Search
來自涉谷熱辣辣少肉多菜拉麵🍜🍜
今天雖然好太陽，但都係13、4度
繁忙星期六的午餐最好有暖野落肚，吃拉麵好啊🙋🏻♀️
但我又好怕飲油落肚，因為這個冬天真的胖了很多，清清地都有清淸地推介，今天就來試了每天限定供應三十碗 #鮮味蛤蜊濃湯拉麵，湯底加埋豬骨同胡椒一齊煲，勁鮮甜，我好無聊咁數過一碗有幾多隻蜆，足有15隻🐚，差不多一斤，𠱁本😍
配埋好清新嘅柚子椰菜同日式胡麻雞肉沙律🥗，高纖又飽肚😋
窩心位之一是桌上備有柚子胡椒、黑蒜蓉同梅子醤，可搭配不同湯底，另有風味
加$10 仲有不同果味Cider🍹，隻女就啱曬喇
而有選擇困難症的，我就覺得老細碗俺流男盛拉麵，有叉燒、炸雞、溏心蛋，大滿足😍💪🏻
而期間限定海鮮野菜餠就不是我杯茶😁
好味指數⭐️⭐️⭐️⭐️1/2
服務指數⭐️⭐️⭐️⭐️⭐️
選擇指數⭐️⭐️⭐️⭐️⭐️
#蜆蜆拉麵鮮甜爆燈
#話想減肥全騙人的
#拉麵店的沙律好得
#肥肥男盛拉麵足料
#oreryushioramenhk
【肥婆互助委員會】
因為上次張圖令好多肥婆都好灰心，所以今次帶咗啲希望畀大家🌞
====================================
細個曾經諗過，如果要自殺希望可以食叉燒食到死。
但以前廿蚊叉燒一家人食仲有剩，
而家廿蚊叉燒同舊番梘差唔多咁大，
都唔知買幾多先食得死。
P.S. 只係好膚淺咁基於攝取比正常需要多出7,700卡就會增重1公斤咁計，
但現實中一種食物健唔健康除咗熱量之外仲取決於好多因素㗎！
====================================
網誌：http://www.mywaystogetfat.com
食譜書《一人份剛剛好！Recolte創意三文治機》：http://goo.gl/Asni9e
食譜書《獸性大發》：http://www.etpress.com.hk/etpress/bookdetail.do…
#成波之路 #MyWaysToGetFat #肥婆互助委員會 #FattyMutualAidCommittee
（六十五）雞年食切雞飯
先祝大家雞年快樂，雞年行好運。
講起雞，大家諗起咩？男士唔駛太敏感即刻就聽到雞全部都係雞弦猶在耳住。雞，我反而諗起燒味鋪。油雞，切雞，燒肉，叉燒。
早兩日，去咗旺角亞皆老街大馬路一間舊式燒味店打算買盒切雞飯，見到d離奇嘢。
叫得舊式，就係嗰種連玻璃都無隔，d燒味就咁掛曬出黎向住條馬路嗰種啦，衛生程度就梗麻麻架喇，不過勝在夠平，同老字號。唔開名，您想知可以私下問我，不過如果你係公主港女嘅可以唔駛理，呢d嘢唔係你哋食架，你哋食返sushi部隊鍋啦。
可能大家都糧尾，要食平飯，嗰日都算幾多人，我迫埋去企埋咗晌一邊等。
等等下突然見到有個女人，好瘦，瘦到好似得排骨咁款，著住件白色殘殘舊舊嘅乾濕褸慢慢走近燒味檔前面。
我見好似有d異樣，望過去，個女人企咗喺掛叉燒燒肉嗰到前面，然後愈哄愈埋。
個女人面無血色，對眼好深黑色咁，我望望四圍d人，多數都玩緊手機，有d就同隔離傾緊計，大家都無為意無事無事。
嗰下我淆一淆，心諗，唔係咁邪呀化，唔通係「嗰味嘢」，得我見到？
個阿姐愈黎愈近，個鼻直程就快掂到舊燒肉咁…
嗰下，我不奇然醒返起細個嘅一次經驗，嗰次令到我童年有段時間唔係好敢食燒味。
嗰陣好細個，應該係小學二、三年班，孭住個大書包，阿媽拖住我行去屋企附近d街邊燒味鋪到買叉燒。
行到去鋪頭，撞到個街坊，阿媽例牌同佢吹下水問下人地個仔考成點咁樣，然後喺佢哋傾計嘅時候，我見到有個寒背伯伯，著住件灰色唐裝衫，突然喺我前面嘅人來人往堆中企咗喺斬燒味個位到。
然後我見佢哄落去斬叉燒嗰張燒臘枱到，沿住個邊，一路聞，而個燒味師傅仍然繼續一刀刀咁斬緊。我當時覺得好奇怪，覺得好危險，因為個伯伯個頭哄到咁底，同把刀個距離相隔咁近，稍一不慎真係一嘢劈落阿伯隻耳仔到。
當時我淨係呆咗咁望住，因為太細個，仲以為係燒味師傅做嘢係咁。
但係接落黎我見到嘅嘢真係只能喊出黎…
我見到有個頭，一個女人人頭，喺掛燒味個架嘅上面…係！凌空咁喺嗰度伸咗條脷出黎舔緊叉燒！
.
