關於 hkfoodie_life_牛頭角 ，我們在網路上蒐集到這些相關的討論、資訊與評價

📍ᴋᴏᴡʟᴏᴏɴ ʙᴀʏ, ʜᴏɴɢ ᴋᴏɴɢ 🇭🇰
<工廈中的文青下午茶 嚐品慕茶>
小編係花怪應該係人都知🤣八月嘅時候見到呢一間店舖推出左個以花做主題嘅下午茶😍當時小編就已經超級想試😳好可惜啲時間總係夾唔到😢不過好彩嘅係近排去發現原來而家仲有供應緊一個下午茶啫🤗
嚐品慕茶於2016年創立😯店舖嘅裝修亦都非常有格調😏有時放假去chill一chill真係一個唔錯嘅選擇😘而且店舖仲不時推出唔同嘅tea set、活動…文青人士必去丫😎
-
🍴嘗花·嚐花下午茶
評分：7.5/10
呢個「嘗花·嚐花下午茶」係由嚐品慕茶同本地老字號林奇苑茶行合作推出☺️而當中嘅食物更用上左各款頂級嘅花茶入饌😍包括雲南頂級桂花、伊朗粉紅玫瑰花🌹、新疆薰衣草，配合荔枝同梅子創作出花香味十足嘅鹹甜美點😋
/
甜食方面就有荔枝玫瑰慕絲蛋糕🍰、玫瑰杯子蛋糕、玫瑰蝴蝶酥、乾花牛油曲奇🍪、玫瑰茉莉花茶手工雪糕🍦同薰衣草烏龍茶手工雪糕🍦。
荔枝玫瑰慕絲蛋糕中間加入左朱古力波波球🤔所以會蓋過咗本身果種清新嘅荔枝玫瑰味，味道唔多夾😅
玫瑰杯子蛋糕方面，入口其實冇咩玫瑰味😅但就有好重嘅牛油味🤔不過杯子蛋糕個質感本身都比較鬆散同乾身😂
玫瑰蝴蝶酥方面，蝴蝶酥入口非常酥脆😚而且入口有淡淡的玫瑰花香👍另外個味道亦都唔會好甜😋
乾花牛油曲奇方面，入口其實都係冇咩花味🧐而且牛油曲奇個質感亦都比較鬆散😓
玫瑰茉莉花茶手工雪糕，入口有好重嘅玫瑰味😘茉莉花茶味道略為有少少淡但隱約都可以食得出😆不過雪糕都用溶比較快。
薰衣草烏龍茶手工雪糕方面，入口有淡淡薰衣草味，個薰衣草味並唔係精油嗰隻味😂但係烏龍茶味就真係唔多食得出啦🤔
/
而鹹食方面就有桂花蜜冷豆腐、梅子冷麵伴玫瑰蕎麥汁、迷你花卷同一口蟹籽玉子燒。
桂花蜜冷豆腐入口有淡淡的桂花味☺️同豆腐本身嗰種味道亦都非常之夾😳而且桂花蜜本身個味道都唔算太甜😋
梅子冷麵粉紅色嘅外表真係非常吸睛😯入口有淡淡的玫瑰花味，因為冷麵嘅表面放咗好多玫瑰花乾😂但係配合埋個蕎麥汁一齊反而會令個梅子味更加突出😎
迷你花卷方面，個樣都算幾靚😊不過入口既味道其實冇咩特別，只係食到有好重嘅沙律醬味🤣
一口蟹籽玉子燒亦都係正常嘅味道😅入口甜甜地而且唔會太乾身🤣不過值得一讚嘅係蟹籽個份量都比得幾多😉
/
原粒花茶冰冷泡烏龍茶可以揀要玫瑰花茶冰或者桂花花茶冰，而今次小編就揀咗每款一粒呢試吓😙
冷泡烏龍茶伴桂花冰茶個味道就同平時飲到嘅桂花烏龍茶差唔多😆不過味道就冇咁甜😏即使瘋狂加烏龍茶入去，成杯嘢飲裏面個桂花味依然好出😚而且個桂花冰裏面仲有大量嘅桂花喺度添😍
冷泡烏龍茶伴玫瑰冰茶，入口唔多覺有玫瑰味😅而且個玫瑰冰溶咗之後有啲似啫喱咁😅會有一粒粒嘅懸浮物係杯飲品裏面😓而且出嚟個味道比較似係普通嘅烏龍茶咁，有少少失望😔
價格：HKD $298（嘗花·嚐花下午茶）+ HKD $40（原粒花茶冰冷泡烏龍茶）
——————————
店舖名稱：嚐品慕茶
環境：4/5
服務：3.5/5
地址：九龍灣偉業街89號昌興工業大廈閣樓
交通：港鐵牛頭角站B6出口，步行約9分鐘
——————————
#hkfoodie_life_九龍灣
附近鐵路沿線仲有咩食👇
#hkfoodie_life_觀塘綫
同類型食物嘅介紹👇
#hkfoodie_life_Café
#hkfoodie_life_AfternoonTeaSet
．
．
．
．
．
#teaset #icecream #cafe #hkcafe #嚐品慕茶 #雪糕 #甜點 #甜品 #下午茶 #ケーキ

