沙田呂明才小學單野，其實只係冰山一角。
之前有飯商大大聲咁講，學校管得好嚴，如果搵到證據利益輸送就報ICAC，我真係隔住部電話冷笑一聲。
利益輸送有好多層面，人地傻校長食橙皮，佢呢個傻校長食夾棍，仲要食到出晒面係真心抵捉。但更多更深層次嘅利益輸送，根本無人會睇到，就算睇到都唔會、唔敢講。
大概八、九年前，我曾經賣過兩個月教材，唔係好多，只係兩個月咁大把。我地做銷售嘅，尤其是初出茅廬的新人，通常都係努力打cold call搵客，睇下有冇學校會買我地套教材。
我記得個list 有幾頁紙，當中有兩三頁係用紅色間起，上司跟我說這些是「地雷」，佢地會每年都搵唔同教材商quote價，但到最尾都係用返同一個教材商。而有趣的是，那個教材商的產品質素是行業內公認的差，但那間教材出版社，有著濃厚的教會背景，而這些「地雷」學校，也是那一派教會的。
拿，跟足指引、依足程序，標有招、價有格，合情合理合法，就係咁岩都係佢最好，你咬我食呀？神的旨意真的很奇妙，無論如何尋覓，到最後還是能找回失散的弟兄！你報ICAC，我當你係幫神蹟做見證，科主任無收錢、校長無收錢，我仲要自己貼埋錢出去，你耐得我咩何？
不過，你試下一間教會學校的校長，完全唔用同自己宗教派系有關的出版教材？我又想睇下佢可以做到幾耐。
查教育界呢，如果淨係睇數簿，只會捉到呢啲智商低下的「餅卡校長」、「窮遊校長」。但如果你睇埋校長返邊一間教會，簡直是開天眼，你會看到好多你不應該看到的「污糟野」。不過，又唔洗擔心，佢地真係合法，人地讀咁多書都係為左演繹完美的犯罪，所以我總是用欣賞的心態，去觀察教育界的五鬼運財，不，是天降神恩。
不過，唔講啦，反正只要你嗌得夠大聲、夠厚臉皮，就算你話個地球係平嘅都會有人信，何況只係話「根本無利益輸送」？依家仲有班家長繼續撐緊個校長，「繫上紫絲帶，以示支持校長和老師」，依家擺到明違規，都仲可以如此支持；面對法律，你跟我說人情與信任，你說多麼有趣。
幾日前我寫過一次，今日我再寫多一次：很多人在雞蛋與高牆之間，往往會選擇高牆，但總是不知廉恥地聲稱那不過是厚一點的蛋殼。
#教育界最黑暗一日
#教育界黑暗左好耐
#係你無張開雙眼而已
#信與不信
#不能同負一呃
#呢句係真心話
#亦係金句
#因為真係有金喺入面
#善良人埋藏著最壞的心眼
#絕對信任
#你同個校長好熟咩
#三九唔識七你對佢絕對信任
#家長們對自己的伴侶有一半咁信任就天下太平啦
圖片來源: 香港01
因為真係有金喺入面 在 某日，我撞番二十年前嘅初戀情人。話晒咁多年冇見 - Facebook 的推薦與評價
因為 我唔識寫《#我家女兒交不到男朋友》感想，於是寫咗個同套劇無乜關係嘅故仔。 ... 男朋友」，喺成套劇入面有貫徹始終喎(如果用告白+ KISS 作為男女朋友標準的話)！ ... <看更多>