Search
【令美容療程效果事半功倍嘅秘密😍！私心推薦醫學護膚品牌 SkinCeuticals 三大精華！】
輸入優惠碼「 BE 」獲取額外修護面霜禮遇： https://bit.ly/33DM3ji
🙋🏻♀️🙋🏻♀️ 好多sis 都會做 HIFU／Laser／Pico 淡斑等等 treatment ， 唔好以為一次過做咗高能量療程就一了百了！！一定要配合高效嘅 homecare 護膚，先可以令療程效果 last 得靚同好！✨
專業醫學護膚品牌 SkinCeuticals 多年嚟研究抗氧化抗老技術， C E FERULIC 精華可以為光學淡斑緊緻療程後嘅皮膚 17 倍增強吸收維他命 C 嘅能力，增加膠原蛋白合成；H.A. 塑顏飽滿緊緻精華幫你令透明質酸自生；以及舒緩修護精華縮減療程後的復原期。鍾意做美容療程嘅同追求完美肌膚嘅 sis 千祈唔好錯過！🤩 即刻 click 入內文了解更多！
#SkinCeuticalsHK #全球No1醫學美容護膚品牌 #抗氧化權威 #AntioxidantAuthority #SkinCeuticals香港網店
【WTF - Welcome to Facebook】
強國開放facebook陣地，網軍人生路不熟，盲頭烏繩橫衝直撞，結果在版上求問戰場在哪兒，引發大堆笑料。台網友及各fb小編發揮幽默，笑指各路戰場，並歡迎強國網友來到facebook世界，請多來坐坐，或至少也給個like。
公關仔一邊對岸小編的幽默及文字功力讚嘆不已，一邊思考現今經營網絡世界的法則 ── 自嘲自娛自我扭轉才是皇道，君不見100毛及各位高登爆seed網頁fan page每晚洗版，為大家提供茶餘飯後的話題笑料，苦中作樂。現在香港以致世界，無論社會、政治、民生等等等等的陷入膠著狀，實在要多點「膠」事來平衡一下現在的心理；一邊怒罵，一邊仍需嬉笑作情緒抒導出口。虛無點說，我們都需要一點能量，一點幽默來支撐既無奈亦憤概的生活。這並不是高登和forum的文化，仍是整個社會持續前進的隱世法則。即使如何大的企業，甚至政府新聞署，仍需於網絡溝通裡抽點水份，食個爛gag來迎合網民。當然，是投其所好定投井自盡，又是另一番討論。
公關仔曾serve過好些客戶，長輩年輕時白手興家，現在仍相信企業為大，誓不低頭，認錯就係失敗的理論；老細就是這個企業裡的皇帝，稍有動搖即係企業文化唔work，會令成個皇朝倒冧。所以，即使在facebook fan page，仍然誓不低頭，你有你插，我有我性格。做佢地公關或許project fee好可觀，不過更多時候，啲bonus派埋都唔夠買驚風散。
其實網絡出現，讓世界共融，學生員工阿仔阿女不再依賴父母師長來提供知識資訊辦法，他們以google大神作明燈，網民你一言我一言地討論，自我形成一種關係網 ── 成班bro & sis互相交換情報，建立的感情甚至比坐在隔離的阿媽家姐更深厚。現今網民就是在這種環境資訊下生存，啱聽就睇唔啱就過主，懶理你係李家誠定郭富城。在這種網路文化下，即使要經營facebook，即使該fanpage是企業或個人地盤，其身份也只是平輩，是鄰家的八卦仔或多咀妹，有錯就認鬧就企定，偶然自嘲或者撒嬌一下，就如朋友一樣，調調笑笑，以激死你好過同你舌戰的神回，等你自動心臟病發game over。而朋友呢家野，即使偶爾翻下舊帳，也無傷大雅繼續buddy。唔怕你戇居亂吹，最怕你又認真又唔好笑，一言堂又懶親民好笑，咪就係假囉！唔真心做friend囉！網民又點會放過你呀！
幽默，不但可以讓你笑一笑，舒筋活絡，對於公關，更可隨時救你一命，打力又好缷力又好，其實最終大家得啖笑，過兩三日又係一條好漢，又再從新洗牌。
但如果你係果啲死不認錯又死不悔改，仲要連quit admin都唔曉嘅奴才，即使你懶friend都無人想同你做friend，因為當形容你係禽獸都係侮辱咗禽獸，仲有咩好講？即使你搵6、8、9~~~~個專家，都幫唔到手。
