//懷住極其悲痛嘅心情寫成呢篇文。因為成件事至少有一半我係親眼目擊嘅//
//有網友第一身經歷班車情況,貼埋響文末作為補充參考://
831其實係繼8月5日全港大決戰之後,再一次政府與人民之間的Show Hand大對決,亦係8月8日劉業成作為警隊鎮壓新總指揮之後,策劃嘅一場最大戰役。
為此目標,今次劉業強幾乎所有牌都經已打哂出黎:
1. 金鐘出水炮車噴顏色水;
2. 灣仔希慎瘋狂作催淚彈、布袋彈、海棉彈交叉放題;
3. 銅鑼灣再次使用臥底戰術進行突擊拘捕;
4. 臥底於被識破身份而被圍剿後連開兩發真槍,反映開真槍於警察看來已為平常事而非禁忌;
5. 繼續於各區進行濫打濫捕
但上述呢幾招都唔及一招「港鐵夾殺」陰毒,亦都令上面發生嘅一大堆原先非常重要嘅事件變成次要。
一直以黎地鐵都被認為係成場抗爭嘅最終「非軍事區DMZ」( Demilitarized zone),原因並唔係為咗包庇抗爭者令佢地免於被警察追捕,而係令一般市民知道,即使地上面打到火紅火綠,地鐵站仍然能夠令佢地隨時逃離危險之地,又或者至少可以確保警察唔會同抗爭者響地鐵開拖。過往之所以即使地鐵宣佈封站,仍然係堅持以「准出唔准入」方式繼續維持封閉車站服務,為嘅就係至少令被閉車站嘅一般市民可以離開。
但由央視主播,去到梁振英同林鄭並唔係咁諗。佢地覺得港鐵太過偏袒示威者,咁樣係益咗佢地。所以自從821封九龍灣至調景嶺站、822封葵青同荃灣站之後,佢地就係要打斷抗爭者利用地鐵作為轉移地點嘅工具,掉番轉警察卻係可以隨時利用港鐵黎運兵。至於住係當區嘅市民就算你唔好彩,10點幾宣佈封站而你12點前仲走唔切的話,你就會面臨警察封路、樓下商場店舖全關,夜晚只能捱麵包餅乾嘅情況。
劉業成卻仍唔滿足於呢個地步,佢就係處心積慮要打破「地鐵站=DMZ非軍事區」呢個禁忌,務求令佢心目中嘅「暴徒」唔能夠再利用港鐵站作為最後嘅庇難所,要佢地響「惶恐之中渡日」。
於是響佢精心策劃下,由831八點開始借助藍屍同抗爭者衝突,以增援作為藉口,首先煞停所有列車,然後突然間響太子站派譴大批防暴、速龍湧入地鐵站內,但要拉要鎖嘅反而唔係意圖傷人嘅藍屍,而係所有疑似抗爭者嘅年青人。其實列車被煞停、所有出入口被封後,基本上係無人可以逃離現場,要慢慢籠中捉鳖有幾難?
結果最先去月台嘅並唔係一般刑事偵查嘅CID,而係無編號兼蒙面,打人毫不留手嘅速龍隊。甚至我懷疑劉業成係特別落咗響地鐵站內濫打濫捕嘅命令,因為佢係要比抗爭者留低恐慌嘅回憶,等佢地以後唔敢亂搭地鐵,徹底進行鐵路夾殺。
最後就好似《逃犯條例》修訂一樣,警察已視最初果個「為解決列車內乘客糾紛」嘅藉口如同廢話,完全無爭執嘅旺角、油麻地、九龍灣、荔景站,防暴警都已毫無顧忌直接走入車站內恐嚇市民。
劉業成同林鄭、梁振英甚至中共鷹派嘅諗法係一脈相承:你班抗爭者唔驚就打到你驚,你有人反抗就拉到你無人為止。但佢地唔明嘅係有班人其實就係唔會驚;而就算驚你,亦都會因為另一種人類好重要嘅情感:憤怒所克服。
當呢班速龍走入地鐵車廂打到青少年同老人家滿頭是血、當有年青人被你地猙獰嘅行徑嚇到抱頭痛哭,但你地仲要無情咁再響一啲放棄抵抗嘅弱者身上射上胡椒噴霧,基本上一個包含極權剝奪自由、強者欺凌弱小、暴力加害求饒者,如此醜惡嘅劇本,繼721之後再次響831完美複製。
所以啲人真係唔好再問點解抗爭運動搞咗咁耐,民意卻永遠唔會逆轉;點解政府警隊只不過係想令社會回復平靜,最終卻只催生更多仇恨。因為佢地永遠唔會明白,除非你聽朝就將所有有良知嘅香港人全部槍斃,否則只要佢地仲有一條命響度,憤怒就會催生佢地更加勇武,而就算再懦弱怕事嘅小市民,都會出於義憤盡力協助呢場抗爭繼續落去、響心裡面全力為呢場抗爭打氣。
我唔知今日之後抗爭者會點樣針對「港鐵夾殺」而諗出新嘅反制手段,但可以肯定嘅係,高壓係永遠唔會淋熄抗爭之火,而只會令佢愈燒愈旺。
==========
