【 #跟住卡通學愛情：今期愛情智者馬倫 - 信任係愛情嘅最好證明！ 】
只要係拍過拖嘅人，都一定有懷疑另一半/畀佢懷疑嘅經驗，因為份人無乜安全感，所以成日都想check住對方做緊咩，甚至嚴重到會偷睇佢電話，佢應你應得慢啲就忍唔住發脾氣。其實自己都唔想咁tree根咁留意住佢嘅生活，但又控制唔到自己，諗返其實都幾煎熬～
.
其實信任係一段關係嘅基礎，學《海底奇兵》入面mo仔老豆馬倫話齋：「愛的最佳證明，就是信任」。如果一直懷疑另一半，唔只佢覺得抖唔到氣，其實自己都一樣放咗生活重心去佢嘅日常生活度，大家都會相處得好辛苦。
.
不過喺建立安全感呢個課題上，雙方都要孭飛，主動報備行程，同朋友、身邊嘅人主動公開段關係都係基本嘢，咁先可以畀到足夠信心另一半～ 當然，如果你做齊晒另一半都唔放心，咁就有好大機會係佢過往有啲唔開心經歷，呢個時候比起爆佢seed（內心OS：唔理喇！開佢拖，佢個ex啲嘢關我鬼事），其實溝通同畀啲耐性安慰佢更加重要～
.
#唔好用愛佢做藉口check佢 #信佢段關係先行得遠 #我收工約咗人飲嘢 #你咪去囉 #我信你 #難得女友批咗 #海底奇兵 #香港 #金句 #戀愛 #電影 #語錄 #香港人 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #pixar #卡通 #cheating
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
