恭喜 香港復康力量 成立21週年！♥
【蘋果日報】【長留山區做義工】勁讚《5個小孩》 陳玉蓮拍戲要睇時間
陳玉蓮第5年以復康大使身份出席香港復康力量二十一週年慈善晚宴，陳玉蓮長期喺內地做義工幫助山區嘅小朋友，湊住5個小朋友嘅佢，母親節點樣過呢？佢話無咩特別，不過提到5個小孩，佢話：「最初係我哋拍先，當年喺港台《十個香港的故事》訪問過呂校長，o依家拍成電影仲好，可以多啲人知道，幫助南亞小朋友。」
咁多年都無拍戲，陳玉蓮幾時再拍做，佢話：「要遇到啲好題材，都有好多人搵我，港台做殘奧廣播劇，幾得意，不過大家聽到我嘅時間都唔敢搵我，舞台劇嘅時間比拍劇時間更長，對上一次廣播劇《傾城之戀》同吳啟華合作，我自己都有興趣，不過要睇番時間。」
動漫MAGGIE李曼筠最近忙住寫鬼故，係講一啲遇鬼經歷，話畀大家知鏡頭以外發生嘅靈異事件，佢話：「寫時好似精神分裂，曾經寫到拍義莊頭暈手震，咁我當自己血糖低，即刻飲番啲葡萄糖。之前同梁思浩合作好開心，學到好多嘢，我都想發展動漫以外嘅事業。不過如果再去義莊就要搵師父陪，因為試過拍嘢郁唔到。」五月底MAGGIE會返內地拍一部笑片，佢話係同TVB啲老戲骨拍，但係未知係邊個。
http://hk.apple.nextmedia.com/en…/realtime/20160501/55050843