//我響太子月台班車上面 我係由天后趕過尖沙咀 中途收到清楚場轉旺角快閃 走果陣響旺角月台傾下一站快閃目標 無幾耐消息到話旺角防暴到上面地面 再一陣睇tg群入面睇直播嘅通知響c出口進入 所以成班仲響月台換衫或商量嘅 示威者即刻上車走 左去到果陣其實好多人上左車去離開 上左車果陣其實班車普通乘客唔多仲有坐位
示威者佔左多數 有人拉門比人儘量上至成車塞滿晒 我估有三份二都係示威者 車門開開關關左幾分鐘 最初係示威者拉門 後來係廣播話本班列車不載客要求所有人離開但無人理 有人按緊急制同車長理論 之後tg直播消息話差人已經入左閘落緊月台 同車卡啲記者已經準備影住樓梯位,果陣先真係開到車
響車上示威者大家仲傾緊下一站去邊快閃 九龍塘黃大仙九龍灣乜都有人講下 車只係行一個站去到太子 響太子又響廣播本班列車不載客要求所有人離開 普通乘客同示威者大家都鼓燥 大部份普通乘客都無離開車箱 示威者有啲出左去月台整理自己 傾偈 睇ig中 有啲認為上面離開就係狗屋危險 有啲人就照走 我當時係列車比較尾位置 身邊有兩個fa一邊跑一邊講響前面打緊 我聽到就往果面方向跑過去諗住幫手 去到月台控制室果度
見到藍絲比人圍緊走行緊上樓梯 邊走同時繼續鬧緊人影人大頭 月台控制室因為班車唔載客關系有示威人士圍緊拍打佢玻璃 無幾耐就開始播果段恐怖廣播 因於嚴重情況本站關閉請所有乘客離開 所有閘機已開啟
果陣好多剩底嘅示威者已經諗位走 見到自己友開始少我都唔例外開始行過去樓梯 果陣消息到話太子上面已經速龍入左閘衝左入嚟
到我真正開始上樓梯上面已經倒灌翻落嚟 我哋響下面已經無位走 其實當時下面大部份係普通乘客
我身邊有個女士嚇到喊 行唔到路講唔到嘢要人扶 我同朋友仲係gear陪佢響月台坐低安慰緊佢 有咩幫佢擋一擋叫佢唔駛擔心 我同我同行朋友都係中坑,立即除左裝收起響背包等自己比較似普通乘客 速龍就衝左落嚟 佢哋衝落嚟無目標咁周圍衝周圍跑 其國一個話呢邊果邊就成玩衝晒過去
嚇到普通市民好驚 我見到佢哋目標只係後生仔 唔理咩色衫只要個樣靚仔就會衝過去撲低
速龍防暴同便衣不停響上面落嚟 我雖然除左gear入背包但仲係黑衫 所以匿左入車箱棄裝再翻出去扮路人睇咩情況 果陣響我親眼見到有六七個細路比人襟低左 仲係有好多警察響月台不停衝前衝後一時又衝入車箱搵目標 後來月台太多差人 我都比人趕左上車 上車箱後警察仲係不時來回望入嚟搵目標 車門不停開關唔發車 過左大概多五分鐘左右
終於都開到車 響下一個站石夾尾 又再響廣播話本班車不載客要求所有人下車 有人唔肯落要求一係叫白車一係開車走 我出左車箱睇 有人響車門旁圍緊月台職員理論 職員咩問題都解答唔到 無幾耐講播就響話 所有觀塘線荃灣線本最所有服務停止 我就響呢個站離開左
下面我見到嘅事就係咁 由於我同朋友都係中坑 棄左裝所以走得甩,希望幫到你厘清時序同經過
我係往調景嶺方向 最傷果幾個手足無見到現場亦都無消身可能唔係我呢面車//
一人拉麵銅鑼灣 在 盧斯達 Facebook 的最讚貼文
【萬言書】
昨晚的重要談話,做一段一個鐘的live,其實講左一萬字出黎。關於選舉,政治,世代。由熱心網友筆錄。
Part1 https://www.facebook.com/…/vb.1140397154/10210160225339023/…
Part 2
https://www.facebook.com/…/vb.1140397154/10210160784392999/…
23/8 Lewis Loud直播 文字版 Part 1
Part 2:https://www.facebook.com/Repofe/posts/1640191326294008
而家個情況大家都應該明,香港而家個局面就越嚟越麻煩,所以,如果我哋仲係好似以前咁,去講將呢個議會,或者呢個選舉,當成一個尋常嘅選舉其實會好麻煩。呢個選舉其實係脫離咗現實環境。個現實環境係咩呢?
