#2021新機#香港5G
OPPO 即將會喺香港推出 OPPO Reno5 Pro 5G，令人相當期待。呢部機依家就嚟到我手，等我哋一齊做過開箱睇睇！
呢部 Reno5 Pro 5G 機身採用咗 Reno Glow2.0 星鑽工藝技術，機背喺有光折射情況之下，會顯得更靚，配合埋佢嘅 7.6mm 薄機身同 173g 嘅超輕重量，拎上手美觀之餘又輕巧。佢嘅機身上側寫住「DESIGNED FOR RENO」，為手機增加獨特性，而左側就有音量鍵，右側有電源制，下側就有喇叭、Type C 充電口、同一個雙 Sim 卡槽，可以支援 5G + 4G 嘅 Nano Sim。
Reno5 Pro 5G 採用 6.55 吋嘅 FHD+ 曲面開孔螢幕，支援屏下指紋解鎖同臉部辨識，最高可以有 90Hz 嘅更新率，同 180Hz 嘅觸控採樣，佢仲拎埋 Netflix 同 Amazon 嘅高清播放認證，無論睇片、煲劇定打機都可以有順暢同高清嘅體驗。配備方面，佢搭載 MediaTek 天璣 1000+ 處理器，內置 12GB RAM 加 256GB 儲存空間，預載基於 Android11 嘅 ColorOS 11.1。
等我睇下片試下先！畫面喺 90Hz 之下望落十分順暢，色彩都貼近自然。等我哋開埋隻遊戲試下！冇 lag 嘅情況喎。再開多個有多行走馬燈嘅新聞資訊節目先！都無問題！呢部 Reno5 Pro 5G 即使喺三個 app 之間不停切換，都依然十分順暢，認真抵讚！
Reno5 Pro 5G 嘅其中一個賣點就喺佢嘅鏡頭，佢嘅前置鏡頭有 3200 萬像素，而後置四鏡頭就由 6400 萬像素嘅主鏡頭、800 萬像素超廣角鏡頭、200 萬像素微距同黑白鏡頭組成。支援嘅功能效果十分多，例如 AI 錄影增強技術嘅超級動態夜景、Live HDR 錄影、同前後鏡頭雙重錄影等等。
等我哋試下正常影相先！出到嚟相片色彩都自然，無話有太多「味精」，亦都保留到細節位。再試下影夜景！喺開啟夜景模式之下，即使光源比較少，出到嚟嘅效果都唔錯。
睇埋個 RGB 留色錄影！真係玩味十足，啱晒鍾意特別效果嘅人！最後等我哋試埋個防手震拍片功能先！我哋分別睇下有開同冇開嘅分別！好明顯，開咗防手震功能個面影出嚟嘅嘢都比較穩定，方便晒鍾意一邊做運動，一邊拍片，或玩樂期間拍片嘅人。
5G方面，我哋用 speedtest 喺室內嘅情況下，下載速度平均都有超過2百幾Mbps，相當唔錯。
電量方面，Reno5 Pro 5G 有 4350mAh，支援 65W SuperVOOC 2.0 快速充電，只要 30 分鐘左右就已經可以由零差滿電，等用家全日都唔洗煩電量嘅問題。
呢部電話喺香港已經正式上市，12GB Ram + 256GB內置儲存空間，官方建議零售價 HKD$4,799，有 幻彩銀 及 月夜黑 兩款顏色選擇。對於想試下 5G，又對打機睇片甚至影相都有要求嘅人，都係一個唔錯嘅選擇。
coloros評價 在 ColorOS 與Android 有什麼不同嗎?如APP下載? 更新? - Mobile01 的推薦與評價
剛才發現它是寫: ColorOS 6 realme訂製版基於Android P請問有使用過的人，它跟Android 有什麼不同嗎?下載APP 支援的APP 會不會比較少? 如以前的NOKIA. ... <看更多>