關於 tvb財技 ，我們在網路上蒐集到這些相關的討論、資訊與評價

BossMind x 千頌C 專欄

早晨，晨早流流有文，好明顯係因為噚晚寫時已夜深。好啦，今朝同大家講TVB（511）份半年業績，又搵吓啲得意小觀察。

1：循例睇bottom line，半年講緊蝕2.8億元，其實好咗架啦，上年同期係蝕2.9億，相差只係954.2萬元。假如上年沒有政府「保就業」筆錢呢？其實係蝕少咗4300萬元，條大數係好咗…少少。睇Top Line，半年12.48億收入，都比上年同期多咗，多咗2195萬。

2：我都明，大家都會好關心TVB有冇廣告，業績其中一句，係好正能量：「香港電視廣播的廣告收入由3.5億元增加31%至4.6億元，增幅令人鼓舞。」不過，睇業績來講，想知一間公司係咪真係做得好，永遠都要睇埋行家條數。沒有比較就沒有傷害，電盈（008）旗下免費電視Viu，半年做2.56億元生意，其中廣告收入1.88億元，比上年同期多咗66％，仲鼓舞。

3：正所謂無記正能量，業績話收視「遙遙領先所有其他本地免費電視營運商。」仲話「無綫電視在業界保持強勢領導地位，在年輕觀眾群及高收入觀眾群中佔據的觀眾份額分別達到85%及88%。」年輕觀眾群？真？不過當我諗到，後生仔傾吓偈嘅後生仔都年過40，我又好似明白了甚麼。

4：繼續無記正能量，通告指，「為加強綜藝節目製作實力，本集團委任娛樂界兩位著名資深演藝人曾志偉及王祖藍加入高級管理層，兩人於香港及中國內地的內容創作及直播帶貨方面均具有豐富經驗，且於娛樂界擁有廣闊的人脈資源。」其實想講好耐，佢兩位空降入去後，頭炮個節目名叫《開心大綜藝》，個名，好老尷。

5：有一點係，TVB 其中一個強項－－中港合拍劇又點呢？期內來自聯合製作劇集項目之收入減少，導致聯合製作收入由1.4億元減至9100萬元。呢度減啲，嗰度又減啲，上半年來自中國內地業務的總收入由3.56億減至2.98億元。

6：TVB 上星期公佈「食士多神Deal」，就知佢好著緊Big Big Shop。咁就當然，因為期內大台網及電子商貿的收入，減15%至5200萬元；按年少賺41％至得返1800萬。想知到底有幾多人幫襯，就要睇商品交易總值，條數係按年增加10%至6200萬元，訂單數目98,700，平均訂單值約627元。沒有二次比較就沒有二次傷害，hktvmall 今年6月條數，以日計算，平均每日訂單已經有36,500單，平均每日訂單總商品交易額1,640萬元，成個6月訂單總商品交易額4.93億元。

7：TVB 條數，就大約係咁上下。不過重中之重係，大家唔好忘記「食士多神Deal」條款，如果成功交易，交易代價用2億，但只有7000萬係俾cash，另外仲有1.3億找數方法係，派啲藝人去幫士多賣廣告，當係廣告費填咗條數佢。如果take 埋注資option，total 就要喺士多收「收返」2.3億廣告費。

留意返，雖然2.3億唔會100%同一次過入帳，但純for 比較用，TVB半年廣告收入，只係4.6億。

8：結論係，TVB財技，好過好多藝人嘅演技。冇咩事，我返去睇Viu。

by千頌C
http://fb.com/winbigwok

最後，記得follow 晒我哋呀
▴ Facebook
http://fb.com/bossmindmedia
▴Instagram
https://www.instagram.com/bossmindmedia/
▴Youtube
https://www.youtube.com/channel/UC4VI_WmdfVMTkT4vKCiZA4A

#BossMind #港股 #tvb #ztore #地產 #財經 #熊市 #財務自由 #投資 #牛市

TVB換人，召曾志偉王祖藍回巢救亡。雖然Never say never，問題唔單止係人既問題，而係TVB過去陷入無限輪迴死亡的狀況。下面張相，可以解釋一切。

有返咁上下股齡的朋友，對東方魅力不會陌生。1997年，曾志偉與阿叻、譚詠麟合組東方魅力，大搞主題餐廳，一場金融風暴令餐廳業務大受影響，公司命不該絕，99年獲「殼王」陳國強注資「死唔去」，並在其協助下借殼上市，由譚詠麟任主席，曾志偉及阿叻出任副主席。

東方魅力千禧年分拆東魅網在創業板上市，三人當時套現4,600萬元，賬面身家暴升至1.5億元，同年更與中策以1.5億元購入《成報》。東方魅力上市後三年內，狂蝕12億元，最終 2003年賣盤予覃輝經營的星美（198）。

