［記得四哥發哥都已見過面。後來榮升主角太突然］（＊）Dear, write some god damn thing
TLDR：下個月開始，《信報財經月刊》有我。記得買。
1. 我有無數咁多古怪嘅寫作習慣。其中一個唔少人知，就係我篇文寫乜都未知，幾時會有都未知，但一早會有個題。例如我篇《楊枝甘露的誕生》，聽講係愛情小說，寫咗廿幾年只係得個題。《第一次的親密接觸》嘅作者痞子蔡都有呢個習慣，小說一定有咗個題先，然後先寫。
2. 我更進一步，十幾廿年前已經會有個題，等件事發生。好似門捷列夫個元素週期表咁（Periodic table，啲化學畀返晒老師未？）。同你估嘅唔同，當年佢整個表嗰時，唔係列晒1—100出嚟，當時唔少元素根本未被發現。但佢一早留定位，知道會有一個咁特性嘅元素，一直都在，只等你發現。後來果然後人就發現到嗰啲元素，性質同佢預期嘅差不多一樣，成件事實在型到不得了（＊＊）
3. 當然我唔係門捷列夫，我不能確定呢一日會發生。可能十年，三十年，甚至死嗰日都唔會有。因為涉及太多嘢。但總之，呢篇文個題，係我好多年前已經諗的，just in case．而家就可以解封了。
4. 忘掉那一天，記不起是那年，但應該係好早期，我甚至未做金融。有一年，我在書展，見到有個唔靚仔嘅瘦皮猴，推銷緊佢本新書，好似唔太多人理佢。佢話可以幫我簽名
5. 嗰個，就係龔耀輝。
6. 後來嘅事，係我開始打銀行工，開始睇《信報》。一來公司有，二來Reuters部機上面有。
7. You are what you read，最早期我可能受陶傑張小嫻影響，後來我就受游清源影響。金融方面，當然就係睇《信報》時，蔡東豪同龔耀輝。
8. 等我懷念下當年，circa 2004 -2006，我在美國銀行大廈返工（蕉行嘛）（＊＊＊），閒唔時就係睇下《信報》，就係睇佢幾位老哥。當時我成日午餐就在和記大廈（已拆）間星巴克，記得嗰時個姐姐認得我，我漏低咗嘢幫我keep住，仲手寫住我個名（星巴克姐姐知你個名有幾奇？我又唔會用假名）。硬係覺得嗰時嘅人心好啲，星巴克啲女都靚啲。定只係嗰時後生，入世未深？
9. 無論如何，嗰時我就心諗。嘩，幾時有一日到我會寫《信報》？
10. 至少在2000年時，我已經發夢在報紙在專欄作家。當時厚著面皮厚著包皮咁電郵某人請教，仲畀佢第日在專欄串我。但，佢講得冇錯嘅係，write some god damn thing（唔係原文）．呢個亦係我而家叫啲小朋友做嘅嘢。
11. 時間飛到去大約十年前，《信報》搞咗個「動筆動思考」嘅東西。作家培瞓，或者當搵新血咁。當時我在耆英已撈得不錯，但寫作嘅事業，等於零。
12. 而去到呢個位，我實在so gay都要講。我大學年代識嘅嗰位網友，已經實現咗自己嘅夢想（算係？），在有線講咗波好多年。佢點入行架呢？正係參加咗有線嘅比賽。我仲要係睇住嗰場比賽，甚至記得佢係講曼聯對車路士。舊年同佢食飯講起，佢當然完全唔記得呢件事。
13. 不能話受佢影響，因為當時佢已經講咗好多年。但總之，「動筆動思考」壇嘢，我就覺得自己都係要write some god damn thing，寫咗篇文去。三十歲那日不要臉，參加了挑戰
14. 有圖有真相，我都唔知我仲keep住呢個email
15. 結果？我有個朋友入圍（唔係寫金融的），本人當然名落孫山。明顯寫得未夠好，或者緣份未到。
16. 又或者，係未夠努力。
17. 當年某評審睇咗我篇文，問我有冇啲正經啲嘅（陰功，我以為嗰篇已經好正經！）。正常真係好飢饑嘅人，應該會寫多篇。但我好似只係回佢：冇喎，這是我的風格。（唔肯定有冇第二句）
18. 咁，who cares你咩風格？邊位？
19. 況且，Let’s be frank，機會成本。我由中學開始已經鍾意寫嘢，但畢竟你鍾意唱歌同你去紅館開演唱會係兩回事，你鍾意踢波同你去咗奧脫福踢一隊又係兩回事。
20. 正如上面講，當時我在耆英都撈得不錯。當然都熱愛寫作，但我都熱愛空姐（誰不愛），但我總不會日日走去約空姐，對不？唔使返工咩。咁我摶上位升職加人工緊要，定寫文緊要？
21. 你可以話即係我未夠熱愛，或者寫得未夠好，總之whatever，就又過咗十幾年。媽的，人生有幾多個十幾年？
22. 但生命嘅嘢真係唔係一條直線，卒之2021年，《信報財經月刊》，搵我寫嘢！
