✈️咁耐冇得飛日本,係咪心掛掛呢? 機會嚟喇!
去日本旅行必玩嘅旗艦旅遊景點 #出前一丁!
「合味道紀念館」香港都有得玩喇! 而且今次仲喺超級方便嘅尖沙咀中港城,真係不能錯過!
今次不少吸睛打卡位。
嚟自世界各地嘅 #杯麵牆,勁震撼。影相呃like冇難度。小朋友仲可以睇埋唔同國家嘅文字,相當有趣。
又可以同 #大杯麵 影相📸️
高達3米嘅「大杯麵」重現安藤百福先生研發呢個家傳戶曉嘅食品
仲有 #特色展牆,介紹日清創辦人安藤百福先生三大發明—即食麵、合味道杯麵同埋「太空拉麵」(Space Ram),點樣運用佢嘅創意同逆向思維發明杯麵,真係好有創意,造福我呢啲懶人🤣🤣
入場當然要玩埋工佢坊啦! 估佢唔到價錢咁親民! 最平$60就可以玩到,仲有得玩有得食。勁抵!
出前一丁工作坊就最吸引, $120玩90分鐘。
可自己親手做一個出前一丁, 超好玩!
由搓揉麵粉到切麵,再使用「瞬間熱油乾燥法」炸乾麵團,最後到包裝設計。非常之好玩嘅體驗。
💖不過提提大家,因為安全問題,小朋友要110cm以上先俾玩,今次我地係優先試玩先俾入。平時係 #一定要夠110cm 先俾入㗎!
所以今次由我整麵,小囡就幫手設計包裝😍
全球獨家限定的「#穀物麥片工作坊」
由清仔以互動影像展示,可以俾大家體驗點樣製造穀物麥片。最後仲可以揀選自己最愛嘅口味,設計埋獨一無二嘅包裝。
本來想留為紀念,不過好快就俾雷小囡食左🤣🤣 好方便又好好味😋 做早餐一流🤣
當然唔少得每位遊客都會做嘅 #DIY杯麵 啦! 自己選料做埋包裝設計。整嚟留念或送俾朋友一定好有紀念價值🥰
當然仲有免費入場嘅紀念品店啦! 好多得意產品賣㗎😍
場館內工作人員個個都好Nice,非常親切,真係好似去左日本咁呀(仲要贏在講廣東話呀!)
因應疫情,紀念館已採取適當的防疫措施,以保障所有訪客及員工的健康。館內將每日進行清潔及消毒工作,每節工作坊完結後亦會進行消毒。館內全體員工須每14日提交新冠病毒核酸檢測陰性結果證明。所有工作坊已縮減一半或更多名額。所以想玩工作坊
‼️一定要預約呀‼️
‼️一定要預約呀‼️
‼️一定要預約呀‼️
票務詳情:
🧑💻訪客請提前於網上預約參加工作坊(www.cupnoodles-museum.com.hk)。
🛍紀念品店免費入場。
🥡「合味道紀念館香港」30/3(星期二)起正式開放予公眾人士持票入場。
為嚴格控制人流,確保現場環境衛生安全,紀念館初步只開放「我的合味道工作坊」及「穀物麥片工作坊」
‼️「出前一丁工作坊」將於4月中正式開放。最新詳情會定期於官方網站公佈。
🗺地點: 尖沙咀中港城2樓26-35號
📆開放時間: 逢星期一、二、四、日:上午11時15分至下午8時15分
⏱逢星期五、六及公眾假期:上午11時15分至下午9時15分
⏸逢星期三:休館
#合味道紀念館香港
#合味道紀念館
#合味道
#出前一丁 #杯麵 #工作坊 #復活節好去處
#親子好去處
#親子 #親子工作坊
Search