【龔成問答信箱】(Q22741-Q22760)
Q22741:
Ar sir, 股票係唔係呃人既呢?
龔成老師︰
股票本身係一種集資和投資工具,同世界上所有工具一樣,都無對錯之分,係中性。
呃人與否,係視乎背係相關人士,有無令用股票這類工具漏動,去合法,甚至合法地騙小投資圖利。
我地買股票就是買入一盤生意,有些生意會騙人,但有些公司會真心做生意,長遠價值不斷增長,因此,我地買入前,一定要小心了解「該盤生意」。
我地唔係無方法,去避免騙人生意。
我地可以選股一些大型企業,或者有質素的ETF,作為投資目標。
如果係中小型個股,就一定要知道佢質素、行業前景、財務狀況等,才去投資。如果你連間公司點賺錢、行內有乜優勢、點解未來有發展和增長潛力,都答唔倒自已,咁就要停一停,唔好投資住。
------------------------------------------------
Q22742:
龔成老師你好, 請問8083中國有贊質素如何?現價合理嗎?謝謝你
龔成老師:
中國有贊(8083)集團主要於中國從事經營電商業務及支付服務業務,業務分類如下:
(1)電子商貿:透過電商品牌「有贊」提供各種有關虛擬批發及零售之線上及線下解決方案及服務,如「有
贊微商城」
以有「有贊零售」等SaaS軟體產品及人才服務、面向開發者的「有贊雲」PaaS雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。
(2)第三方支付服務。
(3)一鳴神州:提供第三方支付系統解決方案及銷售綜合智能銷售點裝置。
(4)一般貿易。
近年業務發展快速,生意增長力,不過,現時估值高,業務變化較,整體有好大的不確定性。加上佢過往在核數師報告出現過「保留意見」,盤數可能有古怪,雖然已是數年前的事,但都會扣分。
佢不是無潛力,但風險較高,這刻投資值博率不高。
------------------------------------------------
Q22743:
龔成老師,想請教你呀。我中女一名 未婚,我手持左幾隻科網股,仲要高位果時入,而家賬面 - 20幾萬,流動資金得番10萬。
我700同9988有月供,有聽你講佢地長線ok, 咁美團如何呀? 應該等定放左佢趁700 9988低入手?
冇左20幾萬 係有啲擔心。希望你可以指點下我個pro folio可以點
700 :649入 x240股=- $53700
3690: 399 入 x400 股=$-82500
9988: 238入x860股=-$69000
另外手持以下,
1137: 14入 x 7000 =-$32000
1211: 243入 x539 (月供)
1830: 7.2入 x2000
謝謝!
龔成老師︰
你唔好用買入價或帳面賺蝕,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
睇翻你現有持股,從質素上睇,其實係無問題。但近期不少中央政策出台,都令都投資不確定性大左。但這些股票長線核心質素,暫時未見有明顯影響。
較大問題係,你這些股票買入價都偏貴,所以才出現較大虧損。而且你非常集中係新經濟股,特別係科技類。佢地雖然有增長潛力,同時風險都較高,你現時持有得太多。
以你年紀,潛力股(你持有的都是這類)可佔約4成,餘下應用以下平穏增長股。若你投資經驗較淺,潛力股比重,要再調至2成以下。到你學到一定投資知識,才慢慢調高。
建議你沽出部份,特別係美團(3690)和港視(1137)這類不確定性較高的潛力股,去換碼至平穏增長股,令組合更平衡。
另外,為了避免你再買貴貨,再有新資金的話,我建議你先利用月供模式,去做增值。透過平均價值買入法,去減低買貴貨風險,對你而言會較理想。
------------------------------------------------
Q22744:
老師,想問如果可買美股,買TCEHY 可以當月供分注嗎?