即係提下大家,由近至遠咁講,我哋而家講緊香港呢,係2016年嘅香港,咁香港就係話,你只要支持香港獨立,就會畀人disqualify,會無得選。即使你話而家悔改,都會話我判斷到你唔係真心,我判斷你嘅態度,所以唔畀你選。
第二,就係只要你喺香港賣啲講中國政治嘅書,就會畀人塔返大陸,無任何嘅法律程序,連中華人民共和國嘅刑法都唔跟,嗰個叫特別專案組。特別專案組其實係嚟自習近平嘅小組治國,佢唔會用啲正常嘅機構或程序,去做佢自己想做嘅嘢,而係通過非正式小組,呢樣嘢係我睇余杰本書學到嘅。
其實喺我幫佢寫嗰篇序,係同以前嘅漢武帝比較,因為漢武帝以前嘅朝廷,或者宰相嘅權力都係好大嘅,然後所有嘢都要跟住制度,之後制度係邊個把持呢?就係同劉邦一齊打秦朝,同埋楚國開始嘅一啲元老、貴族。所以漢武帝為咗想攞佢嘅權力,或者佢想做一番大事業,佢就用咗一樣嘢:太監。用咗好多唔同嘅小組,不過嗰時就唔係叫小組,用呢班人做嘢,從而架空朝廷嘅權力,咁佢想做嘅嘢,或者佢嘅權力就大好多。即係話,林榮基,或者銅鑼灣書局嘅所有員工,係一個咁嘅情況。
講返近少少,大公報搵一啲人,前壹傳媒養出嚟嘅狗,走去騷擾一啲「風頭人物」咁。大家會知道,其實而家係一個無流血嘅侵略。即係話,不停咁輸入大陸移民,而嗰啲移民基本上唔可以話係一個經濟移民,因為根據數字,佢哋唔係啲乜嘢高學歷、或者有好多資產、或者會嚟創業,好明顯唔係經濟移民。亦好明顯唔係家庭團聚,因為中國係將呢啲嘢當成炒賣,你有錢就可以買到單程證,即係話,其實佢係一個政治性嘅殖民。仲有啲小事,各種侵略、喺香港攞著數嗰啲唔撚講嘞。
喺咁嘅情況之下,我見到好多,尤其是而家選舉論壇都越嚟越多,我見好多候選人嘅套路都係嗰種屌下恥笑下建制派、土共。都係嗰種口舌之爭,嚟嚟去去喺個選舉論壇攞分。所以其實返番去政策辯論,例如去到最細微嘅點幫在職家庭、在職婦女咁樣,教育政策、房屋政策,或者梁振英落台,雖然而家泛民已經都無乜點講。我講嘅係,唔係呢啲議題唔重要,但我哋要明白,同埋睇清楚個議會係可唔可以治理到呢啲問題––係唔撚得嘅。
其實如果大家係度講,話你點睇在職女性湊唔到自己仔女問題,大佬呢個問題係涉及到高地價政策,涉及到你嘅社福體制。如果你講房屋政策嘅話,咁每年有幾多人嚟住,嚟移民咁。再細緻啲,例如丁屋問題,可以去到好撚複雜。但係,其實大家係喺度扮,扮呢個議會係解決到呢個問題,根本就係唔撚得嘅。香港嘅立法會議員係無得主動提案嘅,每年立法會議員只係提到一個提案,仲要係無約束力嘅。所以喺咁嘅情況之下,立法會實際上只可以作為一種民主嘅裝飾,叫做有財政上嘅否決權咁解,仲有所謂功能組別嘅問題。即係民選嘅議員基本上係做唔到啲咩嘅,呢啲係常識,我相信大家都明白。咁嘅時候,我哋就要去諗,大家去睇唔同候選人嘅時候,佢會唔會利用呢個立法會議員嘅身份,去做、顛覆呢個立法會無能狀態嘅行動,例如最輕易嘅拉布,喺一個人數發揮唔到作用嘅時候,喺對方行多數人嘅暴政嘅時候,你用一個人去反枱。或者係,你知道佢入去係會打柒個主席嘅,撕毀呢個立法會虛假、好似仲有用嘅假象。或者,佢喺街上抗爭,畀人拉過或者唔驚畀人拉嘅。
基本上,第一,大家都會覺得係攞資源;第二,其實議會係要打柒㗎。喺個議會裡面,其實早就應該,以民怨,或者而家呢個咁嘅狀態,其實議會裡面係應該打交、令到佢不能管治,總之就係入去打交,或者噴下滅火筒咁樣。Anyway,總之就係:喂,明明個世界就唔work,但你就喺度呃鳩啲人話,你投我入去,我就可以解決呢個咩咩床位問題呀,乜乜物物。
咁個問題就係,議會已經係被閹割嘅情況下,咁大家就唔好再寄望,或者係當係,我覺得香港人成日都係咁嘅:香港明明係一個唔正常嘅地方,佢政制唔正常、佢同中國嘅關係唔正常、甚至連諗嘢都唔撚正常。但我哋就成日都叫香港係一個正常嘅地方,正常嘅國家,所以左膠會同我哋講,我哋移民政策乜乜物物。
屌你老尾,而家殖民關係之中,點撚樣會有所謂人口政策,你講乜鳩嘢呀?主權都未有,你講乜鳩嘢移民審批權呀,係咪先。你成日將香港當係一個正常嘅國家嚟討論喎,好似同美國、英國,呢啲地方一撚樣喎,甚至中國都好撚過你呀,成日都講呢個例子㗎,人哋中國無雙非呢樣嘢㗎,係咪先。人哋每個中國城市都係地方主義,每個中國城市都係本土主義,每個中國城市都會有佢自己嘅移民審批權㗎。無一個地方好似香港咁,咁撚折墮㗎,係咪?
