#一個曬到燶咗嘅父親節海洋公園之旅 🌞🐬
啱啱過去嘅星期六我哋受惠於生日同小朋友免費入場，全家人去咗轉🐬海洋公園慶祝爸爸節！🥳
.
一個玩得輕鬆，但係曬到燶👩🏿嘅海洋公園之旅🥵😆🌞🐬。
.
相信大家都知道需要預先登記啦，所以唔特別講啦!
.
嗰日我哋去到門口counter度首先排隊換返兩張生日飛🎫先，而小朋友嘅飛🎫工作人員主動埋嚟派咗！
一入到去每人送咗一支消毒搓手液，亦有工作人員做問卷，主要問一題問題，「入園主要玩機動遊戲定係睇動物？」之類嘅問題！
.
總括嚟講，我哋全日都行得好輕鬆，就算要排隊嘅地方，人流動速度都好快。而每個要排隊嘅位置都會有人數距離管理，地下打咗黃色交叉嘅位置就唔企得咖啦！
另外，入去各展館前有消毒液提供，入到去基本上所有動物都好容易睇到，唔使迫，好多空間可以走動！
.
不過，部份比較新嘅機動遊戲同埋部分精品店冇開到，反而媽媽👩🏾細個玩嗰啲機動遊戲就有開！🎡🎢🎠 但我哋集中去睇動物展館，已經足夠興奮一日咖啦，我哋淨係玩左旋轉木馬同小火車😆，所以就算部分機動遊戲唔開，對我哋都無影響！
.
再講多次，展館真係睇得好輕鬆，所以成個過程都真係行得超舒服，除咗因為天氣非常曬🌞之外😆，其他嘢都算OK咖啦！😊
.
另外，講吓我哋嘅午餐🍟🥡🍴先，因為我哋一家大細12個人有3個大人買飛，所以手頭上有三張$350嘅消費卷，基本上用晒嚟買嘢飲同埋買嘢食，金額啱啱好算係請晒我哋咁多個人食咗個lunch，仲加埋Häagen-Dazs
雪糕添！😋🍨
.
其實都有問上年嚟過海洋公園嘅姑姐、姑丈，佢哋話上年超多人迫到傻咗，又多人插隊😪，真係排到發脾氣，佢哋話今次真係舒服好多任行之餘，排隊又快，甚至唔使排隊！
.
總括來講我哋12一個人，四個小朋友、1個BB，其餘7個大人，只係三個大人要比入場費，所以算係非常超值！😆👍🏻
.
PS: 生日飛嘅朋友，除咗有免費入場之外，亦有好幾張各款優惠卷，喺園內食嘢或者買嘢會有折。
小朋友飛亦有張買$50送$50嘅攤位遊戲卷，佢哋姑丈仲贏到大獎拎返屋企添！🥳
.
今次嘅海洋公園🐬之旅，對我哋嚟講簡簡單單已經足夠滿足一家大細開開心心慶祝父親節啦！😊
.
.
.
.
香港海洋公園 Ocean Park Hong Kong
#父親節 #爸爸節 #慶祝父親節 #父親節活動 #海洋公園 #生日免費 #小朋友免費 #香港人優惠 #一家大細 #海洋劇場
#媽媽博客 #香港媽媽 #親子博客 #親子blogger #全職媽媽 #三年抱三 #親子