龔成老師︰
Tencent Holdings Ltd ADR (TCEHY)同買港股騰訊(0700)係無大分別,我地分析是否值得投資時,都係睇佢長線企業質素。
騰訊受政策因素影響,中短期弱,企業的賺錢能力會略減,以及企業估值都會略減,不過,政策影響未到核心性,無令到企業無法賺錢,只是賺錢減少。
這企業長遠仍有質素,有發展力的。佢最有價值的,就是「平台」,這亦是現世代好有發展的資產。
佢業務模式係提供平台,如通訊平台、交易平台、入門網站、遊戲平台等,而收入來源則是其廷伸的服務,如增值服務、網絡廣告、電子商務交易等。
過往的業績理想,又身處長遠有增長的行業,加上擁有重要的資產,即龐大的客戶群,將來發展各業務都有相當的優勢,這都是騰訊值錢的地方。不過,政策會令其賺錢能力減,不過,長遠騰訊仍找到賺錢方法,簡單來說,就是現時定了新的遊戲規則,而企業要時間去適應,中短期賺錢能力減,但長遠會慢慢好轉。
現價合理區中間,分注或月供,都係可以。
------------------------------------------------
Q22745:
請問老師,700 長遠點睇
龔成老師:
1)騰訊(0700)受政策因素影響,中短期弱,企業的賺錢能力會略減,以及企業估值都會略減,不過,政策影響未到核心性,無令到企業無法賺錢,只是賺錢減少。
這企業長遠仍有質素,有發展力的。佢最有價值的,就是「平台」,這亦是現世代好有發展的資產。
佢業務模式係提供平台,如通訊平台、交易平台、入門網站、遊戲平台等,而收入來源則是其廷伸的服務,如增值服務、網絡廣告、電子商務交易等。
過往的業績理想,又身處長遠有增長的行業,加上擁有重要的資產,即龐大的客戶群,將來發展各業務都有相當的優勢,這都是騰訊值錢的地方。不過,政策會令其賺錢能力減,不過,長遠騰訊仍找到賺錢方法,簡單來說,就是現時定了新的遊戲規則,而企業要時間去適應,中短期賺錢能力減,但長遠會慢慢好轉。
------------------------------------------------
Q22746:
你好 龔sir,因為近年市況都好差,之前d貨一直壓住,尤其藍月亮,抽新股中左,到溝貨溝到12.8蚊,而家跌到6蚊樓下,我應該繼續持有定可以再加注呢?
龔成老師:
藍月亮(6993)不是劣質,但最新業績令人失望,由於上市前的數據幾靚,因此,有可能佢上市前執靚盤數,這亦是我對新股/半新股有保留的原因。
佢最新的中期虧損約$4400萬元,去年同期純利約$3億元。虧損主因是市場上,其他平台出現過剩的較低價產品,導致佢定價策略及產品在市場上的價格體系受到干擾。
為統一產品在市場上的定價,佢向其客戶提供若干折扣以穩定產品的市場價格,此類折扣對其於上半年的毛利率產生約9%的負面影響。
相信中短期未必強,但長遠,其實又不算好差,佢成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一。
整體有質素,不過之前貴,現價算是合理區中間,你有貨可持有,加注不是不可,但暫時小注。
------------------------------------------------
Q22747:
老師,1177 近期有能力上到$7.5 嗎?
龔成老師:
唔分析短期走勢,但長遠無問題的。
中生製藥(1177)是潛力股,人口老化令佢長遠有唔錯的增長,無論是政府投入的行業資源,又或是人民生活質素令可控制資金上升,都令人們更在醫療方面投入更多。
佢已建立一套完整的商業系統,有多個已賺錢的藥品類別,同時毛利高,可以不斷將錢投資在新藥裡,這模式運作很好。
但這類藥物企業,難免有一點風險,因此要久不久檢視,中短問題不用理會,但如果有一些核心性的問題,就要再全面分析。
就這刻來說,這股可以一直持有,因為商業模式理想,高回報,不斷再投資令股東利益快速增長。加上睇翻佢的業績,保持增長,這令企業價值有實際的上升,令股價得以支持。
現價合理區中上部,有貨可持有,分注或月供可以,這股可以長線持有的。
------------------------------------------------
Q22748:
龔sir,我喺9988股價185時入咗貨,應該止蝕還是相信公司繼續有持好?
我目的係持中長線
但見股票不斷落,驚股價如果不斷落,我是否應該止蝕?
龔成老師:
我持有比亞迪(1211)13年,先有較明顯的收成。
我地買股票就是買企業,要耐心等企業成長,而不是著重短期股價!
你應該減少睇股價,多睇企業年報。你耐心持有就得。
阿里(9988)有質素,中短期一般,但長遠仍有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但現價未算特別平的股票,小注分注投資,或月供,是較好的方法,算是平衡了風險與增長的考慮。這股可以長線投資的。預佢現價約合理區中間。
------------------------------------------------
Q22749:
0305, 投資價值如何?
