[Food,Panda]熊貓扑嘢都有受惠股!日本股市真好玩。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
TLDR:東京上野動物園熊貓交配,上野餐廳股即時炒起!不過以前都試過食詐糊。你知啦,熊貓嘅嘢,你急佢唔急。
1. 股市淡靜,東京股市最大嘅新聞,就係呢隻「東天紅」8181(東證一部的說), 一度抽高30%,收市都仲升9%。乜東東?中華料理。點解升?因為上野動物園隻熊貓有咗!關乜事?話預之後好多人去睇喎,「東天紅」總店就在上野公園,不忍池側邊。有利生意呀!
2. 咁都得?車,AMC都係咁升啦。況且,熊貓扑嘢雖然似鐵樹開花,但都唔係百年一遇。2017年都炒過一次!第時真係日日睇住啲熊貓扑嘢去買股(住上野嘅朋友可以得閒去睇下)!其實官方3月已經宣佈,「真真」同「力力」 已經扑咗兩鑊(原諒我的粗鄙)。當時已經炒咗一轉,真係一早可以買定等派彩。
3. 另一間上野精養軒(9734),亦係在上野公園。個名雖然鹹濕(?),但其實係明治時期赫赫有名嘅西洋理料店,「太平館咁上下」。股價亦都勁升10%
4. 同時間,星期五亦剛剛係上野動物園重開。「似乎啲熊貓都係悶得滯就扑嘢」。之前有乜做?其實都冇嘢做,但成日畀啲港媽港孩睇住,怕醜嘛。閉園咪專心扑嘢。
5. 眾所周知,熊貓都真係好難繁殖的。但並唔係佢地懶到嘢都唔扑(懶得過你?),其實野生熊貓係絶大多數識扑嘢的,但閉佢入動物園後就變咗唔識。所以,啲友發明咗一樣嘢:就係睇四仔!睇乜?咁你睇乜丫。你都係睇其他人扑啫,唔通睇熊貓?咁熊貓咪睇返熊貓扑咯,唔通睇吉澤明步?(話時話剛剛睇完佢本自傳,有機會寫讀書報告)。如果熊貓睇吉澤明步,咪同你去睇熊貓四仔差不多變態。(咁當然性幻想嘅嘢唔害到人,或者熊貓,就OK)
6. 至於另一江湖傳聞,話熊貓嘅陽具係S型的,我就冇證實。我睇過(有幾奇?)好似唔係,唔知呢個傳聞點嚟,好似係黃霑嘅「不文集」。倒係後來見過熊貓陰部,唔係四方,不過都係個倒V型,十分難搞,自己搵相(我個人係好有求學精神的)
7. 不過呢,炒股如扑嘢,係有風險的。都試過食詐糊。2013年都以為有咗,但結果係中空寶。股價即時大瀉。
======================
8. That’s all for 熊貓扑嘢,講返日本同金融。首先,呢間東天紅,市值30億……yen。兩億幾港紙,算吧啦。2000年時差不多20000 yen一股,2018都仲有3000,而家得1100
9. 中華料理嚟的,我當然冇去過!一個香港人可以有幾放棄自己先可以在日本食中華料理?「不過我在京都都食KFC」。間嘢望落個樣都似正常,tabelog 評分3.3—還好啦,聽聞日本人十分之閹尖腥悶,最緊要都係性價比(仲傳染咗去台灣),唔係平靚正就好難高分。或者生性保守,唔似鬼佬咁乜都excellent,個個Uber Rating都4.9(本人4.77,已經畀人懷疑我係咪反社會人格)。
10. 同香港OpenRice間撚間都隱世小店邪惡拉絲相映成趣,你見Tabelog好少舖頭可以去到4字頭,even 咩南千住尾花鰻魚飯都只係3.8,早年有4字頭,啲友話貴喎。不過,小野二郎檔嘢就有4字頭,但我冇食過,唔好問我。「唔係食唔起」「不過唔抵」「即係食唔起」。
11. 講返,我算肯使錢食嘢,但食過嗰啲覺得好得嘅,都冇乜邊間有4字頭。Even結婚周年同埃汾太食米芝蓮兩星法蘭西餐都只係3字頭。「唔係食唔起三星」「不過唔抵」「即係食唔起」。
12. BTW,之前見日本餐廳老細寫書,話呢啲(即係我)睇Tabelog評分嘅人,正一西客。唔尊重料理業者乜鬼喎,你看到匠人精神,我就看到保護主義,no competition please, Dad knows best,你啲友邊識分咩係好嘢。
