祝大家中秋節快樂🥰
月餅我就懶得整啦！因為興趣不大又好鬼怕肥😅人哋減緊肥嘛🤪但Tiramisu呢就唔怕整，保證男女老少都啱食😋(我盡量唔食😅)
呢個甜品🍮大大話話都整咗有廿年經驗😎真係瞇埋眼都識得整😅亦可以話係小B廚房嘅開山祖師😋⋯⋯原來小B廚房係做甜品出身㗎😅
為咗切合中秋🥮月餅造型，我特意吸個圓形⭕️出嚟應吓節兼且犧牲一下我減肥嘅quota😅切咗唔通唔食埋佢咩😋
其實Tiramisu都幾適合做賀節糕點吖！每啖充滿咖啡酒香，香濃軟滑，內裡又有蛋糕的口感！保證讓你嘗到幸福香甜的感覺！而且，不用煎煮，從雪櫃取出就食得的飯後甜品。正好跟到訪的親朋好友分享這份幸福甜蜜的滋味⋯⋯
我已經做過無數次Tiramisu，亦試過不同的材料同做法的混合。最後，覺得這款單用咖啡甜酒所做的是最適合自己的，也是我的至愛⋯⋯😘
材料(約做5盒800ml的膠盒)
。Marscarpone Cheese 250g
。Whipping cream 1L
。Lady fingers 手指餅(50條，每盒用10條，兩層)
。Kahlua 咖啡甜酒，適量，約一大碗份量
。沙糖，8至10湯匙(那是一個準則8湯匙是微甜，10湯匙是正常的甜度)
。即溶咖啡粉，1湯匙
。蛋黃，6隻
做法
。Marscarpone cheese 要放室溫下，讓它完全解凍、放暖及放軟！這個是重點☝🏻因為如果舊芝士又凍又硬，加入蛋黃糊去攪就會容易出水及起粒，咁就會失敗㗎啦！相反，這芝士放暖至軟身的話，你一落蛋黃漿去攪拌，不需要幾下就會見到它好快被溶解成幼滑糊狀！
。將即溶咖啡粉放入Kahlua咖啡甜酒中溶解，將手指餅兩面浸泡一下咖啡酒，再放在碟上，讓酒慢慢滲透入餅身，切勿將手指餅浸在酒中太耐，像蜻蜓點水式已足夠！
。接著，將蛋黃加入一半份量的糖，另一半留給打忌廉用。發打蛋黃至淡黃色亦成為滑糊狀即可以停止！
。再將打好的蛋黃糊倒入已放軟至室溫的Marscarpone cheese裡，慢慢順時針攪拌，直至芝士完全溶解也沒有粒狀出現！
。然後就是發打忌廉的步驟，用機發打當然是最好的方法，並加入剩下的糖打至企身！再將之前的芝士蛋糊倒入打好的忌廉中攪勻⋯⋯
。最後以一層芝士忌廉、一層餅的方式去完成入盒，放雪櫃雪過夜最好！食時灑上CoCo powder 唂咕粉即可！
whipping cream 1l 在 安佳鮮奶油1L Anchor UHT Whipping Cream 12*1L 的相關結果
安佳鮮乳脂(鮮奶油)乳香濃郁，不會過於清淡，而被其他食材香氣覆蓋，同時運用在內餡製作，風味加倍、口感更好、用量最省。 打發快、打發量多、打發後質地細緻化口、 ... ... <看更多>