及後的故事，大家會較有印象。殼王2011年牽頭的財團，入主TVB，然後是大台沒落的開始，不思進取，經營不善，更大搞財技，
2018年認購星美6.5億港元的可換股債券，4個月後覃輝旗下涉財務造假，星美清盤，TVB將星美債券賬面值撇減至零，即係total loss。

財金圈子你以為好大，其實來來去去都是同一班莊家、中間人及財技份子。失敗一次，就會用其他方式包裝，然後套用在另一間公司，無限輪迴、亦無限復活又玩過，最終損失的，不是他們，而是股價暴瀉、甚至停牌清盤的小股東。

TVB股價自2013年高位39元，累跌八成至今日收報7.9元，市值不足35億元。仆你個街，TVB嚟嘅喂！

［我挺王維基！］嗚丫！上次見到偶像 都差不多廿年了！（其實灣仔地鐵站都見過，有傾幾句，但唔同啦）

明報專欄，link在此：　https://bit.ly/39zmLmo。

下面都貼埋成篇，反正明報都免費擺上網，又已經星期二，冇乜所謂。

都係近排寫嘅東西，炒埋一碟。首先好快寫咗幾間電視台業績．NOW同VIU一早寫過（https://bit.ly/2wASZQN），電盈（8）相當賺錢嘅電訊業務養住（主要係香港電訊（6823）），其實兩檔嘢應該蝕成廿億一年。有線（1097）更加係隨時熄燈，再唔撲水好快死（https://bit.ly/2RckabJ）。TVB喎，其實寫咗，24小時內會出。講到尾，做電視死路一條。但當然過癮，否則唔會咁多人爭住做

然後主要講王維基嘅嘢，讀者都不陌生（https://bit.ly/2UcYbDo）。都係嗰句，執返身彩，焉知非福。此路不通，與其自怨自艾講咩唔公平有人針對佢（王維基夠資格講啦！），不如諗第條路，再找一片天。路唔變咪人變，改變唔到個環境咪改變你自己，改變唔到你自己咪改變你個心態。

王維基，真係香港Richard Branson，當之無愧，勁在可以連環創業，唔係做死一行，天才就係天才，玩乜都勁。顛覆龍頭改寫規則，挑戰巨人。

之前出咗業績股價大跌，又講蝕錢之類，是多餘的。股票炒前景嘛，況且舊年同今年對　HKTVmall 已經係兩個世界，之前狂升六日，少少profit taking 啫。果然今日又逆市再升過。嚟緊戲肉始終係月頭（即係過幾日）出3月數據。吾友覺得已反映在股價，我就覺得未必。只係要一個momentum，2月頭都可以炒到上7蚊，而家點會唔值？

至於配股云云，咪《大時代》，股市原本意義係乜先？咪就係集資。唔畀集資嘅股市用嚟做乜？股價炒咗上嚟，生意又好，但又要擴充，唔配股集資先對唔住股東。一句到尾，呢個配股，你覺得係create value定destroy value丫。唔好見配股就發撚神經話人賤先得架。同一件事，咩人做，咩公司做，就兩回事。李嘉誠除衫同李嘉欣除衫都兩回事啦。

---------------------

李聲揚：王維基電視夢碎 焉知非福

【明報專訊】早前看到，英國富時100指數，今年唯一一隻上升的股份是Ocado，是網上超市。美股的Blue Apron（APRN）更是有趣，上市3年不夠，股價150元跌至2元，但3月則一度升10倍（現在仍升5倍）。公司業務是送餐，但不是送外賣，是運送食材調味料，讓你在家自行煮飯仔。

想說的是，留意香港電視（1137）。小弟大學年代已視王維基為偶像，非關政治，是因為他的商人本色。小弟畢業後甚至到王維基公司應徵，結果不被取錄，但能和偶像本尊見面已很滿足，年少多好。王維基是創業家，香港的Richard Branson，曾從事不同生意（補習社、教科書、長途電話、寬頻上網），相信並非死牛一面頸，誓要追夢做電視大亨。小弟猜測，對王維基來說，最緊要是「過癮」，顛覆龍頭，改寫規則。但時也命也，電視夢受挫，王維基果斷斬纜（他也沒有得選擇），與其自怨自艾，不如再找一片天，轉做網購。王維基電視夢碎，可能是執番身彩。看看現在香港的電視媒體，全在苦苦掙扎。固然王維基不止為錢，但相信在泥沼中摔角也不會太過癮。

電盈有賺錢電訊業務支持 補貼電視虧蝕

先看電盈（0008）旗下的電視業務。簡單來說，是艱苦經營。Now收費電視，以及免費電視Viu有披露關鍵數字。Now的2019年EBITDA（利息稅項折舊攤銷前利潤）有4億多，但和集團的130億EBITDA（差不多全來自香港電訊（6823））相比是微不足道。Viu則是負數EBITDA，3億不算多，按年收窄，說有一天變成正數不是癡人說夢。但留意這些還未計及戲肉的利息折舊等等，粗略估計，兩項電視業務淨虧損大約是20億元。電盈的「大數」純利才7億元左右，可見兩項電視業務拖累不少。當然做生意不能如此拆開一件件看，要看整個佈局，但肯定的是李先生搞電視業務，目的不是賺最多的錢。

