不能告訴媽媽系列 #印度shoppinglist
印度, 除咗平民價食咖哩之外, 仲可以掃平貨. 講緊十元八塊有交易, 質素一啲都唔差. 海德拉巴治安相對新德里, 孟買好 , 女生外出亦大可放心.
我好鍾意企路邊觀賞印度巴士, 巴士無門嘅玩法真係好令人著迷. 但只要企喺路邊, 就會有N架篤篤車嘗試兜客. 只要無視佢哋, 都唔會煩你嘅. 由酒店向前走三分鐘就到達Spar超市.
印度必買：草本牙膏/草本洗頭水/辣椒仔/咖哩粉/印度味薯片/ 茴香籽 /髮油
🔶我對牙膏有種情意結, 我鍾意擦牙, 亦鐘意試不同口味嘅牙膏, 我嘅志願係試勻全世界嘅牙膏. So far 我覺得最好用嘅牙膏係日本/德國/印度(排名不分先後).
食咗誠實豆沙包嘅推介: 印度ayush牙膏.
你知啦食完咖哩個口有幾臭, 呢隻牙膏刷完神奇地覺得牙面好滑, 感覺好乾淨, 條脷會情不自禁地掂牙面, 真係好滑. 而且好清新, 草本味. 並沒有薄荷乸/刺激感覺, 擦完好舒服.
聲稱5000年嘅草本配方! 試完包你愛上刷牙.
講重點, 港幣八蚊一支~完~ 強強強強烈推介
我今次仲買咗rock salt 美白牙膏. 試完再報告
🔶 每次飛完一班機都甩好多頭髮, 呢隻洗頭水係一個印度呀姐介紹嘅. 我試咗一排, 甩唔甩頭髮就唔知. 不過覺得好乾淨, 可以繼續觀察. Patanjali 係大牌子. 又係講重點時間, 200ml, 港幣八蚊.
🔶 香港啲辣椒仔勁貴, 印度嘅辣椒仔又平又辣, $3,4一大包, 仲要organic. 打邊爐一流.
🔶 成個架都係咖哩粉, 鍾意食咩咖哩自己揀, 咖哩粉加水煲熱, 咁就搞掂. 港幣4/5蚊一盒
圖中綠色嗰盒Spar garam masala 咖哩粉係印度師奶推介. spar 係荷蘭一間跨國零售超市. 歐洲好出名, 所以spar旗下品牌絕對信得過.
🔶 Lay's masala 薯片
鐘意衝擊味蕾嘅朋友一定要試, 大包$5,細包$1.5, 抵diu無?
🔶茴香籽(fenne seed), 印度嘅飯後薄荷糖, 有糖衣或不含糖衣. 五顏六色就係有糖衣, 又甜又薄荷非常清新. 冇糖衣嘅原味, 味道先甜後甘. 有啲似甘草. 茴香籽可幫助消化, 清熱降火, 清新口氣. 仲可以沖茶, 絕對係好嘢嚟嘅. 3,4蚊一大包.
🔶餘甘子髮油(Amla hair oil) 呢支好似豉油咁嘅嘢, 係印度呀姐推介, 用作強韌頭髮 $20 ,450ml. 58% 餘甘子油, 40% 礦物油. 推介.
#印度神油 #印度髮油 #印度牙膏 #草本牙膏 #天然牙膏 #牙膏推介 #印度咖哩 #印度 #咖哩 #印度食咖哩 #返印度食咖哩 #朋友返印度食咖哩 #印度自由行 #印度深度行 #海德拉巴 #hyderbad #tandoorchicken #masalatea #PalakPaneer #garlicNaanbread ＃咖哩薯片 ＃印度薯片 #印度推介 #空姐推介 #印度必買 #印度菜 #印度餐 #印度藥妝
返印度食咖哩 在 周潤發：朋友，你返去印度食蕉啦！ | 香港網絡大典 - Fandom 的相關結果
朋友，你返去印度食蕉啦！」（即書面語：「朋友，你回印度吃香蕉吧」）出自1989年電影《賭神》周潤發的對白。 被罵人物在《賭神》續篇《賭俠》（1990年）再出現， ... ... <看更多>