龔成老師:
無人能預測短期股價走勢,投資者只能從長遠角度分析。
五菱汽車(0305)質素算中等,業務都不算差,潛力度有的,但同時都有風險。
近期產品銷售不差,但我地分析時,唔可以只用咁短時間,就去決定一間企業品牌。這個平價車模式,可否能為佢持續增長,依然係一個問號。
以佢過去幾年,最高單年純利都不足2億,但現時市值好高,已經係唔平。近期此股急升了不時,此刻投資有一定風險。
如果以長遠角度分析,佢主要業務為於中國從事汽車零部件、發動機及專用汽車之製造及銷售業務。為中國商用微車發動機及汽車零部件之領導製造商,製造設施設於柳州及青島。
最近有中國品牌電動車大賣,而五菱汽車有做供應所以在當中有利益,因此都有潛力度。
不過,考慮到近期股價上升不少,這刻投資價值博率未算高。最好回翻先考慮。
------------------------------------------------
Q22750:
老師,3690 四百元及三百元有貨,美團是否有實力?是否可以等下?
thx
龔成老師:
美團點評(3690)有潛力的,但最大問題是估值難,之前貴。
佢過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
如果有利好消息,佢可以上好多,但如果估值修正,股價可太跌。
只可以話,潛力是有的,現價唔算平,之前明顯貴,之後回翻好少少,大約合理中上部,不過,一定不能大注。小注持貨,是較好的做法。
如果你持貨佔組合比例%多,宜減。
如不多,可守。
------------------------------------------------
Q22751:
大師,富途跌咁多,係咪合理價啦?
謝謝
龔成老師:
富途(FUTU)有增長力的,但業務波動,有危有機類。
佢係一家在線經紀公司,提供一站式在線投資服務,騰訊(0700)為股東。該公司通過網上平台提供服務,其中包括香港、中國大陸,以及美國股市的市場數據、交易服務和新聞源。
佢以經紀佣金,以及手續費服務的形式產生收入。
這企業雖然有發展,但現時市盈率好高,股價變化大,要留意風險。好難話現時是否合理。
這股小注都可以,長線有增長力。
------------------------------------------------
Q22752:
龔 sir,近排股市有所調整,目前有什麼具潛質而又便宜的新潛力股可以買來長線持有?因為現時那些潛力股都偏貴。謝謝指點。
龔成老師:
安碩恒生科技(3067),終於去翻合理區,佢有長線投資價值。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
這基金上落較大,現價大約在合理區中間,因此,這刻不能大注投資。
最好的策略,就是月供,或自行分注小注慢慢收貨(例如每月買一次、或2個月買一次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
------------------------------------------------
Q22753:
老師 可吾可以問下你意見。419 華誼騰訊娛樂 應吾應該繼續持有
EPS 低到零,ROE/ROA 又持續負數,毛利率升但淨利率又持續下跌,總資產又係愈來愈少
仲有冇其他數據去分析公司個情況,麻煩老師了
龔成老師︰
華誼騰訊娛樂(0419)主要提供線上線下健康及養生服務,以及傳媒業務,質素不太好。
生意不佳,多年持續虧損,投資價值不高。
其實你見到佢,除左每年都蝕錢外。無論營業額、毛利都一直在倒退。基本上,你可以斷定這企業質素有限,不宜投資。
------------------------------------------------
Q22754:
成哥你好,我們情況是這樣的,我們夫婦二人加奶奶,家住屯門山景邨257尺單位多年,單位已以租者置其屋方式買入,一直想住得舒適點,唯資金追不上樓價。
前年大病一場(cancer),痊愈了,決心找自己舒適生活,減輕生活煩惱,亦想趁奶奶身體健壯時搬開享受一下自由時光,但我們二人資金只有九十幾萬,二人月入共有$41000,
可負擔$13000-15000供款一個月。(但病過的我買樓後留番至少三十萬現金比較理想)我們的計劃是將來奶奶需要時可接她過來住。
所以都幾難搵,依個時侯我們竟然抽中了居屋,有機會選購山麗苑
現在問題是,想請教一下你的意見,山麗苑比較偏遠,無論照顧奶奶及返工都是,但兩頭家咁樣供山麗苑比較無痛,我們應選擇嗎?定還是市面上我們仍有私樓選擇嗎?