有線負債大增 料短期要集資

我們再看看有線（1097）的慘况。有線嘛，2019年蝕了約4億，較之前一年收窄，值得恭喜。上下半年各蝕約2億，未有急速惡化。留意的是公司電訊業務（主要是「飲譽國際」的上網及電話服務）EBITDA是正數，至少在EBITDA上是補貼了電視業務。蝕錢不是最大鑊，問題是你蝕不蝕得起？電盈有相當賺錢的電訊業務撐着，有線則沒有如此幸福。蝕4億看似不多，但公司帳面值跌至約6.5億，而負債也大增。公司已是危在旦夕，相信短期內又要集資。小弟由開台支持至今，可算是忠心耿耿，早前已續了兩年合約，希望不會成為「苦主」。

爛船有三斤釘 TVB靠祖蔭食老本

至於最多人關心的大台，TVB電視廣播（0511），可以說是爛船有三斤釘，長遠前景可能暗淡，但短期生存不成問題。公司去年也蝕約3億，但底子比起有線厚很多，祖先剩下不少，夠慢慢吃。公司的帳面值是55億，虧損幾億真的濕碎。况且，去年的虧損，主要來自星美債券減值，公司「核心業務」算是打和，而星美債券已減值至零，明顯地公司採用「Kitchen Sinking」策略，壞消息一次爆，打後可以輕裝上路。但當然，公司的「核心業務」其實也面對不少問題，若看「核心EBITDA」，下半年急速倒退，明顯和經濟轉差，以及社會運動有關。即使今年不再有債券減值，業績仍是不太樂觀。但還是那句，祖先生性打下江山，生生性性做好本業，生存數年應該不成問題，也暫時不用着急集資。

以上種種慘况，只是2019年，而今年經濟勢必較往年差，廣告客戶必然更手緊。眾多運育盛事延期，對電視台來說更是雪上加霜。

說回香港電視，業績後股價太插，小弟甚至懶得去看。股票是炒前景，何况對公司來說，去年和今年已是兩個世界。股價之前已連升多天，與其說業績令人失望，小弟認為是獲利盤居多。

至於批評公司在高位集資，更是奇怪，有時小弟十分懷疑香港是否適合營商？敢問大家，股市原意為何？看過神劇《大時代》就知，是讓企業集資，至於你們日炒夜炒，是副作用。公司股價炒高了，生意又愈做愈大，應接不暇，此時不集資，更待何時？難道等股價低位時才大折讓供股，或者平價引入新股東？香港電視集資的時機，可算是一流，剛好在股市大跌前完成。當然王維基謙稱自己不懂財技，大家可以自行判斷。

短炒香港電視 料3月份營運數據亮麗
此時仍討論香港電視去年業績，是浪費時間。公司每月公布的營運數據才是重點。3月份的數據，將會在4月頭公布，相信3月數據定會相當亮麗。現價值得留意。

最後補充一句：公司以往是3個月才公布一次營運數據，現在是一個月一次。你說王維基懂不懂財技呢？視乎如何定義「財技」，但識玩當然是咁玩。

殼股×財技專家 渾水 今集又談傳媒，但焦點是 #電視！由近月爆紅的網劇談起，看電視業發展及昔日飲恨無緣搞電視的 #王維基。
.
P.S.開始前先答觀眾問 #瑞金 246停牌事件，會否回水？
.
#踢爆金魚缸
______________
【天裕財經頻道】一站式財智創富資訊平台！
YouTube：www.youtube.com/SkyFinanceChannel
Facebook：www.fb.com/skyfinancechannel
Website：www.skyfinance.hk
IG：sky.finance

殼股×財技專家 渾水 今集談早前 #TVB 同 #證監會 就清洗豁免案打官司，結果大台勝訴，究竟箇中脈絡如何？對金融證券界有何影響？請去片足本評論～
.
#踢爆金魚缸
______________
【天裕財經頻道】一站式財智創富資訊平台！
YouTube：www.youtube.com/SkyFinanceChannel
Facebook：www.fb.com/skyfinancechannel
Website：www.skyfinance.hk
IG：sky.finance

殼股×財技專家 渾水今集講大台 #TVB 同 #證監會 就回購股份清洗豁免一事打官司！從財務操作上入手，道理何在？馬上去片足本評論～
.
#TVB財技
#金融會客室
______________
【天裕財經頻道】一站式財智創富資訊平台！
YouTube：www.youtube.com/SkyFinanceChannel
Facebook：www.fb.com/skyfinancechannel
Website：www.skyfinance.hk
IG：sky.finance