個女人臉向住我嗰邊，一路舔，d口水一路沿住條脷漏落舊叉燒到…然後舊叉燒就一路滴住滴住嗰d口水⋯
「嘩！媽咪，d叉燒好多口水架，唔好買呀！」我指住個架，嚇到差d喊住講。
當然，即刻畀個街坊紏正：「嗰d係蜜糖黎。」
個斬叉燒師傅同途人都即刻厲一厲我，畀我一種「嘩呢個𡃁仔真無家教，都short short地」嘅鄙視眼神…
「你聞下，d蜜糖燒出黎滲落d肉到不知幾香吖，比一斤我吖！」個街坊接住講順便打完場。
我無出聲，忍住，因為嗰個女人，嗰個寒背伯伯…仍然喺到…仍然繼續緊佢地嘅動作。
「好啦，今晚食五香肉丁雞蛋炒飯好唔好呀？」阿媽摸摸我頭頂同我講，然後我地就行咗去囉。
嗰刻，我好慶幸阿媽相信我，無同佢哋一樣覺得我口行行亂噏廿四，嗰刻，我好深體會到，那怕世界唔明白我，只要有至親嘅信任，就已經，好足夠。
「喂阿姐！你無L嘢吖嘛！愈行愈埋仲要聞過先買！忍你好耐喇喎！」旺角燒味鋪老闆一聲咆哮，將我從童年回憶入面拉返黎繁囂嘅亞皆老街。
「呃…」我望住嗰個白色乾濕褸瘦女人一面道歉，一面走開遠離現場…
哈哈，好彩，係人黎，唔係「嗰味嘢」，我苦笑。
有時，真係太實在，分唔到。
結果嗰晚我無買到盒切雞飯，離開咗。取而代之嘅係－五香肉丁雞蛋炒飯。
您知嘛？我真係好鐘意食五香肉丁雞蛋炒飯。
Tag 鐘意食叉燒嘅frd入！
#真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #口耳相傳 #文字 #叉燒 #燒味 #hkig #donotsayhello
｜曼谷街邊尋味-合輯 —移居20年港人Ben平食推介 $10食到百年炭燒叉燒麵 香港人在曼谷一日三餐食隱藏泰菜清單
泰國美食何其多，真正地道的大家又知幾多？居泰港人Ben（郭維德）二十多年前移居泰國曼谷，在當地做過戰地記者、飲食記者，現在是網台的怪談節目製作人，對於泰國人的飲食文化瞭如指掌，對曼谷的食店故事更是信手拈來。今次邀請他為大家講解曼谷的食物與食店，帶大家日夜穿梭，食盡曼谷。
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#果籽 #曼谷 #泰國 #泰菜 #移民 #炭燒叉燒麵 #StayHome #WithMe #跟我一樣 #宅在家
人在高興時，特別好胃口；人在悲傷時，還是會肚子餓。何況開工前、收工後！
凌晨一點半的堅尼地城，港鐵收工，車輛停泊，百店沉睡中，唯獨新興食家剛剛亮燈啟爐，開始煲粥搓麵粉做點心；蒸籠白煙漸漸升騰，溫潤香氣飄呀飄，縈繞城西近三十個寒暑，撫慰着夜幕下轆轆的饑腸。
「我們來到西環的時候，它是一個菜欄市場呀、屠房呀，做半夜三更為香港服務的基層市民（生意）。」新興第二代老闆徐國興回憶。店是街坊格局，廳面五六張枱，走廊擠多幾張；沒電視，沒電腦收銀；牆上貼着上世紀市政事務署「隨地吐痰得人憎」告示牌、手書中英文提示：「夜深時分，請將聲量收細」恍若穿越到了七八十年代。
店雖說三點營業，但兩點零五分已來了第一個客人——的士司機鄭先生。「我兜到呢度就入嚟坐一坐，當作休息。」樓面阿姐三點才上班，「我慣咗自己招呼自己。好彩放緊暑假，否則坐滿晒學生，企都無碇企。」他逕自取碗筷開茶。