13. 講返,呢段新聞觸動咗我,除咗因為Andrew Wiles出文就梗係寫日本最好,亦因為我去東京,絶大多數都係住上野。原因?好簡單,因為第一次去嗰時就係住嗰度。有一期我twitter個username就叫「上野廣小啤」。因為個站叫「上野廣小路」(多得廣末涼子我知道嗰個係廣字)(其實細細個打機都知啦,趙雲個仔趙廣嘛)
14. 即係而家啲小朋友,在老母個子宮度,未出世都已經一年去咗幾次日本。但本人呢,去到2015年,37歲先第一次去,完全係loser,難怪港女睇唔起(幸得埃汾太唔嫌棄,但埃汾太好似廿歲前已經去咗十次日本)。
15. 2015年冬天嗰次,我第一次去日本,仲係某日本公司請嘅。出trip去日本,諗起都興奮,完全就係「小男人週記 錯在新宿」,可惜冇關芝琳,同行識咗幾個香港朋友,有個死撚埋添(有幾出奇?人就係會死架啦)。
16. 咁公司就安排我地住上野,相當之……modest嘅酒店,包保唔會畀人話。所以在我東京自己食嘅第一餐飯,就係燈燈燈燈,上野站嘅一蘭拉麵。當時香港都有,點解仲要去食?因為24小時嘛!半夜走出去食。
17. 及後再住上野,上野站嗰間 Wendy’s First Kitchen依然係次次食,因為香港冇得食(但,香港後,第一次我食返,係在吉隆坡,也是出trip).當然不忍池對面嘅「伊豆榮」鰻魚飯都係相當不錯。冇「尾花」咁好食,但我唔使去南千住仲要排到仆街。
18. 食完就係去上野動物園,睇企鵝兼睇熊貓。呢個上野公園,亦係我2015年出trip,stay behind解散嘅地方。嗰次就咁行個公園就行咗半日,除咗門口嘅西鄉隆盛同隻薩摩犬,就係港女台女大陸女在著和服影相。有時更加有黑人女人影。
19. (呢度我真係冒住畀人鬧都要講,喂,港女台女大陸女就算啦。但,白人亞洲人去黑人打扮扎辮仔,又話文化挪用,溝操亞蒲丕A唇。咁做乜黑人去著和服就唔係溝操亞蒲丕A唇?當然如果白女例如Melody Marks或者Emma Lawrence我就唔介意的)
20. 我仲記得,我第一次去上野動物園,仲買咗幾隻公仔。一隻企鵝,一隻係…..都唔知狗定熊嘅嘢,後來上返官網睇,居然每隻公仔都有話你知係乜。「拿你睇人地做嘢幾認真」
21. 唔止,當年我仲在上野配埋眼鏡(好快拎得),平靚正,仲有日本妹同我驗眼(梗係講英文,雖然佢有嘗試講普通話)。仲買咗幾對波鞋。「然後覺得香港嘢啲嘢真係搵笨實」
22. 當然呢啲日本人服務優良背後甚麼代價呀,就你可以寫多幾千字批判了。我就只係知道,以上種種,都回不去了。
23. 咁固然,如果你住日本咪得,我都有香港朋友住日本,Patreon讀者都有幾個(十分謝!)。咁住親嘅都唔鍾意,好合理嘅,你做遊客一回事,住嗰度又另一回事啦。正如我好鍾意馬其頓(而家叫北馬其頓),但我唔會搬去住嘛!
24. 但,真係唔緊要呀下,心存樂觀,總會開返。最緊要鬥長命。同埋,記住儲多啲錢。你唔係諗住仲有幾百蚊機票下話?
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
三不館車仔麵openrice 在 Suetleimama 雪梨媽媽 Facebook 的最佳貼文
【平食法國菜 X 言爸爸的生日驚喜】#超長文
早幾天 post 了在 #仙后餐廳JUNON 拍的美美照片,這次深入介紹一下這餐物超所值的法國菜🤩 抗疫期間,仙后餐廳上月起將午餐價格略為降低,平日 Lunch set $198,加頭盤$50,加甜品$50,(當然支 Perrier 也是 on my bill $69),以環境和食物質素來說性價比超級高,實在沒有不試的理由哦!
