【龔成問答信箱】(Q20961-Q20980)
Q20961:
老師你好我買咗你 50優質潛力股 同 80後3本 給我很多啟發 要為將來打算不可以盲目追求短線利益
我本身有兩個小朋友單親家庭
幸運的是不用交租 但每月儲蓄不多
現在段疫情再爆發 2個小朋友還小 所以我暫時未能報股票班 要等疫情過後才可以報。有幾個問題希望老師幫忙解答
我只有中五學歷會考零蛋 英文數學極差 報股票班教的股票估值睇股票質素潛力等 可以應付到嗎?
會唔會有公式容易明白計算?
另外想問財務報表等是中文還是英文?
老師可唔可以分享一下你現在持有的股票比我參考
我現在只有4000股 2388 平均價$23.5入
現金約20萬
我想月供
2388 15%
3110 15%
0066 20%
另外50%想買多2隻你書內潛力股
麻煩老師比比意見平日要上班同湊小朋友沒有太多時間 想報班前訂好月供計畫
麻煩老師
龔成老師:
放心【投資倍升股課程】適合初學者的,因為整個課程的設計都是針對初中階投資者的,課堂頭3堂都是初階的內容,只要你課後好好溫習,能跟到之後的內容。
每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資時機、配置、評估平貴,在投資上已掌握了一定的知識。
另外,你上課之前,多睇理財、股票類的書,留意一下財經新聞,到時就較易跟到。
整本上,課程唔會太深,內容都是中文的,沒有太多好深的名詞或數學,公式都盡量用簡單的。
我現時持股,講幾隻啦,比亞迪(1211)、小米(1810)、中生(1177)、金沙(1928)。但除了金沙外,其他都升晒,已經略貴。
現時你中銀(2388)可長線。
至於月供,都無問題,長線進行就得。另外50%,建議你加盈富(2800)及恆生科指ETF(3067)去長期月供,如果你想進取D,就加入GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
由於近期不少車股被炒起,此股現價略貴。無貨可以現時入少少,到有明顯回調才再慢慢加注。
潛力度是有的,但會比較波動,如投資宜慢慢分注,可長線。
至於現金,就小心運用唔好太急,最好等上完堂先正式進行配置。
------------------------------------------------
Q20962:
老師,你點睇佢同阿里健康/京東健康
我覺得平安好醫生好似係更加革命性,因為佢係嘗試建立一個線上醫療服務,真正咁網上睇醫生,而其它兩個係比較着重線上醫療/健康產品銷售咁。似乎係潛力更加大
唔知我嘅睇法啱唔啱
龔成老師:
阿里健康(0241)、京東健康(6618)潛力都大的,因為佢地本身有一個好強的銷售網絡,這已經做到好完善,當網上買藥不斷有更多人接受時,佢地長遠的發展會正面。
睇翻,中國政府正在鼓勵行業的發展,長遠正面。因此,3間公司長遠都正面,不過營運模式就有少少不同。
例如阿里健康,佢營運醫藥電商、互聯網醫療等業務。
「醫藥電商業務」,這業務主要有兩種業務模式,由自營電商和天貓代運營,涉及非處方藥品、醫療器械、計生用品等。
另外,就是「互聯網醫療業務」,阿里健康與國內多家二三級醫院建立合作關係,患者可以通過阿裡健康、支付寶等平台,做到線上掛號、問診、諮詢用藥等等的服務。
阿里健康利用醫療AI系統「DoctorYou」去進行營運,該系統包括臨床醫學科研診斷平臺、醫療輔助檢測引擎、醫師能力培訓系統等,輔助醫生睇病。
業務上,有好大的潛力,不過,本質波動,股價上落大,消息多,市場炒作多,這類股風險都不少。最大問題是無人能正確估值,市場現時只是估估下,推將唔到佢將來的價值。
------------------------------------------------
Q20963:
Hello 成哥 之前問過你股票同買樓既問題
最後見到樓市呢期冇咩點跌 忍唔住係未達到原有目標(即係未儲夠1m) 就賣哂d 股票入市買左樓
宜家絕大部分資產都係層樓
不過都唔知係好彩定唔好彩,岩岩好避開左呢段股市波動既時期
雖然呢個時候買樓唔知係唔係合適時機,但係都想多謝你一直教既財經同理財知識!呢幾年睇左好多你既文章
同書,慢慢學識左點樣選股 同埋資產配置既概念
希望成哥越做越成功!
龔成老師:
我地進行財富配置,最重要是長期的,不用太著重中短期的情況。
如果你長遠有買樓需要,現時你行這一步是無問題的。
其實置業的時機,並不是分析樓價(因為好難準確分析),因此,最核心是「自己的資金、負擔能力。
你之後要股樓並行,開始翻股票方面的財富累積。
------------------------------------------------
Q20964:
Sir,我覺得你好勁,當初唔明點解要平衡組合,但當股市大跌時就明白!
但我都忍唔住手痕,未跌完就入咗2845($138)/1833($118)而之前本身無貨,已知道你講過的合理價,但太心急,但有時有d股想等合理價而末到價又升左(好後悔),好難捉摸呵
但我知1833有質數而會是長線的。
而我之前因見2388,1972好悶無咩升放咗,你說這方法不正確,現在見到2388升咗,明白當中道理,我會記住,我學到嘢!多謝一支指導
龔成老師:
如果本身無貨,入翻少少平安好醫生(1833)同GX中國電車(2845)都可以,最重要你買入時,以分注慢慢買入作策略,就能減少風險。
兩隻你都可長線,只要之前唔係太大手買入就得。有質素的。
保持進步啦。我地最重要睇企業長遠,以及配置,不是短期股價。
------------------------------------------------
Q20965:
哈囉~龔成sir! 我最近面對緊一啲抉擇,希望你可以比啲專業意見我參考
我今年25歲,月入$17000,無住家無物業,現時暫住喺男友屋企,手持10萬現金,年繳2萬3千保費。
雖然住佢屋企唔洗交租,但我每月都要成$6000支出(計哂車費、飯錢、電話費等等)我好想自己搬出嚟住(因呢個男友太無上進心)
都係睇緊啲五六千蚊租金嘅地方,但我諗搬咗出嚟之後起碼就要支出多一萬蚊(租金、水電煤 & 雜費)到時就儲少好多錢⋯⋯
最近我都準備開始嘗試月供股票,就糾結緊
1️)住住先啦~忍無可忍先搬,儲多個錢先
2️)諗長遠啲,呢段時間咪咬緊牙關,再節省啲不必要開支,搬出去又一條好漢
1️or2️?
定還是有其他方案可作參考?謝謝你
龔成老師:
如果從長遠的累積財富角度,當然(1),因為你的支出最少,如果你現時的狀態每月支出都要$8000,你搬出去,支出一定會好大。
反而,你應該進一步控制這刻的支出,同時開始投資,利用現金的$10萬去增值。
另外,你應該用男友共同設計長遠的財富目標,以及一些共同的計劃,去鼓勵去儲蓄或作出突破。
但你話「我好想自己搬出嚟住(因呢個男友太無上進心)」,如果你想同佢長遠發展,就要一同面對問題,而不是自己搬出去,又或者你不想與這個人發展?你要思考一些長遠問題。
------------------------------------------------
Q20966:
請問月供股票,在什麼情況需要減持同增持?現月供持有#0003/2388/2800/1928
但因上年人工被減,只可月供#2800/#1928各供$1000
龔成老師:
我地決定加注與否,要睇幾個因素,記住,並不是「拉低平均買入價」為目的。
第一,要分析這股的質素,如果無質素,就再跌都唔加。
第二,這股的類別,如潛力或增長或收息類等,是否與你的財富組合匹配,比例是否適合。
第三,你要先計算加注後,這股佔你股票組合的比例會否太多,因為同一行業,同一股票。不能佔股票組合的比例太多。
第四,現價是否有投資價值率,要平,或起碼合理,不能貴。
第五,你要在加注後,仍有現金剩。
記住,重點不是「拉低平均價」,而是組合比例與配置。
你上述月供的,都是有質素的,但增長力就唔算強。
如果你資金不足,可以暫時集中供盈富(2800)$2000。
或者你想月供盈富同金沙(1928)都得。
其實,所有都是一個配置過程。
我地最重要是建立一個長期的「財富組合」,要優質,要平衡,要適合你的年齡與風險承受程度。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
同時,我地會運用「先增值,後現金流」,即是年輕時增值較多,年長時就集中收息。
------------------------------------------------
Q20967:
老師,9911和2131現在可加仓溝貨嗎?還有1810可以加吗?謝謝您
龔成老師︰
赤子城科技(9911)主要從事開發一系列移動應用程式、健身應用程式、遊戲應用程式等。
業務上,係有吸引力的,不過,我一向都新股半新股都無興趣,因為真實面要慢慢先見到。
由於上市時間唔長,故較難準確估值,只建議小注,同時你要明白當中的風險。
云想科技(2131)主營線上合約廣告服務,佢業務上都有可投資地方。
但由於佢上市不久,現時數字只能參考,因為好多新股都要過一段時間才見真章,故投資時要保守些。
佢2019年盈利只有7000萬,市值郤近80億,明顯唔平,現時投資有一定風險。若持貨不多,可以守。
而小米(1810)現價算係合理區頂部,至略貴水平。如果無貨,現價可小注。再回多1成左右,值博率會更高。
------------------------------------------------
Q20968:
龔sir 廣交所同微盟值得長線投資嗎?
