關於 sparkling cakery ，我們在網路上蒐集到這些相關的討論、資訊與評價

好多人都DM問我今年個生日蛋糕邊度訂🥰，其實一樣係 Sparkling Cakery 度訂，我好似已經幫襯佢地第六次，每次都更靚同有驚喜，今次個城堡主題真係好靚🤤，日頭睇本身已經好靚，夜晚睇原來仲靚呀，著咗水晶球嘅燈真係好靚🥰，同埋連入面個蛋糕都係好食架，今次我地揀咗朱古力味，個個都話好食😳！

雖然每次自訂蛋糕的確係有啲貴，但今次見到水晶球上面嘅皇冠係可以拆出黎畀貝貝戴返，水晶球、燈同埋Elsa又係真公仔可以拆返出黎玩或裝飾☺️，Olaf係翻糖公仔黎嘅，但太靚又太真所以我都另外拆咗出黎，自己搵個玻璃樽裝住，又可以keep幾年，所以我覺得今年呢個蛋糕係值嘅⋯最緊要貝貝開心🥰！

仲有無人記得初初貝貝係話要白雪公主蛋糕，但搞搞下佢又話要Elsa，話最想都係要Elsa，所以最後都係整咗Elsa主題🤪，連條裙我都覺得好靚，Elsa得黎唔會好公主feel，仲啱啱好天氣夠涼啱著，開頭我仲好擔心佢喺屋企著會太熱，點知真係啱啱好，依家諗返起每年12月5都係異常地凍！

不過我希望下年可以用返個正常啲嘅主題，最好佢唔好再鐘意公主😂，我想走返個森林系主題嘅生日！🍄☘️

——————————————
FB: 貝貝Alice-小寶貝夢遊日記
IG:bowl_lam
記得讚好我地 Page 之餘，仲要 Set 做搶先看呀～
#貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #elsa生日會 #3歲生日

【一歲生日會之鳴謝Vendor篇】

Wilma的一歲生日會順利完成了，今次邀請嘅都係佢嘅至親、契爸媽同常見好友，大概就係二十人。

🌈場地 - Patirumu趴地館
由一開始Wilma媽已經打算好租用Party room加到會，問題係坊間Party room極多，我打擾咗5、6間問價錢後，衡量過以下因素，就揀咗趴地館作為Wilma一歲生日會嘅場地，亦係溫提大家選擇場地時嘅考慮。

🌟設施要多元
Party Room入面有好多嘢玩，遊戲機 🎮、飛標等等係大人玩嘅，如果淨係得呢啲，有小朋友出席就未必合適，而且太細嘅小朋友好難坐定定幾個鐘，所以有一個小朋友專用area係好必須。
相反，雖然話係小朋友生日，但因為佢未返學未有同學，嚟嘅好多都係大人，如果場地只得小朋友玩具，亦令大人冷場呢～

趴地館有Party Room罕見嘅籃球機 🏀、氣墊球、桌球 🎱、街機，亦有大路嘅唱K設備 🎤、board game等，大人唔怕悶親！

最有趣係佢哋場地間咗600呎做小朋友房，有吹氣城堡 🎪、小波波池 🤹🏻‍♀️、木屋，小朋友唔捨得走 😎

❌壞消息係佢哋就快搬新場地，希望佢哋會帶埋設施ssss走啦 😭 ❌

🌟地點要方便
有好多偏遠地區嘅Party Room可能租金平啲，所以做到又大又靚，媽咪們一睇見靚相就即刻心心眼 😍 😍。
但其實大家都要考慮，到時需要運送物資（蛋糕、佈置）、老人家出入、離開時嘅帶一大堆禮物玩具走，如果Party Room地址唔近鐵路 🚇，或者該區交通太繁忙難上落車 🚙，都會發現超唔方便呢！

🌟價錢
Wilma媽著重場地佈置🎈、蛋糕🎂等，必須預留＄＄喺呢啲地方，所以場地方面都想平得就平。趴地館收費算係好抵，仲包紙包飲品汽水任飲。以下係收費詳情：
星期一至四 每位$105 3小時
星期五至日 公眾假期及假期前夕 每位$120 3小時
小童1歲以下 不收費
小童1-10歲 半價
加鐘一至四每位每小時$35 (需要視乎booking)
五至日 公眾假期每位每小時$40 (需要視乎booking)
❗️成人8位以上可包場

