［今日寫呢啲］港股嘅嘢，就無謂講，差不多「熊市」添。雖然我一路唔明，跌咗20%又有乜特別。當然係多，但，係咪跌咗20%就會再跌？又好似唔一定。係咪跌完20%就見底？又好似唔係。
仲有，之前嗰次低位都係剛好19%。美股都之前有一次係咁。咁點解19%唔計，20%就計？固然我知咁就變咗「點解17歲364日就唔可以乜乜多一日就可以」嘅煩膠。但咁有乜關係？就Patreon入面講。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
騰訊明明業績好，星期三ADR都升，到星期四又插過。不過個業績提到「共同富裕計劃」，亦係習近平近來成日提嘅嘢。咁個用意都好明顯，亦都見到點解LVMH 愛馬士 Prada震散晒。咁使唔使沽走佢？定而家買得？就文入面講
美股亦係奇怪。星期三講減少買債（其實未到縮表），咁你見去到最尾半個鐘先大跌。然後星期四全球股市都跌，可見唔係關中資股事。但去到星期四晚，美國出嘅首次申領失業數據仲要靚仔，但反而債息又跌，美股又轉升。咩回事？Patreon講
個股嘅，NVIDIA嘛，未新高，但都差不多了，大成交抽上4%。係喎，掘加密貨幣啲礦卡銷售遠遜預期，仲要係公司自己早幾個月嘅指引，爭好遠。但who cares？股價已經話你知不重要。你可以睇下到底邊啲業務先貢獻幾多，礦卡幾億美金貨仔收入一季，甚至不入四大業務。Patreon有講
順手講埋，NetFlix一樣大成交抽上，原因不明。另外微軟就直頭52周新高添，3舊水都嚟緊頭，就快大過蘋果。個個星期講啦，你買咗未？又嫌升得慢下話
中銀航空租賃2588，冷門啲，我自己都冇買，所以只會略講。留意負債高，400% net debt to equity，但未驚過啦。正如8號仔都係咁上下情況。大股東邊個先？
另外，David Webb增持佐丹奴喎，好似第一次浮面，渣到上5%樓上了。之前都有寫過，有乜啟示？文入面講。但唔關肥佬黎事（啩）
最後，一個比悲傷更悲傷嘅故事，遲下講詳細版。但，我的確270蚊買過Tesla，五萬港紙。今年年頭900蚊，而家都有近700。
咁你話，「賺少十幾萬之嘛」。錯了！我嘅270蚊，係一拆五之前嘅270！有圖為證。成件事有乜啟示？Patreon有講。不過我遲下都應該在Facebook講
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