23. 我唔記得係「四哥」定「發哥」講（懶FC了），當年《信報》搵佢寫文，佢嘅反應係「𦧲飯應」（原文照錄）。亦係我早兩星期嘅心情。
24. 講多無謂，write some god damn thing．稿已交，講日本股票。10月頭會出版，到時記得買。最開心係佢地可以畀我寫三千字。
25. 當然啦，如今我四十看從前，枝筆已鬆軟。「四哥」「發哥」都冇再在《信報》寫文。但唔緊要，依然仲有好多好嘅作者。唔係講我啦。你也可以是孔少林，我們都是原復生。
26. 彩蛋：當年，2006，唔知「四哥」定「發哥」在《信報》，貼中意大利拎冠軍，鳩威咗一排。今年，2021年，本人一樣貼中意大利拎冠軍！固然都係七分好彩，但，至少寫波，我就應該勝過「四哥」「發哥」了。
27. 彩蛋二：居然畀我搵得返當年掟去嗰兩篇稿，不如遲下貼上嚟？而家睇返，「都唔係真係咁差啫」，「咪同我而家啲文差不多」。證明我過去十幾年都冇乜進步過，但可能啲讀者品味越嚟越低，造就我都有人睇。又或者「四哥」「發哥」等等收晒山，池中無魚蝦自大，廖化作先鋒咁。
（＊）都係鍾意高登改版多啲。「記得飯島 松島 都已見過面 後來榮升主角太突然」。原諒我騎劫咗一個應該相當文藝中產嘅post，但，唔通中產文青唔睇AV？早兩年我去到松島（牛舌！）打卡亦都係貼呢句歌詞。不過in case anyone care，我係既唔睇飯島，亦唔睇松島嘅。甚至三上悠亞 波多野結衣我都係唔睇的。懶係唔跟主流嘛，由呢啲嘢都睇得出。但又不過，你見我買股票又係買返 Facebook Microsoft 等等，主流到唔主流，所以唔好輕易將 「平時嘅口味」同投資嘅性格撈埋嚟講。正如跑馬拉松嘅人，未必買股票有恒心。運動員在場上可以受壓，可以超高心理質素，但唔等於唔會有心理問題，唔會亂買嘢傾家蕩產。世界唔係咁簡單
（＊＊）好多書有講，例如呢本（https://bityl.co/8eCm）
（＊＊＊）無獨有偶，嗰時我去耆英證券見工，都係嗰度！仲要係樓上！「所以唔使請假見工」。最正係我take咗佢地offer嗰日，放工就撞到後來嘅鬼頭上司同我一齊迫電梯。
＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
三上悠亞股票 在 [新聞] 三上悠亞迷《動物森友會》 哭求賣大頭菜- 看板NSwitch 的推薦與評價
三上悠亞迷《動物森友會》 哭求賣大頭菜：價格高的救救我
https://udn.com/news/story/10222/4480333?from=udn-ch1_breaknews-1-0-news
2020-04-09 20:41 香港01 / 記者李納德／綜合報導
任天堂Switch新作《動物森友會》近期爆紅。圖擷自twitter
新型冠狀肺炎（COVID-19）蔓延全球，民眾選擇在家抗疫，玩遊戲機成為好選擇，日本暗黑
界出名愛電玩的除了波多野結衣，原來還有三上悠亞。日本AV女優三上悠亞日前與確診女搞
笑藝人黑澤宗子同一天在電視台錄節目，令粉絲很擔心她的健康。不過，日前上傳影片報平
安後，有粉絲發現她最近也在玩《動物森友會》，還PO文希望「股票價格高的人救救我」，
相信是在賣大頭菜。
任天堂Switch新作《動物森友會》簡直是抗疫新作，悠閒玩樂之餘，還幫民眾足不出戶維持
社交，日本、香港、台灣都賣斷貨，就連日本「AV女帝」三上悠亞都有玩。新冠肺炎在日本
肆虐，首相安倍晉三宣布7府縣進入緊急狀態，而三上悠亞日前與染疫女藝人在同天於東京
電視台錄影，令粉絲相當擔心她的健康。
近日三上悠亞更新Twitter，上傳穿水藍色內衣的影片和粉絲報平安後，她也在SNS分享照片
，其中上傳了一張《動物森友會》的遊戲截圖，只見她的角色留着粉紅色長直髮，身上穿復
活節蛋殼裝，做出哭喊表情呼救「股票價格高的人救救我」，相信她也在遊戲內炒賣大頭菜
，但沒有刷出好價格，希望到大頭菜收購價格高的島，估計有無數粉絲為她開島，不用收錢
或者收機票！
--
※ 發信站: 批踢踢實業坊(ptt.cc), 來自: 118.161.102.10 (臺灣)
※ 文章網址: https://www.ptt.cc/bbs/NSwitch/M.1586443126.A.453.html
... <看更多>