以我們資金是否太危險,如果買市面私樓,突然有需要(病)放樓回山景邨住,賣樓容易嗎?可否給沒有置業經驗的我們少少意見,謝謝你!
幾方面應該怎樣平衡?
龔成老師︰
坦白講,以你們現時預算和收入,市場上可選擇私樓唔多,而且呎寸都會好細。
其實山麗苑作為自住樓,以你們現時財務狀況,相信會係一個較好選擇。
但你們除了價錢,都要考慮多2點。首先,一定要確保自己長線"供得起"。
第二,你們要從生活角度(例如往返工作地點、家庭生活、照顧你奶奶等),去考量這個地方是否適合。講緊唔係短期,而係長線10-20年。
如果這2點都係過關,其實你買入係可以。至於再有餘下資金,你先要保留部份,用作應急。再有餘力,才去投資優質股,進行增值。
------------------------------------------------
Q22755:
老師,其實點解要用月供方式,例如港鉄0066一首2萬蚊,假設月供5000蚊,要供4個月才買到一手,但如我用2萬蚊可直接入一手,
係咪只係因為平均成本法這個原因,只是平衡番個買入價?
而你建議用平穩增長股去增值,是否因為你分析港鉄係有增長力,長揸多年後,這隻股價會升,而令財富增值?因為如果keep住月供十年,會hold住好多貨,
要假設佢股價升,先可令財富增加。
我持有呢d貨︰
0005匯豐1600股,
1088中國神華500股,
1398工商銀行5000股,
2388中銀香港
是否應該放左佢,用黎投資其他股?
如月供股票,或開股票戶口,你建議用邊間銀行比較好?我儲蓄用hsbc,所以順便在hsbc買股票。
巴菲特同你嘅書,首選你建議睇邊本較適合。謝謝您!
龔成老師︰
無錯,月供目的係希望透過平均價值買入法,去減低你買貴貨風險。這個方法,比較適合不懂估值的初學者。若你對估值定平貴有足夠經驗,直接買係可以。
港鐵(0066)有質素,可長線投資。佢是全港唯一的鐵路營運商,加上政府會比佢地產方面的優勢。長遠正面。
佢2020年出現虧損,主要係由於物業重估所造成,這只是一個會計上數字。扣除這部份影響﹐其實佢今年都係有盈利。
雖然近年有不利因素,影響了中短期盈利,雖然會扣分,但最核心的本質不變。
睇翻資料,港鐵過往正常年份,一年可以賺$160億,就算扣除物業重估,都有過百億,當中包括了鐵路經營部分,以及物業的發展、物業的租金收入。基本上,每年都過百億的。
物業發展部分,長線正面,收租部分,無問題。
因此,長遠發展仍是正面的,會有一定增長力。這股可長線投資。現價大約在合理區中上部。
而你現時持有股票,都係有質素。我地唔好成個組合,只集中係3,4隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
你現時持股,最大問題係集中晒係銀行業。你可以沽少少,換至其他優質股。如果唔想沽,就用新資金去慢慢平衡翻個比重。
至於用邊間銀行,無特別建議。除了收費,你可以睇翻邊間較方便你,咁就可以。
------------------------------------------------
Q22756:
hello sir~想請教下你~我手上冇物業,想愛嚟自住,做9成按揭,你覺得wetland 300尺$5xx單位值得入手嗎?thx~
主打_WETLANDSEASONSBAY.pdf
本身返工/住都係葵涌
龔成老師︰
參考其他附近樓盤,其實個叫價都有少少貴,主要係新樓關係。這就是我經常叫大家,盡可能都唔買1手樓,因為當中溢價,會令大家比多左成本。
如果這個是你自住樓,只要滿足到你長線生活所需(未來10-20年),而且又有信心長期供款都無問題,咁就可以。
但若你係諗住暫住,遲些有錢再換大屋,你就要留意。因為佢本身地理位置較偏,加上單位呎寸都較細,其實投資價值唔會好高。
而且,佢周邊生活配套一般,另外,你返工在葵涌。
若你真的打算購買,你最好到實地周圍走走,幻想下將來生活模式(例如買生活用品、食飯、娛樂等),真的覺得無問題,才好考慮。
反而我建議你在葵涌區找物業,會較好。
------------------------------------------------
Q22757:
請問龔sir 9988 仲有冇前境,想係190蚊以下建倉
仲有1211 長遠發展真係非常好?好多專家都話好 想問埋龔sir先決定買唔買 想放佢3至5年到
龔成老師︰
阿里(9988)有質素,中短期一般,但長遠仍有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。但長遠仍是有發展的。
比亞迪(1211)係潛力股,業務發展理想,研發不斷進行,汽車賣得好好,電池技術發展得很好,行業前景良好,企業長遠發展正面。
但這股經常都處略貴水平,大約去翻$135先算合理。如果本身有貨,可長線,但預佢股價波動。
如果唔夠貨或無貨,而又想買入,只建議月供,在$180以下先月供較好,但如果真的好想儲貨,同時現金足,現價以小注模式去月供,都可以的。
又或者可考慮GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
------------------------------------------------
Q22758:
龔老師午安,不好意思打擾了,你係否用緊富途?呢間如執笠,有沒保障?很安全嗎?
