劇透講兩句《聖鹿之死》
「你會救跌落海嘅阿媽定係女朋友?」
—
—
—
—
—
睇完呢套戲,我嘅不安感比睇好多鬼片都仲要強,但又唔知應該由邊個方向去講套戲,或者諗唔到套戲除咗高壓嘅氣氛之外,仲有咩可以講。
—
事實上,呢套戲嘅故事就係將我哋一直以嚟開嘅一個玩笑,用懸疑驚慄片嘅形式拍咗出嚟。「如果你呀媽同你女朋友跌咗落海,你會救邊個?」《聖鹿之死》無女朋友,有嘅係你老婆,你個細仔同你個大女,如果一定要犧牲一個人,咁你會揀救邊兩個?
—
《聖鹿之死》為呢個玩笑加咗一層因果宿命嘅意味,因為男主角醫生喺好多年前飲大咗兩杯去做手術,結果個病人死咗,令佢成家人都被詛咒,先係雙腳麻痺,然後不吃不喝,再雙目流血而死。
—
面對「跌落海」嘅果個玩笑,我哋當然會睇吓係邊個問你呢個問題,如果係你女朋友問,咁就梗係答「救女朋友,因為我呀媽識游水」,或反之「梗係救阿媽,因為女朋友識游水」。電影入面男主角試圖以大量醫學嘅角度去救佢屋企人,甚至虐待自己個仔,捉埋馬田個死靚仔番嚟,無所不用其極,但去到最後佢發現原來成家都唔識游水,一定要犧牲一個人,呢個係宿命,亦係業報循環。
—
電影接近播到最尾,果幕蒙頭嘅「俄羅斯輪盤」令我近乎理解到人性變態嘅極致。成件事睇落幾公平,自己轉轉轉搞到無曬方向再random殺死一個家人,再解救成個屋企,係迫於無奈嘅做法,大家好似都會理解背後嘅動機,但喺呢個時候,我個心入面反而出現咗一個問題。
—
「點解死嘅,唔可以係男醫生自己?」當然你可以話呢樣嘢係馬田嘅詛咒規矩,講故就唔好駁故。但其實馬田一直以嚟嘅主張都只係「以牙還牙」,一命賠一命,成件事由男醫生而起,點解唔可以由佢自己承擔番個責任?醫生嘅做法,其實同佢一直以嚟希望用醫學角度逃避問題,唔願意承擔醫療事故責任嘅性格一脈相承,我甚至見唔到佢問馬田,究竟可唔可以由佢自己代替屋企人去死,問吓都好吖。
—
聖鹿之死,看似高冷而公平,實則變態無比。
—
Bravos Pictures 巴福斯影業
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...