［大師冇點你］Facebook業績勁爆，早就話咗廣告加價。定你真係信人人杯葛霸權玩完？之後先在呢度寫長文自high，暫時寫短嘅。
TLDR：年頭推到而家，4月頭已經話你知廣告係咁加緊價啦。有Patreon文為證。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
1. Patreon就上星期寫咗preview，今晚再寫review，問心講，好少見出面有人會咁做。或者啲友根本唔識做（我假假地都CFA，Head of Research）。當然你要畀幾個冧把嘅都得，我都畀，問題係你唔了解間公司，畀你賺到錢都渣唔長，亦唔敢買得大。
2. 再早少少，月頭已經講，Facebook業績絶對值得期待。冇錯股價之爭吽咗好耐—但咁先係好事！除非你買齊晒貨升多一個開就退休，否則的話，點會想股價咁快升？
3. 月頭寫過，我有睇其他網track嘅data（我識得揀嘢睇亦係好重要嘅能力，加上仲要我肯畀錢，你訂我Patreon變相我代你畀埋），根本Facebook啲廣告就加緊價，加得好勁下。
4. 更重要係，本人都係客仔嘛，我都落廣告，自然知佢有冇加價。咁其實做開Digital marketing嘅都可能會知（但小心，唔同區域廣告費當然唔同，塞拉利昂啲友唔會一千蚊打次邊爐啦下），但，又未必喪到 if you can’t beat them, join them（＊）。
5. 杯葛？哦。事實有幾多人真係唔用？咁總有啲，而公司今次嘅active user都略為低於預期。但最重要係乜？係客戶肯落廣告，咁不停加價咪話你知到底啲客肯唔肯落，你當人地大公司傻的？當然why not both 更好，最好客量又勁 收入又勁，但兩者揀其一嘅，洗太平地後，廣告商咪返嚟（Twitter都係類似嘅情況，冇咗某招牌用家同佢啲忠粉，但廣告呀股價反而更好）
6. 再加埋早少少，SNAP（簡稱Snapchat）（＊＊）出業績—本人唔用，亦唔知點解啲人用，但世界唔係圍住你轉，大把人鍾意食垃圾，亦大把人覺得你食嘅係垃圾。講返，Snapchat個業績，又係勁到不得了，而當然佢本質係間廣告公司（崩潰未？但根本Google都係一間廣告公司）。亦因為佢多數係成堆tech之中最早出業績，所以我都望實。
7. Digital ad嘅嘢，暫時都仲係殺緊舊媒體（到尾聲啦？），同埋創造緊啲新行銷方法。我意思係，基本上係個餅越嚟越大，一間好就間間好，Snapchat好就梗係Google都好（係喎，早兩晚又歷史新高了，都話係廣告公司，八成都係廣告收入，而且YouTube只係佔極少，又崩潰未？），然後到Pinterest都好（同上，冇玩，但唔好只係自己玩嘅嘢先留意，正如我都留意好多女嘅ig），Facebook仲有走雞？
8. 講乜都假，啲讀者就真係贏錢的。咁當然有時都會輸錢啦，但，夠補返有突啦。推嗰時（即係話你知Facebook廣告狂加價時）係300蚊樓下。你買一股，只係呢隻賺到嘅都夠你畀成年年費啦（況且，300蚊美金一股，你唔係買一股下話）
9. 我知，月尾嘛，但唔使等下個月訂。即日起訂嘅，今個月（4月）月費全數回2贈，差不多個個月月尾我都搞呢啲架啦。我又有心信你睇完實會續落去咯。當然都講明，梗係要你5月都仲訂緊（即係收咗兩次錢—4月尾同5月1）我先退畀你啦。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
（＊）呢個都幾緊要，正如有次有個讀者（本人絶對保護讀者私隱的），政治人物嚟的，好早高調反地產霸權，但我都係叫佢買領展同長實。正如煙民應該買Alria/Philip Morris。當然呢個hedge嘅 delta點計我都唔知。
（＊＊）係喎，簡稱長過全名，點丫。我鍾意。大把公司啲散工年資長過正職，temp做得耐過perm，正如我聽過有啲SP（科學園啩？）長情到人地離咗婚再結都仲last到。咁真係叫Snapchat好聽啲嘛
