【Kongner編輯室】
瘋子愷：波叔接力邱騰華 演繹「強行關事論」
首先要再一次多謝各位支持我哋嘅Merch，相信大部份親身過嚟自取嘅弟兄已經收到㗎啦，而選擇郵寄嘅弟兄就請再耐心等一等，如有任何問題請直接去IG搵米迦啦。
話說我哋喺過去嘅星期六晚嘅《深宵角落頭》就講過新詞彙創作人兼黃色圈經濟KOL兼商務及經濟發展局局長邱騰華嘅弱智言論啦，但學阿寶話齋：「人類總係要犯相同嘅錯誤」，昨日財政司司長兼劏房達人陳茂波係佢嗰個（無人睇嘅）網誌度發文，指現時香港經濟面臨重大挑戰，包括中小企經營困難及失業率上升等主要問題，而最重要嘅係佢喺文中所提及嘅一切經濟現況同問題全部歸咎於示威者「暴力衝擊」所致。
全文請參閱：https://www.fso.gov.hk/chi/blog/blog221219.htm
好啦，本人想喺度用最短嘅篇幅，好簡單咁用四點去質疑劏房波嘅論點。首先從結構來睇，佢係文中二三四五段都係Show Off自己過去嘅「政績」，用Copy and Paste嘅方式強調自己作為財政司「做過啲乜野」。然後第六段突然筆鋒一轉，係毫無轉折句同伏筆嘅情況之下講出最新嘅經濟現況，即佢文中所講嘅「業界人士話生意難做」呢樣野，然後又突然將矛頭直指示威者，呢個思維嘅跳脫程度已經非常人所能理解，恐怕只有我哋嘅班長能夠與之匹敵。好啦呢個都算啦，最大嘅問題就係劏房波講完咁多「政績」然後又話搞唔好個經濟，這豈不是係當眾兜巴星自己一嘢，同全世界講自己推行嘅政策都係廢嘅咩！？寫之前都用過腦諗下格式先啦！可唔可以唔好咁鱔稿呀！？如果你吹到你啲政策咁掂嘅話，係咪唔應該有企業做唔住，亦唔應該有人失業呀？咁你又有數據指唔係呀，多咗人失業，咁係咪代表你啲政策同你個人廢呀？你係咪要負責任呀？
都算喇，如果你話「香港經濟係受以中美貿易戰為首嘅外圍經濟動盪影響」，又話「全球經濟放緩」啦，所以香港嘅經濟情況一定會受到影響，而作為財政司都已經盡力做緊應對架啦。咁試問又關示威者衝擊咩事呢？受中美貿易戰拖累呀嘛，咁你同返你頂頭上司講，再叫佢上去同始作俑者果個皇帝反映下啦，又邊關示威者嘅行動事呢？，堂堂天朝泱泱大國都要俾人打到食草咁滯，唔通示威者有能力主導中美貿易戰咁把炮咩？咁唔係嘅話，本人真係唔相信裝修行動帶來嘅經濟損失可以多得過上面個皇帝做一個決定，第二日恆指蒸發所換算嘅金額多。好啦，可能會有人質疑本人，覺得咁真係有鋪頭啲野比人打爛晒呀嘛，緊係做唔到生意啦。好啦，本人下一點再回應。
全文多次提到「中小企」，更指「中小企係香港經濟發展嘅重要支撐」。咁樣係無問題嘅，但問題就出自於文中針對嘅係示威者嘅「暴力衝擊」所帶來嘅經濟影響。眾所周知，義士嘅裝修行動絕大多數都係針對中資同舐共藍企，包括美心、華潤、黨鐵等等。咁請問上述有邊間係「中小企」呢？所以司長明顯係嘗試偷換概念，明明被裝修嘅都係大企業，但偏偏用中小企生意難做嚟賴落裝修行為上，賴得就賴。
最後，司長提到想市民恢復消費意慾，刺激消費，本人有一個好好嘅提議，就係派錢啦！因為我地可以嘗試想像一個情景，就係即使市面「回復平靜」，完全無晒任何公眾活動，但係市民依然無消費意欲，點解呢？係窮呀！請你放低！
換句話講，將經濟差歸咎落示威活動度根本唔係一個充分嘅解釋。然而明明有一個萬試萬靈嘅方法就偏偏唔用，的確好有劏房達人嘅作風。本人保證司長你立即全民派兩萬，一定歌舞昇平，人人出街過節食飯買禮物。
最後，本人發現最近政府高官有一種論述嘅趨勢，就係喺任何事情上都將問題完全歸咎落示威者，即反對政府嘅一方上，不斷砌詞狡辯，諉過於人，而且更加會同中共夾晒口供，保持高壓專制嘅姿態，將所有責任推卸落市民身上，毫不反省，指鹿為馬。然而又由於現任高官嘅智商普遍偏低，經常出現各種自相矛盾嘅言論，本人稱呢種論述為「強行關事論」。祝え！繼「不斷對話論」同「我比咗錢你就同我死掂佢理論」（得閒再講）後，又一個充滿香港特色嘅管治理論誕生了！
（本欄逢周一、四更新。敬希讀者垂注）
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。
口供格式 在 [抱怨] 抱怨東風航空貨運司機客服口供不一- e-shopping 的推薦與評價
25 F 噓haru04041015: 格式錯誤 114.137.119.13 03/13 18:09. 26 F 噓lunanightcat: 口供是什麼鬼，當人家犯人嗎 27.52.199.180 03/13 19:06. ... <看更多>