【親子共食 #圓肉杞子大菜糕 】
#親子共食 #無蛋甜品
最近愛上製作大菜糕 ， 入口爽脆而且涼浸浸，係夏天健康甜品首選! 今次我就配搭乾咗貨食材，圓肉杞子大菜糕 ， 估唔到呢啲平時林小姐唔食嘅食材變成大菜糕之後， 就可以秒清，好喇， 食譜來了 !
《 圓肉杞子大菜糕》
材料/ 水 1500ml/ 圓肉 8至10粒/ 杞子 約20粒/大菜絲 50克 / 冰糖 2至3粒
Step1/
首先將圓肉同埋杞子用熱水略為浸一浸洗一洗， 呢個時候亦都要響煲入面煲定水。
Step2/
水滾之後就放入已經洗乾淨嘅圓肉同埋杞子， 然後大概滾十分鐘， 呢個時候啲水都會變成黃黃地色， 同時啲圓肉同杞子都淋曬， 我喺呢個時候用較剪剪碎啲圓肉。
Step3/ 然後再加入少少冰糖，約3粒手指頭咁大啦，仲有加埋大菜絲， 然後慢慢攪拌直至全部溶化。
Step4/
最後入模放涼之後，再放入雪櫃，雪凍就食得啦。
｛林太提提你｝記得呢個係大概嘅份量， 水有幾滾， 蒸發得幾快，龍眼有幾大粒， 都會令材料份量略為有偏差， 最緊要幾個要點:
♡ 圓肉杞子用幾多冰糖用幾多係個人口味， 不過記得滾起咗之後，一定要剪碎啲圓肉，如果唔係太大粒，就會影響好難成形。
♡ 圓肉杞子一定要煲到淋曬， 水要變成黃色， 即係好似我哋平時焗嚟飲嗰啲紅棗龍眼水咁。
♡ 點樣決定用幾多大菜， 就係滾起之後要完全融化， 攪拌嘅時候又有少少杰，就啱喇。
like us , like Mrs1am-ology
#mrs1amology #無蛋食譜 #繼續煮 #繼續食 #一日五固 #早餐午餐下午茶晚餐甜品 #多多指教 #食譜分享