📍ʜᴏɴɢ ᴋᴏɴɢ, ᴋᴏᴡʟᴏᴏɴ ʙᴀʏ 🇭🇰
<茶味PANCAKE 天仁茗茶>
之前小編上網見到有台灣blogger介紹珍奶pancake就已經好想試🤤估唔到依家連天仁茗茶都有😱天仁茗茶近排係九龍灣淘大商場開左新分店，而新店亦都加入左其他唔同嘅野食，而店舖嘅裝修方面亦都比較似cafe。當中最特別既就一定係個茶味pancake，pancake就有三款茶味可供選擇，分別係913茶王梳乎厘班戟、阿薩姆珍珠梳乎厘班戟同特級綠茶梳乎厘班戟。
🍴913茶王梳乎厘班戟
評分：8.5/10
梳乎厘班戟由於係即叫即整，所以等返15-20分鐘亦都係在所難免。班戟攞上手真係熱辣辣架，而且仲好香添🤤
一客913茶王梳乎厘班戟裏面就有兩件班戟。班戟標榜係用尼自日本鹿兒島嘅雞蛋整，所以梳乎厘班戟入口嘅口感鬆軟，而且仲有好重既雞蛋味。另外班戟亦都係空氣咁十足😚班戟個size亦都算合理。
至於個茶味方面就係尼自班戟表面上嘅忌廉，咁由於小編今次就係叫咗913茶王梳乎厘班戟，所以就配上左一個913茶王忌廉，忌廉係以913人蔘烏龍茶打成😍所以入口都會有淡淡的茶味，而且茶味暨香又唔膩。
而班戟上面嘅都放咗啲佢哋招牌嘅珍珠同新鮮嘅草莓粒。珍珠入口嘅口感煙韌，而珍珠既味道就有淡淡的蜂蜜味，不過最驚喜嘅都係估唔到珍珠嘅份量竟然比得咁多👍至於啲草莓粒方面就有啲酸，而且同個班戟味道上亦都唔係好夾，感覺上就有啲多餘，不過有都總好過冇嘅😎
價格：HKD $42
——————————
店舖名稱：天仁茗茶
環境：4.5/5
服務：4.5/5
地址：九龍灣牛頭角道77號淘大廣場1期1樓F46-47號舖
交通：港鐵九龍灣站B出口，步行約9分鐘
——————————
#hkfoodie_life_九龍灣
想睇店舖其他既食評👇
#hkfoodie_life_天仁茗茶
想睇翻同類型既食評👇
#hkfoodie_life_pancake
．
．
．
．
．
#twfood #taiwan #tenren #tenrenteatime #milktea #bubblemilkgea #pancake #soufflepancake #dessert #desserthk #souffle #天仁茗茶 #天仁喫茶趣 #台灣美食 #913茶王 #913茶王梳乎厘班戟 #喫茶趣 #甜品 #甜點 #甜點控 #梳乎厘 #梳乎厘班戟 #班戟 #スフレパンケーキ

📍Hong Kong 🇭🇰
<打卡梳乎厘班戟 Bove>
Bove啱啱喺葵廣開過陣人氣真係超級高，小編當時就有試過一次覺得真係超級差，所以就即刻將佢哋blacklist左😂
不過呢期小編見到佢哋出咗個超級靚嘅藍莓梳乎厘班戟又超級想試喎，所以就決定去啲人流比較少嘅元朗Bove X Modos，因為質素同人流呢樣野個掛鉤真係超級大。
🍴Bling Bling藍莓梳乎厘班戟
評分：6.5/10
估唔到呢一個藍莓梳乎厘班戟嘅Bling Bling效果真係超勁超靚，打卡一流呀！
梳乎厘個size小編覺得好似大左唔少，而且今次個梳乎厘仲整得好鬼靚添。梳乎厘嘅藍莓味好重，不過隻味就略嫌有少少假，而且梳乎厘亦都比較甜，有少少kwok喉。而且今次佢哋個梳乎厘既空氣咁都好重，唔再係食蛋糕咁。重點嘅Bling Bling藍莓醬份量亦都俾比得好多，令到個梳乎厘靚咗唔少。為咗加重個藍莓味，佢哋亦都額外加左啲藍莓果醬係個梳乎厘嘅表面，不過同時令個梳乎厘都變得超甜。
整體尼講係有進步既，梳乎厘比以往更重空氣感，不過就有D甜，隻藍莓味有D假。適合打卡用。
價格：HKD $35
——————————
店舖名稱：Bove X Modos
環境：4/5
服務：4/5
地址：元朗又新街38號恆富大廈地下15號舖
交通：港鐵元朗站A出口，步行約9分鐘
分店：九龍灣牛頭角道77號淘大商場地下G128號舖
——————————
#hkfoodie_life_元朗 #hkfoodie_life_九龍灣
想睇店舖其他既食評👇
#hkfoodie_life_Bove
想睇翻同類型既食評👇
#hkfoodie_life_Pancake
．
．
．
．
．
#BOVE #pancake #soufflepancake #bovehk #dessert #desserthk #souffle #甜品 #甜點 #甜點控 #梳乎厘 #梳乎厘班戟 #班戟 #スフレパンケーキ