關於 mizuno 低 足 弓 ，我們在網路上蒐集到這些相關的討論、資訊與評價

【和風印尼撈麵】Mizuno Morelia Neo 3 Pro AG

如果有著開Mizuno 嘅用家，相信都係揀Morelia，因為係袋鼠皮，貼腳鞋型，而且夠輕。而上年推出3代鞋型，絕對唔係求其換隻色加少少就叫你科水。而Pro AG嘅版本只限印尼出品。版主有幸著過上代嘅Pro AG。一比較之下就覺得大幅改岬良之外，仲有更多日本版嘅感覺。

著開Mizuno 嘅朋友都應該知道有分日本同印尼兩個產地，以上代同一款Morelia 去比較，一上腳就知分別。除左物料上嘅唔同，印尼版鞋楦較為闊，相對闊腳嘅朋友較適合。日本版係更為貼腳。可能大家對「Made In Japan」有先入為主嘅肯定，總會覺得印尼版係下欄貨。如果以上代兩個版本，呢個說法係值得信服。但到今代嘅Morelia 3 ，絕對會令你對印尼版嘅睇法改觀，更有一種MIJ嘅味道。

直迫日本版體驗
Morelia 3 Pro AG 喺前掌採用袋鼠皮物料，以新鞋去計相對冇日版咁柔軟，皮革用料亦較為挺身。但進步得最多絕對係前掌及足弓位置同日本版一樣闊度，冇左上代印尼版鬆弛感覺。同日本版分別唔大，好處係夠包腳之餘，令到球感更為清晰，溝通感更強，喺急停轉向動作有更強嘅支撐度。而且上腳感覺較上代輕巧，所以跑起上黎多左份實在感及安全感。

升級內櫳更舒適
如果有睇過版主介紹過上代嘅款，其中一個較大嘅改動於內櫳，首先鞋舌位置用料略為加厚，而且選用一款耐用嘅皮革，不論球感及耐用性大大提高。而後踭位置嘅物料改為有彈性而同時具有防滑功能嘅物料。更有效令鞋身咁腳掌連成一體，特別在起動加速，比舊款更穩定，亦減低「甩踭」嘅機會，唔會覺得甩下甩下。而踭位嘅內櫳亦設有一層防滑Cushion，類似女士著高踭鞋嘅防割墊。一來令踭位更貼鞋，另外減低新鞋刮腳嘅不適及受傷機會。而後方包實後腳阿基里斯腱嘅位置改用柔軟而彈性嘅物料，增加少少腳腕靈活性及舒適感。

版主而家著緊上代Morelia Neo 2 FG日本版，喺測試呢兩個多星期係唔需要重新適應。係同平時著開嘅波boot唔會有太明顯嘅分別，感覺上同日製版本係一樣咁貼伏，無論跑動，長短傳控，射門呢幾個球感係好有日本版嘅感覺。特別長短傳係有著高靈敏及準繩嘅感覺。而鞋身嘅用料亦相對企身，同上代太軟身嘅感覺完全唔同。加上針對仿草場而設嘅AG鞋底擁有更短而密嘅鞋釘，令踢仿草場時鞋釘更容易藏於草層內。而且咬地性能更強。因為非常適合踢好多唔同質素嘅仿草足球場。試左兩個星期有多，今代嘅印尼版絕對係誠意之作，同時將日製版本嘅優點帶到今代嘅印尼版。但價錢只係日版嘅一半。所以更抵玩。同印尼撈麵一樣咁惹味之餘，再用日式煮法令到整個成品更好食。

顏色: 黑 / 紅
Size: Eur 39 - 46
Price: $859

🚚訂購需時約3 - 4星期，到貨後以順豐發貨
✅接受Payme / 轉數快 / 銀行入數
⁉️3月7日截單

☎️歡迎whtsapp 51288455 或 按下
https://api.whatsapp.com/send?phone=85251288455&text=我想訂購MizunoAG