謝謝你
龔成老師︰
港交所(0388)絕對有長線投資的價值,只是平貴那個價買入的問題。
佢係香港唯一獲認可的證券市場及期貨市場,提供現貨、期貨、衍生工具的平台買賣,以及股票上市業務。
由於是壟斷業務,已經是盈利的保證,問題是賺多與賺少,以及將來的前景如何。而港交所處於金融證券行業,金融業作為香港的命脈,長遠發展仍不會差,加上壟斷事業,已能推斷到港交所是一隻優質股。
但現價偏貴,回多1成左右,才算較合理水平,才可分注。
微盟集團(2013)集團主要在中國從事提供軟件即服務產品及營銷服務。
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及AI技術為商戶提供智能營銷服務。
這次中期虧損大部份來自"可換股債券的公平值變動",簡單咁講,唔係佢業務上出左大問題。
長遠業務上係有一定潛力,但盈利和股價上佢都幾波動。此股可投資,但只宜小注。
------------------------------------------------
Q20969:
想請教龔sir
依加經濟準備復蘇
到時d 股票升哂 咁咪月供黎都冇意思??
個又應該放哂佢 定還是減少金額月供
3、700、788、823、2800、2822、3088、3188、9988
我有依d 股票
只係騰訊,爸爸,3088同3188
唔係月供緊
另外騰訊 北水 走緊 係咪應該放左佢
再等低位買入
龔成老師:
我地最重要是睇翻質素及平貴,如果到時佢地仍有質素,只要唔過份地貴,你都可以照常月供。
當經濟好轉股價上升,只要企業的價值有實質增長,就未必是貴,可以仍然是合理的。而月備是一個長遠投資,除非好明顯地貴,否則,一般都可以持續進行。
你上述股,都有質素的,你保持長期進行就得,同時亦是一個平衡的組金。
至於北水,只會對股價有中短期影響,我地是重要是睇「企業」。
------------------------------------------------
Q20970:
老師,我個倉市值$120萬,有18隻股票,我見你話10-15隻股票較好,我係咪要賣左d佢?都係有質素的股
龔成老師:
以一個$120萬的組合來說,10-15隻較好,你可以控制翻,去到15隻。
如果你持股都是有質素的股票,你就唔需要急於進行賣出的動作,慢慢進行,見到有機會先進行就得。
其實超過15隻不是不可。我建議一個$100萬以上的倉,最好在10-15隻的原因,係唔想大家管理得太亂。我地買股票,應該了解每一隻自己的持股,買入前要小心分析,買入後要持續檢討,每次企業出業績或有重大消息,都要跟進的。
如果你持股隻數太多,根本好難完全了解每一隻股,因此,你要考慮這個因素,然後取平衡。
------------------------------------------------
Q20971:
想請教一些在香港二次上市的跨國企業,例如阿里爸爸 京東 百度,這些公司發行新股票集資,為甚麼不會導致本來在美國的現有股價下跌?
一個企業的市值應該是固定的,不會因為發行了新股票而令整個企業的價值提高了,對嗎?
如果企業市值是固定的,增發股票,就會降低每股的價值,現有股價應該會下跌。但為甚麼這些企業的美股股價沒有暴跌情況?
我的想法在哪裡出錯呢?
龔成老師:
其實這是複雜的估值概念。
用最簡單的講法,就是一間企業如果佢是發行新的股票,每股股數會增加,每一股的價值會減少。不過,佢發行股票的同時,企業得到現金。
因此,企業價值會向上,當企業有效利用這些現金進行投資發展,企業往後的價值會提高,市場就會考慮佢再投資為企業增長多少,從而抵消了每股股數增加令每股價值減少的因素。
------------------------------------------------
Q20972:
老師,如果投資保險既投資保,會唔會俾投資股票好?
因為有朋友有個計劃:(USD為單位)
開戶$3000,每月放$249.9落去,直至第五年就供完張單,其後就話每年9%年利率回報。去到第10年就會有$24,964(本金依然係$15,000)
龔sir, 你點睇?還是你仍然覺得我月供股票,回報會比供保單好?
龔成老師:
其實在理財角度,我地好難話邊個「絕對好」,因為理財,最重要是「適合」。
股票的回報一般會較高,當然,風險都會高少少。至於上述的投資保,回報可能不及股票,但風險可能低少少。
而我見上述話有9%回報,這方面要問清楚,因為坊間這類工具的回報,如果要去到9%,部分要在某些假設的投資環境與回報下,先會發生,同時,有機會背後都有一定的風險。最重要是問清楚。
如果9%回報的確定性甚高的話,其實是不錯的投資工具。可考慮。
------------------------------------------------
Q20973:
龔Sir我見你好小提及債券,其實我們的資產分配上要加入一些嗎?
現時我的資產持有物業,實金,股票,現金,保險,正在想如何可以做到更好平衡及風險對沖
龔成老師:
債券,因為這是一個「產品」,並不是真財富,所以,我地在財富組合不會持有太多,或不用持有,而我地在財富配置,應該持有「真財富」,例如物業、車位、優質股(佢地的長遠價值及現金流會向上),但債券,隨著現金不斷貶值,佢長遠都在貶值。
因此,你持有物業、股票,應該要成為財富核心,至於實金、保險、現金、債券,在我地理財中都可以,但就不是核心。
------------------------------------------------
Q20974:
你好,龔sir, 上年接觸認識你fb page,真心獲益良多,之前買股票,股價稍為升小小或者跌小小,都已經影響好影響心理,直至認識你fb page,就了解如果自己揸住優質股,短期股價波動根本完全不用理會。真心多謝你。
最近考慮緊應唔應該入市買樓,希望你可以俾d意見,我同先生月入合共60K,已家租地方住,大約9k, 有現金價值大約100萬左右,每月儲25k。
一直心大心細想入市,希望可捕捉跌市,但眼見疫情樓價依然企穩,最近樓市直程小陽春。400萬-500萬樓價已經買小見小。
其實我地一直都係target買5百萬左右既樓,已家可能要調高budget去到五百五十 - 六百。請問我應該係咪唔應該繼續等,應該認真開始睇樓,考慮入市。
但係我一諗到如果我入市,我就好似要all in我既積蓄再每月供起碼17000-19000,就擔心壓力有點大,所以正正係咁真係令到我1516。
其實我仲有諗,定係我已家繼續租地方住,另外一路儲多d錢,將個雪球滾大佢去買股票/reit個d增值,買樓既事,等3-4年之後再進行。
希望可俾d意見,謝謝。
龔成老師:
我地最重要,是考慮長遠的情況,如果你長遠,點都要買樓的話,即是這是大方向,只只時機的問題。如果你買樓後,會用盡儲蓄,最好的策略,當然是買樓後仍有資金剩,同時在供款上負擔得到,我見你話壓力大,不如儲多少少錢先。
好多人會預期樓市的升跌,從而影響買樓策略,其實,我地唔應該這樣分析,因為樓價走勢,其實好難有準確預測。
我地最重要的,反而是考自己的需要及財富情況,只要有需要,而財富足夠,就可以買。
因此,你只要睇翻,自己幾時買樓,首期,負擔情況較合適,就可以進行。
如果這刻較擔心,就儲多少少首期先,但如果資金足夠,就唔好再分析樓市走勢,已經可以入市。
建議你睇《5年買樓4部曲》。
------------------------------------------------
Q20975:
老師 請問一間公司如果買左一幢大廈 係咪係損益表開支都扣反?之後資產負債表既非流動資產一欄就會加反幢大廈既價值入反帳? 股東權益亦都會加反?
仲想問下如果公司投放錢去研發 會係損益表當開支扣除?
龔成老師:
損益表不會顯示的,因為這物業會成為該公司的「資產」。而資產負債表就會有這個資產,會放在「非流動資產」。
至於股東權益,不會增加,因為公司用了現金去投資物業,現金減少,物業增加,其實在報表是無變過,所以股東權益不會因為買物業而增加。
公司研發支出,會在損益表視為開支。而這個「研發」的定義,一般都是公司為開發某些產品或技術,而未能完全確定這筆投入資金能為公司帶來確實的經濟效益。
------------------------------------------------
Q20976:
老師,我之前借了不少咭數買股,現時已還清借來買股票的咭數(接近30萬)。
現在現金只夠四個月洗用(包括供樓~每個月供35000)。
請問我現在情況,應怎樣做?
股票仍有
27銀聯 股數1000
66地鐵558
388港交所300
2800盈富3000
1177中國生物2000
3088華夏恒生2800
700騰訊300
9988阿里巴巴600
1121比亞迪500
1810小米1400
2382舜宇科學300
3690美團300
6993藍月亮500
另外,我已報作左你的班。
龔成老師:
太好了!卡數始終是高息負債,早還有著數的。
之後,你慢慢可以加速投資,累積財富。不過,如果你現時現金不多,不如儲多少少現金先。
至於股票方面,持股都是有質素的,我見都無問題,基本平衡,其實長線投資就得,但組合有少少偏向新經濟或近期熱炒類,如果加多少少舊經濟或其他類別,組合會更加平衡。
這些持股都不差,可長線,但你之後的具體配置,我建議你上完堂先進行,這刻,你可以儲多少少現金先。
------------------------------------------------
Q20977:
龔成老師你好!我剛賣了自住樓,拿了600多萬,是用來一年後上會樓花的首期, 想問下只有一年時間,這筆資金應該怎樣運用呢?還是只放定期,因為一年後便要用。
龔成老師:
如果你$600萬,全部都要作一年後買樓的資金,就唔建議動用,最多只能動用小部分。
因為我地投資,一定要長線先有回報,買股賈等如買入企業,即是將資金投入企業後,耐心等企業成長,這當然要時間。
而中短期股市,往往只因市場情緒、資金等因素影響,不確定性大,無人知道你要用資金的一刻,股市情況如何,因此,建議你大部分持有現金,小部分投資收息股,你可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
除非,大市出現明顯大跌,出現了好大的機會,你就可以動用小部分資金,投資這些大跌,而質素不差的股票(但到時都要睇情況行事)。
------------------------------------------------
Q20978:
龔sir 我有一個買樓嘅問題想請教一下。(眼見身邊朋友都上哂車,有啲壓力)
最近我見有好多市區綠置居。 例如:鑽石山,北角,啟德,價錢十分吸引,亦好有投資價值。
我另一半同佢媽媽喺市區有一公屋單位,我自己就無,而我地入息已超任何政府津貼房屋。
我現金加股票有大約百二萬,收入穩定。
我有2個置業方案
方案1. 用另一半公屋轉綠置居,俾另一半嘅媽媽住到唔住為止,我地自己繼續租樓(咁樣只需大約40 萬首期,每月供萬五左右,租金萬五,淨返嘅本金繼續投資股票),不過每月支出壓力較大,但我地就盡早上咗車。
方案2. 佢媽媽繼續住公屋,享受平價租金,自己買一層私樓住住先,咁樣每月負擔少D(唔駛交租加供樓同時進行)但係我成副身家攞哂去做首期,短期內做唔到其他投資。
我想問邊個方向較好,或者龔sir 你有無其他suggestion ?
