Search
早前 Samsung Galaxy S10 同埋 Note10 系列嘅手機，都收到咗官方嘅 Android 10 升級推送，相信唔少用緊呢兩個系列手機嘅朋友都有做呢個升級。雖然今次升級之後無特別嘅問題，但係部份網友，包括我自己部 S10+，升級之後都無咗 VoLTE 同埋 VoWIFI 兩個功能。雖然唔影響正常嘅打出打入，但係每次有人打嚟，個電話就落咗 3G 都幾掃興！今日 《Z世代達人》麥卓華 就同大家一齊無痛修復 VoLTE 同埋 VoWIFI 喇！
#Z世代達人 #麥卓華 Alfred Mak
#Samsung #GalaxyS10 #GalaxyNote10 #GalaxyS10Plus #GalaxyNote10Plus
#VoLTE #VoWifi #無痛修復
早前 Samsung Galaxy S10 同埋 Note10 系列嘅手機，都收到咗官方嘅 Android 10 升級推送，相信唔少用緊呢兩個系列手機嘅朋友都有做呢個升級。雖然今次升級之後無特別嘅問題，但係部份網友，包括我自己部 S10+，升級之後都無咗 VoLTE 同埋 VoWIFI 兩個功能。雖然唔影響正常嘅打出打入，但係每次有人打嚟，個電話就落咗 3G 都幾掃興！今日 《Z世代達人》麥卓華 就同大家一齊無痛修復 VoLTE 同埋 VoWIFI 喇！
#Z世代達人 #麥卓華 Alfred Mak
#Samsung #GalaxyS10 #GalaxyNote10 #GalaxyS10Plus #GalaxyNote10Plus
#VoLTE #VoWifi #無痛修復
ROG Phone 用戶們可以看看有沒有收到系統更新，這次改善了先前藍牙耳機通話斷話、偶發系統當機等問題，另外也開啟台灣大哥大 VoWiFi 功能囉！
今天的教學就是教大家強制打開小米手機的 Wifi 通話功能
redmi9 紅米9 以超高性價比HK$999開賣，呢部有四鏡頭、NFC同真三卡嘅人門機性能又係點呢？今日就同大家睇下！2020新機 redmi9 開箱評測 萬能遙控 xiaomi redmi9 紅米2020新機 redmi 9 review 開箱文 Google Pay
打開機盒之後，除咗手機本身之外，盒入面亦包咗手機軟膠殻、Sim卡針、2A充電插頭同埋一條大USB頭去TypeC頭嘅充電傳輸線。搣開手機保護貼，睇睇個真身先。我就揀咗「晚霞紫」色，睇落外觀唔錯，手機頂部係紅外線收發位，手機嘅右側就係音量同開關掣，底部就有3.5mm耳機插頭同埋USB-C插頭。以入門機嚟講，規格算係OK有突。
redmi9 紅米9 手機正面嘅6.53寸水滴全屏幕效果可以接受，機背亦都用上咗4攝AI鏡頭技術，分別係1300萬像素嘅主攝廣角、800萬像素嘅超廣角、500萬像素嘅微距同埋200萬像素嘅景深鏡頭，陣間再同大家測試拍攝出嚟嘅效果。
Sim卡位喺手機嘅左面，Redmi9 採用咗真3卡設計，同時支擾2張Nano-SIM卡同埋1張MicroSD記憶卡，補番得32GB內存空間嘅不足。支援雙4G同雙VOLTE功能，收發電話唔需要跌番來3G。不過以手上嘅版本來睇，暫時就唔支援VoWiFi功能。
等我爆咗部機試下先！爆完，試下用瀏覽器上一般嘅網頁。可能係啱啱爆完機，又或者背景有嘢做緊，開瀏覽器嘅時候唔太順，反應慢咗少少。不過呢個情況過咗一陣就冇喇，Click落Link以至睇網頁入面嘅片都算順暢。
試埋要求資源較大、有走馬燈嘅新聞直播先！之前試入門機，呢個位都唔太順，不過Redmi 9 紅米9 嘅表現就無問題，睇咗2分鐘有多，中間無疾或者停過，收貨！
小米亦都喺紅米9 Redmi9 加入分屏功能，咁就試下啦！只要喺開咗嘅程式介面長撳住其中一個App，就會出現多個選項，揀番分屏，呢個App就會去咗畫面嘅上面。再喺下面開另一個App，就可以同時操作兩個程式，唔洗撳來撳去！上面一路播緊Video，下面睇Email，Redmi 9 嘅表現一樣流暢，抵讚啦！
頭先講過，Xiaomi Redmi 9 配置四攝鏡頭模組，影相出來嘅效果又係點呢？ 首先睇吓幾張日常嘅風景相，問題絕對唔大，色準同對焦都無問題，放大睇下啲細節位！雖然細節位唔算Sharp，不過唔洗1000蚊嘅四攝入門機，都應該唔會有太高要求！俾大家睇埋微距同景深嘅表現！ 好喇，再睇埋夜景！
