《雛型已成 漸有起色 車路士對水晶宮賽後分析》
.
沒有預期過的一場大勝，當然意外地高興，不過除左結果之外，比賽期間的內容及進程當中亦有令人值得關注既地方，相信林伯特喺備受指責下亦有一定程度壓力，眼見球隊入球後鏡頭前既佢都有舒一口氣既感覺，為近期球隊既走勢先為減壓。
.
正選名單所安排既人手其實相當正路，繼續起身艾巴咸以為夏弗斯擔任箭頭及輔鋒角色，左右兩翼分別為添姆雲拿同奧岱，而雙中場就由簡迪搭上佐真奴，中堅方面選用源用左堤亞高施華配合新拍檔蘇馬，而左右兩閘就換上新加盟剛傷癒復出既捷維捷以及隊長艾斯派古達，門將就係首次英超上陣既文迪；陣容上亦至少見得到肯收起蒙特到後備，以球員近期體能同狀態實在需要時間作出休息，加上要林伯特先將愛將收起實屬難得，可見得佢係願意為球員提供適切既保護同空間。
.
相對於兩個半場，上半場既形勢更為悶局，雖然都製造到唔少攻勢不過都無太多中目標既機會，相反下半場自捷維爾打破僵局後球員們既腳風亦開始暢順，入肉攻勢亦開始較多，捷維爾首次登場就為球隊獻上一入球一助攻，除左喺數字上帶黎亮眼既成績之外，佢喺左路既表現的確相當生猛，可以話將藍軍沉寂多時既左路激活起上黎，佐真奴亦多次成功以長傳方式比到前插既捷維爾，繼而進行突破或傳中，簡化進攻程序以及提升攻勢節奏。
.
而擔任左翼既添姆雲拿較多時傾向中路發展，一方面能夠將負責防守自己既對手拉走從而為身後既捷維爾製造更多前插空間，另一方面亦令球隊喺對方禁區長時間有三個攻擊點（添姆雲拿、艾巴咸、夏弗斯），不過相對上因為球隊經常壓住水晶宮黎打，變相添姆雲拿今場波無乜太多空間發揮，表現較為沉靜，而另一邊既奧岱亦不過不失，感覺上佢較為缺乏一啲自信心，令到喺判斷上較為猶豫，去到下半場可能經過調整後先好番少少。
.
而喺防守安排上，其實由上場盃賽對熱刺時都見到球隊開始喺一啲防守操作上有微調同變化，以往林伯特都主張球員向前緊迫，但一直都係以企位阻擋為主，變相對手經過一啲短傳配合亦可以作出化解，相反近哩兩場波見到球隊多左一啲技術性犯規，係講緊一啲可以仲未到自己半場中圈附近既區域已經要進行攔截而侵犯對手令球証吹罰，而哩一項元素除左能夠成功破壞對手節奏之外，無疑亦能夠為中後場球員釋出更多喘息空間，變相為球隊喺防守層面上紓壓。
.
較為美中不足既係今場波既換人調動較為遲緩以及用唔盡三個換人名額，喺大幅度領先底下其實係有好大空間可以比後備球員上陣作輪換，即使浪費換人名額都唔換入基奧特實在有啲可惜，至於爭射十二碼方面其實無乜太多補充，無論你話佐真奴喺大勝下應唔應該讓個波比生日既艾巴咸射都好，一切都係按指令話事，亦姐係職場上既一句說話 - 「幫你係人情 唔幫你係道理」，唔好忘記佐真奴喺林伯特手眼中都係被針對對象黎至得架...
.
《岩睇既比個Like支持我地啊！》
作者 : BluexLion車迷手記
-------------------------------
同場加映《半場換走獨自走上隊巴 服從紀律務必為首要條件 馬高斯阿朗素的藍橋生涯經已完結？》
https://bit.ly/3lkpk1X
.
#Chelsea #車路士 #水晶宮 #英超
中路發展 在 看板LoL - [閒聊] CFO 能輸TW喔 - 批踢踢實業坊 的推薦與評價
如題
這三場看下來
TW的中路有夠爛
上路的墨菲特也是亂撞一通
ad很強但還是被其他隊友雷
尤其最後一波星朵拉失誤讓ad直接死掉gg
CFO 能輸給這麼醜的隊伍喔= =
有沒有 這方面 的八卦
--
※ 發信站: 批踢踢實業坊(ptt.cc), 來自: 118.232.69.212 (臺灣)
※ 文章網址: https://www.ptt.cc/bbs/LoL/M.1697351014.A.1C8.html
... <看更多>