條題係咪各位目前的心聲？
【異動空間】買貨又驚 唔買又驚？
上月中開始，美聯儲逐步由鷹轉鴿，這個貨幣政策「華麗轉身」，帶動全球股市大反撲，恒指由月初低位24896衝到28000關，足足3,100點（約12%），淡友固然被挾到反艇，連本月轉睇好買貨的魏力，眼見上到呢個位，都不禁要問一句：樓上仲有幾多位？
今次議息聲明有三個重點：對加息保持耐性；有機調整縮表規模；必要時可重啟QE。前兩者是意料中事，價格亦應大致反映，市場最驚喜的，係鮑老竟然話，只要經濟及金融市場有乜「冬瓜豆腐」，隨時可以再印銀紙！換言之，美聯儲好大機會，唔會縮表至原定目標（2.5萬億美元），更確認「印錢」已成為常規手段，一旦爆鑊可以再印，呢粒定心丸值錢。當然你可以質疑：到個經濟出事，個市咪又係會冧？魏力絕對同意，但當經濟暫時未死得，而資金、信心又同時歸位，結論咪就係「炒爆咗先算囉」！
至於港股，升勢最大助力係「美金弱、人仔強」，只要呢個趨勢不變，港股仍是chok住上的格局，難以大冧；而短期最大利淡因素，就是中美談判無功而還，加上死線漸近，雙方或會出口術互相施壓，令市況轉為波動。
早兩日有粉絲inbox魏力慨嘆：去到呢個位，買貨又驚，唔買又驚（賺唔到），好矛盾！這絕對也是魏力的心聲，而應對方法不外乎12字：盡量短炒，輕倉過夜，嚴守止蝕。
縮表規模 在 升息+縮表分析今晚FED利率會議如何影響市場20220504《楊 ... 的推薦與評價
... 學習財經金融投資知識，關注我們00:00 會議前觀察加密貨幣做領先指標02:30 升息+ 縮表 時間緊 規模 大04:28 數量政策vs. 利率政策06:40 美國上次縮... ... <看更多>