龔成老師:
唔好因為其他人的情況,影響你的決定,最重要是你自己。買樓與否,最重要睇你的首期資金及負擔能力,如果本身有需要,而供樓等無問題,不會太大壓力,就可以考慮。
(2)會較好。
其實(1)最大的問題,係你唔清楚佢媽會住多久,假設年期好長的話,對你地會有一段好長時間,你要一邊供樓,一邊租樓,你的負擔會十分高。
至於(2)的方法,會較有效解決到你地自身的居住問題,而對佢媽又無影響,如果日後再有資金多,或有家庭情況改變,到時先將公屋轉綠置居。
------------------------------------------------
Q20979:
老師我想問下,我在新年的時候分別入了一點6988樂享互動(3.95入),451協鑫新能源(0.47入)。。
那時岩岩新手在高位時買了依2隻想問下我應該幾時要走呢?
因為我想拎番依2隻股既$去買老師你推薦的一些優質股去長期持有。謝謝老師
老師,我想參加您的課程,但係我是澳門那邊的,您有沒有一些是線上的課程呢
龔成老師:
樂享互動(6988)是中國的效果類自媒體營銷服務提供商,利用商業智能技術為行業客戶及自媒體發佈者提供服務。
睇翻近年的財務數據,佢增長力是有的,但上市前的數據參考價值較低。
相信佢長遠,業務都有增長力的,公司話佢自己能盈利高增長。如果你持貨不過多,可守。
至於協鑫新能源(0451)主要從事光伏電站之開發、建設、經營及管理。
生意增長力不強,可過盈利十分波動,股價上落大,高風險類,市場往往炒作多過實際。
要睇你承受風險的能力,股價有時會大升,但又可以跌得好快。整體的投資價值,未算高。這股宜減持。
長遠來說,你要投資更優質的股票,建立一個優質組合。
我最近同天窗出版社,合作開辦左一個網上課程,題目是關於「資產配置」的,即是講述各種資產與投資工具的特性、投資價值、在財富組合中的角色,至於股票內容就唔算多。你有興趣可睇睇:
http://bit.ly/3pP252j
課程按「人生階段」、「財富累積」、「資產特徵」設計,更有給年輕人、已婚人士、退休人士的精明理財建議。
至於股票班,由於內容太重要,只有實體班,唔會開網上課程。
因為之前實體股票班試過比人偷拍,之後放左上網賣,最後要搞到報海關先處理到,好煩。所以,網上類的教學,都好擔心有偷拍問題,風險太高,因為好多課堂內容,都唔想太公開,只想自己學生知,所以暫時都唔會搞。
其實我之前都有開過澳門班的,不過現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班」就得。我地有具體資料就會 whatsapp你。
因為現時已有好多澳門人留左位。
------------------------------------------------
Q20980:
你好老師
1579,1833,853,6969
我重傷。請問呢幾隻係咪止蝕會好d
龔成老師:
你持有的股票,不是劣質的。不過,你集中持有近期較熱炒的,已出現了風險。往後在長遠,要建立翻一個平衡的組合。
這些股不是無得守的,長遠有增長力,但你集中持有,以及你之前在貴的價位買入,是最大的風險。你要睇翻有無邊一隻,是過份持股的,如果有,就宜減持。
而微創醫療(0853)股價上落都大,同樣唔建議持有太多。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過2萬的網紅寶可孟の省錢大作戰,也在其Youtube影片中提到,#采實文化 #實現財務自由的被動收入計畫 #寶可孟 好書值得推薦,這本書主要講的是「一般人」(非KOL)也能夠做到的「被動收入」執行計畫,舉凡投資、房產、靠智財權產生的被動收入,好好經營都是很可觀的。但是到底該怎麼做?就聽寶可孟為大家做的導讀吧! 博客來完整介紹➤https://bit.ly/3i...
「好好退休平台開戶」的推薦目錄:
- 關於好好退休平台開戶 在 龔成 Facebook 的精選貼文
- 關於好好退休平台開戶 在 龔成 Facebook 的最讚貼文
- 關於好好退休平台開戶 在 龔成 Facebook 的最佳解答
- 關於好好退休平台開戶 在 寶可孟の省錢大作戰 Youtube 的精選貼文
- 關於好好退休平台開戶 在 寶可孟の省錢大作戰 Youtube 的最佳解答
- 關於好好退休平台開戶 在 Re: [問題] 基富通平台風險請教- 看板Fund 的評價
- 關於好好退休平台開戶 在 怎麼從40檔基金挑出好菜?基富通「好好退休準備平台」篩選 ... 的評價
- 關於好好退休平台開戶 在 知道 做到,存退休金這樣開始! - Facebook 的評價
- 關於好好退休平台開戶 在 基富通好好退休-Dcard與PTT討論推薦|2022年07月 的評價
- 關於好好退休平台開戶 在 基富通好好退休-Dcard與PTT討論推薦|2022年07月 的評價
- 關於好好退休平台開戶 在 基富通好好退休懶人包 - Mobile01 的評價
- 關於好好退休平台開戶 在 請問這邊也有人參加好好退休嗎? - 理財板 - Dcard 的評價
- 關於好好退休平台開戶 在 [新聞] 鼓勵定期定額基富通開戶終身0手續費- 看板Fund 的評價
- 關於好好退休平台開戶 在 [問題] 好好退休是類似私校退撫的基金方案嗎? PTT推薦- Fund 的評價
- 關於好好退休平台開戶 在 基富通開戶、好享退安聯在PTT/mobile01評價與討論 的評價
- 關於好好退休平台開戶 在 基富通開戶、好享退安聯在PTT/mobile01評價與討論 的評價
好好退休平台開戶 在 龔成 Facebook 的最讚貼文
【龔成問答信箱】(Q19221-Q19240)
Q19221:
老師你好,我對投資冇咩概念但有keep 住睇你的分享,我平時要照顧小朋友好少時間睇書,我想問你話長揸股票賺錢,我想知係賺佢既收息嗎? 會有股票冇得收息?
如果我長揸10年後,升左好多,之後呢? 唔賣出點賺到錢? 唔好意思問咁多問題
龔成老師:
新手多問題是正常的,而我建議你睇《股票勝經》,適合你的。花少少時間,慢慢睇。
我地買股票,就是買企業,企業賺錢,就有機會派息,佢可以選擇派或唔派。當企業有盈利時,佢可以選擇將盈利再投資,又或分享給股東作派息。
我地會分析該股過往的派息情況,如果佢本身業務穩定,如港燈(2638),而佢所用的派息政策都是持續派息,就可以確保你買入後,之後的收息都不差。
至於你問持有10年,其實最重要是財富增值,不是現金,你留停在「要賣出,賺現金,先算賺錢」,但真相是,現金貶值,資產升值,你持有優質股才是真財富。
另外,當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如你10年內以增值為主,之後進行財富配置,轉為收息股,著重現金流,這都是策略。
------------------------------------------------
Q19222:
龔Sir 我係你股票班既學生,我28歲、身家6成係股票4成現金,有關於資產既問題想問下你意見:
1)你本書財務自由行-債券嗰一課講過年輕人唔建議賺息差,因為債券係不會增長既產品。
但而家既低息環境,證券行如IB可以做到1.08%息率槓桿,你建議係我呢個歲數攞幾多%錢去以孖展買債券、賺息差嗎?(假設我搵到穩陣既債券,息口有5.XX%左右)
2) 同朋友夾錢搵層樓租10年,然後再以劏房形式租出去,至少要3年先回本,年回報有20厘,你覺得值得嗎係我呢個歲數?
3) 近排好多電動車股如1211有配股既動作,配股價假設真如消息所講嘅$187.6,可唔可以咁樣斷定呢個係佢嘅合理價?
定係呢個會係其中一個理由去上調係股票班學到嘅估值?
4)1211 配股係咪利好?因為佢係籌集資金再投資再發展?
5)我係坊間買左個DCF估值excel, 但即使用係已有盈利嘅公司, 得出黎嘅估值有啲都好離地, 點解會咁?
6)年尾有咩方法紀錄/計算自己既股票年回報,尤其是係long term既股票如比亞廸,係2018年尾$45,
2019年$40, 2020年$200, 萬一2021年尾係$150,咁下年就係負年回報?有冇個簡單好d既方法?
