#SharedomoSkincare #SharedomoEmpties
繼續清之前影落嘅empties post，今次比較多試用產品，不過都係有個句講個句。
.
//自購// BATH AND BODY WORKS Scented Candle #FreshCotton
呢個其實我未完全燒晒就頂唔順，就咁聞佢係好清嘅洗衣粉味，但係點耐少少就會好濃，聞得耐會有啲頭痛，所以點唔晒都拜拜了。
.
//試用// THE INKEY LIST Polyglutamic Acid
好大陣酒精味，唔易吸收，成份dimethicone排得幾前，我唔中意，亦唔推薦。
.
//試用// NOVEXPERT Booster Serum with Hyaluronic Acid
之前好乾個幾日開黎用真係好補濕，但天氣暖返啲再用會覺得有啲黏笠同難吸收，我諗真係要乾肌加冬天先會啱用，留意返佢有浸好勁嘅香料味，應該唔係人人都接受到。😹
.
//試用// OMOROVICZA Rejuvenating Night Cream
好潤嘅晚霜，用少少就夠查全面，幾好用，但係除左滋潤皮膚之外睇唔到有其他功效。
.
//自購// OLAPLEX No5 Bond Maintenance Conditioner
好用！用完頭髮好順滑唔會打kick，同埋用完唔係好重矽好假滑個種，係真心覺得滋潤左嘅感覺。唯一缺點係價錢比較貴，不過可能因為我髮量偏少，所以用量都比較少，呢支細size我日日洗頭都用到兩個月。
.
//試用// GROW GORGEOUS Back Into the Roots 10-minutes Stimulating Scalp Masque
睇佢嘅說明類似係頭皮嘅deep clean，作用係激活頭髮生長，洗完頭皮涼涼地幾舒服，但用哂呢一支細size都唔係好覺有咩效果😹
.
//自購// PRIMERA Organience Cure Eye Cream
主要賣點係敏感皮膚同埋孕婦都可以用，滋潤效果OK，唔會有擦膠碎，無其他功效，overall無咩特別，暫時唔會回購。
.
//試用// FILORGA Sleep and Peel Resurfacing Night Cream
好用！易吸收唔會太笠，有少少滋潤效果。佢係酸性產品黎，有去角質嘅功效，keep住用個排皮膚滑啲有光澤啲。
.
//試用// NOVEXPERT Lip Volumizing Care
好潤好潤嘅唇部精華，雖然有啲厚身同埋笠，但我自己幾中意，冬天用佢都keep住無爆拆無敏感。不過佢有少少顏色嘅，唔適合夜晚搽，同埋有啲薄荷味唔係個個都鍾意。
.
//試用// OMOROVICZA Queen of Hungary Mist
已經係我第二枝定第三支空瓶，每次用都要讚嘆佢個噴嘴好高級，噴出嚟啲product好似霧咁細緻，好舒服兼且絕對唔會整花個妝，保濕效果都好好！
.
.
//所有試用產品皆為無酬分享,並無任何發文限制//
#hkreview #hkbeautyreview #hkbeautyshare #用後感 #美容分享 #化妝品分享 #護膚品分享 #instamakeup #bblogger #makeuphk #hkig #popdaily #populzzang #voguebeauty #presslogicbeauty #makeupreview
