（八十七.下）靚仔大晒
朋友介紹下，佢搵咗個師傅睇。
唔睇由至可，一睇，師傅都話呢單嘢猛。
師傅話：「你個仔跟住你。」
「吓？」
「我…從來…都無小朋友，係咪搞錯咗呀？」
及後，先發現一個恐怖嘅真相。
原來，呀糖有咗佢嘅骨肉，嗰晚去到佢屋企樓下，就係打算搵Ray商討點算，點知見到佢同另外一個女人一齊，一怒之下，無講出黎。呀糖好徬徨，唔知點算。為咗唔想有任何人知道，佢返咗深圳做墮胎手術，諗住從此忘掉Ray呢個賤人。
深圳返黎之後，呀糖開始發現自己行路拐下拐下，隻腳開始又腫又痛，初時仲以為係手術嘅後遺。跟住，佢每晚都發惡夢，夢入面，佢見到自己晌一個洗手盤前面洗臉，洗到咁上下，佢見到去水位位置有一隻眼睛望出黎望住佢，佢一哄落去一望，一股吸力硬生生將佢扯入洗手盤到，力度之大，係將佢成個人抽起吸入去。
佢被吸入洗手盤，而去水位位置竟然有一個好似榨汁機入面嘅鋒利刀片，一面吸佢入去，刀片一面轉動。呀糖大嗌，成個人被吸入切割，想走都走唔甩，成個洗手盤都係血。
夢境完結。
呀糖就咁樣，每晚被同一個惡夢嚇到大汗淋漓驚醒。
呀糖唔敢訓，唔出街，唔食野，唔敢面對人，仲開始有自殘傾向。佢呀媽發現後，捉佢去睇醫生，結果要入精神病院治療。晌醫院入面，呀糖無時無刻對自己雙腳講野，因為佢話佢個仔仔，好乖好痴身咁一直攬住佢大脾…
而，呀Ray亦唔好得佢好多，話說佢去搵高人師傅幫手，個師傅嗰晚去後樓梯掉垃圾，突然跣親跌斷腳，似係有野俾緊警告佢。第二日師傅都即刻推Job，同Ray講愛莫難助。
Ray嘅處境然之後同呀糖好相似，唔敢合埋眼，唔敢出街，成個人每刻鐘都好驚，漸漸仲出現自殘傾向。
最後，Ray因為太怕聽到d小朋友嬉戲嘅聲出現，佢竟然拎起較剪，剪咗自己隻耳仔落黎。被送到醫院，好彩救得返，但係醫生見佢嘅情緒狀況，覺得佢好唔尋常，佢之後亦被送入精神病院。
呢單野我就係聽嗰位跌親腳嘅師傅講嘅。聽佢講，佢嗰行，有d師傅做d野好陰質。有時為咗服務d搞偏財，鐘意拜邪門野嘅客，會去拎d 嬰兒「殘骸」黎製作邪門陰牌。而呢d殘骸來源好多都係從d非法醫生到買返黎…
由醫生新鮮賣比師傅製作再賣比客人…
有d人為咗賺錢…
真係好恐怖…
相信，Ray同呀糖嘅骨肉，已經以另一種形式晌人間出現，佢仲好努力一直去搵返佢嘅親生爸爸媽媽。
仲好努力…撮合返佢地…
可能，呢一刻…
佢地一家三口已經晌精神病院中團團圓圓。
Tag 你識嘅靚仔，話俾佢地知，小心！
靚仔都要有本心，嚇到９縮唔好問。
樣衰嘅就無野要警告啦。
#tag定靚仔朋友 #tag定迷迷糊糊的她
#少少重口味 #警世文 #離奇 #鬼故 #鬼 #靈異 #不可思議 #離奇家遮 #恐怖 #文字 #口耳相傳的香港鬼故事 #香港
ig : donotsayhello
tag定靚仔朋友 在 #tag定靚仔朋友 - Explore | Facebook 的推薦與評價
Ray係一個年青髮型師，主要晌尖沙嘴返工，佢外貌俊朗，身型高高瘦瘦，身邊好多人都話佢似歌手關智斌，係名副其實嘅靚仔。再加上自己做髮型呢行，自然就識得打扮下，有 ... ... <看更多>