【 韓劇／ 奇妙電視 Fantastic TV 買咗勁嘢唔識Sell真係好灰！】
自盤古初開以來，經營任何平台，成王敗寇，關鍵還是內容，內容，內容。
重要的事情要講三次！
Content is king這句話，放諸四海皆準，話之你有幾大支水喉射住，話之你公司背後那位金主有幾霹靂無敵，總之沒有好的內容吸引觀眾，多多錢也是枉然。
OK，重點來了，有了好的內容，是否必勝？又不是呀，要看怎樣宣傳，網絡世代，觀眾圈子遭割裂得細碎，如果製作公司或者播放平台沒有方法將自家、外購的節目在浩瀚的互聯網大海推出去，讓最多受眾看到，敢情說，跟倒錢落海沒有分別。亞視翻生，傳聞 亞洲電視 - 你的電視 斥資2000萬港元購入大陸劇《巴清傳》（原名《贏天下》)，小弟真心希望市場推廣畀啲力，等多些人知道，哦，原來亞視會播這套劇，否則2000萬隨時倒錢落海。
因為這些例子，我見過太多，錢又不是我畀，我戥買家肉赤。像奇妙電視，自今年開台之後，每晚黃金時段都會播外購韓劇，嗱嗱嗱，千祈唔好先入為主，覺得奇妙跟有線一樣都是播舊嘢，絕無此事，不過，買到勁嘢又如何？咪又係播咗都冇人知！
事緣早幾天，收到「本土Super韓劇迷」 黃潔慧 的WhatsApp短訊，我隔住個芒都感受到她有幾勞氣：「真係好可惜，韓國人票選本年下半年最好睇韓劇，冠亞軍及第六名，奇妙都買咗，但唔覺有就呢點宣傳！就連《The New York Times》都選呢套劇為十大海外電視劇Top 10，奇妙點做Marketing㗎？！」嗯，是恨鐵不成鋼吧。
韓國網絡調查公司PMI，早前訪問了5000名，年齡介乎20至50歲的韓國男女觀眾，得出「2017年下半年最佳電視劇」問卷調查結果，第一位是JTBC的《有品位的她》，得票率是21.9％，這套劇由金喜善和金宣兒主演。第二位是tvN的《秘密森林》，得票率是18.7%，由曹承佑、裴斗娜主演，兩套劇，都是奇妙電視買入版權，《秘密森林》由11月30日開始在奇妙77台播放，播至12月29日之後，2018年1月1日同一時段播放的就是《有品位的她》，既然講到咁勁，點解網絡世界冇人講？點解奇妙唔畀啲力Sell？買版權都要錢呀，如果是這麼強勁的戲碼，應該可以吸引到更多廣告呀。
另一位韓國通朋友 在香港 ‧ 過首爾時間 的回應直中紅心：「我咁諗，唔識sell，或者有冇錢sell都係一個要點，仲有係，奇妙得電視冇OTT嘅話（有App）就更冇人知，睇韓劇嘅人都係上網睇... 邊個會攬住部電視嚟睇。」即是說，奇妙電視最需要做的，就是在網絡世界進行Content Marketing，或者係Content Listening，強攻韓粉圈子才是出路，不然新一年，有線只會繼續錢照畀，劇集照舊冇人睇冇人講的惡性循環，雖然，師奶圈子中，有好多人都真係有睇奇妙電視，認真。
因為我們都肉緊奇妙電視發展，所以先會寫咁多字去引起討論，不然，外面天氣凍，我去瞓吓覺好過啦。
【 PMI調查2017年下半年最佳7套韓劇 】
（1）《有品位的她》／JTBC／21.9%（奇妙有買）
（2）《秘密森林》／tvN／18.7%（奇妙有買）
（3）《告白夫婦》／KBS／17.7%（呢套myTV SUPER有買）
（3）《黃金光輝我的人生》／KBS／17.7%
（5）《當你沉睡時》／SBS／10.7%（呢套myTV SUPER有買）
（6）《名不虛傳》／tvN／8.6%
（6）《魔女的法庭》／KBS／8.6%（呢套myTV SUPER有買）
MBC，一套都冇入圍呀，陰公豬！
韓國通朋友這樣分析：「韓劇同韓流係掛勾嘅，除非套劇好似《大長今》咁，因為睇韓劇嘅人除咗一般所謂師奶，仲有一大部份係韓流fans，即係KPOP歌手嘅迷妹，但係我同你講過2017大半年都冇爆嘅劇，就係因為喺迷妹界爆唔起，好大原因係選角非迷妹之選。」
講電視，真係講極唔完。
（23122017）
＃游大東 TVN OCN 優質韓劇 韓綜 Viu Hong Kong myTV SUPER 韓劇粉 韓劇動態 香港記者程藝 - 駐韓生活記 Steve Chung 鍾樂偉 ＃韓劇 ＃金宣兒 ＃金喜善 ＃裴斗娜 ＃曹承佑 ＃秘密森林 ＃有品味的她 C9少女 Patrick Suen iMoney 智富雜誌
告白夫婦viu 在 影視筆記】 - 【 韓劇／ 奇妙電視Fantastic TV 買咗勁... 的推薦與評價
（3）《告白夫婦》／KBS／17.7%（呢套myTV SUPER有買） ... 游大東TVN OCN 優質韓劇韓綜 Viu Hong Kong myTV SUPER 韓劇粉 韓劇動態 香港記者程藝- 駐韓生活記 Steve ... ... <看更多>