Thanks 龔Sir
龔成老師︰
1) 首先,你這個年紀係財富增值黃金時期,債券這產品不是優質資產之餘,增長力也唔理想。建議你集中係有增長力架優質股,長線一定會較有利。
而且,我唔建議用孖展這種槓桿模式去做投資,風險太高了。
2) 不要一面倒睇好這類項目,劏房的確會有較高回報,但要處理的麻煩事都較多,租客的質素,對物業的損壞風險,這都是不確定性。當然,我不是完全反對,但市場是公平的,這類項目回報較高,反映風險較高。
另外,合資投資要好小心,好景時大家都無事,當市況差時,就會有分歧。
3) 合理價係用佢本身質素、行業前景,財務狀況等去評定,配股價跟這些因素無關。配股價只考慮「這刻市場能接受到的價」。
同時,企業質素唔會因配股而改變,故此唔會成為上調佢估值的理由。
4) 比亞迪(1211)配股,估計係用於加大營運資金、償還債務等用途,屬中等,未算好利好,但都不是差。
5) DCF本身較適合用於一些平穏發展,現金流穏定架公司,如果現金流變化較大,就未必適合。我唔係好清楚你個EXCEL運作,所以比唔倒實質意見你。
6) 其實我唔會咁去計住,因為中短期再好架股票,都會出現波動。你反而係要定期審視佢架質素,到底有無大轉變,只要無變就無問題。
比亞迪(1211)現時未到佢全面爆發期,你要再預多幾年,等新能車較全面普及,才會真正反映佢較真實價值。
------------------------------------------------
Q19223:
呀sir,我想定個目標係3年內草到100萬,每月草到大約1萬,我應該點樣進行配置?
因為大部份潛力股小注分注後都上哂去,無辦法進行加注。希望呀sir你可以比d意見我。
現時持有股票
12 29@1000
590 16.7@1000
788 1.5@20000
1093 7.7@2000
1177 7.8@2000
1686 5.8@2000
1810 14.6@600
1830 2.4@8000
1928 28.7@1600
2382 113.7@100
9988 251@100
龔成老師:
上述都是有質素的股雲,方向正確,基本上無問題,可以長期持有。
如果要3年內累積$100萬,除左靠原有股票去進行滾存外,你每月都要努力投入資金,投資優質股,每月$10000可以投資平穩增長股,加部分潛力股。
平穩增長股,如盈富(2800)及其他,至於潛力股,由於不少現時都唔平,可以較考慮的,就是安碩恒生科技(3067)可長線,另外,舜宇光學科技(2382)、中生(1177)都可考慮,但要注意股價波動。
記住,唔好太急用盡現金,因為現價唔算平,要慢慢用,耐心等機會。
------------------------------------------------
Q19224:
老師你好,想問吓中國電信會唔會有得升,我喺佢2.75嘅時候賣出, 2.4又入返
仲有我想問吓,我依家係19歲嘅學生未有收入,有冇啲咩方法可以令我個本金滾大啲?或者有冇啲乜嘢要注意
龔成老師:
中國電信(0728)長遠會慢慢上翻,不過,這股並不是高增長類,只是收息類,因此唔好對股價有太大期望。
而你19歲,這類股未必最適合你投資。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你現時要增加收入,可考慮做兼職、做下小生意都得。
同時,要努力學投資,只要你有知識,到你將來正式工作有收入,財富增長會好明顯。
------------------------------------------------
Q19225:
老師你好,我係投資新手,現時有份穩定嘅工作,想學下投資,想問問 我有留意到你經常講到盈富基金,如果我有一萬蚊作為本,要如何運用?謝謝
自己都有去銀行查詢,銀行方面表示,瑞銀中國債券基金都值得新手入手,你認為如何?
龔成老師:
盈富(2800)會較穩健,如果你想增長,能承受風險,就安碩恒生科技(3067),不過價格會較波動。
至於上述的債券基金,我無研究,你要留意一點,「債券基金」跟「債券」有所不同,債券基金坊間分好多種,你要小心睇,因為有d風險低,無乜問題,有d則有潛在的風險,絕對不是保本的產品,有機會出現了「賺息蝕價」的情況。
第一,有些基券基金,會投資「高收益債券」,即是「垃圾債券」,你一定要睇睇佢所佔的比率。
第二,債券基金往往不是單純地持有債券,而是可以作買賣,以及利用衍生工具作對沖等策略,即是可能有價格上的波動。
所以,你投資前,要問清楚風險。
------------------------------------------------
Q19226:
老師,早兩日終於鼓起勇氣落堂後問你問題,我就係問點樣唔心急買股票個個人
多謝老師悉心教導,我而家先知合理區,便宜區買左貨個種穩陣。我之前試過高追比亞迪,最後跌得好快,蝕本走左,反觀其他領展,恒基係低位買真係慢慢升上去!
明白到點解同一隻股票有人買會賺大錢,有人會蝕錢,就係因為心理質素唔夠好,無耐性,我要痴張大紙貼係屋企,耐性,好價錢好時機同優質股先好入手!唔好急,要冷靜!
感謝老師
龔成老師:
對,你已經掌握到一個好重要的投資技巧:心理因素、耐性。
要令自己唔好一時衝動入左貨,你可以用我課程比你的「企業評估表」,由於要填6頁紙先可以買股票,因此,你每次買股票前,都會確定自己好了解該股,同時這股已確定優質。
當你每次買股票前都填這表,就可以令你好冷靜先入市。
------------------------------------------------
Q19227:
龔老師,你好。我今年42歲,月入約5萬。一直沒有投資,直至近月工作可能被辭退,相信未來幾年找工作不易,也不會有現在的收入,覺得十分有危機,才開始想到要學投資。
屋已住40年,是父親的,相信未來二十年內會拆卸要搬,又是一個危機。我不懂買賣投資樓宇,只知要儲錢。
四五年前,因同事提議而儲蓄人民幣,起初利息較高,每次存入港幣2萬,每半年自動滾存,前後總數約三十至四十萬港幣,後來沒有理會,在今年年初人民幣貶值前一天全數轉回港幣。
因為不同時期存款,我不知如何計算才是,轉回港幣時,人民幣對港元對換率應已上升,但我想應該有賺吧。
最近英磅七天定期儲蓄利率十厘,應該做定期?
沒有任何投資,但一直慢慢儲蓄,現有現金約四百萬,打算學月供投票。我也想財務自由,但如果要買屋,看似沒可能財務自由?
其實我甚麼也不懂,連哪裡開戶如何開戶也不知道。但是生活危機太多,看時勢錢會好快大幅貶值,我必須開始做點投資,要做點資料搜集才開始。請問有甚麼組合建議嗎?
龔成老師:
你最大的問題,是知識,你理財方面有點亂,在正式進行理財前,我會建議你睇3本書先:
《80後百萬富翁》
《股票勝經》
《財務自由行》
你要明白,理財是一個「財富配置」的過程,你要建立一個平衡,以及會長線持有的組合,同時當中要有質素,有增長力。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你現時的年齡,可以投資平穩增長股,但由於你未有知識,唔建議你心急做。
這刻你可以做的,就是月供盈富(2800)$10000,同時增加知識,過半年等你有知識與經驗後,再慢慢配置餘下的資金。
------------------------------------------------
Q19228:
成哥,我都問你之前講個隻3067,我見佢係etf,我想問我投資呢d etf通常要留意d咩?
因為我見你講既通常要睇5年既年報或其他資訊,但呢隻係岩岩上無耐
咁我洗唔洗留意佢幾年既年報先買?佢既合理價位係大約幾多?Thank you
龔成老師:
安碩恒生科技(3067),你唔洗等幾年,這基金可長線。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
因為佢所追蹤的指數,及當中股票,基本上已知當中的情況,因此唔需要再等多幾年。
不過,現價都唔平,大約在合理區頂,因此,這刻不能大注投資。
最好的策略,就是月供,或自行分注小注慢慢收貨,原理如同不斷儲貨,這樣就能平均買入價,減少風險。然後就長線持有。
------------------------------------------------
Q19229:
龔Sir, 我未睇過你的著作,如果要開始應該由邊一本開始比較好啲呢?
我是一個70尾出生的,只有5萬元可以作投資,月入3萬左右,可以每月用$3000作月供投資,謝謝
龔成老師:
你可首先睇:
《80後百萬富翁》
《股票勝經》
《財務自由行》
之後再睇其他。
如果投資金額不多,就不要心急動用現金,暫時月供股票先。等你有較多資金及知識之後先慢慢動用現金更好。
現時月供盈富(2800)$3000,可以,以你的年齡適合的。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你這年齡,適合投資平穩增長類股,盈富適合你的。
------------------------------------------------
Q19230:
成哥,有d 生活上既請教,我自問工作上好多時講野唔足夠信心,但我覺得你成日講野都好有說服力同信心,好想請教下點苦練先可以好似你講野咁醒目。
龔成老師:
其實我20年前,無是一個無乜信心,成日放棄的人。
我是因為睇左好多正面書,然後改變左唔少。所以,我建議你多睇書。
另外,做運動,定目標(但定左就一定要做到)。另外,我會寫「成功日記」,每天記錄自己完成左,感到成功的事。
我相信你做上述的事,半年後已經好唔同。
------------------------------------------------
Q19231:
老師你好,請問你會唔會建議我地買美股?因為身邊好多朋友買美股都有賺,佢地話美股係大牛市,普遍都係向上,但港股唔係,我自己又唔識美股,老師有冇邊隻推介?
龔成老師:
港股美股,只是當中找到優質公司,就是可投資,因此你可以考慮,最重要是「優質公司」「你熟識」
由於近年美股的升幅不錯,因此多左人投資美股,多左人認為美股較好,但我地唔好因為這些中短期的表現,就認為美股較好。
以中國及美國長遠的經濟發展計,兩者都是不錯的,你可以進行一個配置,長期持有。
最簡單是考慮美股的ETF:VOO、QQQ
------------------------------------------------
Q19232:
成哥 你好,又係我,疫苗產生令到金價今年高價回落,我覺得現月供貼近金價的股票適合嗎,防止另一波黑天鵝(例如另一波疫情)
到時達到避險作用,我這樣想可以嗎;另外山東黃金是比較貼近金價的股票嗎?
