【全力推介友利冰室 x 勿當奴】
喺新蒲崗嘅友利坊，可以話係相當稀有嘅黃店燒味舖，過去喺九龍東參選時，我都成日有去食，因為舖頭幫手足之餘，食物質素亦都相當唔錯。
爆炸頭老細確實好幫得手，過去一年幾都有幫手分發文宣、口罩同埋義賣支持眾志，甚至連參選提名都有收集，真係好多謝佢。
當知道爆炸頭老細喺D2 Place開咗新派港式冰室，就梗係要去支持一下，因為本身老細有開燒味舖，所以乳豬質素都好唔話得。
除咗乳豬可以話係入口即溶，腐乳羊架同埋魚柳包都相當有驚喜，前者係用咗整羊腩煲嘅煮法去煮西式羊架，後者塊魚柳嘅口感都比起麥當勞好好多。
最估唔到嘅係，舖頭竟然有羅冠聰 Nathan Law、周庭 Agnes Chow Ting同埋我，絕無僅有唯一一張一齊簽名留念嘅「100%自由旗」，睇到嗰刻都覺得百感交雜。
喺眾志解散以至阿聰離港被通緝後。唔知道幾時先再有機會，三個簽名出現喺同一文宣，但願有朝一日煲底相見，一齊去好食嘅黃店食返餐好。
林瑞華 Gordon Lam 猛烈南瓜在飯桌
．．．．．．．．．．．．．．．．．
✍️聯署要求送返十二名被捕港人：https://bit.ly/save12youthspetitions
💪小額支持我的獨家分析及文章：https://bit.ly/joshuawonghk
╭───────────────────╮
╞#存亡號召 #絕處逢生
╞🌐https://twitter.com/joshuawongcf
╞📷https://www.instagram.com/joshua1013
╞📧joshua@joshuawongcf.com
╰───────────────────╯
黃店燒味 在 筲箕灣 #告急黃店- 燒味店 - Facebook 的推薦與評價
筲箕灣 #告急黃店- 燒味店 -- 天天燒鵝皇可能大家都會識，但係其他嘅燒味黃店真係比較少見。 見佢告急都擺到明放出黎緊係要支持下。 ... <看更多>