BB 夜晚訓唔好，不如試下換枕頭 💤
{不是廣告文，真心推介枕頭}
以下節錄自美國兒科學會、兒科醫生、脊醫及兒童睡眠專家既建議；大部份都表示BB 一或二歲前係唔需要用枕頭既! 原因係BB頸部仍然非常脆弱，轉身時亦可能有窒息的危險。另外，BB無頸曲，亦即係無任何枕頭下佢個頭、頸、頸椎先會係最自然及直線狀態。
但係❗️❗️❗️相信好多媽媽都身同感受，就係專家講既野雖然好有醫學及研究根據，但係ＢＢ有需要起上黎有時真係要搵多幾個方法配合。到底咩先岩自已ＢＢ，真係媽媽先知～💓
事源咁既，jacob 4個月倒因為長期側訓所以個頭型唔對稱，當時俾左個Gio Pillow 佢訓左幾個月個頭型就靚返曬😙後來個枕頭太細所以就無繼續俾枕頭佢用。一直都相安無事~加上我都知道醫生建議2歲前都唔需要俾枕頭，所以我亦無係呢方面費心。
但自從早兩星期，佢夜晚開始好翻訓🤪半夜責醒幾次但眼都打唔開又趴又兩頭碌😾到早上5點責醒左直頭要用手當枕頭抱住訓。
加上，佢訓午覺時會爬去爸爸個枕頭訓。當時就諗，唔通佢想搵野「Long」住個頭黎訓?🤔
於是，忍唔住啦~早幾日去左買枕頭。好老實我無比較過其他牌子，純粹當日見到呢間有BB枕頭賣。而最後Jacob訓完無再責醒，所以想推介俾大家🙈
首先，佢有兩隻款，我買左呢款「清涼枕」面頭係藍凝膠可以降溫、底層係太空棉夠透氣及承托。一盒裡面佢有三層，Jacob 11個月，暫時只需要用一層，其餘兩層可以收埋先等佢再大D 先用。
點解我推薦?
1. ❤佢涼浸浸，好岩Jacob呢D大汗體質。下圖成頭汗果張係平時佢訓醒既狀態，另一張係佢係屋企訓完呢隻枕頭個頭仍然乾爽既狀態。
2. ❤佢有幾層棉作調節，一個枕頭可以用到佢幾歲。之前Gio Pillow 為配合頭型及歲數，唔同時期要買唔同Size, 每個Size 又幾百蚊，加加埋埋都成千。
3. ❤佢夠闊，就算bb 碌來碌去個頭仲係枕頭到😂之前gio pillow 因為好細個，bb 一轉身其實已經碌出左枕頭外，仲要驚佢俾枕頭反過來蓋住塞息😢
4. ❤最重要係，佢訓完真係無再半夜責醒呀!!!!!!!!!
P.S. 睇包裝盒枕頭好似好厚，因為佢入面有曬幾層，但BB仔只需要用頭一層，另外兩層大個先用。
佢另外都有用X-organic、X-foam 做標榜，但我唔知佢實際幾大功效所以係到唔詳細講了。
最後都係要戴下頭盔先，我淨係俾Jacob用過gio Pillow 同Sinomax 呢款枕而我真係覺得好用而推薦，如果其他媽媽有更好既介紹不妨PM 我呀~😎😚
價錢:一田賣$365 (好似係)，但我上網Search唔知點解係$599
一田sinomax 在 Sinomax HK - 【一田購物優惠日大特惠】 冬天又到 - Facebook 的推薦與評價
【一田購物優惠日大特惠】 冬天又到，買番個枕頭返去舒舒服服咁瞓番覺就最正啦！ 舒適竹炭枕HK$299，仲買一送一！ 另有多款枕頭床褥同時以優惠價發售，即刻嚟一田買佢 ... ... <看更多>