不一會，蒸點心的師傅林哥搬出兩楝點心到點心角，跟他打招呼：「食住先。」
鄭先生取了一籠粉卷，回敬：「新鮮熱辣！」
沒一刻鐘，又走進兩個外籍男，未坐下就去揭蒸籠，顯然是識途老馬。說時遲，做蔬菜批發的梁先生已經倒開黑如墨汁的普洱，自得其樂：「我自己沖（茶），喜歡幾多茶葉就落幾多。」最重要是沒第二個地方如此早開，「我飲完茶就要開工。」跟他搭枱的四眼阿叔，低頭不動，掛着「請勿打擾」的漠然。
這時，六個後生仔嘻嘻哈哈坐滿隔籬大枱，都穿著港大宿舍兆基堂的T恤。原來有人要離港，一班巴打來搞餞行。主角Evric說，大一時師兄帶他來，他又帶師弟來，自己快升大四了。
怪不得新興和附近港大的師生關係密切，有時以點心贊助學生活動；牆上就有幾張港大屬會的感謝狀，當中還有前校長徐立之的簽名呢！
年輕人鬧哄哄，在廚房的阿興伸頭瞄一瞄，「呀！司機、學生，都是熟客，他們自己搞掂。」轉身又忙他的。今天負責炸爐的師傅放假，主力調校食物味道的他，要分身去炸春卷、炸鮮奶。
兄弟班，個個賣力
廳面盡頭，是無遮無掩的開放式廚房，供應近五六十款點心。五六個師傅全日一邊做一邊蒸，做好甚麼就賣甚麼。點心出籠，林哥就速遞到點心角，客人自選自取；三點後也有阿姐用托盤巡場；五六點開始人多插針難入，大聲公輝師傅不時引吭叫賣：「叉燒包、燒腩卷啦喂朋友，古法炮製喇！」「大大件抵食呀！」
懷舊點心如南乳燒腩卷、大過拳頭的雞球大包、糯米包、鵪鶉蛋燒賣，坊間已經少見。
「我們一向以來都是自己做點心，做舊時啲古老嘢。」人稱「海叔」的徐海說。他是阿興的父親、新興的創辦人，在茶樓、酒店做過點心師傅，1972年於九龍橫頭磡七層大廈徙置區開了新興茶樓，經營15年，因為政府收樓被迫結業。
做飲食，哪裏有人需要吃東西，哪裏就有生機。海叔看準西環的凌晨市場，廿八九年前帶領兒子和幾個舊夥計來到加多近街，重新掛起新興的招牌，開始凌晨三點至下午四點的營業循環。因為加租、收樓搬過幾次，五六年前才落腳現址士美菲路。
「我由上環水坑口入行，做了60年，到厚和街（前一個鋪址）無再持牌了。」阿興接手後，海叔仍然朝朝3點必露，坐鎮收銀，做到上午11點返家瞌一瞌，下午3點又回來，都是為阿仔着想：「現在請人艱難，我就幫他打理一下。」
阿興說，現在一盤生意由他和幾個股東拍檔，「他們都是這裏的師傅、舊夥計。」
他指各人一直出心出力，也因為是股東拍檔，大家沒計較，當年才能捱過沙士難關。
63歲的華哥人很害羞，是阿興的拍檔之一，入行超過40年。「我十幾歲已經跟住海叔賣點心，我幫他打工時咁做，佢畀啲股份我，我又係咁做。」他本身住天水圍，海叔揸弗年代已在附近租宿舍給師傅，他乾脆以店為家。「喺呢度好快趣就過一日，雖然辛苦，但係開心嘅！一班拍檔合作咗幾十年，有拗撬都唔會放喺心。」他弟弟阿耀也加入了新興，負責做包、搓皮。全日所有師傅都不停手，肚餓時就走開一陣去醫肚，很快又回到崗位上。兄弟班，個個賣力。
現在海叔不再在廚房勞神，「爸爸雖然88歲，但他真是一個很令人佩服的老人家，對工作好有熱誠，堅持繼續每日上班。」阿興如粉絲仰望偶像。他是家中老大，三個弟弟一個做冷氣，一個做煤氣，最小的到加拿大升學、謀生。「我讀書不是太好，整嘢食覺得好開心，所以有興趣做。」52歲的他，看上去只像40，但入行已經30年，跟着父親研究點心。