上星期去咗hsbc間問左,佢話沒“月供美股“功能,為什麼?請問富途有月供美股嗎?
龔成老師︰
我不是在用富途,但其實香港監管唔差,富途都算安全。
《證券及期貨條例》下的投資者賠償制度設有投資者賠償基金,會為因中介人違責而蒙受損失的投資者提供賠償,每人上限50萬賠償。
若合規銀行或證券行出現破產,你投資證券之損失,可以從<投資者賠償基金>中,獲得最高50萬保障。
當中賠償細節,你可以參考翻<投資者賠償有限公司>網站,會有較詳盡解釋。
其實在一般的情況,就算股票行倒閉,你的貨都無事,因為佢只是中間人,你的貨無影響,除非佢中間有造數,例如每次你買貨,都無同你買。
至於匯豐點解無月供美股,我都唔清楚。至於富途有無,你要自己去了解翻。
但美股其實可以1股股買,你自行每個月定時定額買貨,其實都做到月供的效果,不必一定要用月供服務。
------------------------------------------------
Q22759:
龔sir,你好!我今年26歲,想向你請教,我剛轉新工作,新工作月薪約4萬,每月供樓1萬元(目前出租給別人)。因為上班地點太遠,剛買了車,所以流動現金只有15萬。
目前持有以下股票:
1691 2000股 $22.5
3690 200股 $281.2
6969 1000股 $47.5
9666 500股 $79
6823 2000股 $10.76
6823打算長放當少少收息股,其他基本面我看都是有營利能力,請問可否繼續持有?
另外現在每個月可以再支出1萬元作投資,請問現時我的組合是否有任何股票需要賣出,或可以增加甚麼類型的股票?謝謝你!
龔成老師︰
你現時持有股票,都係有質素,適合長線持有。當中思摩爾國際(6969)和美團(3690)由於不確定性高,加上監管風險高左,長線不宜持有太多。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你26歲,應以增值為主,香港電訊(6823)只係收息股,增長力不高,不太適合你這個年紀。現貨照持有係可以,但不要再加注。
未來時間,建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
由於你投資知識不高,因此可較集中在平穩增長類股,至於潛力股,只宜小小注(不多於3成)。最好是你先提高投資知識,等到你有一定知識和經驗,才慢慢增加潛力股比例(大約5成)。
現時大市只是合理區,你現有15萬資金可以先投入多少少,用"分注"形式,慢慢買貨。餘下部份,就連同每月所儲倒的資金,就等大市出現一定程度的下跌,才大力度掃貨,然後長線投資。
------------------------------------------------
Q22760:
龔sir 你好,我都同意你用月股分階段入貨,但有時用月供的價唔好,我見中銀而家有個碎股易佣金0.25%,牛牛都有碎股單,但唔識加埋其他雜費,
用邊個買抵d,因為想分開買幾隻,手續費每個月加埋都唔平
龔成老師︰
其實你買碎股和月供,一般都係經紀佣金、印花稅、交易徵費等。因為每間銀行都唔同,你可以打去客服,查詢下邊個方法最抵。
但如果你係初學者,我比較建議你月供。因為月供就係透過"定期定額"供款,去平衡你買貴貨風險。
如果你唔識估值,去定平貴。自己去決定買貨價格,有機會令你買貴左,影響長線回報。
若用碎股方法較平,你就要幫自己每月定個日子,好似月供咁做。每月就在當天,不理股價,直接用同等金額去買碎股,咁都可以做到月供效果。
記住,係你未真正學懂估計前,唔好去自己定平貴,去經常調整每月儲股策略,好易出事。
當然,如果手續費佔比真的好高,你可以考慮用「自行分注」,例如每隔2、3個月買一手的方法進行。
又或者月供一些指數基金,就可以做到「平衡投資組合」這動作。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有6部Youtube影片,追蹤數超過10萬的網紅hketvideo,也在其Youtube影片中提到,足本版睇:https://video.hket.com/video/2966735/ 恒生指數收報29166點,升255點,收復29000點水平,成交1463億元。恒生科技指數升0.9%,報8072點。港股後市走向如何?《ET講股通》主持孫運喜用圖表為你分析。 #港股 #恒生指數 #技術走勢 #保...