成日以為香港好撚乜嘢高尚、正常呀,你出入中環,或者港島,就話係啫。我夠膽講,香港係所謂大中華入面最撚折墮嘅一個地方嚟㗎。咁撚折墮你都仲當、以為香港係有民主呀,自由呀,走去教化中國人喎,屌你老尾,真係攞盤水照吓自己個樣先啦,香港淪落到乜撚嘢地步?係一個第三世界國家,都仲要畀一個第三世界國家嘅人搶呢樣搶嗰樣,而你去屌返佢哋嘅時候,仲要畀你自己嘅嗰啲所謂高等華人去屌返你轉頭,話你排外、法西斯,係咪?咁樣嘅情況之下,大家仲當呢個係一個普通嘅選舉呢個諗法係唔啱㗎。
而家嘅香港,所謂一國兩制,或者所謂而家嘅選舉,只係一個殘障嘅嘢仲活動緊,佢可能下一秒就會斷氣。所以大家去考慮選乜嘢人嘅時候呢 ,其實就好撚簡單嘅啫,雖然有啲人覺得好難去揀,但係我就係咁,掉返轉嚟諗,就係話,如果嗰個人講埋啲嘢,係令你覺得呢個係一個正常嘅選舉,呢個係一個正常嘅地方,咁你就唔好撚投佢就得㗎嘞。即係例如泛民主派、建制派,當個世界係無撚事發生,香港仲係太平無事,香港仲係歲月正好,好似無問題出現,有問題只係有班人講港獨咁樣,咁呢啲人你就唔好撚投佢就可以嘞。你慢慢排除,就會揀到你想揀嘅人㗎嘞。
咁左膠更加唔撚使講啦,即係例如劉小麗嗰啲啦,其實佢講嗰啲嘢就係話,我哋要甚麼民主自決呀,首先民主就唔知點撚樣自決啦,自決根本就唔撚使講民主嘅,自決係應有權利嚟嘅,如果你係一個民族嘅話。但佢又唔話香港係一個民族喎,件事係唔知點講成㗎其實。
Anyway,劉小麗咁樣,佢就講民主自決,甚至連街工呀,定係民協,又話自決未來咁樣,跟住又講嗰啲聽落好好聽嘅,嗰啲甚麼人性味呀、小販呀、低下層呀咁樣,唔係話呢啲嘢唔撚緊要,而係,你同我講,有乜可能靠嗰個被閹割咗幾次嘅議會,多層次被閹割嘅立法會可以做到?你又唔係用你個議員嘅身份去推行,例如係打柒個主席咁樣,或者有其它嘅藍圖咁。咁所以件事去到最後就係會去返嗰個在野黨政治,即係話去到最後又係選返一班個樣就好似反對緊,但其實呢,去到某啲重大議案嘅時候,又要我哋呢班無名無姓嘅香港人走去lobby佢,喺網上屌佢呀,咁樣去令到佢唔好投贊成案咁,下下都係咁㗎喎。如果我哋唔睇緊啲,或者我哋唔屌佢嘅話,可能佢就會好撚快咁投咗贊成案㗎喇喎,網絡廿三條又係咁咋嘛。如果唔係鍵戰嗰班人加埋網上嗰班人係咁日屌夜屌咁樣,你估佢哋唔會投贊成票咩?所以我覺得係好撚毒㗎,去將一個咁嘅危急關頭,境況可以更加差嘅、咁唔正常嘅狀況之下 ,大家就用立法會選舉呢樣嘢嚟呃自己:大家仲係有選舉權㗎,大家仲有選擇權㗎,大家仲係有選舉㗎,大家仲可以做一場戲㗎,大家仲係可以有餐安樂茶飯食呀,只要大家唔好講港獨呢,就世界和平咁。
屌你老尾,港獨本身出現,就係成件事、成個系統反映唔到嗰個民憤,根本就無辦法同北京,或者中國去達成一個叫個平衡嘅情況,所以先至搞到而家港獨出咗嚟咋嘛。嗱,我從來都唔認為港獨係好多人支持㗎,係民調有十幾percent,係添馬公園好撚多人,我都覺得好撚多人嘅,但係我認為大多數人都唔係原教旨嘅獨撚嚟㗎。即係點解要獨立呢,我唔相信係純粹因為個人嘅尊嚴,獨立就係反映同埋伸張我哋嘅意志同尊嚴嘅唯一方法。我知道大家係因為有啲嘢好撚唔滿意,但因為其它嘢反映唔同,或者係其他人代表唔到佢哋,其他人係好淆、好削,所以佢哋會支持港獨。我認為喺呢個階段,情緒好多時候都係一個道德嘅同情、支持,呢個我係睇得好清楚嘅。咁但係,無論點都好,總之,港獨其實係一個結果嚟㗎,其實係一個而家所有路線都失效,所以先產生嘅一條路線。咁所以,其實本身已經證明咗好撚失敗,所有嘢都好撚失敗,所以先會有人去犯呢條大家一路以為、都覺得呢條係北京死線嚟㗎,千祈唔好撚踩呀,會冚家鏟㗎,咁樣。
咁而家個問題就係,我哋投返嗰啲人,或者係嗰啲黨派入去嘅時候,即係話嗰個失敗係會持續落去,所以大家就要諗,實際上呢個都唔可以話係一個立法會選舉,因為大家唔可以將立法會當係一個正常城家、正常國家、正常嘅政治形勢之下嘅一個立法會選舉,講真。所以有啲區,例如大陸朱咁,其實我都覺得可以投㗎(笑),或者,我唔覺得繼續搵一個睇落好似能言擅辯,或者係,好二元格嘅人,嗱,基本上,我而家係咪選一個好嘅議員呢,我同你講,唔係。而家嘅選舉係咪選一個好嘅議員呢,我唔敢講我支持過,或者有好感嗰啲人會係一個好嘅議員,因為我根本就唔需要你做一個好嘅議員,講真,喺我嘅角度嚟講,你入去幫我掃場就okay㗎喇。我唔需要你有啲乜撚嘢,熟悉程序嗰啲乜撚嘢,當然你熟悉就更加好啦,但係我認為唔熟悉唔係一個問題。因為而家係,就算我而家畀奧巴馬你選香港立法會,你做得到乜撚嘢啫?
你talk得,或者你熟悉議會程序,我講嘅係,一個一流嘅政治家,如果你淨係諗住做一個議員嘅話,喺香港呢個局入面都玩唔撚到。所謂做好一個議員,就係配合個體制、立法會議員嘅身份,你咪就係審下立法會嘅財政預算案,然後平時就行禮如儀咁囉,關注下呢樣嗰樣,質詢下咁囉。一般情況係okay嘅,我唔撚想理𠻹,係咪先?但個問題就係,而家個情況根本就唔係正常吖嘛,唔需要一班好似以前劉慧卿咁嘅,可能我喺廿年前覺得劉慧卿喺入面坐無所謂,橫掂公帑條數都係要咁畀出嚟㗎喇,根本邊個坐都無乜所謂。
但而家就唔係,而家好撚關鍵,對於某啲人嚟講係生死存亡。所以,我覺得嗰啲選舉論壇令我覺得好嘔心,嘔心嘅地方唔係因為啲人表現好差,當然有啲人係表現好差,我都唔撚想講。但唔係因為啲人表現好差,所以我覺得好嘔心,而係某啲人仲扮到呢個地方好似好撚正常咁,我先覺得嘔心。每日睇新聞,每日行出條街,所有嘢都唔撚正常,然後喺立法會裡面,喺選舉論壇上面,仲有啲黨係認為仲係一國兩制,或者仲係而家呢套一國兩制,只要我哋搞少啲嘢,或者我哋同大陸溝通多啲呀,我哋同中國慢慢咁和平理性咁溝通下,慢慢就可以搞得掂。屌你老母,我就等唔到嘞,點樣等呀?