龔成老師:
你唔需要作太多中短期的分析,最重要是建立一個長期的組合,著重「配置」「長期」。
黃金可作為組合的其中一部分,但不用太多。
山東黃金(1787)主要於中國從事黃金採礦及加工,以及銷售黃金產品。
佢係於中國合共控制及經營十幾座礦山,大部分位於山東省,並於中國擁有多個選礦設施及冶煉及精煉設施;當中,持有一定數量的黃金。
佢雖然有一定的資產價值,個都要留意番,雖然這類資源股雖有投資價值,但只算中等。
原因是這樣,資源本身有一定的價值,但盈利始終受國際黃金價格影響,本質上會較為被動,無乜價格自主能力,同時產品無差異性,是典型的商品企業。這類企業都有一定的投資價值,但就不會太高。
------------------------------------------------
Q19233:
感謝龔Sir!你的課堂帶給我滿滿的價值
最後一堂你喺最後環節的分享,令我也想起自己小時後都有類似經歷。
那時,我雖有自己的房間,但房內的所有傢俬/窗簾的顏色/款式也不能自己決定(仲有衣著也不能自己買,興趣也是),想添啲心中的傢俱,便被父親責罵,叫我「以後自己有錢先自己買,而家住我地方就無權話事」之類的。
於是那時青少年的我便發誓以後要賺錢買一套真正自己的房子,然後便可自由了。但以前的我好討厭商業,雖然很想要錢,但對錢可能也有少少仇恨吧(因家人成日講錢)
到了廿歲,認識了一些朋友,佢哋同我講要定目標,例如30歲前要達到咩目標,那時我便替自己決定了3個目標(有屋有車有100萬現金),然後努力做老師講既事情,買股票,打份穩定的工, 每月至少把人工的一半儲起(別人年年去旅行日日出街吃,我就帶飯,旅行少去)。
雖然中途因為跟家人炒494而輸掉了大半年的人工,同埋喺2x歲因為家人反對我買樓而錯過了2009年的置業機會,但總算在33歲達成了(感恩有家人資助部分首期,雖然內心感覺不是100%靠自己努力而達到,當然間中亦會有說話聽)。
達到了目標,卻因婚姻不如意而不開心(也是投資錯誤,如果一早認識老師專頁便好了),而且因沒有明確下一人生目標而迷惘... 唔知自己想點。
2018年接觸了老師的面書和書籍,2019年接觸了一些正向教育,我開始重新思考自己的人生,也因發現另一半既不良嗜好止蝕了不如意的婚姻,踏入單親媽媽系列。
此時人生跌進谷底,投資路上亦浮浮沉沉(去年上左趨勢投資的課程,因貪開始炒炒賣賣,初時賺錢很開心,但喺今年3月炒輸股票和期指,共輸了6位數。
BTW周遭的人也勸我放棄1211,我結果忍不住放了,如果回頭望當然相當後悔,所以學好基本面和保持耐性真的很重要)。
最後決定放下自己,認真學習價值投資學懂自己做分析,同埋要改變自己心態,改變自己思維(真係好似你有一篇分享話有啲有錢人唔識分配自己資產,我因借貸多左一筆資金,但一時間亂投資亂炒賣,唔識管理自己資產加上貪快導致得不償失)。
雖然而家都有炒賣賺外快,但一定要留一筆資金是長線投資專用,而且根據老師意見把組合集中一點,買賣前一定要先睇股票的基本面。
另外,老師喺《財務自由行》同埋老師所推介的《財富金鎖匙》所講既金錢概念/吸引力法則對我影響至深,講起金錢原來我哋有99%人的金錢概念也是錯的(包括我家人),而想成功便要跟已經成功的人學習。
老師課堂講既「唔好放棄」,有如幫我打左支強心針!
我會把老師教的知識學以致用,好好運用書中的吸引力,投資自己腦袋之餘,並不斷擴展自己的朋友圈,希望認識有正能量的同道中人之餘,也以身作則教導兒子正確的金錢觀和人生觀
龔成老師:
加油呀!每個人都有唔同的經歷,但我會好好利用每一段經歷,去幫自己成長。
我1999前開始買股票,頭幾年都是輸多贏少,就是輸得多,所以先決心學投資。
我希望你可以記得過往的錯誤,令到自己在之後行翻正確的路,這點好重要。
我相信你的家庭負擔都唔少,相信你都好努力,我相信你的小朋友都會以你為學習對象。加油呀!
------------------------------------------------
Q19234:
阿sir 你好,我先提供背景資料,今年36歲,讀書不成。2003年沙士開始工作,當年雖然人工很低 6,500,但物價算平,每月我都將所有錢,月供股票一隻工商銀行,隨著每年加薪,到我約28歲時,約月供股票了約 400,000 + 現金。
決定 2012年買了一層 200萬屯門細價樓 借140萬 供20年。但是當時沒有能力即時入住。所以先放租了3年。並專登找了份新工,長駐國內廠包食住,希望節省費用。最後2015年回港自住組織家庭。但是已經沒有多餘錢投資。
由細到大教育自己一分耕耘一分收獲,可惜婚姻感情出了問題,我2019年加按層樓,借多了150萬給前度作為生活費。現在變成供 30年的樓奴。
我宜家身心都好苦惱,工作不順利但無法辭職,人工連花紅28000。希望了解應該怎樣做才能盡快財務自由?
當時2019年決定:
1. 一份儲蓄保險,每年70,000 x 15年,最後可以取 150萬。
2. 層樓改為放租,月淨收 $9,000,現在返回家與兩位老人家暫住,但我好想有私人空間。
今年2020年睇完阿Sir分析再決定:
3. 月供 $5000 盈富基金、$1000 領展
後來2020年疫情,多了私人時間留意阿Sir的教學,與我當年做法甚類似。相信請教你意見幫到我。本身我不認識股票年報,所以買了阿Sir三本電子書。《50優質潛力股》《股票勝經》《年報勝經》。希望可以有多餘資金報讀阿Sir課程。
我今次想問阿sir意見,目前樓價約500萬,扣除借貸有淨150-200萬,我應該現時放棄層樓,直接改投資房拓嗎?
還是維持擁有層樓,但將層樓轉名給父母,我自己重回首置物業的優惠,等機會再入市買多層樓嗎?
龔成老師:
你現時已有物業,其實不用太急去增持物業,因為唔想你的資產過度集中在物業類別。
現時物業收租,對理財來說是最好的。
而賣出物業,你會無左一層「將來可能自住」的樓,因此,不建議賣出。
最好的方法,是保持現有狀態,你將物業出租,你有淨租金收入,如果日後你有自住需要,到時再搬翻入去。
這刻,你最重要是努力儲蓄,及投資,以你的年齡,仍是財富增長的時期,因此,盡力儲蓄,而及做到投資就得,這方向對你最好。
你努力睇書增加知識,以及之後上堂,之後做好財富配置,你36歲仍是一個理財的財富增長年齡,財富仍有增長力。
------------------------------------------------
Q19235:
老師,我計劃在兩年內買樓。請問我現在的450萬現金應如何配置?另外每月還有5萬儲蓄,又應如何安排以增值?
之前一直不懂投資增值,常常只存現金。直至認識老師的Facebook page 才開始知道自己的現金不斷貶值, 浪費很多時間帶來的複息效應。
美國的無限量QE, 資產价值不斷飆升,真的令我不敢再拿着現金,錯失投資機會而令日後退休金不足。煩請老師教教我如何是好!謝謝!
應否在學習買樓期間(對買樓0 認識) 暫時買住一些REITs (例如, 823, 778),或6823 和 2638 增住值一年先呢?
龔成老師:
如果你將在2年內買樓,在配置上應該留現金較多,流動性要強,就算投資股票也不能太多。因為你不知你想買樓時,股市情況如何,同時,無人知樓市會否忽然下跌,如果下跌而你又有足夠資金,就能把握機會。
建議你有一半以上持有現金。
餘下的,可投資穩健類股,收息型都適合。
盈富(2800)、港鐵(0066)、房託、香港電訊(6823)、港燈(2638),你都可以投資。但唔需要入太多,除非大市出現較大型的調整。
------------------------------------------------
Q19236:
龔成老師,想問下有啲借股票收益計畫可以參加嗎?
龔成老師:
即是同證券行定立協議,將你手頭上的股票借出,你可以從中收取利息的。具體的情況,你要向證券行了解下。
這個動作你本身一定要長線投資,不打算短期賣出股票,才可以借出股票。
至於風險,則是你忽然想賣出時無得出貨。又或該企業及大環境轉差,股價持續下跌,你想賣都無得賣。要等協議取回股票先得。
------------------------------------------------
Q19237:
Hi 可唔可以講下2314同2689
龔成老師:
理文造紙(2314)主要從事生產及貿易原紙、木漿及衛生紙產品。本質不算差,但又唔算係好好。
過往的生意,雖然都有增長,但不算強,同時近年有回落情況,現價合理的,投資價值都算有,但又唔值得投資太多。
整體的投資價值,可算是中等,買入收下息都可以,但就唔好對股價有太大期望。
玖龍紙業(2689)質素不過不失,雖然股本回報不算差,但成本令佢盈利波動唔細,這一定會帶來風險。
相信中短期較一般。這行業投資價值算是中等,因此不宜投資金額太大。都有長線投資的價值,現價合理,但增長力不算強。
兩隻裡面,玖龍紙業的質會較好。
------------------------------------------------
Q19238:
老師,你好,本人今年22,有份副業,在疫情中搵緊長工,依家先做緊PT,每個月約可儲$8000-10000
請問會建議投資初階者點去開始?