「恒生科技指數走勢」的推薦目錄:
- 關於恒生科技指數走勢 在 龔成 Facebook 的精選貼文
- 關於恒生科技指數走勢 在 Facebook 的最讚貼文
- 關於恒生科技指數走勢 在 永豐期貨洪慈憶。Violet的金融生活 Facebook 的精選貼文
- 關於恒生科技指數走勢 在 hketvideo Youtube 的最佳解答
- 關於恒生科技指數走勢 在 Sky Finance Channel Youtube 的最讚貼文
- 關於恒生科技指數走勢 在 Sky Finance Channel Youtube 的最讚貼文
- 關於恒生科技指數走勢 在 港上市的主要科技股走勢 - Facebook 的評價
- 關於恒生科技指數走勢 在 恒生指數及科技指數走勢點評|(30-03-2021) - YouTube 的評價
恒生科技指數走勢 在 Facebook 的最讚貼文
【9月30日】美股反彈乏力,3大指數呈個別發展,道指在升過280點後回軟,最後只升90點或0.26%收市,標指升0.16%,納指跌0.24%。美股向下穿位,標指失守4400,壓力仍在,還好市場流動性強,未有再度大跌。息口向上帶來隱憂,十年債息一度升至1.56%,擔憂借貸成本上升,科技股反彈乏力,差過大市,息差擴闊利好銀行股,資源股反彈支持道指回升。
面對今晚午夜到期的美國債務上限死線,似乎美國政府將要步入局部停擺,過往曾發生過19次,見怪不怪,市場亦不會太過憂慮,或許局部停擺帶來不便,但兩黨最終都會達成協議,不會真的出現美債違約,由於真係死線是下月18日,估計仍有3星期的震盪期。下週眾議院將通過拜登的3.5萬億美元基建方案,或許對美股會有一番刺激,不過再獲參議院首肯,相信難度卻十分大。
加息壓力下,債息上升幾無懸念,反而美匯升至94.5更值得關注,資金回流美元,新興市場壓力更大,國慶黃金週前夕,A股3大指數報跌,跌幅由1.13%至1.83%不等,76隻股份跌停,兩市成交降至1.07萬億元。面對近期A股跌浪,不少基金著手調整倉位,今年4月,內地百億級別的私募基金,其股票倉位達至90%的超高水平。
然而4月過後出現跌市,這些基金開始大手減倉,最新數據顯示,百億級別基金平均倉位已降至78.81%,單月下降2.43%,是年內首次跌破80%水平。據悉,部份基金股票倉位甚至降至50%的超低水平。資料顯示,小型基金較大基金進取,整體而言仍有58.69%的基金,其股票倉位高於8成。由於百億基金倉位大,多偏愛所謂「白馬股」,近期白馬股連番殺落,估計跟這批百億基金減倉有一定關係。
回說港股,美股急挫,在期結日港股未見跟隨,早段跟隨美股低開見過24045後,便見迅速回升,最後更成功倒升收市,再一次完美演繹散戶睇淡就挾上之結局。港股出現如此鬼異走勢,也合乎情理,現時美股仍位在超高位,但恒指已率先跌至去年疫情後的平台位,論估值已非常吸引,早前急跌個股,部份開始見有資金低位儲貨,但力度不算太大,積極性也不強,高追意欲非常低。
論走勢,在期指這3天的轉倉期,恒指意外地出現3連陽,加上期結日大幅挾上,難道10月大戶想營造反彈?較可惜是成交上完全跟不上,噚日成交降至1253億元出現反彈,似乎只是沽壓減少的技術性反彈而已。
技術上,恒指於24000至24700之間形成一個收集區,緩和了月中一輪大陰燭向下的沽壓,暫時先留意此收集區能否守住,再等待突破機會。面對週五港股休市一天,下週A股又有黃金週長假期,過往很多時會出現大戶挾倉,從分析上看,恒指近日陽多於陰,是轉好跡象,但牌面上又似乎欠缺反彈理據,買上買落如同買大細一樣。
希望大家多一點👍及多share支持一下🙏
版權所有 不得轉載
#圖太郎
恒生科技指數走勢 在 永豐期貨洪慈憶。Violet的金融生活 Facebook 的精選貼文
【永豐投顧】#永豐總經與產業週報09272021
