預測本年度全年總純利。]
由於只係一個預測數字,只宜作參考。
------------------------------------------------
Q21796:
龔老師,你好。本人31歲,月入1萬5。月光族。手上無存款,年供2萬儲蓄,月供1100人壽醫療。卡數負2萬。
無家庭負擔,每月俾3000家用。自己搬出來跟男友同住5年,算普通生活不用負擔。
本身十分在意外表,定期會做facial, 已經維持13年。戶口一有錢就會一筆過買treatment &美容針。每月平均有2000在護膚品。
近期開始留意老師專頁,覺得自己真係井地蛙,原來大家都可以咁有錢。希望以後可以開始投資,但無方向,唔知老師有無好介紹。
雖然有睇到有相似個案分享,但大家都有積蓄... 我一無所有,所以好迷茫。原本有2萬5工作,因為疫情辭退之後,只能搵返1萬5,之前試過有輕生想法,覺得自己30歲人好失敗。
想問下開股票戶口?我應該開邊間?本身自己只有匯豐出糧戶口,但朋友分享話citi bank股票戶口比較好?
龔成老師︰
現時礙於大環境欠佳,其實好多事情都未必可以控制得到。但相信長線,疫情會過去,生活與工作都會慢慢重回正軌。現時艱苦,只係一時,唔好氣餒。
而且,有時這些不利的環境,反而可以激發我地的潛能,造就你的成功。
其實,要做財富增值,唔一定係本身好高人工,或者已有一大筆資金,才可以做到好效果。其實只要你每月有一筆閒錢,可以定期做投資增值,已經係可以。
因為你尚算年青,能進行資產增值時間較長,複息效果會較佳。只要你好好把握時間,努力學習正確投資方法,和每月努力儲錢,相信都可以做到不錯效果。
只要你這刻努力,做好理財,定目標,好肯定你過5年後,會比過半同齡人的財富更加多!
投資戶口,你可以係銀行或證券行開都得,只要佢費用合理,又方便你自己,咁就可以。
你現時還很年輕,儲蓄保險這類產品,不建議持有太多。雖然風險較細,但增長力不高,會拖慢你財富增值步伐,你要自己平衡下。
另外,你要想方法,令自己每月能空出一筆資金,作投資增值之用。
你可以考慮做兼職、做網上小生意,去增加收入。同時間,要睇翻日常生活,有無乜野不必要開支,係可以減少。
到你每月都可以空出一筆資金,就可以進行月供股票,去為自己財富增值。
你31歲,建議你用「平穏增長股」 + 「潛力股」的組合。現在你每月先用5成儲蓄做月供。其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q21797:
啊sir ,我是你的忠實讀者。我希望40歲可以做到有被動收入,不至於退休但可以財富增值。
我初學買股票,而因為老師的書。暫時都有小小的回報,大感謝!