總括來講，四個鏡頭表現中規中矩，但係加埋價錢呢個因素，三個字，無得輸！
呢部入門機亦罕有支援NFC、即係可以用到八達通App查數加增值，亦都支援Google Pay。 試下加張TapNGO 落Google Pay去便利店買嘢先！ （出 Approved Screen就去下個畫面）
小米系列嘅手機近年都有部份配置咗紅外線傳輸功能，Redmi 9 就係其中一部。手機內置咗呢個「萬用遙控」嘅功能，入面收藏咗多款唔同電器嘅資料，可以幫你配對，將電話當遙控用。你亦可以去Play Store下載其他有學習功能嘅遙控App，以後搵唔到遙控都唔緊要啦！
呢部機內置咗5020mAh嘅電量，唔只夠自己用，用USB-C線仲可以幫其他裝置充電，當埋後備電用都唔錯呀！
#redmi9 #紅米9 #Z世代達人
三星 Samsung 承接住 A 系列推出以嚟空前嘅成功，2020 年初就推出咗全新嘅中價機 Samsung Galaxy A51 手機，以高性價比、四攝鏡為賣點，今日就同大家睇吓！
首先開箱睇吓入面嘅配置先。除咗 A51 主機之外，亦都包括左咗一個支援快充嘅充電器、USB Type-C 嘅充電線、同埋 3.5mm 嘅耳機。我呢部官方稱為「稜鏡籃」顏色嘅機背，雖然唔屬於金屬，不過加咗花紋嘅設計成功「去」咗陣膠味，睇落感覺唔錯。屏幕係 6.5 寸嘅 super AMOLED Infinity-O 開孔屏，顏色鮮艷，睇落仲有啲似同品牌嘅 Note 10 系列手機。Galaxy A51 保留咗 3.5mm 嘅耳機插孔，Sim 卡槽就係 2 Sim + 1 卡嘅真 3 卡設，又要玩雙卡，又要插外置儲存嘅朋友仔就啱晒喇。
而呢部機亦都配備 USB Type-C 嘅插位，支援 15W 嘅有線充電。
等我爆咗部機，再試下入面啲嘅功能先。爆完機睇到，部機嘅 Android 版本已經更新到最新嘅 Android 10，支援 VoLTE 功能，不過睇嚟就唔支援 VoWiFi 喇，呢機同部份三星嘅手機一樣，支援 Wi-Fi 分享功能，即係你就算駁住 Wi-Fi，都可以透過 Wi-Fi 分享功能分享比其他用戶，而唔使使用流動數據。
手機後面嘅鏡頭排位都拍得住艦手機，Galaxy A51 用上咗 4 個後置嘅主攝鏡頭，分別係 4800 萬像素嘅自動對焦連大光圈嘅主攝鏡、1200 萬像素嘅 123 度超廣角鏡、500 萬像素嘅景深鏡同埋 500 萬像素嘅微距鏡頭，連埋 LED 補光燈，放咗喺手機嘅左上角位置。而前置鏡頭方面，就提升到 3200 萬像素。
等我試吓影相先。影相嘅介面沿用 Samsung 旗艦機嘅設計，不過因為冇光學變焦嘅關係，預設嘅 Zoom 就只有正常嘅 1 倍同埋 0.5 倍超廣角模式，兩個預設變焦互相切換嘅時候就有啲慢。而當你用兩隻手指放大，除咗可以選擇唔同嘅變焦距離之外，其他幾個特定嘅變焦倍數亦都會出現喺左邊嘅選擇，等我影幾張唔同變焦情況下嘅相俾大家睇吓先！
由於呢部機主鏡頭都去到4800萬像素，我隨手離遠影咗個路牌，之後放大張相睇吓，路牌上面嘅字然清晰可見，所以就算冇光學變焦，高解像度其實都幫到唔少忙嘅。
等我試埋個微距鏡頭先，呢個模式要喺「更多」入面先搵到，手機亦都建議要距離影嘅嘢大約 3-5cm，影出嚟嘅效果都算唔錯，顏色同埋細緻度都算合格㗎！
試吓個測速先，我身處喺青馬橋附近，用 Galaxy A51 測到嘅下載速度大約係 15mbps 左右，同一時間等我用我部 S10 試吓先！下載速度快咗大約一倍，相信同內置 4G 嘅晶片唔同有關。
Samsung Galaxy A51 亦都內置咗 NFC 功能，支援 Samsung Pay 同埋 Google Pay，亦都支援 Samsung Pay 入面嘅 Smart Octopus 八達通功能。另外，Galaxy A51 亦都支援光學屏下指紋辨識技術，等我試吓先，速度唔錯，同 S10、Note10 系列嘅超聲波辨識技術嘅體驗亦都相若。
Samsung Galaxy A51 喺香港嘅定價大約 $2798，馬來亞方面就賣緊 RM1300 左右，Mon靚、影相靚、有 NFC 同埋用 USB Type-C 充電，日常一般嘅使用，又或者係你嘅 Second Phone，都絕對適合㗎！
《Z世代達人》
麥卓華