🔺Fed 明確表示年內啟動縮減 QE,而市場也已做好準備,對美股衝擊將不若 2013 年;預期短期內資金仍持續向大型科技股與防禦類股流入,本週 S&P 500 預估區 間 4,350~4,500;BOE 釋出鷹派訊號後,10 年期美債殖利率突破 1.45%大關。展 望本週,9 月底美國政府關門、10 月中旬債務違約的風險猶存,預期 10 年期美債 殖利率震盪偏跌;FOMC 偏鷹,市場升息預期轉強,然因升息並非立即性的威脅, 本週市場將消化並淡化 FOMC 的鷹派訊號,預期 DXY 震盪偏空。
🔺CBC 決議維持重貼現率於 1.125%不變,延續當前寬鬆貨幣政策;台股建議以產業 趨勢明確的晶圓代工、高速傳輸及伺服器相關族群為選股標的,預估本週指數區間 17,000~17,400;中國恆大事件推升避險情緒,然市場傾向認為事件在可控範圍內, 買盤未蔓延至長券端,5 年券殖利率週線小幅收紅;市場多已反應 FOMC 會議結 果,恆大債務問題趨緩後外資多轉賣為買,對台幣提供支撐,預期台幣走勢偏多。
🔺4Q 為跨週期政策出力時機,但關注經濟下行風險程度需略高於上行表現,主要源 於恒大債務雖非雷曼,而是折射中國房市在調控後的下行壓力逐漸增加,往後必然 衍生出仰賴土地、房產領域的金融與財政問題;能耗雙產政策相繼在 9 月中旬落地, 本週公布的製造業 PMI 存在不如預期的可能性。
🔺Gap 公布 FY 2Q21 財報,營收 42.11 億美元,+28.6%YoY,並較 2Q19 成長 5%, 優於 Bloomberg 同業預估之 41.29 億美元,並創歷史同期新高,毛利率 43.3%, 亦優於 Bloomberg 同業預估之 40.55%水準,稅後 EPS 為 0.68 美元,相較於 2Q20 稅後 EPS -0.17 美元由虧轉盈,並優於同業預期的 0.43 元水準。
—————————————————
海期手續費優惠❤️ 國內期貨手續費優惠❤️
😊😊歡迎洽詢😊😊
#永豐期貨洪慈憶 💜
#全台皆可開戶 #線上開戶🎈
#手續費及開戶或交易相關洽詢📊
#粉絲團私訊 #專線:02-23829310
#LINE: vivibaby_hung0428
💯現場開戶:台北市重慶南路一段2號8樓
💯線上開戶:https://www.spf.com.tw/spfopenact?strProd=0035&strWeb=0077&s=090494
💯部落格:https://violethung1664.pixnet.net/blog
恒生科技指數走勢 在 hketvideo Youtube 的最佳解答
足本版睇:https://video.hket.com/video/2966735/
恒生指數收報29166點,升255點,收復29000點水平,成交1463億元。恒生科技指數升0.9%,報8072點。港股後市走向如何?《ET講股通》主持孫運喜用圖表為你分析。
#港股 #恒生指數 #技術走勢 #保歷加通道 #香港經濟日報 #ET講股通
【立即觀看hket TV 足本影片】https://bit.ly/30TtRQx
【立即下載《香港經濟日報》App】http://onelink.to/hketapp2021
---------------------------------------------------
![post-title](https://i.ytimg.com/vi/O-gtl7KKjiM/hqdefault.jpg)
恒生科技指數走勢 在 Sky Finance Channel Youtube 的最讚貼文
12月1日【 聶股行動 】 #聶振邦 『泡泡瑪特 零基石投資者 抽得過?抽唔過?』
1) 期指恆指12月開局走勢不一,12月應看好還是看淡後市。
2) 泡泡瑪特首日招股,截止下午4:00孖展認購已逾40倍;但此股零基石投資者,到底是否值抽。
3) 周五收市港股各指數又換碼,美團納入恆指成份股,會否令科技股再炒一回。
贊助:Webull
