#資訊嘢 早排我媽媽話想買金，然後話要帶我去金舖，孝順的我加上懶惰基因，我當然會話「唔使特登出去買啦，上網買黃金ETF咪得。」
您會問點解要買金？其實個原因都好簡單，就係唔好將所有雞蛋擺係同一個籃入面。分散投資喺唔同資產上，先至可以係唔同市況下都賺取到回報。買金嘅好處點止咁！而家百物騰貴，通脹咁勁,媽媽去買餸都要慳啲洗。買啲黃金可以對抗通脹，甚至可以幫你財富增值！
咁到底買黃金ETF有咩著數！
第一，如果你出去買實物黃金，你買一粒仔，你要面對唔見風險，你買多幾粒，你就要面對更大嘅唔見風險。
但買ETF唔同，Click幾個制落盤，搞掂，仲要唔怕唔見，又唔使出街！用價值黃金（3081）6月30日條數去計，1手（100股）黃金ETF，代表約0.26兩純金，即係話如果你想買1兩純金，就係大約買4手就可以。
第二，除咗可以懶啲方便啲，係冇俾人食價食得太深。實物黃金買賣價差大約1500 點子(周大福珠寶)，對比香港交易所交易黃金ETF相比，價差只係約4至8點子，後者你買賣時會開心啲。
第三，ETF係咪跟足金價先，3081自成立以來，黃金ETF對金價的追踪誤差約為3點子。
最後，當然如果你想獲取買賣黃金時，睇住粒金閃吓閃吓嘅快感，黃金ETF幫唔到你嘅。但你想提實金，又唔係唔得嘅，價值黃金ETF有實金庫存喺香港國際機場金庫，如果你想提現，係真係可以去機場抬啲金走，不過銀碼當然要夠大，大約1300萬左右，唔係你日日要提一兩，佢就係真係唔得閒。
補充返，我媽媽話要買金，最後find out唔係要買金粒……係話要買定龍鳳鈪，主要係怕我冇人要……
#3081價值黃金ETF
價值黃金etf 在 價值黃金ETF-3081.HK-ETF淨值表格- FundDJ基智網 的相關結果
價值黃金ETF （「基金」）為於香港聯合交易所有限公司（「香港聯交所」）上市的基金，旨在提供由ICE Benchmark Administration計算的，並由倫敦金銀市場協會(LBMA)一般 ... ... <看更多>