去閱讀你那一本書會較有幫助?
我可承受風險的,請問就潛力股而言會較推薦識幾款,另外想增長投資資識可以點做?
龔成老師:
如果現時收入不穩,就不用太急投資,可以先儲較多現金,同時提握機會增加知識先。
當然,如果你認為現金已足夠,都可以進行投資,你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。做月供股票,每月$5000。
你可以考慮盈富(2800)$2000。
另外再加1、2隻(每隻$1500):銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:安碩恆生科技ETF(3067)、阿里(9988)、騰訊(0700)、港交所(0388)、舜宇光學(2382)、小米(1810)、比亞迪(1211)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
如果你不懂股,就集中供盈富$5000。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
你可以睇《股票勝經》,相信較適合你。
------------------------------------------------
Q19239:
龔成老師,請問我現時持有941及823,分別於$70 及$95左右買入,佔了約40-50%的投資
我應繼續持有還是及早換碼呢?
龔成老師:
這兩股本身不是無質素,不過你買入價太高,加上佔比有點多。
第一,唔好再加注,單一股票佔你組合太多會出現集中性風險。
兩股都可以守,但你預中移動(0941)要上翻去不易,至於領展(0823)上翻去的機會較大。如果你本身想收息,就可持有中移動,如果想財富增長,就可等佢升多少少後轉其他更有增長力的股。
------------------------------------------------
Q19240:
龔sir ,想問下9997康基定853微創比較優質
853回番3成可到合理頂嗎?
龔成老師:
康基(9997)睇翻佢的資料,佢係中國最大的國內微創外科手術器械及配件(MISIA)平台。
根據資料,按銷售收入計,2019年中國MISIA市場規模達到人民幣185億元,集團在國內廠商中排名第 一,在所有廠商(包括國際和國內廠商)中排名第四,所佔市場份額為2.7%。
根據資料,2019年銷量計,集團在中MISIA市場的多個細分領域,包括一次性套 管穿刺器、高分子結紮夾、第三類一次性電凝鉗以及重複性套管穿刺器和鉗中亦排名 第一。
佢不是無質素,不過由上市開始一直都唔平,所以之前貴,現價仍未平。算是合理區頂。
微創醫療(0853)業務有增長力,但估值難,現價貴。
佢業務主要專注於治療血管疾病及病變的微創介入產品。亦銷售極其細小的顱內支架、用於促進腦血管血液流量的靈活支架以及外科手術中使用的覆膜支架。
前景是有的,本身業務都增長快速,相信長遠不差。問題主要是估值,市盈率高,但增長快,如果更準確的估值,應該用較多「預測」去進行。但這企業要預測發展並不容易。
佢之後的生意增加,慢慢成本減,當然會令佢盈利有理想增長,市場就是預期這情況,所以比佢一個好高的市盈率。
初步分析,現價並不便宜,但有潛力。質素比康基略好,如果跌翻2、3成,算是合理區頂(不過,這股估值難,所以較難完成確定)。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
好好退休平台開戶 在 龔成 Facebook 的最佳解答
【龔成問答信箱】(Q12541-Q12560)
Q12541:
老師,我係你學生,想問點翻六福現金流方面轉弱左,經營活動部分,是否質素轉差?
龔成老師:
六福(0590)本質仍優質的,其實現金流量表有時正正負負,唔需要太過擔心,我地主要睇長期整體的,有時會計上的調整,小問題。
至於今次現金流大減,主要是由於存貨增加,這反映賣貨的速度減弱左,翻現金的能力減弱,即是去到2019年3月31日,已經有轉弱情況,我相信佢會進一步轉弱,但這股長線無問題,所以,正等股價大跌時,有機會入貨。
------------------------------------------------
Q12542:
想長線定期買內銀至退休食息用 3988 939 1398吾知選那個好 現在3988好像是超值 939 1398又好多消息但又未最抵 可吾可以邊個抵就買邊隻 三隻一齊做?
龔成老師:
如果講這3股,工行(1398)較好,之後到建行(0939),這是考慮佢的賺錢能力,以及資產質素、壞賬等風險。
但這幾隻都只是收息股,唔好對股價有太大的期望。
另外,比起集中在內銀,你應該建立一個平衡的收息組合,這可以減少你的風險。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
另外,有些更有超過8%的高息股,但股價就略有風險。
------------------------------------------------
Q12543:
本人今年20歲還有2年才畢業 家母月入$14000將於2年內退休. 現居住價值450萬居屋. 深圳有商鋪將於年尾賣出價值800萬人民幣
另外有三間分別108、110、70平方住宅分別價值350萬、350萬、280萬 想留一間自住110平方自住 但平均一年只回去住十多天 其實是否應作出租?每年可以多3-4萬被動月入
另外2間將年底作出租用途月租共約6000. 另外內地有200萬人民幣現金作定期用1-3年期 利息2-4厘 有20萬人民幣保險基金3年後可取年利率4-5厘 香港有40萬港幣定期 15萬人民幣定 另外有40萬現金
現在想為哥哥3-5年買一層樓約出首期300萬 哥哥月入只有$16000.另外想為家母設計一個退休組合 想請教成哥應從什麼方面下手 家中資產大部分集中於深圳物業是否應該減持物業?
另外在設定股票組合是否應該避免再買房托 內房等組合因為現時資產依嫁太過集中 還有想請教成哥會否因感到經濟正在下行於增加現金佔組合的比例 等股價更低時有更多子彈可以吸納低殘的各行龍頭股票?
龔成老師:
首先,持有大陸樓較多,應該減持。這並不是一個睇好睇差的分析,而是作為財富管理,應該要聈平衡先得,太集中在某一類資產並不是好事。
另外,如果有一間物業,一年只會住十多天,應該賣出或出租,因為你十幾天,就算在當地租酒店住,花費有限,你放租得到的會更多。
因此,首先你地要考慮那些物業長線持有,那些出租,賣出物業的現金,就可以用作支付你阿哥的首期。另外,部分物業收租可視為你媽退休組合的一部分。
而某些賣出物業的現金,就可以投資收息股,不用包括地產類,因為地產與你太重覆。建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)等。
同時,預留一定的現金,除了作備用外,亦是等投資機會之用。
------------------------------------------------
Q12544:
你好,我32歲,只有30萬,初初唔識野好多年前@3.3入左2手1060,依家得返1.5唔知點算好,繼續持有定止蝕?仲有冇機會升?
另外@71 持有4手005,應該繼續溝淡嗎?只持有呢兩隻服票,謝謝解答!
龔成老師:
阿里影業(1060)炒作多過實際,佢仍然處於燒銀紙的狀態,好難講幾時先會有似樣的現金流,相信佢要上翻去不易,這類股業務的不確定性大,風險高,只能小注。
首先,唔好加注,同時,如果這股佔你的組合比例較多,就減,如不算多,就持有,耐心少少等佢有較好的業務情況。
至於匯豐(0005),只是收息股,唔好對股價有太大期望,所以你要問自己,以現價投資該筆資金去收息,是否適合你的投資目標。
另外,同一隻股、同一行業,唔好佔你組合的比例太多。
------------------------------------------------
Q12545:
龔sir ,我近日發現復星國際0656 回落了很多,我想問一下這隻是否優質股,是否值得投資。
我看了它的業績表現不錯,但它的股價不斷回落,但股東又不斷回購。這代表什麼呢?如果要買什麼價位可入。謝謝你
龔成老師:
首先,一定要了解股價下跌的原因,基本上,股價中短期上落好正常,但如果上落太大,就要了解翻當中的事情,有無一些影響企業核心的因素。
基本上,復星國際(0656)有質素的,但業務如醫藥、健康產品,會有較大的業務波動,同時在中國經濟轉弱下,中短期會有影響,因此業務因素令股價受壓。
當股價回落而股東回購,代表股東認為現價不貴,有長線投資的價值,但市場因為中短期因素而令股價有所下跌。
好散講幾時見底,因此分注投資較好,這股都有長線投資的價值。
------------------------------------------------
Q12546:
你好,本人31歲,月入二萬頭,與家人同住公屋。現時每月儲到一萬,有流動現金十五萬,另有三十萬做緊定期,計劃三年內結婚。(男友月入三萬幾,租樓住,家有長期病患者,負擔相當大。)
單就我而言,以三年期計可選擇咩投資計劃?預期回報可有多少?期望三年後總資產達一百萬合理嗎?
龔成老師:
3年要滾存到$100萬都可以,但最好用平衡增值模式,唔建議太強行追求,因我又唔希望你強行追求回報,而承擔過高的風險。
同埋3年唔算一個好長的年期,投資潛力股未必有咁快到收成期,你最好利用這段時間,投資平穩增值股,例如每月將其中的$8000,做月供股票,盈富(2800)$4000,餘下再選2股,每隻$2000:金沙(1928)、長建(1038)、中銀(2388)、港鐵(0066)、恆基(0012)。
至於手持的現金,定期的照定期,餘下的$15萬現金,分注投資盈富,慢慢入,唔好急。
目的是令你的財富有基本的增值,同時又唔會太高風險。
相信3年後,$80萬至$100萬是合理的。
------------------------------------------------
Q12547:
老師,我朋友今年40歲,多年來每月用5000供2800盈富,他想用多2000元供以下一隻:
1177,1837,354, 目標係月供20年以上,請問老師也隻比較優質
龔成老師:
我相信中生製藥(1177)是較好的一隻,人口老化的問題只是不斷持續,對佢的影響一定是長期正面,加上這股本身已有正現金流,業務已穩定,同時有發展力,長遠不錯。
只是這股的股價較波動,同時藥業一定有研發方面的風險,所以不能太過大注,供$2000已夠,可長線。
------------------------------------------------
Q12548:
1113 2388 有冇能力上返63 同35 止蝕係邊個位?