🌈到會 - 到會。家
到會食物唔係Wilma媽好重視嘅地方（對唔住各位賓客哈哈哈），因為眼見通常大家都係掛住傾計同玩？今次揀到會，我只考慮到以下兩點嘅評價～

🌟食物選擇
每個人食嘢口味不一，總會有人唔食菜、有人唔食牛🐮、有人唔食生嘢🍣、有人唔食煎炸嘢等等。到會家有超過40種到會食物，沙律🥗、炸物🍤、飯意粉🍝，通通都可以自選，實唔怕客人冇嘢啱食啦！

🌟份量
到會家嘅套餐係以份數作價錢，Wilma媽揀咗22-24位餐，就可以喺餐單上選24份。因為預多咗人數，到最後少咗幾位，確實食剩好多嘢，所以建議大家都唔使特登預多人數份量，以免做大嘥鬼呀！😫

🌟準時
Book Party Room都係得3個鐘🕘，計埋切蛋糕、玩等等嘅時間，如果送食物仲要遲就大件事喇！😨慶幸送貨叔叔真係好準時，送到嚟食物仲係好熱，所以呢點係滿分嘅～👍🏻

🌈蛋糕甜品 – Sparkling Cakery
獨角獸🦄係Wilma生日會主題。事前Wilma媽睇咗好多個獨角獸蛋糕，呢間係最鍾意嘅款式之一呢～　
而且佢哋嘅Cupcake同Cookie都好靚，我就交俾佢咃自由發揮喇，效果同收費亦相當滿意呢。💯
值得加許係，Wilma媽近年訂過唔少呢類外型好靚嘅甜品，通常都好睇唔好食，結果呢間係好睇又好味，有驚喜到呢❤

🌈攝影佈置 – 攞景．贈慶 Rolling Events & Celebrations
今次除咗獨角獸Banner（RMB89.90）係Wilma媽手快快自己淘之外，其他都交哂俾攞景贈慶，而我就專注照顧客人同睇住Ｗilma👀

負責佈置嘅姐姐，事前已經準備好哂我要嘅蛋糕檯材料，包括桌紗、檯布、甜品架等等，完成咗媽媽俾寶貝嘅Dream Birthday Party Table Set！🎀
攝影師哥哥除咗會double check係咪所有人都已經同生日寶寶影哂相之外，仲有提醒Ｗilma媽準備同女女切蛋糕～📸

而最好嘅地方係，影相期間，佈置姐姐都努力引Ｗilma笑，所以都成功影到好多張呢個唔笑寶寶嘅大笑相😄，媽媽表示被芊芊笑容溶化了☃️
生日會有攝影師同佈置，媽媽就可以唔使左煩右忙，仲可以留低好多開心嘅畫面，佢哋新開張價格相宜，聽講下個月仲會有新一輪優惠，詳情大家可以聯絡佢哋～📞

獨角獸Banner淘寶Link👇🏻
https://item.taobao.com/item.htm…

💁🏻‍♀️多謝各單位成就咗芊芊完美一歲生日會，亦多謝親朋好友出席，下年同樣時間再見喇～💋

貝爸的生日蛋糕「今年的最佳禮物就是貝貝」
自貝貝出世後 我地嘅人生就此改變 所有野都只係顧著貝貝 佢就受盡皇帝式享受 要奶時有奶 悶時要陪玩陪笑 喊時要抱抱 瞓時要曖瞓
所以喺我地心目中佢根本就係個boss bb 所以蛋糕上面佢個樣帶點囂張及邪惡 一手揸住佢最鐘意嘅奶奶 另一手掐住佢最心愛嘅兔仔 穿上媽咪最鐘意佢著嘅裙仔同signature蝴蝶 寫上to prince daddy
話雖貝貝係佢嘅最佳禮物 但貝貝其實是來向貝爸攞債似的🤣 無計 前世情人呀嗎🤷🏻‍♀️
Sparkling Cakery 仲好細心偷偷將同一個蝴蝶放返落個禮物盒到整畀貝爸 好有心思😍 因為幾年前我向佢地學整過一個蛋糕送俾貝爸昤係用過禮物盒上的同色蝴蝶款
#連侍應都閱讀到蛋糕嘅意思但係貝爸一收到係睇唔明
#餐廳裡面個個都以為係貝貝生日
#每次個蛋糕都靚到唔捨得切
#酒鍋 #SparklingCakery #第189天 #貝爸爸的生日蛋糕