關於 zalora 呃 人 ，我們在網路上蒐集到這些相關的討論、資訊與評價

我相信如果我用呢張相呃人話「我整咗容」，應該會有人信🤔
Photo by CY Yim
Hair by Daniel Lam @ ii hair & nail

#但係見到真人就會穿煲 #zalorastyleawards #zaloraicons ZALORA

準備完聖誕禮物，又到新年禮物啦！
　
之前介紹嘅日本大阪職人工藝手袋品牌 CLEDRAN JAPAN，而家有部份貨喺Zalora，未買新年禮物嘅朋友，埋來睇，埋來揀啦喂。
　
http://www.zalora.com.hk/catalog/?q=Cledran+Bags

《到底女人一世要買幾多手袋先夠？》
　
「N個」，一個手袋就算幾靚，都頂唔到一世，總有 out 嘅一日。睇舊相，永遠都唔明點解以前自己咁柒，點解以前我會電個負離子頭，電到好似陳淨心咁樣？
　
慾望嘅 standard 係一次比一次高。小學我最想要紅色嘅SPI書包，中學我想要個 Laosmiddle，有左 Laosmiddle 想要個 Agnès B，手袋嘅野「沒有最好，只有更好」，所以N個都唔夠。
　
男人數女人買野唔理性，『想要』但『唔需要』都照買，咁你啲高達呢？其實大家都覺得對方『想要』個樣野係無謂嘅，男人覺得個個袋都一樣，女人覺得隻隻高達都兩隻手兩隻腳。咁就唔好阻大家，你有你買高達，我有我買手袋。
　
又如果，高達同手袋「綑綁式銷售」，就皆大歡喜啦。你試下買高達個日，同一時間買個手袋畀你女友，一定無衰。
　
咁買個咩手袋先啱？
手袋就好似後宮佳麗一樣，我每日都想寵幸個新嘅，聖誕送手袋，真係送禮自用皆宜架。
你女友話禮物嘅野，平貴無關係，唔送無所謂。睇完《我的少女時代》你就明，「女生說沒事就是有事、沒關係就是有關係！」。一個dream bag就係細得來裝到多野，靚得來襟興，平得來唔cheap，低調得來出眾，大路得來限量。咁就perfect 池啦。
　
想買高達嘅男人，機會來啦
之前都有介紹過 Soul Sweet 小確幸城市生活，佢地除左大熱嘅自家製Hongkonger系列手袋，最近首度引入日本大阪職人工藝手袋品牌 CLEDRAN JAPAN。手工精緻，個款時尚，每款限量。諗埋禮物畀你地買，係咪貼心先？
　
產品每款數量有限，現於中環 L'Rosace + Tomato Kiss 店獨家發售，地址為中環夏慤道和記大廈112號舖，電話：25268868。
　
PS. 曾經聽朋友講，佢同男友有個協定，由於高達數目太多，佢條仔買一隻新高達，就要掉一隻舊嘅，以維持高達喺一定嘅數目。大家覺得佢男友會唔會準守協定呢？聞說有人租左個迷你倉，定期換返啲高達返屋企，做咁多去呃條女都用心良苦架，喺度祝福佢同佢啲高達一切平安啦。