關於 hkfoodie_life_澳門 ，我們在網路上蒐集到這些相關的討論、資訊與評價

📍sʜᴀ ᴛɪɴ, ʜᴏɴɢ ᴋᴏɴɢ 🇭🇰
<紐約名貴千層蛋糕 LadyM>
港鐵今朝晨早流流就壞車😩搞到小編心情超差，全日塊面都黑到爆🌚所以小編一放學就決定去買兩件Lady M沖喜下☺️雖然小編平時好鍾意食千層蛋糕😳但今次冇記錯嘅話應該都係第三次食Lady M🤣
Lady M一直被譽為New York最著名、最頂級嘅法式蛋糕品牌😋店舖更加已超過20層薄身班戟製成嘅甜美千層蛋糕備受熱捧☺️所以由2015年進駐香港開始就一直大受港人歡迎🤫
-
🍴海鹽焦糖千層蛋糕
評分：8.5/10
千層蛋糕以朱古力班戟皮同海鹽焦糖忌廉一層一層咁堆砌而成😍海鹽焦糖忌廉加入左有機海鹽去製作，天然既鹹香味同焦糖既甜味配搭出嚟個效果異常地夾😳千層蛋糕表面再塗上焦糖醬同以可可粒做裝飾😋真係幸福感爆燈丫🤗
千層蛋糕味道方面，首先可以食到有淡淡的焦糖味☺️然後就可以食到輕微海鹽嘅鹹香味😚配以千層蛋糕表面嘅焦糖醬，令成件千層蛋糕個焦糖味就更加香同突出😘雖然千層蛋糕加咗焦糖，但其實味道亦都唔會太甜，有少少似拖肥糖嘅味道咁😎而且千層蛋糕表面仲加咗啲可可粒做裝飾，變相亦都令千層蛋糕嘅口感會更加豐富😉不過遺憾嘅事呢件千層蛋糕只係供應到10月18號🤣如果有興趣體驗下呢一種幸福感，記得要把握機會去試啦😚
價格：HKD $75
-
🍴熱情果千層蛋糕
評分：9/10
呢件千層蛋糕曾經係澳門店限定🤔但估唔到而家竟然係香港都食到😱熱情果千層蛋糕將熱情果蓉融入忌廉中，🤤伴以透薄如紙既原味班戟皮，最後喺千尋蛋糕面層鋪上熱情果醬😍入口每一啖都可以食到有熱帶風味☀️
小編作為熱情果嘅粉絲😳一見到Lady M推出左熱情果千層蛋糕就即刻心思思想去試😁估唔到原來酸酸甜甜嘅熱情果加埋入去千層蛋糕裏面出嚟個效果都幾有驚喜😉千層蛋糕入口有輕微嘅熱情果味。如果連埋表面嘅熱情果醬一齊食，熱情果嘅味道會加倍😘會令人更加開胃。其實呢件千層蛋糕真係非常適合7-8月悶熱嘅天氣食用🤫不過遲到總好過冇到😅
價格：HKD $75
——————————
店舖名稱：Lady M
環境：4.5/5
服務：4.5/5
地址：沙田沙田正街18號新城市廣場一期3樓309A號舖
交通：港鐵沙田站A1出口，步行約4分鐘
——————————
#hkfoodie_life_沙田
附近鐵路沿線仲有咩食👇
#hkfoodie_life_東鐵綫
同類型食物嘅介紹👇
#hkfoodie_life_蛋糕
．
．
．
．
．
#dessert #creapcake #cake #layercake #ladymhk #ladym #海鹽焦糖千層蛋糕 #千層蛋糕 #蛋糕 #千層控 #ミルフィーユ #ケーキ

📍Macau 🇲🇴

其實今次試嘅呢兩款蛋糕都唔買小編最想試過隻，小編說想試嘅係雲呢拿士多啤梨馬卡龍個款，不過行左兩日都冇咁就算啦！希望下次有機會試到佢哋嘅馬卡龍款啦！
1️⃣草莓芝士
評分：6.5/10
呢件蛋糕個樣就夠晒靚啦，不過味道方面個人就覺得爭咗少少。其實小編研究左好耐到底中間嗰層係士多啤梨定係紅桑子？小編估計應該係紅桑子，因為佢嗰隻酸味好似😂上面嗰層係cheese，cheese做得好滑，不過個人就覺得漏咗少少。而最底果層就係海綿蛋糕，但唔知點解攞出黎食嗰陣好濕，唔知係佢本身係咁定係酒店嘅雪櫃唔夠凍呢？
不過食完之後小編只係有兩個字嘅感想「好漏」。
價格：MOP $38
2️⃣蘋果啫喱朱古力慕絲
評分：7/10
雖然呢件蛋糕嘅樣就冇上面嗰件咁靚，不過味道方面就較為有驚喜。首先朱古力慕絲係蛋糕裏面真係佔咗極大嘅份量，慕絲做得好滑，而且朱古力味好濃郁，成個口都係滿滿嘅朱古力味。而中間嗰部份就係蘋果啫喱，裏面有一粒粒嘅蘋果粒而且蘋果粒總係爽口架，同啫喱夾埋一齊食都幾特別下。雖然朱古力慕絲食得多會有少少漏，不過佢因為中間加左蘋果啫喱所以可以中和返隻漏。個人覺得呢款嘅配搭比較新奇同埋有驚喜。
價格：MOP $38
——————————
店舖名稱：Cacao Patisserie
環境：4.5/5
服務：4/5
地址：澳門高士德渡船街75號
分店：澳門氹仔埃武拉街469號麗駿軒地下K座
——————————
#hkfoodie_life_澳門
想睇翻同類型既食評👇
#hkfoodie_life_蛋糕
．
．
．
．
．
#cacaopatisserie #dessert #cake #cheesecake #cheese #valentinesday #情人節 #芝士 #甜品 #蛋糕 #情人節蛋糕 #芝士蛋糕 #鏡面蛋糕 #鏡面

📍Macau 🇲🇴
<手標玫瑰花奶茶>
評分：6.5/10
講真泰式嘅玫瑰花奶茶小編真係未試過，所以今次都係第一次試。佢哋嘅玫瑰花味同平時飲到嘅有啲唔同，玫瑰花味好重但一啲都唔甜亦都冇茶味，只係好單純有好重嘅玫瑰花味。而飲品入口整體來講都算順滑。不過唯獨係珍珠嗰部份唔係太滿意，雖然佢連珍珠都係粉紅色真係超級靚，但係啲珍珠煮得過淋，而且黏住嘅情況都幾嚴重吓，所以基本上珍珠係一啲咬口都冇㗎！珍珠絕對係一個敗筆。
另外唔可以唔提，佢哋飲品嘅漸層真係做得好靚呀！
價格：MOP $忘記了
——————————
店舖名稱：THAILAX
環境：4/5
服務：5/5
地址：澳門氹仔吿利雅施利華街52號地下
分店：澳門蘿蔔沙街32號昌明花園第三期地下E號舖
——————————
#hkfoodie_life_澳門
想睇翻同類型既食評👇
#hkfoodie_life_珍珠
#hkfoodie_life_奶茶
．
．
．
．
．
#bubbles #milktea #bubbletea #pearlmilktea #thailax #thaimilktea #珍珠 #珍珠奶茶 #玫瑰花奶茶 #泰式奶茶 #奶茶 #泰式飲品 #タピオカ