所以個問題就係,都唔計話泛民主派啲咁嘅嘢,當然而家係一個認知落差啦,即係話有啲人其實點解會話政治路線唔同呢,講到尾就係對香港嗰個現況嘅認識有唔同囉,有啲人覺得而家好安樂㗎嘛,實際上都好撚多嘅。咁有啲人覺得而家好撚唔掂㗎嘛,所以大家選擇咗唔同嘅支持對象。Anyway,呢個都唔好講嘞,淨係話而家唔好選邊個嘅問題,好撚多人係唔可以選㗎喎,點解呢?因為,大家諗返,我又由近講到遠啦,旺角騷亂啦,今年初一。今年初一嘅時候,喺旺角騷亂之後,有邊個人出嚟支持,同埋有邊個人出嚟譴責,大家會記得㗎啦。咁泛民主派係,我搵返啲新聞出嚟,係起碼公民黨同民主黨係有反對嘅,或者各打五十大板,總之佢係無企喺起義嘅市民嘅一邊,或者反抗極權警察暴力嘅一邊。再講遠少少,連場嘅反走私、光復行動,所謂進步民主派走出嚟譴責嗰啲人暴力,一個唔知係強國定香港嘅小朋友喊咗,就出嚟屌呢樣嗰樣,目無大義,淨係識得計啲小折,唔係話個小妹妹喊唔可憐,但係咁撚多年嘅殖民侵略,唔通唔夠嗰個小妹妹嘅一滴眼淚咁嚴重咩?
咁再講遠啲嘞,雨傘革命係邊個喺衝立法會嘅時候喺度阻頭阻勢,係邊個走入去帶啲警察去認人、去篤灰,有邊個喺輿論上批評過雨傘革命嗰啲抗爭者,係邊個叫晒啲人出嚟,就話升級,之後自己就匿喺度,又無裝備、又無人、又無鐵馬。嗰日我成件事睇住嘅,根本上無撚人嘅,已經特登走過去啦,乜撚人都無,前線乜撚明星都無,你班學聯同埋學民思潮,嗰時一個都無,之後你仲要講,呢個係一個籌碼。近排明報嗰個訪問,羅冠聰係咁講:當時係一個籌碼,咁樣。更加唔好講嗰個周永康,走出嚟同我哋講,升級只係為咗證明畀大家睇升級係無撚用嘅。呢啲人而家仲夠膽同我攞個眼罩出嚟,話自己經歷過乜撚嘢咁樣。首先,雨傘革命就係喺你哋帶領嘅情況之下失撚敗咗,你仲有乜撚嘢資格攞出嚟選舉,又話自己繼承呢樣嗰樣。你係繼承就諗下點解失敗,汲取下教訓,有無自我反省、自我批判。學聯喺你哋手瓦解咗半壁江山,有無講過點解。屌緊學聯嗰時,你有無改革嘅路線圖,有無改革嘅時間表?乜撚都無。而家學聯瓦解咗一半,到而家為止,都無改革路線圖。擺明就係開空頭支票,當有人話退聯嘅時候,你就話學聯會點撚樣改革,全撚部都係空頭支票。基本上成個無撚咗,或者無人聽你講嘢喇,你就唔撚講改革嘞,因為你根本就無plan、無路線圖去改革,所以呢啲人有乜撚嘢資格出嚟大義嚴言呢?都唔講佢籌幾錢喇,160萬選一個區,但巴治奧嗰個廿萬,點解你要用人哋八倍嘅價錢去選一個區呢?就算我乜嘢都做唔到,都唔會好似你哋咁阻住人做呢樣嗰樣,更加唔好講你學聯走嚟諗住收割旺角個陣地,都唔怕回帶喇,呢啲嘢記得好撚清楚。打又無份打,佔你又無份佔,你落嚟講乜撚嘢啫?嚴重錯判形勢,當你一次係咁,學聯就喺你手上又係政治嚴重錯判,你認為退唔撚到咩?就退畀你睇。你政治判斷咁差,我點會認為一個咁嘅人可以喺呢個天殘地缺嘅情況之下,可以帶香港人殺出一條血路呢?無可能㗎喎。就算係一個再叻嘅人,都會心有懷疑啦。就算而家最勁嗰啲我都覺得,咪睇住先囉、支持住先囉,唔好話你哋香港眾志呀、劉小麗呀、泛民呀、建制派呀,無可能呀。
所以大家check record就知道有好多人係唔應該畀票,大家都要話畀身邊嘅人聽,佢哋係做過啲乜撚嘢。一啲唔係好關事嘅,其實我覺得無乜所謂,溫吞或者個別嘅嘢做得唔夠好無乜所謂,但係問題係,雨傘革命係喺關鍵時候爆發嘅一個意外,而呢個意外係有可能令到香港呢個局面唔撚同晒,但係大家夠膽講,如果雨傘革命,唔好講贏咗、中共跪低,當你用最低要求,香港令梁振英腳痛落台(都做唔到)。
講開巴士呢樣嘢,旺角啲左膠喺唔同嘅路口玩自決吖嘛,又喺度玩投票,又喺度玩小組討論,討論放唔放啲鐵馬出去,我屌你老母,嗰啲講到尾係通敵行為嚟㗎,咪有啲位畀佢放走咗囉,啲人又戇鳩鳩喎。葉寶林嗰啲咪喺度畀人追蹤囉,好撚好笑㗎,嗰時成個彌敦道都係佢哋啲街招。再三強調,唔係我搞㗎,但我非常樂意見到啲咁嘅事。左膠嗰時咪就係咁通敵囉,喺嗰件事失控嘅時候就出嚟控制事件囉。張超雄又係,當你撞玻璃嘅時候,可能係一個突破點嚟㗎,你就喺度阻住晒。啲人,十幾萬人出過去條街度,而家局面就唔知點收科,你學聯攞住城下之民同政府講,又係無料到。咁撚多次,無次做得到嘅,然後你又走出嚟選,張超雄嗰啲人又走出嚟選。
