[韓劇][雙甲小食店] 陸星材演嘅韓江培真係可愛戇直逼人，夾埋一時瘋癲一時正經嘅黃正音、崔元英，三個人非常合拍，睇到後段真係有種一家人嘅感覺。
-- 以下微劇透 --
500年前嘅恩怨情仇，500年後終於有個解脫。12集頭半都輕輕鬆鬆，後面就愈來愈沉重。一步步講返月妵嘅事，唔算緊湊，而所謂嘅入夢一開始係威係勢，有保安監控室同埋電影院形態，有集仲有個仙人運動會，贏咗可以報夢畀後代，話佢哋知彩券結果去脫貧。之後又有夢中嘅潛意式樓梯，跌落去靈魂就永遠消失，仲有三神婆婆嘅胎夢。本來以為會繼續玩「夢」，但到中段已經消失咗呢個設計。所謂嘅「雙甲」意思亦都喺第一個case之後消失。
好在主角描寫方面都繼續有力。主角之外，就算係單元角色都做得好，唔只一次睇到我流眼淚。啲小設計例如係閻王經營同管理地獄、主角做志願工贖罪過癮得嚟又唔會失焦，力度剛剛好，對劇情亦有幫助。可惜結局有啲夾硬，不過見到三個主角重聚係開心嘅。
劇中嘅三神婆婆，令我諗返起《鬼怪》嗰個時後生時老嘅三神。當時睇啲文話德華應該係月老嚟，所以同劇中嘅三神婆婆有啲交涉：兩個神都有份掌管姻緣，三神就負責埋送子。德華成日着藍色，三神成日着紅色，兩種色就係韓國傳統婚禮用嘅顏色嚟。
點解無啦啦講《鬼怪》？因為想講陸星材做《鬼怪》德華同埋今次《雙甲小食店》江培真係完全兩個人咁，好厲害。
希望陸星材退伍之後慎選劇本，keep到個氣勢。
[Netflix有得睇]
https://www.netflix.com/title/81264882?s=a&trkid=13747225&t=cp
嚟緊應該會睇《#雖然是精神病但沒關係》。
#韓劇 #JTBC #Netflix #雙甲小食店 #雙甲路邊攤 #黃正音 #陸星材 #崔元英 #쌍갑포차
陸星材退伍 在 KSD - 韓星網- #陸星材退伍之後的第一部回歸作品很可能就是這 ... 的推薦與評價
陸星材退伍 之後的第一部回歸作品很可能就是這部劇，預計明年上半年播出！ ... 陸星材有望出演漫改劇《金湯匙》，窮學生富學生互換父母、網友推薦這幾位來演！ ... <看更多>