但因為手頭上的股票感覺上太多,之前覺得樣樣都會升,就愈買愈多,有d賺有d蝕。
最近想重整一下,希望可以老師指點指點
手頭上月供︰
2800,2823,788
其他嘅就係︰
1997 ($28蚊入)
1928 ($27蚊入)
2845 (平均 $135入)
286 ($41.8入)
522 ($100入)
2388 ($22.5入)
293 (疫情時膽粗粗6.15入)
以上有好大部分都係因為老師嘅分享而有小賺,感謝
另外有一部分就蝕︰
1810 (平均28.5)
0606 (平均 64)
仲有一堆美股︰
APPL, TSLA, NNDM, ARKK, ARKF
美股收息指數
VYM, SPLG
我知道老師集中講港股,可否指點一下迷津,如何重整一下。
感謝
龔成老師︰
你現時股票數量有點多,而且都偏雜亂。長線最好集中翻10隻左右,會較容易管理。
另外,你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
而且,唔好見個市越升,就越買,咁係好危險。因為市況狂熱時,不少股票個價,都會被炒高,你好易會買貴貨。
如果你對點定平貴,唔係太有信心,未來投資可以集中用月供方法,去減少這方面的風險。
港股中,你持股大部份都有質素,可長線持有。
但愛帝宮(0286)質素較一般,長線換至其他優質,相信會較好。
國泰(0293)同樣質素只是一般。其中一個風險,是油價,睇翻佢過往多年,油價對佢成本影響好大,令佢盈利十分波動,就算佢利用對沖,都唔係好成功,反而試過因對沖而蝕大錢。
另外,航空業對經濟週期較敏感,收入不穩,同時唔算係一個好賺錢的行業,因此這股的質素只是一般。
就算佢重組,得到新資金,只是比佢「捱過這一關」,並不是賺錢能力方面有改善。你想持有都得,但不宜太多。
至於0606,我估你係打錯股票編號,應該是想說眾安(6060)。佢業務都有發展力的,但業務仍有不確定性。
初步睇,企業有發展力的,不過風險同時存在,因此唔建議太大注投資,這股都可長線持有的。
至於美股,同樣大致上都係有質素。但留意Nano Dimension Ltd (NNDM),初步睇佢業務都有吸引力,但暫時未做到收支平衡,風險會較高。投資與否,要自己衡量。
而月供方面,你現時組合已經可以。安碩A50(2823)和盈富(2800)係一籃子優質企業,較有風險分散能力,分配上,用這2隻做重心會較好。
現時大市只在合理區,每月資金唔好盡用。最好留有部份,等大跌市出現時,可以用來掃貨。
------------------------------------------------
Q21798:
你好,本人今年40歲, 1家4口, 家庭收入$50,000, 有3層物業 (合共約$2300萬, 己不用供款), 但由於都係細單位, 所以另外租住一間大物業, 暫時收租夠交租同埋夠交小朋友學費。
本人考慮8-10年退休, 想問應如何打算。本人有100萬亞洲債券基金,有約4厘, 另月供約$2萬股票(包括2800, 823, 9988, 388, 2, 1299)
謝謝解答!
龔成老師︰
你現時應透過累積優質資產,去幫自已財富增值。到你退休時,再轉換成收息資產,去創造穏定的現金流,以支援自己的退休生活。
物業都係其中一種優質資產類,除左有升值潛力外,都能提供穏定現金(租金),所以係合適的。
但我地財富組合除左要有增長力和質素外,平衡性都好重要。你現時資產明顯係偏重於物業類,長線你應加入一些優質股,以免過於集中個別資產類別,而產生風險。
因此,你新資金建議優先投入股市,去令成個組合更平衡。
現時你月供組合的股票,都係有質素和適合你。當中阿里巴巴(9988)和港交所(0388)係潛力股,以你年紀,大約佔組合4成好了,否則風險性會過高。
若你投資經驗較一般,或者承受風險能力較弱,再要將比重下調多少少。
現時大市只在合理區,每月資金唔好盡用。最好留有部份,等大跌市出現時,可以用來掃貨。
至於債券基金,坊間分好多種,你要小心睇,因為有d風險低,無乜問題,有d則有潛在的風險,絕對不是保本的產品,有機會出現了「賺息蝕價」的情況。
第一,有些債券基金,會投資「高收益債券」,即是「垃圾債券」,你一定要睇睇佢所佔的比率。
第二,債券基金往往不是單純地持有債券,而是可以作買賣,以及利用衍生工具作對沖等策略,即是可能有價格上的波動。
第三,不少銀行都會提供借貸,以槓杆去放大回報,以平息借貸去賺取息差。低息環境時間題不大,但進入加息週期,不止借貸成本增加,同時債券價格往往在加息期下跌,雙從打擊下,投資價值成疑。當然,若然加息步伐不快,息差利潤就可觀。
我不是說債券基金有問題,只是說明當中的風險,因為市面上的基券基金好多,你要仔細分析。
------------------------------------------------
Q21799:
老師,你覺得綠置居買唔買得過呀?近排鑽石山綠置居有點兒想抽。但投資價值是否比不上居屋?