謝謝
龔成老師:
長實集團(1113)本身有質素,但增長力不強,上翻去可以,但未必是中短期的事,暫時收下息先,耐心持有,除非這股質素無變,就唔需要止蝕。
至於中銀香港(2388)有質素,長遠仍有增長力,但股價略波動,你只要唔理中短期股價,就無問題,慢慢會上翻去,不用止蝕。
------------------------------------------------
Q12549:
請問盈富基金我月供是基金定投嗎?(今朋友去匯豐銀行問說我們香港沒有基金定投是真的嗎?
龔成老師:
盈富基金(2800),是一隻在香港交易所上市的基金,當中包了50隻股票,因此是一個組合。
這類基金,我地稱為「交易所買賣基金」(ETF),你只要有香港的股票戶口,就可以買賣。同時,只要你去銀行開月供股票戶口,例如到匯豐、中銀這些銀行開戶,就可以每月供盈富,如同月供股票一樣。
------------------------------------------------
Q12550:
龔成你好,我想學投資股票,但身邊家人朋友都5在行什至5識,我系初哥想由基礎開始了解。
我在澳門書局見到有股票勝經對其幾有興趣,但80後百萬富翁無貨,只有2同3,想問,如果我入門的話,先睇股票勝經再睇選股勝經這樣的安排是否合適?賜覆,謝謝!
如果0基礎的學員想報讀你10月系澳門開的課程合適嗎?會5會0基本難吸收同消化?如果系,我呢2個月可以先睇咩事打個基礎?
龔成老師:
你最好睇左《80後2》、《80後3》,之後睇《股票勝經》,之後再睇其他。
你可以去水坑尾宏達找找,澳門網左話這書店有我較多的書,你見唔到,其實可以訂貨。
至於課程內容,放心,適合初學者的,因為整個課程的設計都是針對初中階投資者的,課堂頭3堂都是初階的內容,只要你課後好好溫習,能跟到之後的內容。
每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。
另外,你上課之前,多睇理財、股票類的書,留意一下財經新聞,到時就較易跟到。
------------------------------------------------
Q12551:
成哥,有d人生哲學問題請教,我讀書不是叻個d,只有一個高級文憑,雖然曾經有大學(不是傳統8大)有比我offer,但我沒有要。
因為是top up 課程,是poly U speed的,我心想個時我出左來做野都有1差多,手頭上都儲了10幾萬,如果重返校園,我所剩既錢會一鋪清袋(雖說可能大學畢業搵多d吧?),但我也不太喜歡讀書。 家人一起住公屋,雖然唔等我的錢用的,但始終無一個安樂窩。
後來,在去年我接觸股票(那時還未看你的文章和書),一開始炒新股賓士國際,就輸了18000,那時不知道原來這股是咁唔值錢的,我心諗我輸得起,可以搵返來的。
最近我想轉工,發覺真的有部分工見你無degree 就好像不考慮你,但沒關係,我想要的結果只是,賺到錢,再看看10年後買層樓吧,不需要什麼豪宅,實用四正就好了。
我的想法是,薪金只是我用作投資既平台,我一心想不靠薪金敢富,但無奈經常高追,雖然全是藍籌股... 我亦會守下去,但貿易戰真的好煩啊.... 我想講的是,如果努力看多點投資書,調整一下投資心態,不單靠一份full time job,也可以獲得我想要的生活嗎,因為我相信自己做不到高薪一類人。
龔成老師:
其實,你可以多從「長期」視點去分析,就工作來說,無論做那份工作,我地的主要目的都是薪金,以及興趣。你可以想想,10年後你希望自己的薪金如何,職位是甚麼,當你有左這個大方向,就知道這一刻的情況。
至於投資,你仍停留在坊間的投資模式,但你一定要明白,買股票就是買企業,我地從來唔擔心中短期情況,在企業質素無變的情況下,我地會期望股價下跌(有貨都是),因此,你要增加投資知識,學習調整心態,這才是最重要的。
另外,唔好睇少自己,要相信自己可以變得好強,可以與其他人唔同,只要你相信,以及肯努力就得。
------------------------------------------------
Q12552:
老師,想問如果盈富價位跌幅較大既時候,派息係咪會較多
另外,盈富個價睇黎仲會跌,依家個勢應該留住定放左佢好
龔成老師:
盈富(2800)每年的派息,上年是每股$0.94,相信往後都會類似這個數,無論股價上落,佢都大約是這數,因此,數目不變。
但你的買入價不同,就會影響你的股息率回報,因為你$20買又是收這個息,$30買都是收這個息,所以,我地可以簡單從股息率,作為分析平貴的其中一個指標。
至於佢中短期的升跌,其實無人知的,唔好以「預測股價」的模式去分析佢,你只要以長線持有的模式進行就得。
------------------------------------------------
Q12553:
老師,如果月供來說,66,823,27,2388比較,邊隻好d?
2388而家股價系咪都算低位?值吾值得買入(非月供)?
龔成老師:
港鐵(0066)會比較好,這是考慮佢的獨特性,無論在運輸及地產方面的絕對優勢,以及香港的長遠發展,只會更依靠鐵路,因此這股最好。
中銀(2388)現時在合理區的中下部,未到平宜區,你分注買入可以。
------------------------------------------------
Q12554:
龔sir你好,想請教,月供股票和一手手咁買入比較,例如我在中銀月供,兩者手續費都是0.25%,月供只付一次手續費,免存倉費,免股息手續費
而一手手買往後要定期付不同手續費,長遠來說係咪月供相對平呢。
我每月供股票3萬,見今日個市跌咁多,想入港交所,謝謝回答
龔成老師:
如果以每次一手手買的模式進行,而每次金額大D,咁樣買入的次數就會減少,可以減少手續費,因此,理論上一手手買手續費較少。
不過,月供的好處是將買入價有效平均,能減少買入價的風險,因此從策略上,月供股票點都較好的。
港交所(0388)現時處合理區,比之前的投資值博率高,你可以分注投資,長線持有。
------------------------------------------------
Q12555:
老師你好,我現在有大約10-15 萬現金準備入市買收息股作長線投資,請問現價買5,11,66,2778 可以嗎?
定還是要再等一會?
龔成老師:
上述都是有質素的股票,基本上現時都處於合理區內,你可以投資,當中的匯豐(0005)增長力較弱,你只可以集中股價,唔好對股價有太大期望。
現價合理,可以分注投資,現價已可,但大市波動,要慢慢分,同時由於未到平宜區,因此一定要留有現金。
另外,同一行業唔好佔組合的比例太多。
------------------------------------------------
Q12556:
老師,我持有房托 (領展和陽光),未來租金很大機會下跌,要怎樣處理好呢?
多謝老師
龔成老師:
房託,中短期會受影響,始終香港的零售業有打擊,中短期會比較不利,但長遠來說,仍有投資價值的,零售不好會影響商舖,但對地舖的影響較大。
而領展(0823)和陽光(0435)持有的物業,是民生類及寫字樓,對當中的影響較少,唔需要擔心。
租金對佢地的影響,可能會有中短期受壓,但相信唔多,而長期仍是正面的。
------------------------------------------------
Q12557:
你好龔成老師,本人$81 買入941,它長期低水,是否已無投資價值? 謝謝
龔成老師:
中移動(0941)仍有投資價值的,業務質素仍在,但增長力減少左,所以股價長期只能平穩向上,要上翻你的買入價,要多點耐性,不過你仍可持有住先。
主因是中國政府要求「提速降費」,影響了電訊企業的賺錢能力,因此,佢增長力不強,你只能當收息股,所以要睇翻你的投資目標是否適合。
------------------------------------------------
Q12558:
你好,敬請賜教,請問你認為1177現在是入市時機嗎?我之前set左8.90入1手,可惜差小小,入唔到
龔成老師:
中生製藥(1177)是有質素,有潛力的股票,有長線投資的價值,不過,股價上落就較大,業務不確定風險較高,所以投資時一定要分注,同時不能太過大注。
這股現價在合理區頂部,如果你無貨,可以先入一注,然後等佢跌,如唔跌就唔入。
這股其實比較適合月供的。
------------------------------------------------
Q12559:
你好呀!想問問你見意,本人有約10萬的金器,請問應該買掉用來做投資股票還是照放係到等金價升。
想問問你專業意見。
我現在是你的粉絲了,剛剛買了4本你的書來增值自己。多謝你的分享。感激!
龔成老師:
黃金係我地的財富組合中,有平衡風險的作用,因為當出現大型環球不利事件,黃金就可以作最後的防線,因此可以持有。
但由於黃金本身沒有現金流,因此持有太多又不好。
你可以持有現時的金器,但就唔需要太萬重金價變化,除非升得過多,到時可能賣少少,轉為其他類別的資產項。
加油,知識與你的財富,一定成正比。
------------------------------------------------
Q12560:
老師你好, 我上緊股票班同睇緊你啲書, 補充唔少人到中年一路都缺乏嘅財務知識, 亦開始咗實踐投資同正確理財, 希望唔太遲!
想請教內地樓市泡沫其實會唔會令我地分析到內地優質股傷及元氣變得不再優質?