我唔理拎嗰啲咩人出嚟助選呀,或者幾撚殘障友善呀,我唔撚理呢啲嘢呀,我無comment,好定唔好都無所謂呀,而家講緊嘅係點解要阻住啲人,而家又唔係衝爛咗要入你數。大家都淨係諗緊點樣自己做好一個議員,點樣仲繼續有份工,我黨派點樣仲可以攞到個位,而唔係講個大局,個大局係雨傘革命嗰時,件事係可能會好唔同㗎嘛。你夠膽講,如果雨傘革命,梁振英落咗台,會搞到嗰啲警察係撚咁打人,啲警察會搞到旺角騷亂咩,無啦啦又開槍,就係因為佢哋班警察都覺得,你班咁嘅人底線已經露咗出嚟吖嘛,你就係唔會動武,就係唔會打柒我吖嘛,咁咪逼下逼下,真係打柒啲警察囉,就係因為睇撚死咗大家係無用嘅,所以啲警察先咁撚囂張咋嘛,所以北京喺香港嘅勢力先會咁撚囂張咋嘛。
明明就強姦緊你,你就話無事無事無事。我有新思維,我哋有民主思路,慢慢同佢傾、唔好亂咁嗌港獨,會觸及北京嘅底線。而家北京觸及我嘅底線喎,而家我條底線點呀?佢條底線先緊要嘅,我條底線無撚用嘅?大家要認識現實,現實就係唔需要再跟佢嗰套規則,或者原有嘅規則,因為本身就已經被拋棄咗。我哋只不過係安慰緊自己:吖,香港繼續係咁,繼續選下舉囉,動員下囉。我自己就唔相信咁係會work。而家嘅泛民主派同建制派、所謂嘅開明建制派,加埋起嚟,連減慢赤化嘅速度都做唔到。
仲有嗰啲燒垃圾筒咁嘅大大小小,都唔好撚計啦,大家諗下,我夠膽講如果雨傘革命有取得任何細小成功嘅,或者唔係咁樣大敗,而家局面會咁差咩,佢哋會咁囂張咩?有啲人掉返轉件事嚟講喎,你唔撚肯退場,所以先至會咁樣失敗。屌,本身就係你唔撚升級先至失敗吖嘛,大佬。唔通大家退場就唔係失敗喇咩?嗰時大家,社會都「we will be back」啦,係度安慰自己咋嘛,咁你都可以話呢個係一個無傷亡嘅退場嚟㗎,咁點解對面咁撚寸吖,就係知道你哋係敗退吖嘛,你「we will be back」都一樣係敗退㗎。
左膠同警民關係打龍通呢啲,不嬲㗎啦。吳文遠畀人影低錄低嗰件事,即係好似黑社會都成日講㗎嘞,黑社會同警察鬥得耐,大家就熟㗎啦,熟嘅時候咪大家交換下情報囉。唉,大家交換下情報都無撚所謂喇,喺個圈度搵食,但問題係件事好critical㗎嘛。同埋嗰個問題就係嗰段片,屈臣氏外面嗰條片,好明顯就係因為佢唔妥旺角佢無份in charge,佢認為旺角就係反緊佢個大台,所以佢先嚟搵警察搞鳩你吖嘛,最仆街係咁吖嘛,仲好撚意思講佔領喎。講到尾,佔領係佢哋嘅污點嚟㗎,阻人升級,自己就坐喺度食杯麵,同警民關係科糾纏不清。仲有呀村長又係呀,選舉又走出嚟話人無衝,你夠膽講衝咗入去,可能個局面會一樣?旺角雨傘革命又有人影低,就係啲人去嘞,警察都埋到嚟嘞,你就梗係同佢搏過㗎啦,唔知係村長定吳文遠,總之都係社民連啲人嚟㗎啦,就話「唔好衝呀唔好衝呀,之後後面無人嚟呀,所以我哋要撤退呀」,之後後面有個市民就即場踢爆佢話「後面好撚多人呀,撤咩退呀,真係無人先走啦」咁樣。再講返雨傘革命最後嗰日,最後旺角清場嗰晚,社民連隔離個營就係香港城邦派嘅帳蓬,個帳蓬隔離就係關帝廟,我成日都喺嗰度打躉,所以我見撚到晒,基本上嗰陣時砵蘭街喺度清緊嘅時候,啲人都照頂㗎嘞 ,都拖得一時得一時㗎嘞,嗰個位對住社民連同城邦派個帳蓬,城邦派就一早拆咗個帳蓬畀前面啲人退吖嘛,社民連就唔撚拆自己嗰個帳蓬,然後要市民係咁屌你,同班人喺度鬧交,先至肯叫做讓條路仔出嚟,都係唔撚拆,山東街吖嘛。
