前代理國防部長Chris Miller接受訪問時指，特朗普聲稱從阿富汗撤軍只是一場戲，其用意只係為咗將一直拒絕和談嘅阿富汗總統迫上談判桌，最終組成一個由塔里班佔有4份3多數議席嘅聯合議會云云。
要分析呢單新聞，首先我地要知道Chris Miller曾經批評特朗普響白宮演說促成「暴徒」衝擊國會，係反骨仔之一，所以並無為特朗普辯護嘅動機；然而佢所謂組成聯合議會呢樣嘢實在太過虛幻、太多變數，先唔好講特朗普係咪有咁嘅打算，就算真係有，去到最終實行嘅過程入面一定出事，所以只能當係一種參考。
所以比較可信嘅應該係：
1. 一個塔里班擁有四份三議席嘅阿富汗議會同送咗個國家比塔里班無分別，但從特朗普角度黎講，如果可以換黎塔里班遵守響美國好體面咁全面撤軍前忍住唔出手，等美國離開之後先慢慢收拾淪為少數派嘅阿富汗軍閥，兩者各取所需，呢個都幾符合特朗普嘅外交Style；
2.但特朗普諗法五時花六時變，只要形勢對佢有利，撤唔撤軍嘅立場隨時可以修改；所以最終特朗普會唔會撤軍、出賣嘅究竟係阿富汗政府定係塔里班真係無人知，呢種變通就係死腦筋嘅敗燈及唔上嘅地方；
3.不過全面真正重點卻無乜傳媒提及，就係「800人」呢個數字。Chris Miller認為只要有合適嘅策略同配套，阿富汗只需要留低800-850人就可以有能力執行反恐同偵察任務。點解「800壯士」呢個數字咁重要？因為當初特朗普宣佈從敘利亞「全面撤軍」，最終就係響國防部半呃半氹之下留低800名美軍作為令阿薩德同埃爾多安唔敢亂黎嘅「籌碼」，事實上亦證明呢個決定非常成功。
事實上雖然特朗普落任前阿富汗只剩番2500名美軍，但18000名以非軍人名為阿富汗政府軍提供各種顧問、補給、維修服務嘅「安保僱傭人員」，先至係支撐阿富汗嘅主力。而家敗燈一次過將呢筆撥款撤走，唔好以為因此可以為美國納稅人慳咗錢，隨住塔里班控制阿富汗，美國響反恐、接濟難民嘅開支馬上就會直線上升，然後都仲未計因為美國呢次軍事失敗所損失嘅國際聲譽、士氣、盟友信任同敵人阻嚇力呢啲無形損失。
所以同你班左膠燈粉講，唔該唔好再尻噏乜嘢「阿富汗失敗唔係單單一個總統導致嘅」，今次響阿富汗撤軍衰咗對美國嘅打擊程度，無番三五七年都無可能Recover番；而如果特朗普仲在任，呢個災難一定可以避免。
延伸閱讀：當KOL讀咗幾本書、睇咗幾套戲就自稱「阿富汗專家」之時……
https://www.patreon.com/posts/dang-koldu-zuo-55065397
miller人名 在 lajos-miller 的個人檔案 - Facebook 的推薦與評價
名字叫做Lajos Miller 的用戶. 很抱歉，我們找不到「 lajos-miller 」的人. 搜尋提示：. 用戶：試著包括姓名、城市、工作地點或學校。 貼文：試著包括人名或使用較少的 ... ... <看更多>