https://www.patreon.com/posts/wei-he-wo-shi-bu-53853938
睇完閃光的哈薩威，終於下定決心睇番Unicorn。無錯，我其實呢10年黎除咗第一集OVA，其他集數係無完整睇過一次。
記得當初睇完第一集OVA覺得非常驚艷，因為等唔切OVA慢慢出，就立刻買哂成套小說番黎睇，點知愈睇愈難頂啲劇情，結果睇完小說結局之後，就完全無心情走去睇番剩番嘅OVA劇情──因為唔忍心睇雉咁高水準嘅作畫，會配上一個咁難睇嘅劇本。
其實本身已係極之討厭福井晴敏果種新右派立場──刻意塑造暗喻成為日本嘅新勢力，強調不能夠成為任由列強擺佈嘅棋子，但實際日本應該走上咩一條路，卻係連作者自己都搞唔清楚。
本來Gundam響富野口中，係一套自護聯邦之間嘅正邪界線比較模糊嘅作品（不過響小說版佢話自護仍然係相對傾向奸角一方），但去到Unicorn個問題係唔單止正邪界線模糊，係連主角自己都唔知自己做緊乜。
以前嘅阿寶同嘉美尤雖然對權威（亦即布拉度之流嘅大人）抱有質疑，但至少明白如果要達成相對嘅Lesser Evil，服從佢地嘅指揮，盡自己駕駛高達嘅責任係唯一選擇；但去到Unicron嘅巴納吉，就直頭連呢條忠誠的底線都拋棄埋，要超越對敵雙方嘅立場去追尋自己理想中嘅和平。
但結果呢種造法配上佢不成熟嘅判斷能力，基本上響套嘢入面大部份時間就係不斷作出錯誤嘅決定；每一個佢聲稱想要愛護／保護嘅角色，最終幾乎都係比佢害到雞毛鴨血甚或戰死沙場：每當我見佢揸住部Unicorn唔係走去打仗，而係嘗試說服呢個果個就感到心煩，心諗之所以落得咁嘅地步，就係同你毫無節操響唔同陣營跳黎跳去有關。
而我最唔原諒嘅，當然係佢捉撚咗美莉坦，你老味幫害死你老豆嘅聯邦軍做狗都算，仲要害埋人地比畢斯特商會折磨到人唔似人──果種是非不分嘅痴線法呢，大概就同果班比黃標KOL呃到貼貼服服，周圍捉鬼仲要拖抗爭後腿嘅深黃粉差唔多啦。
至於Unicorn萬人齊插果個結局，我只可以講日本果班新右翼都係真心相信法治一套，由川口開治一堆作品去到福井晴每嘅《亡國之盾》，都係探討日本憲法對自衛隊各式各樣嘅枷鎖，所以Unicorn班友將聯邦憲法隱藏咗一條睇到天咁大，仲可以顛覆聯邦政府乜乜物物係可以理解。
問題係作為香港人，響經歷咗兩年「法治已死」嘅歲月後，大家都心知肚明，所謂法治去到最尾如果無武力作後盾，其實都只係一張廢紙──即使係所謂支持民主嘅美國、黃屍，只要利用媒體、社交平台、黃標KOL加上愚昧人心嘅技巧，一樣可以顛倒是非黑白，將特朗普勝選強行褫奪，將勇武前線手足抹黑成鬼……
綜觀睇番成見事，假若巴納吉由一開始選擇同伏朗托合作，新自護響帶袖殘黨作為武力後盾下用「真憲法」勒索同削弱聯邦政府，歷史一定走向更美好一面。巴納吉成事不足、敗事有餘嘅破壞力，就好比一班黃標KOL老點香港人走上絕路一樣。
所以《閃光的哈薩威》雖然係富野自己寫番，但接住Gundam Unicorn四年後，聯邦政府腐敗依舊，哈薩威始終堅持要用恐怖主義改變人類命運，之前巴納吉所做嘅努力完全白費，響劇情上可以話係完美銜接，全無違和。
閃光的哈薩威小說 在 [討論] 看了些大概的閃光的哈薩威- 看板GUNDAM 的推薦與評價
看到許多人都說他是不孝子
中二仔 低能兒 雷包
但是在小說版閃光的哈薩威裡面
發現他其實是個駕駛技術很好
又富有領導能力 率領反地球聯邦集團
甚至連葵斯都是自己手刃的
請問大家都只是因為劇場版的逆夏
而那麼討厭哈薩威這個角色嗎
對於小說版哈薩威的評價又如何呢
--
※ 發信站: 批踢踢實業坊(ptt.cc), 來自: 39.9.41.107
※ 文章網址: https://www.ptt.cc/bbs/GUNDAM/M.1522686806.A.D42.html
... <看更多>
相關內容