靚料正貨 還得用心
從前爸爸日做16小時，阿興接手後一樣日做16小時。每晚凌晨一點多，率先回鋪開爐頭搞醃料，「好多食物要醃，又要煲粥，要早點回來，否則做唔切。我們的品牌是自家製，所以很多事都是親手去做的。」
不少行家慳水慳力，老早已從點心工場取貨；海叔搖頭：「在上面（大陸）的貨拿到來無咩汁，乾爭爭！」
「自己做嘅就靚啲，用料靚啲。在上面取貨不知道，人家做好給你，你看不到人家怎樣做，信心就是這些。」海叔舉例，白米他們入貨比別人貴30元一包，「一日用兩三包米就相差近100蚊，一個月相差幾千蚊。最好食先得，材料嘛！」
父親的信念，阿興切實執行。各式燒賣豬肉餡、蒸排骨，都不用雪藏貨，「食落唔同嘅！」他笑說。魚肉釀豆腐，魚肉爽彈帶陳皮香，烤得金黃的豆腐是買布包豆腐回來炸；豉汁鳳爪的雞腳自家炸後再煮，皮夠爽。如此尋常配料許多食肆直接入現貨，他們貫徹「自家製」，不嫌工夫多，花時間。
棉花雞的魚肚，阿興表示用最貴的一種；咖喱金錢肚，他特別選用夠口感的厚身牛肚，整塊燉腍後裁成條，用秘製醬料醃透；吃起來惹味卻不油滯厚味。
點心都是街坊價，小點17元，頂點才25元。因為沒有炒爐，全店食物只能蒸或炸，50多元的午市蒸魚套餐算最貴了。不過，用料絕不馬虎：除了黃花、紅衫魚、撻沙、烏頭必然冰鮮，鯇魚是鮮蹦活跳的整條買回來；配陳皮清蒸或薑葱的斑頭腩，是取貨20多斤游水大龍躉，抵鋪後才劏魚斬件，務求貨靚新鮮。
「西環初時沒有甚麼店鋪酒樓，現在競爭愈來愈大，我們唯有盡量做好，咁先對得住街坊。」阿興說話的口吻，跟父親如出一轍。
今天，莫失莫忘
要是算上橫頭磡的前塵，新興已逾40年歷史，沒有爭利的驚濤，沒有賺淚的起伏，每一日也如今天：師傅密密手，每樣點心求快也求好：糯米包軟硬適中，加了蝦米吊味、花生粒添口感；腸粉用米漿新鮮即拉，夠薄夠滑；招牌流沙包皮薄軟熟，一咬爆汁，流着濃濃的鹹蛋及牛奶香……
「做就個個(間間)都是那樣做，無話叻得過人，你自己調校的味道好些，你有些心機做就好些。」海叔不直接誇獎，但大夥兒的用心，全看在眼裏。
阿興人很隨和，只是做，沒埋怨。「跟街坊有份感情，每天都碰口碰面，個個從小吃到大，都很熱情、很欣賞你的點心，覺得有份滿足感，也是動力所在。」尤其看着大學生入學、畢業，出來工作後也回來探班，他特別珍視這「金錢以外的東西」。
雖沒米芝蓮加冕，新興捧場客除了街坊大叔，更有不少後生仔女；牆上有E神、霆鋒的留影；CNNgo網站全港最佳心水點心店它榜上有名，中外遊客慕名而至，時常全場爆滿……阿興和拍檔大有條件開晏，不必日夜顛倒。
「有些人都會問我：三點那麼早，開遲一點吧！其實都不想那麼早，但因為儲了一批熟客以及有口碑，他們每一天返工放工常常來光顧你，建立了一些感情，也不想失去這一班客人。」不善辭令的阿興解釋。
想了想，又補充：「太夜，真係好難搵嘢食。」他笑起來，帶點傻氣。
採訪：韓潔瑤 拍攝：關永浩
新興食家
地址：西環堅尼地城士美非路8號地下C號鋪
電話：2816 0616
詳情： http://bit.ly/2MUEwSs
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
