想搵窿捐但搵唔到個窿，唯有低頭打字出個 post。
好樣衰，真係好樣衰，點算。
以前有個前輩教我，叫嘢飲之前，最好睇吓人地個 drink list 先。完全不明白為什麼有先看 drink list 的需要，十年後終於明白。
話說。
約咗人，早到坐低，叫杯酒飲。「Jack Daniels，唔該，straight。」
如果對酒不太熟悉，有必要解釋一下：Jack Daniel's 是一瓶很 cheap 的 whiskey，雖然好 cheap，但我自己覺得入到口。
再加上，出嚟飲嘢，都唔係為咗品酒㗎啦，志在有杯嘢飲揸手啫。
侍應超禮貌回應：「唔好意思先生，我哋冇 Jack Daniel's，不過我哋有 Johnnie Walker 嘅 Black Label。」
你知唔知佢呢句係幾咁有骨？佢嘅意思係，Jack Daniel's 就冇喇，類似嘅 cheap 嘢就係 Black Label，要唔要？
別人能夠侮辱你的先決條件，是首先要你自己非常在乎。
係，我係非常在乎，所以我覺得被極度侮辱。
為了讓自己記住這次教訓，我決定懲罰自己。
有冇 Blue Label？
「有，」侍應微笑點頭。
「要個 double 唔該。」
七舊水嘅酒有幾矜貴？
飲得再細啖，都分唔到七啖飲。
johnnie walker black double 在 之間茶食器- 威士忌櫻桃｜ 之間情人Johnnie Walker - Facebook 的推薦與評價
威士忌櫻桃｜ 之間情人Johnnie Walker - Double Black + 新鮮櫻桃荷蘭鬆餅『之間』在情人節前夕推出限量款讓情人微醺＆酸酸甜甜的戀愛滋味有情人沒情人吃了都會很開心 ... ... <看更多>