📍SAKImoto bakery嵜本高級Shokupan專門店（好長的店名......）
🔍尖沙咀廣東道3-27號海港城港威商場3樓3208號舖
-----
如果有留意開飲食新聞，相信大家都一定識呢間超人氣嘅日本大阪生吐司專門店🍞。之前好幾次去都撲空💔，最近托朋友仔嘅福，B仔最近終於試到了！
上次發咗Story之後，好多人問我到底佢地嘅兩款招牌吐司「極生」同「極美」有咩分別，B仔就係到一次過解答大家☺️。
#極生🍞：落咗大量北海道牛奶同埋生奶油製作，所以口味比較香甜，奶味濃郁，適合就咁食，個人覺得唔太適合擦果醬，吞落去后勁帶微微蜂蜜香。口感方面，濕潤有彈性，鬆軟中亦不乏綿密，連平時我唔會食嘅吐司邊，佢地都整得柔軟容易下嚥。
#極美🍞：對蛋奶過敏嘅人可以選擇呢款無蛋奶吐司。食落冇咁甜，麵粉味較重，單食味道相對極生單調，但就同各式果醬更加合襯。質感大致同極生一樣，無挑剔。
#士多啤梨石榴醬🍓：包裝精緻，質地係好流質嘅狀態，可能用日本士多啤梨嘅關係，甜度較高，平時鍾意酸酸甜甜士多啤梨醬嘅人未必會鍾意。整體無吐司咁有驚喜，但口味眾多，朋友話開心果味幾好食，下次試下再同大家報告😘。
Ps:
✨「生吐司」嘅「生」指天然不外加任何東西嘅意思，而唔係未熟。（有人問我係咪要再焗熟佢😆）
✨大概每一個半小時出爐40條，最早可於早上9點攞籌，再喺籌號上指定嘅出爐時間後60分鐘取貨（籌號每日派完即止😑...通常4：30p.m後都會撲空）
✨🧑🚒最後戴個頭盔先：B仔係超級麵包控，對麵包嘅細微分別非常敏感，個人覺得好高質無失望，尤其中意#極生，但有非麵包控朋友形容為超級普通，😂同普通麵包鋪嘅厚切麵包無分別...
-----
👶🏻B仔整體評價：8.3/10個👍🏻
👶🏻B仔抵食程度：6.5/10個👍🏻 （包黎講，係貴）
👶🏻B仔環境評分：外賣，不過堂食座位也不多
👶🏻B仔味道評分：9.5/10個👍🏻
👶🏻B仔回頭機會：9/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowtst
士多啤梨石榴醬 在 Jam's Factory - 士多啤梨神石榴果醬$68/樽100ml 採用本地神石榴 ... 的推薦與評價
士多啤梨 神石榴果醬$68/樽100ml 採用本地神石榴，味道更清甜，帶出士多啤梨香甜，果醬層次感更豐富。 #做人同做醬一樣要堅持#支持本地農業#jams_factory. ... <看更多>