而且你本書話黃大仙區投資價值不太高
龔成老師︰
綠置居投資價值會稍遜於居屋,但由於佢定價會比居屋低,故都有投資價值。
今次鑽石山綠置居,位置在鑽石山港鐵站附近,交通十分便利,故有一定吸引力。
雖然黃大仙區,本身人口老化,區內人均收入低,較難撐起樓價,故投資價值不高。但若作為自住樓,都有一定價值。因為佢定價較居屋低,能節省一筆資金,可以用作其他投資之用。
因此,只要佢適合你生活需要,而且有供得起,其實買都係可以。
------------------------------------------------
Q21800:
龔sir,我有些關於前途的問題想問,我現年33歲,現職學校合約文員,月薪萬幾,每次續約會多幾百元的升幅,這份工的優點是返工地點近屋企,
而且放工時間準時和放得早,但近日經過思考後我的目標是將來想財務自由,有自住樓,成為全職投資者,那麼我是否應為了得到穩定收入而投考政府文職公務員,
如果想成為全職投資者條路應怎樣走,謝謝老師答覆
龔成老師︰
我地可以透過投資和累積優質資產,去達至財富自由目標。
但大前題係你要有資金,最少每個月都可以有一筆閒錢,可以用作投資增值。
若你已經有個明確目標,係想做到財務自由,而現有工作收入又較難做到,你就時候作出改變,努力去提升自己收入,為財富增值創造基本條件。
到你每月有一定閒錢,就可以開月供優質股,去累積財富。之後,到有一定資金,就可以加入物業類。當資金累積到足夠數量,你就可以換成收息資產,去創造現金流,支援財務自由生活。
而要做到全職投資者,投資對你而言,不單要係興趣,而且更要成為你強項。若你現時對投資無乜了解,你就要先由一個「基本知識投資者」,慢慢開始提升自己。
你要花大量時間,努力去看相關書籍、睇年報聞、睇新、、上課程,去學習如何分析一隻股票。
到你累積到分析50間企業和長期實戰經驗,你就可以變成一個「有實力的投資者」,以算有做全職投資者的基本條件。
但要突破至最高層次的「真正專業投資者」,已經不單是投資知識的問題,因為要突破,就要擁有很強的分析力、很強的眼光、很強的心理質素。這些要更長時去磨鍊,才會做到。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
mirror 100問 part 2 在 Facebook 的最讚貼文
八歲的小貝拉喜歡寫故事,這是一本她正在努力寫的長篇小說,我選了一章節,翻成中文與大家分享。我盡所能原汁原味按照她的原文描述修改及翻譯,希望大家喜歡她的小說故事創作。我不得不說八歲能寫這樣,太強👍。
🥰這故事妳可於夜晚時,唸給孩子聽,我有附英文版。
*********************************
《小說故事創作 (Part1)by 八歲小貝拉》
1847年。
吃完晚飯,我繼續在餐桌寫著我的故事。
『已經很晚了。』媽媽提醒我。
我好討厭深夜,因為深夜裡有很多可怕的東西跑出來,例如:木乃伊,怪物,鬼魂,雪人…等。
我回到房間,看見姐姐艾瑪正在梳頭,她的頭髮是如此柔順美麗,不像我的頭髮又髒又亂,我坐下來想要改變自己的樣子,於是我看著鏡子一直說:『我很漂亮、我很美麗、我很漂亮、我很美麗…』這些話使我頭暈目眩。
隔日,星期天早晨,媽媽總是很忙,我在廚房興奮地跳來跳去,我想趕快見凱蒂,也想吃點餅乾,那種脆脆的餅乾。姐姐依然很漂亮,她穿著天藍色的洋裝上面綴著白色蝴蝶結在我面前飛舞。
『完了,凱蒂一定在等我!』我大喊。
媽媽立刻給我一塊麵包,她吩咐:『一路小心,妳必須在…』
『在十二點前回家,我知道了!』我離開了家,跑過樹林。
『衝啊!』我彷彿聽到了那些大樹不停地在我耳邊咆嘯,大聲且清晰。
今天天氣好冷,好像在最冷的冬日吃了49球冰淇淋一樣!
