擺明幫朋友賣廣告。
既然旅遊氣泡到而家都係得個講字，不如就趁呢幾日假期，嚟銅鑼灣Fashion Walk飲下氣泡啦。
「Bubble Wonderland」，即日起至五月頭，喺加寧街NIKE隔離地庫恭候大家，提供世界各地嘅氣酒，讓客人選購，法國的香檳當然不可少，而且選擇甚多，唔一定要追求大牌子，有些小型酒莊的出品，也可以喺度買到，價錢仲好實惠；MUMM嘅進階版RSRV，四個系列齊晒，每逢周五、六、日，公眾假期，仲有機會參加佢哋嘅大師班。
英格蘭嘅葡萄酒喺香港不常見，呢度都有兩個當地酒莊嘅出品，我就課金買咗支來自Sussex，Rathfinny Wine Estate嘅Blanc de Noirs，唔使三舊水，同埋一支法國J. L. Vergnon : Conversation Blanc de Blancs Grand cru Brut，三舊零水。
盲品南非酒，用軍刀開瓶，呢啲都係可以畀大家玩下，同樣只限五六日公眾假期。
場內買滿＄300。有＄100氣泡酒體驗套裝禮券，買滿＄500，送Somersby禮品包，買滿＄1500，送埋Perrier x 村上隆限定場景攝影體驗，限定有氣礦泉水一罐，與及禮品包；買滿＄3000呢，送你一支毛澤東NV香檳 750毫升。
(戴返頭盔先，以上禮品先到先得。）
飲啦！