#ballboot #ballboothk #波boot #波boot實測 #mizuno #同日本版一樣咁好Feel #袋鼠皮波boot #袋鼠皮足球鞋

【日產袋鼠皮速度型波Boot： Morelia Neo 2 MIJ 實測】
.
Mizuno波boot主打系列就有Morelia, Morelia Neo同Rebula。而今次，阿靴就同大家講講當中嘅其中一對: Morelia Neo 2，Made in Japan嘅選擇。話說Morelia Neo於2011出產，佢係由Morelia衍生嘅波boot，佢將傳統嘅Morelia改造，換成較現代嘅設計，當中最明顯嘅係鞋型變得更輕更修腳，期望製作出一對速度型嘅袋鼠皮波boot。Morelia Neo 亦於2016年升級至第二代，當中作出咗少量調整。作為Mizuno嘅其中一對主打波boot，今次阿靴再次就會同大家實測，認真講講Morelia Neo 2 MIJ嘅發揮同特性。
.
Morelia Neo 2 鞋頭位置用上軟熟袋鼠皮，㩒落去嘅質感柔軟，不過質料唔算厚。鞋身就用上較薄嘅超纖合成皮，目的係減輕波boot嘅整體重量。Morelia Neo 2鞋舌位置質料同樣薄及柔軟，加上鞋身位置傾向修腳，令波boot更為貼腳。鞋籠位置Morelia Neo 2 用上麂皮，加上鞋帶質料較粗糙，期望加強波boot嘅整體lockdown。至於鞋釘上，Morelia Neo 2用上較經典嘅12粒圓釘，加上中間一粒加強衝刺力嘅特別釘粒。
.
於鞋型上，阿靴為中腳形，Morelia Neo 2可以話非常合適。阿靴亦用Morelia Neo 2踢過數場比賽。
.
阿靴最滿意嘅係Morelia Neo 2嘅舒適度及包腳質感，鞋內位置經特別設計，一著上腳時已經感受到波Boot對腳底嘅充裕支撐，特別於於內側位置微微突起，令足弓位置變得舒適。此外，Morelia Neo 2鞋頭位置用上袋鼠皮固然舒適，但鞋後身的超纖合成皮也不會太硬，喱點令波Boot更輕巧外，亦唔會大量減低到波Boot的觸球質感。除此之外，較修腳嘅設計，加上鞋踭及鞋舌內層位置用上麂皮質料，Morelia Neo 2嘅包腳感非常強，亦令Lockdown非常充裕，正正適合一啲又喜歡袋鼠皮傳統質感，又喜歡輕巧靈活嘅波友。
.
Morelia Neo 2帶來嘅傳控質感屬於理想，鞋頭位置袋鼠皮質料軟熟，帶來非常優質嘅控球質感，加上鞋內外側凹凸橫紋嘅Runbird標誌可以少量增強控球質感，長短距離嘅傳送均可以較輕鬆控下。短傳上發揮屬於中上，畢竟Morelia Neo 2只有鞋頭位置為袋鼠皮，這點相對全袋鼠皮波Boot的球感會略為欠奉。至於長傳上，Morelia Neo 2袋鼠皮較薄及貼，力量層面屬於充裕，帶來不錯嘅傳統袋鼠皮球感。
.
Morelia Neo 2於盤扭層面屬有驚喜，畢竟於以往嘅測試，袋鼠皮Boot於這一項會較弱。雖然Morelia Neo 2屬於袋鼠皮波Boot，但佢嘅重量則控制得較輕巧嘅水平，加上較修腳嘅關係，靈活層面可以話於Mizuno袋鼠皮Boot上數一數二。不過當然，阿靴認為靈活度層面上，用上Knit質料嘅波Boot如Mercurial及X仍然優勝過Morelia Neo 2，畢竟Knit質料嘅整體質感會更加薄及貼腳。
.
至於鞋釘上，Mizuno經典嘅12粒圓釘，喱種鞋釘適合香港嘅真草場，以及中至高質素嘅仿真草，鞋釘的抓地力則屬於普通，呢一點係阿靴覺得Morelia Neo 2較失色嘅位置，畢竟Morelia Neo 2 嘅主打係速度。
.
至於射門上，Morelia Neo 2 鞋型非常貼合阿靴。包腳度充裕，加上袋鼠皮較薄，腳面射門球道會較穩定，射門姿勢做得好，亦能夠做到較漂嘅射門。至於腳內檔射門上，阿靴回應為發揮相當理想，畢竟Morelia Neo 2 嘅袋鼠皮於摩擦力及力量層面上拿捏得相當平衡，腳內檔嘅燙射會較為急勁，加上球感理想，可以較輕鬆射往目標。
.
整體嚟講，阿靴相當滿意Morelia Neo 2 嘅發揮，主要原因在於腳型合適，以及阿靴較喜歡具速度感嘅波Boot。至於鞋型上，Morelia Neo 2較一般Mizuno波Boot修腳，中腳型嘅波友會非常合適。至於Size上，阿靴平時着開US8，Morelia Neo 2 揀返US8就會非常合適。
.
Morelia Neo 2 MIJ 實測報告:
盤球：●●●●
控球：●●●●◐
短傳：●●●●
長傳：●●●●
射門：●●●●◐
舒適：●●●●◐
保護：●●●●
.
再次感謝 Hanstti Soccer 提供嘅波Boot
.
----------------------------------------------------
【屎波裝備多Instagram】Follow: instagram.com/hkfootballreview
【波Boot實測】蜘蛛俠Nemeziz 19+ FG: https://youtu.be/NxJcr40CNWI
【波Boot實測】白飯魚: https://youtu.be/-dbvs0_YgiY