司空見慣的 title inflation，都在顯示這個世界有多少人是嚴重缺乏自信的。
公司明明得三個人，但個個都是 CXO，有理由懷疑你其實連英文都唔識；部門只得你一個，哪有 chief 可言？
從另一個角度看，輕易叫自己 C 什麼 O 的，也就是想走個最快的捷徑去獲得別人的 recognition。係囉，人生苦短，邊得嚟咁多耐性，走進一家大企業，慢慢經歷怎樣由 MT 升到 CEO 實在是漫長而充滿未知。
花幾十元印一叠卡片，放什麼 title 都可以，而且三日就有貨，快靚正到極點。
阿叔我，行走江湖咁耐，早就視 title 如浮雲。老細升我做 MD 嗰日，問我開唔開心，我同老細講梗係開心啦，但絕對不是真心話。
道理就是。
同等價錢，有些人寧願買件 Neil Barrett 都唔揀 Thom Browne，並唔係因為佢哋覺得 Thom Browne 唔好款，而佢哋真係唔需要用那個大大隻紅白藍旗話畀人聽佢哋洗得起錢。
買一件起眼的名牌，有時就是為自己在所謂的上流裏買一個名份；come on，去到我呢啲 level，自信已經入晒血，真係唔稀罕呢啲咁嘅名份。
然後。
說時遲那時快。
我。
約咗佢睇戲。
接她的時候，她在這輛開逢跑車上問：「新車？」
哦，唔係，我架車冇叉電，問人借咗㗎車。
跟住。
開車往銅鑼灣方向駛去的時候，她才問：「咦，你唔係鍾意去 PP 睇咩？」
哦，PP 冇晒位，皇室堡有位。
再跟住。
「搭𨋢唔係快啲咩？」
哦，搭𨋢要排隊，扶手電梯唔使排，順便做吓運動嘛。
最後。
去到某個位置，我鼓起最大的勇氣，嘗試拖著她的手，她避開了。
結果，就因為這一下被拒絕，我抑壓著自己的怒火看《怒火》。
漆黑的戲院裏，她主動的想靠過來，之後我被我狠狠的避開了。
看完戲，我沒有跟她說半句話，沒有跟她有任何眼神交流，沒有跟她吃原定的晚飯，直接送了她回家。車停在她家的門前，她只說了一句話便下車——「我覺得你真係好自私。」
故事發展到這裏，局外人大概會一頭霧水。
自私？
好地地有冷氣唔嘆，硬找來一部開逢車在太陽下乾煎——只是想很多人看到，我跟她是一起的。
有 PP 不去就是要去皇室堡，貪就是貪那裏人流密集——只是想更多人看到，我跟她是一起的。
選擇行 escalator 都唔坐 elevator，寧願行到腳痹都在所不計——只是想最多人看到，我跟她是一起的。
甚至乎想拖著她的手。
自私？我有咩咁自私？
晚飯吃不成，便去找最佳損友 Benson 在他家附近吃水餃麵醫肚。
「咁都唔自私？你淨係諗要拖人隻手，完全唔諗下人哋都係分咗居一陣，咁快喺條街畀熟人見到拖住第二個男人，人哋會點睇佢？」
手指拗出唔拗入，還要一本正經地說到她是受害者一般。正當我覺得每個人都好像要與我為敵的時候，George Russell 在一級方程式的比利時站排位賽搶得了第二位置。
如果你有追開 F1，便會知道 George Russell 能夠在排外賽力壓 Hamilton 是一件有如神蹟般匪夷所思。相比起雄霸 F1 的平治車隊，George Russell 效力的威廉士車隊完全是第二班馬，論資源論技術都不能相提並論。
但他就好像藤原拓海上身一樣，開著最壞的賽車，跑出快過班霸的圈速。
George Russell 說，根據團隊的計算，他的戰車只能在排位賽排第十七，而這不是說明他的運氣有多好，而是他過去付出了多少努力去抗行克服資源不足這個命運。
有誰不想有條捷徑，在 F1 拿個名份、在人生勝利組拿個名份、在最愛的心裏拿個名份？但最紮實的名份，都是需要用很多汗水去換取的。
與其怪人點解冇畀機會你，點解唔鬧下自己點解連做好自己嘅耐性都冇？
行有不得，反求諸己，最大的問題都是在自己身上找出來的。
o level是 什麼 在 什麼是劍橋O水準(GCE “O” Level) 考試 - 非常新加坡 的相關結果
劍橋大學普通水準課程（General Cambridge Education Ordinary Level），是英聯邦國家中學的畢業會考，通過這個考試才能進入專科或大學預科教育。劍橋"O" ... ... <看更多>