「幾百萬名字裡，誰是你誰讓我查…」又再比
我發現尖沙咀新開左日式居酒屋「蔵鳶居酒屋」x
「鮨鳶」，當中有d奧妙既係原來佢係果種
一店兩食，姐係左右兩邊分別食唔同既野，
左面係由open bar模式主打壽司、串燒；
而一個轉身另一邊就行omakase高檔料理。
而我今次重點focus係「蔵鳶居酒屋」串燒
世界，如果係你…你會向左走定向右走！？👇
-
📌煮 物 -
▪ ボイルドビーフの根 - $88
▪ 野生のキノコとアサリの茹で - $98
▫ 先黎個煮物打頭陣先，前者「有馬生椒·
牛根煮」用上日本黑椒烹調，特別入味；
牛根同港式好大分別，份外濃香腍滑；
而後者「清湯牛油·野菌煮大蜆」要大讚每隻
蜆肉都夠哂肥美厚肉，絕對無呃秤；而且
食落完全無沙，相當鮮甜，湯底用左牛油
同埋野菌煮過，入口特別幼滑，無得輸！
-
📌ロ ー ル -
▪ 左口·明太子ロール - $78
▪ ウニとキャビアのエビフライロール - $98
▫ 而卷物方面，平時明太子多數都以蛋卷
形式，而師傅巧妙地將明太子同左口魚結合
為「左口魚·明太子卷」，食到魚肉既鮮甜
同時明太子既口感相當突出，好特別；最奢華
卷物「魚子醬·海膽炸蝦卷」，海膽味道濃郁，
再配上魚子醬雙重提升鮮味；炸蝦亦唔輸蝕，
金黃香脆，三重唔同口感非常滿足。
-
📌期 間 限 定 -
▪ 焼くフォアグラ·ほたて - $98
▫ 師傅特別推介呢個「焦糖白蘭地·鵝肝煎
帆立貝」，絕對係將法式同日式兩者發揮
到極緻。先講鵝肝煎得夠嫩口，食落非常
軟腍；而帆立貝外層帶少少焦香，絕對唔會
輸比鵝肝；同時焦糖蘋果做到酸酸甜甜，
中和成個油膩感，好食！
-
📌盛 り 合 わ せ -
▪ 極上の寿司盛り合わせ - $368/10貫
▫ 去得居酒屋，點少得壽司環節呢？呢個「極 上
壽 司 盛」一次過食勻中拖羅、深海池魚、
油甘魚、牡丹蝦、帆立貝、赤貝、左口魚邊、
金目鯛、三文魚籽、海膽。成個盛合非常
有驚喜，每款都相當新鮮，尤其是海膽入口
無腥味，左口魚邊相當爽彈；金目鯛肉質
甘香，加上師傅將飯粒做到每件份量一致，
一啖一件，認真過癮。
-
📌串 焼 き -
▪ タウナギの塩茹で - $78
▪ チキンスティック - $45
▫ 輪到期待已久既串燒環節，先黎個「鹽燒·
白鱔」先，肉質睇落相當肥美，而且師傅控制
火侯好到位，外層焦香裡面完全唔乾；食落
仲有肉汁係返到，啖啖滋味；後者既「自家
制·免治雞肉棒」鮮嫩多汁，師傅教落先將
溫泉蛋同自家製醬汁攪勻，然後點少少一齊食，
份外香甜；而雞肉入口相當腍滑，口感十足！
-
▪ 串焼き·盛り合わせ - $148
▫ 另一王牌串燒必嗌「串 燒 盛」，一次過有哂
我最鍾意既鹽燒雞軟骨、鹽燒雞中翼、燒青唐、
大蔥雞肉、燒冬菇。雞軟骨咬落香脆鬆化，
而雞中翼外脆內嫩；青唐熟度岩岩好，味道
亦唔會太淡，唔錯；雞肉配搭大蔥加強濃味感，
而且肉質啖啖爽彈；最後既燒冬菇外圍略略
帶少少焦香，內裡卻軟綿綿，加埋醬汁份外香甜。
-
📎 蔵 鳶 居 酒 屋 · Kura Tobi
📍尖沙咀加拿芬道44-46號地下7-8號舖
ほの香 泉店 在 ほの香 泉店 | Sendai Miyagi - Facebook 的推薦與評價
ほの香 泉店, Sendai. 87 likes. 自家焙煎コーヒーとスコーンの店. ... <看更多>