『嘿!』我向凱蒂揮手。
『你還好嗎?』凱蒂憂心問我:『我是說妳看起來好像吃了48球冰淇淋。』
『是49球冰淇淋。』我指正她。
凱蒂很困惑,用一種「我老是在不恰當的時候說了一句不該說的話」的那張臉看著我。
接著,我們走到了小溪邊。我們準備了兩個瓶子,要玩了一個名為“水花瓶子”的遊戲。我們在瓶子上打了個洞,把瓶子裝滿水,然後相互潑濺在對方的頭上,好似淋雨一般,也好像正在跟一位頑皮的男孩玩灑水遊戲!
『碰!』我和凱蒂忽然間聽見怪聲。我們嚇到,宛如兩個吃了100球冰淇淋的雪人,僵住了!
凱蒂原本是很勇敢的;但是現在看起來跟我一樣害怕。
『妳不是很勇敢嗎?為什麼妳現在看起來不像。』我壓低了聲音。
凱蒂看著我,嚴肅地說:『我們不應該在這時候開玩笑。』
凱蒂用腳尖輕輕走路,然後踏進溪流,水發出飛濺的聲音『啪噓、啪噓…』
『噓,妳正在把外星人嚇跑!』我小聲提醒凱蒂。
她點了點頭,用非常緩慢的速度前進,並專注凝視著那東西,然後一把握住它!
『噢,這是一隻可憐的小兔子。』凱蒂看著兔子,甚至…已經喜歡上牠。
『牠好像睡著了。』凱蒂像個嬰兒一樣,緊緊抱住兔子。凱蒂的擁抱有時不是一件好事,因為她總是顯得太興奮。
『我們可以來抓一些葉子使它變軟來餵牠。』我摸著兔子說。
『我們應該把牠交給黛拉。』凱蒂建議:『黛拉是一位非常優秀的動物護士,她只有九歲,但快十歲了。』
我們走著走著,終於到了黛拉的密室,那外頭有很多小動物正在等著她的幫助,所以她可能很忙。我們進了小屋棚,那是一間用樹葉和樹枝蓋成的小房子。我們東瞧西看,屋內有很多食物、藥品、水和其他東西。
黛拉正抱著一隻可愛嬌小的老鼠,名叫艾莉絲。
『這隻可憐的小兔子受傷了而且被遺棄,快救救她或他!』凱蒂抱著兔子快步走向黛拉,急促地請求幫助。
黛拉接過兔子仔細端詳說:『我會幫這隻兔子看看牠有什麼毛病,也會確認牠是她或他。』
凱蒂聽後,開心使盡地緊緊抱住黛拉。
『別開心太早!我們還不知道牠是否有什麼問題?』黛拉冷靜地說。
.
(待續)
.
.
***************************************
《Story writing (Part 2) by Bella Chang, 8yrs old》
1847
I ate my dinner then did my work.
"It's going to be late. " Mom said.
I hate night, because there are many scary things coming out in the late night, like mummies, monsters, ghosts, snowmen...etc.
I went back to the room and saw my big sister Emma brushing her hair. Her hair is so soft and smooth, not like my hair is dirty and messy. I sit down and want to change my look. So I look at the mirror and keep saying: "I am beautiful, I am beautiful, I am beautiful, I am beautiful! " All that words made me dizzy.
The next Sunday morning, my mother is always busy. I hopped around happily in the kitchen. I want to meet Katie as soon as possible, and I want to eat some cookies, the crunchy cookies. My sister is still beautiful, she is swing her dress in front of me, it's like a sky blue color with a white bow.