大家去過都記撚得啦,所以話呢個選舉真係唔係一個正常嘅選舉,我而家唔係選緊乜嘢代議士呀,同你講係計數呀。如果人社唔撚滅黨嘅話,點對得住雨傘革命咁撚多人畀人扑頭呀?嗰啲講(批評)港獨咁嘅人呀吓,嗰個唔知乜撚人褚簡寧係度講:你講港獨呀?你哋有無藍圖呀,或者「你哋有無流過血呀,你哋玩pokemon就叻」咁樣。屌你老尾,雨傘革命嗰時幾撚多人流咗血呀,你睇唔到咋嘛,你自己喺屋企unun腳所以睇唔撚到咋嘛,打到個頭流到成地都係血呀,你見過未呀?話無流血?我又反問喇,流血就可以爭取到㗎咩?流血爭取到就晨早爭取咗啦,好撚多人流咗血㗎。所以,邊個贏呢,我係唔撚知㗎,但係我好撚清楚有啲人係一定要輸。講真,我就係益建制派我都唔撚益你呀,所以區議會嗰陣我真係投民建聯㗎,屌你老母。嗰啲戇鳩泛民就係攞呢啲嘢嚟屌我喇,你話我係乜嘢投咗共呀,支持共產黨,我無撚所謂㗎,就係唔撚畀你呀,射落海都唔撚畀你呀,唔撚使旨意贏呀。
喺香港嘅民主進程入面,好多人當搵飯食當搵份工咁做,我覺得係無問題㗎,大家都要食飯,但係喺關鍵時候,你阻住,你一個判斷,你就係歷史嘅罪人。我唔需要呢個世界上任何人都係三貞九烈嘅烈士,但喺關鍵嘅時候阻嗰一阻,就會令到成個香港嘅命運唔撚同咗,呢啲嘢唔撚使計數咩?你無做嘢都無問題喎,藍絲喺個電視前面鬧,無撚所謂㗎喎,你藍絲出嚟反動員都無撚所謂㗎喎,但恰恰你你哋民主派裡面嘅人走出嚟阻住咗嗰件事,嗰個破壞力係更加大,係最撚大。藍絲係做唔到你嗰種破壞㗎,一個尋常嘅人唔會好似張超雄咁,喺個玻璃同啲人中間阻住,無好似你同黃浩銘咁喺人同玻璃之間阻住,所以我從來都唔憎嗰啲藍絲、甚麼民建聯。而家無乜人咁講啫,以前就係啲人講「喂,你淨係屌泛民」,梗係屌泛民啦,泛民造成嗰個破壞力係更加大,大過建制派好撚多吖嘛,建制派坐喺度關人隱事咋嘛,建制派好簡單㗎咋嘛,邊個贏咪支持邊個囉,建制派不嬲都係咁㗎啦。但恰恰就係因為泛民要保護自己在野黨嗰個地位,三翻四次阻住香港人自己抗爭,或者攞返主導權。蘋果日報屌屌屌屌屌,屌本土屌咗幾年,而家走出嚟扮自決,講乜撚嘢2047。你以前屌撚過幾多本土派,幾撚多人畀你抹黑?快撚啲執撚咗佢呀真係。
而家講呢啲都係好輕微㗎咋,幾撚多人因為呢啲人阻住晒而受苦呢?平時嗰啲嘢,都再三強調無撚所謂㗎喇,大家咪喺度hea囉,但喺關鍵時候,你唔撚想做,就唔好係度阻住個地球轉。從來我都唔覺得土共係首要敵人嚟㗎喎,首要敵人其實不嬲都係泛民主派,佢哋打本土撚係最落力㗎喎。本力撚、無權無勢嗰啲,佢地不嬲都係阻住你議程發展㗎喎。如果唔係早就唔撚使講呢啲嘢啦,幾年前已經成咗勢啦。件事越遲發生就越麻煩,即係香港正常化嚟得越慢、越耐,或者越阻得住,造成嗰個陣痛就越大。即係話,如果早幾年可以令呢件事成功嘅話,咁根本可能唔需要有旺角騷亂𠻹。而每一次騷亂或者起義都係得唔到回應,或者得唔到結果嘅時候,佢就只會造成更加大嘅鎮壓,而更加大嘅鎮壓又會造成更加大嘅起義,成為一個惡性循環。但係大啲人就將嗰個責任擺咗喺抗爭者身上,就倒果為因走出嚟話「你唔好反抗啦,你一反抗就會用更加大力度鎮壓你」,喂,大佬,本身就係佢鎮壓緊你,所以先至反抗吖嘛。佢屌返你啲受壓迫嘅人轉頭,講到尾,而家咁撚多人講緊話,年初一之後咁多學生自殺吖嘛,講嚟講去,真係講咗好撚多次㗎喇。你夠撚膽講嗰啲人自殺,係同佢前途無撚關咩?難保呢啲人都參加過佔領㗎喎,難保佢喺嗰個失敗嘅戰場入面沾染到一絲嘅抑鬱,一絲嘅無出路感喎,嗰一絲嘅無出路感就慢慢生根,慢慢覺得佢無撚希望。嘩,咁撚大件事都無撚用喎。雖然我personally唔撚識佢哋,但係起碼其中一個企跳,影埋相嗰個嗰個女仔,佢就係喺instagram講緊每日越嚟越多大陸人,佢係呻過少少點解香港會搞成咁,雖然佢無講到好specific係乜嘢問題。但係而家唔係講緊嗰啲少年維特的煩惱呀,而家嗰啲人憂慮緊嘅係無希望,係好撚實際㗎,大家行出街見到嘅嘢嚟㗎。咁究竟,仲選返以前嗰啲咁嘅人入去,咪即係一路喺度阻住嗰件事發展。
