【短期租約自動續約幫緊中小企?】
政府宣佈400份夠期短租地可自動續約多半年，話幫到中小企。事實上大部分租約都已經在疫情初開始有75%-100%租金寬免，依家又可以繼續減繼續租，手頭上又有一大堆臨時用地已經短期長租左過十年，似乎已經唔駛自動續都已經係超穩定結構。
其實全港5400份短期租約，到目前呢刻，仍然冇直接公開當中9成短租公家地究竟租左俾邊個，根本無法驗證究竟個400份對中小企既幫助有幾大。
如果續租同免租真係利民舒困當然唔係一件壞事，但有睇過我地過往《隱藏選項》及《租連阡陌》既研究報告，都分析過納左最多公開招標個堆短租地個間，莫過於X地周街都會見到個間X信停車場，唔係就係個另外幾間綽德、金偉、雅達租哂，話中小企係最大嬴家似乎並不盡然。
佔左成1/3租約都係1-2蚊呎租既私人富豪後花園，呢批會唔會夾埋入去今次俾佢地自動續租，仍然係一大疑問。
就著短租政策，我們過往透過深度研究推動透明化及民用化，令公眾真正享用到公家地既資源，唔會俾某某人士長期壟斷。隔左幾年，的確推到政策上開放多左俾一般市民團體租用，同埋租約資料部份開放，但係大家可以自己上去geo info map check下，究竟有幾多份私下批租有幾多份係有公開租用人係邊個，暫時見係1份都沒有。
變左我地要自行就著上千份啲短租既位置逐塊睇，發現用途除左做停車場同私人富豪後花園為主，重有唔少棕土場、骨灰龕仙觀、有一堆士多茶樓海鮮酒家，地下酒窖，重有出哂名個間廈村鄉鄉事委員會員工飯堂都有，憑位置估下租左俾邊個。
簡單來說，一日冇全面公開私下租左啲公家地俾邊個，一日都唔可以講話幫緊中小企，實情或許會好似保就業計劃一樣，中小企係分得成個大餅一小部分。
#土地研究
#短期租約
🙇♂️《租連阡陌: 香港短期批租富豪用地研究》完整報告🙇♀️:
https://goo.gl/6VjjHQ
🙇♂️《隱藏選項：香港臨時使用及閒置官地研究》🙇♂️
https://drive.google.com/file/d/1huTJGrdhr-mJYKENZVuZwGPWosFdmW0C/view
💪 研究自主 月捐撐起民間研究工作：https://liber-research.com/support-us/
FPS ID：5390547
HSBC PayMe 捐款支持：https://bit.ly/32aoOMn
戶口號碼：匯豐銀行 640-198305-001 (LIBER RESEARCH COMMUNITY (HK) COMPANY LIMITED)
義工招募：https://bit.ly/2SbbyT3
保就業計劃 在 保就業計劃2022一覽｜僱主須符4條件自僱人士拎$8000要有此 ... 的推薦與評價
詳盡全文即撳→ https://bit.ly/36LFAr4喜歡這條影片嗎？訂閱我們的Channel，再給一個Like 和Share！《香港01》App 有更多資訊和優惠， ... ... <看更多>