龔成老師:
內地樓市泡沫,的確有少少,我睇翻一般的在香港上市的地產企業,如果是港資的,基本上仍穩健,負債無問題,就算內地樓下跌都無問題。
但有些內房股,負債高,若樓市逆轉會對佢地造成好大的影響,因此不太建議投資。至於一般的國內企業,只要佢地負債唔高,本身有正現金流,這樣就無問題。
----------------------------------------------
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
好好退休平台開戶 在 寶可孟の省錢大作戰 Youtube 的精選貼文
#采實文化 #實現財務自由的被動收入計畫 #寶可孟
好書值得推薦,這本書主要講的是「一般人」(非KOL)也能夠做到的「被動收入」執行計畫,舉凡投資、房產、靠智財權產生的被動收入,好好經營都是很可觀的。但是到底該怎麼做?就聽寶可孟為大家做的導讀吧!
博客來完整介紹➤https://bit.ly/3ieG7S3
—————————————————————
【寶可孟刷卡賺錢秘笈】
總字數超過10萬字的全台第一本「信用卡寶典」正式上市了!這本書將教你如何用信用卡省錢、賺錢,甚至為自己加薪100%!
➤博客來| http://bit.ly/3b0RoCj
➤誠 品|http://bit.ly/2Wefbu9
➤金石堂|http://bit.ly/2x19YLz
—————————————————————
卡板邦辦卡推薦連結|https://lihi.cc/kNfzg
—————————————————————
多項優惠排行榜
數位帳戶神回饋排行榜|http://bit.ly/2WeuL6n
外送平台神回饋排行榜|http://bit.ly/FoodAppBillboard
市區停車神回饋排行榜|http://bit.ly/2TAKMmN
海外刷卡神回饋排行榜|http://bit.ly/2XwX2ck
2020現金回饋卡全攻略|https://youtu.be/jRNPlGhZaY4
—————————————————————
存款享高利
台新Richart 1% (可存30萬)開戶|https://lihi.cc/UOF6x
永豐大戶 1.1% (可存50萬)開戶攻略|https://bit.ly/3cILFRN
一銀iLEO 1.2%(可存12萬)開戶攻略|https://bit.ly/3f94T4D
華南SnY 2%(可存10萬)開戶攻略|https://bit.ly/37cqyGB
遠銀Bankee 2.6%可存5萬)開戶攻略|https://bit.ly/30oY0Zc
————————————————————
你可以試試的基金介紹Part.1|https://youtu.be/qfGg5GeT_wE
你可以試試的基金介紹Part.2|https://youtu.be/VAhrSzYQj3s
鉅亨買基金開戶推薦 |http://bit.ly/2Qkm0bW
基富通開戶推薦 |http://bit.ly/2JNj18q
————————————————————
你可以試試的股票介紹01|https://youtu.be/3E2UEPeLygA
你可以試試的股票介紹02|https://youtu.be/77fduJAG1DA
你可以試試的股票介紹03|https://youtu.be/oiSKF36XkRc
————————————————————
你可以試試的ETF介紹 Part.1|https://youtu.be/Sk3DjcAYyHc
你可以試試的ETF介紹 Part.2|https://youtu.be/najWp5dkHZQ
————————————————————
寶可孟千萬元退休金計劃Part.1|https://youtu.be/pauNShaBuNs
寶可孟千萬元退休金計劃Part.2|https://youtu.be/NzffTzHZ16E
—————————————————————
【寶可孟相關頻道】https:// pokem.soci.vip
好好退休平台開戶 在 寶可孟の省錢大作戰 Youtube 的最佳解答
#FundSwap #基金交換 #寶可孟
一直以來,寶可孟都是敞開心胸擁抱創新金融的一份子,舉凡Bankee社群銀行、MCO虛擬貨幣簽帳卡,還有最新的「好好投資」(FundSwap),都是我有興趣、而且持續關注跟分享的議題。到底「FundSwap」是什麼?對我們的投資理財有幫助嗎?趕快來看影片吧!
好好投資官方網站|http://www.howinvest.com/
FundSwap開戶連結|https://fundswap.howinvest.com/login/
寶可孟指定開戶代碼:pkm001
本團開戶活動介紹|https://bit.ly/390xPtV
—————————————————————
【寶可孟刷卡賺錢秘笈】
總字數超過10萬字的全台第一本「信用卡寶典」正式上市了!這本書將教你如何用信用卡省錢、賺錢,甚至為自己加薪100%!
➤博客來| http://bit.ly/3b0RoCj
➤誠 品|http://bit.ly/2Wefbu9
➤金石堂|http://bit.ly/2x19YLz
—————————————————————
卡板邦辦卡推薦連結|https://lihi.cc/kNfzg
—————————————————————
多項優惠排行榜
數位帳戶神回饋排行榜|http://bit.ly/2WeuL6n
外送平台神回饋排行榜|http://bit.ly/FoodAppBillboard
市區停車神回饋排行榜|http://bit.ly/2TAKMmN
海外刷卡神回饋排行榜|http://bit.ly/2XwX2ck
—————————————————————
存款享高利
台新Richart 1% (可存30萬)開戶|https://lihi.cc/UOF6x
永豐大戶 1.1% (可存50萬)開戶攻略|https://bit.ly/3cILFRN
一銀iLEO 1.2%(可存12萬)開戶攻略|https://bit.ly/3f94T4D
華南SnY 2%(可存10萬)開戶攻略|https://bit.ly/37cqyGB
遠銀Bankee 2.6%可存5萬)開戶攻略|https://bit.ly/30oY0Zc
————————————————————
你可以試試的基金介紹Part.1|https://youtu.be/qfGg5GeT_wE
你可以試試的基金介紹Part.2|https://youtu.be/VAhrSzYQj3s
鉅亨買基金開戶推薦 |http://bit.ly/2Qkm0bW
基富通開戶推薦 |http://bit.ly/2JNj18q
————————————————————
你可以試試的股票介紹01|https://youtu.be/3E2UEPeLygA
你可以試試的股票介紹02|https://youtu.be/77fduJAG1DA
你可以試試的股票介紹03|https://youtu.be/oiSKF36XkRc
————————————————————
你可以試試的ETF介紹 Part.1|https://youtu.be/Sk3DjcAYyHc
你可以試試的ETF介紹 Part.2|https://youtu.be/najWp5dkHZQ
————————————————————
寶可孟千萬元退休金計劃Part.1|https://youtu.be/pauNShaBuNs
寶可孟千萬元退休金計劃Part.2|https://youtu.be/NzffTzHZ16E
————————————————————
更多完整內容,可以在Pressplay上找到詳細資訊
http://bit.ly/PP-PokeM
—————————————————————
【寶可孟相關頻道】
擅長比較、分析信用卡優惠資訊,以及精算機票里程,希望能找到同好。
➤YouTube頻道| http://bit.ly/PokeMYTChannel
➤部落格|https://savingmoneyforgood.blogspot.com/
➤Facebook| https://www.facebook.com/savingmoneyforgood/
➤Instagram|http://bit.ly/instagramPokeM
➤Podcast|iOS:https://apple.co/2WN4BI9 / Andriod:https://spoti.fi/2w4bF7y
好好退休平台開戶 在 怎麼從40檔基金挑出好菜?基富通「好好退休準備平台」篩選 ... 的推薦與評價
... 富通推出「 好好退休 準備 平台 」,共21家投信高達40檔商品可以挑選,這次的專案值得上車嗎,我又如何篩選這次的投資基金呢?!若還沒 開戶 的想 開戶 , ... ... <看更多>
好好退休平台開戶 在 知道 做到,存退休金這樣開始! - Facebook 的推薦與評價
... 3 shares, Facebook Watch Videos from FundRich 基富通證券: 【 退休 金=本金x報酬率x時間】 ⬆好想 退休 ?這個公式快記好⬆ 基富通# 好好退休 準備 平台 推出40檔基金 . ... <看更多>
好好退休平台開戶 在 Re: [問題] 基富通平台風險請教- 看板Fund 的推薦與評價
這篇來科普一下基富通的背景,基本上基富通是半官股性質
所以基富通基本上是倒不了台的
金管會其實一直想要解決銀行端收取過高費用以及金融商品不透明等等等的問題
於是鼓勵集保所轉投資成立基富通證券公司,所以基富通的母公司是集保所
順便落實個普惠金融,提倡全民自主理財,讓民眾更加親近這些原本會被理專推銷的產品
基金平台跟銀行比較的優勢在板上應該已經出現很多次了吧?
基金平台是不收取銀行端會收取的信託管理費的
然後在申購手續費的部分幾乎都會有優惠,基本都不會付到申購手續費的錢
算是反向回饋給投資人吧
基富通除了官股撐腰,也是三家平台最大的
基金數量也最多,鉅亨跟中租現在也都慢慢追上來了
良性競爭下,受惠的都是投資人哈
前幾篇還有被理專推銷後收型基金的案例
不得不說,基金平台真的還需要推廣給更多人
舉個例,基富通的基金產品比在銀行可以申購的數量多太多
當然在銀行多買個幾年可以變VIP,但也是要多付幾年的錢給銀行啊
在基富通直接省下的優惠不是等同於在銀行變VIP嗎?當然如果你需要專人服務那就另當別
論了啦
基富通還有一個優勢,就是現在在推的這個好好退休
以前市場上,從來都沒有像是好享退這樣方案(好享退是好好退休的前身
能夠集結各家投信公司(基金公司)來參加方案,銀行端也都推銷有合作關係的基金
在好好退休也不會偏頗哪幾間投信公司,就是...你自己選你要哪檔基金醬
方案也將經理費壓低到1%以內...(我猜就是通路方,說話權大一點所以可以談到這個價碼
所以...回歸正題,基富通基本不會倒台啦,金管會在後面撐著呢~
打這麼多字(可惡,我好想要P幣QQQ
--
※ 發信站: 批踢踢實業坊(ptt.cc), 來自: 223.136.40.231 (臺灣)
※ 文章網址: https://www.ptt.cc/bbs/Fund/M.1636687594.A.5C7.html
... <看更多>