飛行律師就唔撚使講啦,寸過馬撚喎嗰個陳玉峰真係,自己就話義務律師,然後就話嗰啲人去衝,所以你畀人拉咗就唔撚會理你嘅,因為你哋唔撚鍾意大台,所以唔理你嘅,咁你就唔好叫自己義務律師啦,嗰啲人唔係雨傘革命入面畀人搞㗎咩?好似講到,你有問題,所以你畀人拉,所以我唔撚會理你㗎。咁唔通個人無事,但無啦啦畀警察拉嗰啲人搵你咩?梗係衝,所以畀人拉㗎啦。唔通衝所以畀人拉就係有問題,所以律師唔幫佢咁呀?佢最撚仆街就係,個律師就係用嚟幫畀人拉咗嗰啲人㗎啦,佢畀人拉咗嘅唯一可能就係因為佢衝吖嘛。十個入面有幾多個係因為無啦啦企喺度而畀人拉㗎?都唔係無嘅,一兩個囉,但係十個入面起碼有七八個都係因為衝所以畀人拉㗎啦。班義務律師原來嚟幫啲衝所以畀人拉咗嘅人㗎咩,即係而家係未審先判喎。「你衝一定係你特登衝㗎啦」,咁你同啲警察有乜撚分別呀,係咪?咁即係你已經預先審查過佢嘅政治立場先幫你打官司嘅,律師就係為咗睇住個法律程序方面,有無正常、公平對嗰個嫌疑犯吖嘛,佢未必有罪㗎,係咪先?或者盡力幫佢,令佢可以釐清到實際上,例如無畀人拉過,就睇住佢有無畀警察恰呀,法律程序之前不公平對待,有無幫佢了解過法律程序,諸如此類。你唔會話,你係咪支持我哋泛民㗎,如果唔係我哋唔撚幫你。咁撚無恥嘅律師都有嘅?十月十七號光復旺角,從來旺角都無泛民啲人喺度,不嬲都無撚幫過手㗎啦,好撚多人話本身去開金鐘,但金鐘極速膠化,所以先去旺角咋嘛。
最後想講嘅一樣嘢就係,而家啲細路,後生嘅,唯一嘅希望就係後生嘅抗爭者或者從政者,即係而家可能都係參加緊立法會選舉嗰啲。講真,你哋一個人柒,或者一個政團柒,唔係你自己柒咁簡單㗎。而係令到嗰啲將希望擺喺你身上嘅後生仔,都一齊心理上受挫呀。而家你就係要贏一次,唔單只為你,為咗你個黨,你係為咗成個generation去贏一次。受撚壓咗咁撚多年,就贏返一次畀啲老屎忽睇,話畀佢知我哋唔係無撚用嘅,我而家推緊你落嚟𠻹。但你咁柒嘅話,你咪又係衰畀啲老屎忽睇,最撚痛心呢樣嘢吖嘛。你要威畀啲老屎忽睇吖嘛,但問題就係你自己表現咁嘅話,係令到成個generation都好撚失望。點解咁撚多人屌你哋啫?唔係同你有仇呀,我都唔撚識佢哋嘅,講真。而係佢哋後生仔,無形之中係會寄托咗希望喺佢哋身上面。嗱,我哋而家有得上位喇,唔係無生路㗎,雖然上嗰個唔係自己,但係起碼係同一代人,同聲同氣。如果你哋失撚敗晒嘅話,我唔會覺得開心㗎喎,因為證明咗後生仔都係廢吖嘛,咁我有咩著數啫?而家就係,英雄本色大家都有睇啦,而家唔係話畀人知我哋有幾叻,只不過係想話畀人知,後生仔都唔撚係廢嘅,後生仔都應該有一席位嘅,唔應該永遠都係活喺老屎忽嘅陰影之下嘅。樓又無嘞,係咪先,永遠都係班攞住資產嘅人得益嘅,乜撚都無嘅時候,而家連政治上,連打飛機嗰個位,連傳媒話語權嗰個位,你都無撚埋嘅,你成個青年世代翻唔到身,嗰個罪名幾撚大。成個社會就係金字塔形式,個個都話建制派廢,你話泛民廢,咁你要叻畀佢睇㗎嘛,係咪先?你要叻過佢吖嘛。唔係喎,你而家出到嚟,你好似仲廢過佢咁,咁點搞呢?你走出嚟選,起碼你自己要有信心,起碼你自己有準備,起碼你好撚相信自己嗰套,邊撚個嚟challenge你,都起碼可以駁得返佢,枱面上唔好撚輸。
點解咁撚努力呢,我都唔會話自己好叻,但係起碼講得出我都相當努力嘅喺自己範疇,就係因為你要比佢叻好撚多,你先有辦法、你先有一絲希望可以打倒老屎忽。你唔只要叻過佢,你要叻過佢好撚多呀,因為佢有優勢過你好撚多㗎嘛,所以你一定要叻佢好撚多,你仲要忍,然後個機會嚟,你唔可以錯失。錯失一次之後你又錯失第二次,第一次當你失手吖。所以咪最撚仆街囉,明知最撚有威脅嗰兩個咪唔畀你上囉,唔畀你選囉。好鬱悶囉睇到嗰個咁嘅形勢,講到尾,其實我唔會同你講咁多政治理念。
--------------------------------------------
2408160907 edit:錯別字,改番兩個人名:俞潔>余杰,處簡寧>褚簡寧
嘩屌萬鳩幾字....
一人拉麵銅鑼灣 在 365天旅遊瘋 Facebook 的最佳解答
我們昨天試了位於銅鑼灣新會道的拉麵店RaIRONmen, 原來今天是最後一日營業!!拉麵味道的確很好!是很可惜呢!!大家可以把握最後機會去試試看!
[再見了! 鐵人拉麵 RaIRONmen] 全文: http://www.banana-jiu.com/?p=6670