"Katie must be waiting for me! "I yelled.
My mom gave me a piece of bread. She reminded me:" Stay safe and come back before…."
"I know before 12:00. "I left home and ran across the trees.
"RUSH!" I heard those big trees roaring in my ears, loud and clear.
The weather is so cold, feeling like eating 49 balls of ice cream on the coldest winter day!
"Hey! "I waved to Katie.
"Are you ok? "Katie asked me worried: "I mean you look like to have eaten 48 balls of ice cream."
"It's 49 balls of ice cream. "I corrected her.
Katie was confused and looked at me with a face that "with one of my not the right time to say that."
Later, we walked down to the creek. We had two bottles, and played a game called "Splashed bottle!". We made a hole in the bottle, filled the bottle with water, and then splashed water over our heads, like it's raining, and also like we were playing with a mean boy!
"Bump! " Suddenly, Katie and I heard strange noises.
We froze like two snowmen who ate 100 balls of ice cream.
Katie was brave, but now...
"I thought you were brave why don't I see it now" I said super duper cooper quietly.
She looked at me and scared so was I.
"We shouldn't be joking at this right moment. "Katie Said.
Katie tip toe then went across the creek. "Splash splash……"
"Shhh… you are making the alien go away! "
She nodded, moved forward slowly, stared at the thing, and then grasped it!
"Oh, it is a poor little bunny. " Katie looked at the rabbit, even... already loved it.
"The bunny went to sleep?" Katie hugged the bunny so tightly like a baby. Sometimes Katie's hug is not a good thing, because she always kinda too excited.
"Let's grab a hull bunch of leaves to make it soft and feed. "
"We should give it to Della." Katie suggested: "Della is nice nurse for animals. She is only 9 years old, but almost 10. 』
As we walked and walked, we finally arrived at Della's hideout. There were many small animals staying outside waiting for her help, so she might be very busy.
We went inside the the little hut, which like a small house made of leaves and sticks. We looked around, there were a lot of food, medicine, water and other things.
Della is holding a cute and petite mouse named Alice.
"This poor little bunny was hurt and unloved. You need to help him or her!" Katie walked quickly to Della and said very very fast.
Della looked at the bunny very close. "I will see what is wrong with the bunny and tell you it's a girl or boy. "
Katie hugged Della tight as she could.
"Don't be that happy, we still don’t know if it's OK? Della said.
.
.
(To be continued....)
.
.
😘歡迎大家分享和按讚。
😎請尊重作家小貝拉的故事版權,如果要轉載者,請註明出處,切勿抄襲盜用。
另外,照片裡的小貝拉是在寫數學功課,不是在寫故事。她為了不被打擾,她都是躲在廁所寫故事的 😏。
.
.
#VonVon我的小貝拉
#八歲小貝拉的小說創作
mirror 100問 part 2 在 MIRROR 100問- YouTube 的推薦與評價
MIRROR 100問 !PART2 馬鞍山系列又出現姜濤細個想做太空人? MIRROR. MIRROR ... 《MIRROR 100問最終回》成員互選最佳老公!4個字形容自己FANS! ... <看更多>
mirror 100問 part 2 在 為大家送上100問PART2 除咗有MIRROR成員特異技能表演之 ... 的推薦與評價
平安夜快樂 MIRROR 特異技能篇 】 聖誕節梗係要開開心心,為大家送上100問PART2 除咗有MIRROR成員特異技能表演之外,姜濤細個嘅志願你一定估 ... ... <看更多>
mirror 100問 part 2 在 MIRROR 100問!PART2 馬鞍山系列又出現姜濤細個想做太空 ... 的推薦與評價
lokman #姜濤#ansonkong #ansonlo #frankie #ian #alton #edan #jeremy #jer #tiger #stanley #mirrorweare 送俾大家MIRROR100問PART2!!!聖誕節快樂. ... <看更多>