［全世界無女者，聯合起來！］第八就精彩咯，Incel - involuntary celibate，非自願無性生活者。中文，點都係叫做「毒撚」或「獨撚」。 FT定義好直接，直男，網上社群，將佢地冇性生活歸疚於係社會，同埋女人嘅錯。基本上，亦即係連登厭女撚，雞全部都係雞。但留意要符合幾個定義。厭女嘅唔一定係incel- 因為好多人一路食一路鬧。非自願而冇性生活（即係，冇女同你上床）嘅亦唔一定係incel - 就係要嗰種雞全部都係雞嘅網上憤青先係。毒撚一詞一早已有，原本「毒撚」並唔係太有攻擊性嘅一種物體，係可憐或不幸。但incel兇猛好多，四月就有位仁兄在多倫多大開殺戒，殺咗十個人，主要係女人，講明因為厭女。仲話要incel革命，講自己溝唔到女，講同黑人約會嘅女人係雞，話蕩婦應該釘十字架
FT認為一般incel其實唔危險，但留意唔少戲都用「毒撚好危險」做主題。包括「無雙」，包括「人肉搜尋」。由呂麗瑤事件睇到，香港嘅毒撚社群相當龐大。如果係比例代表制，我懷疑你搞個為毒撚爭取權益嘅政黨，應該拎到夠票。
唔好笑，台灣大選一樣有人主打呢啲嘢，25歲未婚由政府配婚。姚文智都話單身年輕人每個月津貼三千台幣（去叫雞？）。而美國啲極端incel真係話 要enforced monogamy，強制一夫一妻，婚外情浸豬籠，亦唔畀獨身，否則所有女都只會同啲高帥富一齊。甚至有人話要forced sexual redistribution，原理同抽稅差不多，收入再分配。呢個就陰道再分配，高帥富要跌啲女出嚟同啲獨撚上床咁話。要幾神經有幾神經，有機會再講。