領取開戶優惠:https://www.webull.hk/activity?source=hk-skyfinance-lin
⭐Facebook Live現場直播,為你拆解即日市況及財經疑難,歡迎各位觀眾留言提問
________________________________
訂閱埋我哋嘅 YouTube 頻道啦 (記得按搶先看)► https://www.youtube.com/c/SkyFinanceChannelhk
Facebook ►https://www.facebook.com/skyfinancechannel/
Instagram ► https://instagram.com/sky.finance
![post-title](https://i.ytimg.com/vi/xLqI18W_f_w/hqdefault.jpg)
恒生科技指數走勢 在 Sky Finance Channel Youtube 的最讚貼文
2020年11月17日【 聶股行動 】第64集 【困境反轉型股份 癲覆主流盈利選股法】#聶振邦
1) 上週恆指服務公司季檢,對恆指構成變化該如何解讀,為未來恆指走勢帶來甚麼啟示。
2) 國家公佈互聯網平台反壟斷指南,現屬科技股入市時機,還是要避之則吉。
3) 選股主流分析看上市公司盈利前景,專選十倍股基金經理。長勝十三年,逆流選買困境反轉型股份。今日我們可否跟隨選出十倍股。
嘉賓:聶振邦先生
主持:林海茵
監製:黃竣渝
【Sky Finance X 華盛証券】 2020年 開戶優惠
華盛証券是香港持牌券商(中央編號:AUL711),簡單便捷的港美股交易平台華盛通,落盤交易系統穩定,除咗交易免佣,仲可以免費睇買賣十檔股票串流報價!一個APP幫你搞掂:港美A股 | 即時報價 | 極速交易 | 財經資訊 | 智能選股 | 賬戶分析 。
觀眾於即日至9月30日期間,經以下指定連結(https://bit.ly/3icf7D0 )或節目畫面中之QR Code 成功開戶,則可享有以下優惠:
(1)註冊賞HK$30港股股金券
(2)線上開戶賞$300港股股金券,港股無限免佣
(3)港股買賣無限免佣,絕不先收後回
(4)首入金≥2萬HKD,送30日免費串流報價;之後賬戶平均資產或月末資產達5萬HKD,且交易港股達10次/月,繼續免費睇
(5)送HK$500/200八達通:期貨開戶並交易指定產品
(6)免費加入Sky Finance 行運學堂大三元群組
優惠細則:https://hk.vbkr.com/promo/20080619041023345
立即下載 「華盛通」app,立即開啟極速線上交易新體驗!
華盛通APP Download:https://h5.hstong.com/download/hstong/mobile/qr-code
華盛通 PC Download:https://hk.vbkr.com/download
了解更多:https://bit.ly/3e6FnNx
天宏財經台SkyFinance每日為大家送上金、股、匯、大宗商品投資策略,更會請來各界名家、大談理財創富秘笈,讓您每一個理財創富的決定皆百發百中!
本台為新新聞媒體集團成員
======================================
聲明:個別節目內容不代表本頻道立場。
facebook 粉絲專頁:https://www.facebook.com/skyfinancechannel/
![post-title](https://i.ytimg.com/vi/BAwpB89I8g0/hqdefault.jpg)
恒生科技指數走勢 在 港上市的主要科技股走勢 - Facebook 的推薦與評價
【送蘋果公司股票】恒生科技指數期貨有獎競猜遊戲+ 期貨佣金優惠2020年推出的「恒生科技指數」讓市場有指標去更方便地追蹤在港上市的主要科技股走勢,市場亦提供相關的 ... ... <看更多>