[ 納粹。戲評 ]
上次(5月3日)講開納粹，反應不俗。然而此段歷史有感沉重，至今次才能多寫一篇
有人問:「為什麼德國擺明屠殺猶太人，佢地有腳唔識走咩?」
當年不少猶太人買了船飛遠走他國，然而猶太人長年被德國打成:「猶太人很有錢，經營銀行、很會做生意，賺左德國人好多好多錢，德國一戰後咁窮都係因為猶太人。」就當連被佔領的法國，當地部份人都排斥猶太人，有人為保命向納粹交出猶太人。
-
美國國會當年亦有親德議員，發表反猶言論。納粹做的文宣，成功傳揚世界。一隻載猶太人走難既郵輪去到古巴，唔比埋岸。再去美國邁亞密，又被打回頭...所以遠走他國對猶太人而言唔係咁易。
-
郵輪最後打回頭返德國，船上批人直送集中營。當年用毒氣室殺死的猶太人，介乎240-1100萬之間。唔好太在意死亡數字，集中營堆屍疊到山咁高，就當你忍到臭，你係咪行到埋去數?
-
走得甩大部份係小朋友，當年英國政府發起火車專列載猶太兒童由奧地利去英國，叫兒童專列行動(kindertransport)。
-
講到奧地利，佢係自願併入德國，唔似波蘭咁係打番黎。奧地利住民不少是德國出生，德國為入主有奧地利多年派人滲透奧地利，同時將當地猶太人打成異己，話佢阻住偉大民族復興，留係奧地利唔「移民」既猶太人又吃一記冷棍。
-
當然如果有先知，話比當時猶太人知毒氣室等緊佢，佢死都死去非洲啦。不過飛機係1930年代先普及民用，當年走佬主用火車要一個又一個關卡。 每一次比德軍盤到你同猶太有關，都要死。
-
到德國開入奧地利一刻，當地猶太人的財產自動被沒收，比「更優越的雅利安人」管有咁話。德軍之後攪了場「公投」，1938年3月，公投結果是99.1%人支持統一，享有成為德奧共同區人之榮耀。
-
筆者睇了「一袋彈珠」呢套戲，講述二戰時兩猶太人兄弟逃避德軍既經歷。兩兄弟好多時都係收到消息，即晚就要係庇護教堂執野走。所以先知先覺係日漸危急之時，實在重要。凡事不一定有老闆講比你知: 幾時係deadline。
-
為什麼戲叫「一袋彈珠」 ? 兄弟當初在被德軍佔領既巴黎上學，其他種族學生圍毆猶太同學在所難免。其中一位同學見兄弟貼在衫上的六芒星標誌十分有趣，提出用一大袋彈珠交換此身份象徵。
-
*當年德國要求猶太人在衫上縺上六芒星標誌，去作識別
#一袋彈珠為法國電影(Un sac de billes)，根據真人真事改編，喬瑟夫橋佛把自己的事情寫成了自傳小說，電影背景設定在被納粹佔領的法國，主人翁小男孩有三個哥哥，父親從事理髮師，母親則是家管，一家人是猶太人，當時規定猶太人衣服必須縫上標記，男孩與哥哥則是被強迫縫上遭到其他同學歧視的....