這次是第15次和言爸爸慶祝生日了(omg) 嗯嗯有時也有點老夫老妻的感覺,但只要大家願意為對方花心思,總是會充滿驚喜。我悄悄的訂了仙后餐廳,然後 whatsapp 要約他(明明每晚也在家見到😂),#只是block了他午餐時段並沒有告訴他要去哪,#還吩咐請穿好一點。(說實在要守住這秘密計劃也有點辛苦,然後我有悄悄和閨蜜分享XD)
計劃當日,as planned 穿上 Elegant 的連身裙,召來 Uber 載著不知目的地在哪的言爸爸,全程車也沒有提及去哪兒的問題。在灣仔胡忠大廈下車,我問他估到嗎,他還是不肯定(因為 QRE 一帶餐廳也很多),直到我拉他到仙后餐廳的旋轉門前才恍然大悟。Yeah 我的驚喜計劃有個成功的開始!(好吧接下來省下個人成份專注寫 review)
仙后餐廳是由張敬軒主理的法式餐廳,分為Bistro JUNON 和 La Scène de JUNON 兩邊,以幕簾分隔。晚餐的話,La Scène de JUNON 的舞台會有表演,食物有 5-course($1688@) 和 6-course($1888@) 的fine dining,另外 wine pairing 4 glasses($560@) 和 5 glasses($680@)。另一邊 Bistro 晚市則供應 Set dinner ($580@) 和 À la carte (主菜約 $300多一道)。順帶一提,雖然 Live performance 在其中一邊,但音樂是兩邊都能聽到的。
#按這裡看Menu - https://junon.com.hk/food
而我們今次是平日的午餐時段,餐廳兩邊都是同一個 Lunch menu,我有在 booking 寫是慶祝生日,所以店員前一天預先打電話來確認甜品碟上要寫甚麼。我們選了午餐最遲的 12:45pm 入座,被帶到 La Scene de JUNON 那邊(內心叫了一下),後來我相信店員盡量安排慶祝的客人坐這邊,因為幾次聽到隔離枱的 “Happy birthday”。
坐下來 Waitress 先問我們要 Sparkling water 還是 Still water,朋友告訴我在 Fine dinning 可以像外國的餐廳要 Tap water,但基於這 $198 Lunch set 已經有點 Under-priced (和不想侍應全程黑面🌚) 還是大方的要了瓶裝水😂 平日午餐 $198 的 Set 已包括餐湯、主菜和茶/啡,我們另加了頭盤和甜品。#其實50蚊一客沙律同Citysuper差唔多 #個千層酥好大份夠兩個人食都係東海堂兩條咁嘅價
食物逐個評💁🏼♀️
🧅 #法式洋蔥湯 ⭐️⭐️⭐️⭐️⭐️
連唔食洋蔥的言爸爸也會喝!很creamy的洋蔥湯,味道是特別的,喝到洋蔥的甜味和厚厚的質感。Waitress 即磨的黑椒已傳來撲鼻的香氣,果然連黑椒也很講究,也成功提升洋蔥湯的味道。
🥗 #雞肉CaesarSalad ⭐️⭐️⭐️
用上雞髀肉切片,從色澤看估計是法國黃雞,肉味濃郁亦很嫩滑。沙律菜很新鮮但dressing 就不是 my cup of tea,略帶酸味。不過份量很大,兩個人share都足夠了不太需要叫兩客。
🥣 #馬賽魚湯 ⭐️⭐️⭐️⭐️
雖然去過法國幾遍,但並沒有試過馬賽魚湯,(加上看完 #愛的迫降 XD),決定要試一下。因為第一次吃沒有比較,比較保守的給了四星,但味道是我很喜歡的。魚湯喝得出很足料,每一口都是鮮味🤤 作為主菜不應當湯喝,重點就是將法包浸滿湯再送進咀裡,然後會發現麵包比盤內的魚、蝦、魷魚等都要出色!
🥘 #燉牛仔肉配中東米 ⭐️⭐️⭐️⭐️⭐️
因為言爸爸是不太喜歡試新口味的人,所以老早就預計他會點這個~ (bingo!) 但這個燉牛仔肉的確做得出色,肉質被燉到很淋,是一塊脂肪平均的牛腩慢煮版的感覺(我不是寫開食我已盡力形容😂) 配菜有蘑菇片、菠菜,珍珠中東米口感煙韌,充分的吸收牛肉汁,伴著忌廉汁吃 texture 很厚,份量不多但吃罷也會飽。訂枱前在Openrice見到有人說牛仔肉太韌,相片看起來也很乾,但我們吃到的真不錯!
🥧 #法式千層酥 ⭐️⭐️⭐️⭐️
因為預先安排了寫 birthday message,所以一定會叫甜品。不過$50一客法式甜品絕對是超值,其實我很想試 Floating Island (法式蛋白忌廉) 不過安排 surprise 太緊張忘了😂 但千層酥亦很出色,crispy 是基本盤,焦糖醬卻有畫龍點睛的作用。不過也幸好沒有叫兩客甜品,因為份量超大還有已經超飽,floating island 就留待一次吧!
來 JUNON 其實志不在食物(雖然食物是有surprise me),裝潢才是重點。先說我們坐的 La Scene de JUNON 有舞台的 Fine dining area,午餐沒有表演但氣氛也不錯,單是那由4,000多塊玻璃拼砌而成的天花已經是氣派非凡,還有兩個包廂,晚上看表演實在一絕。布藝也是走華麗的 Royal 風,水晶吊燈、壁燈、老香港舊照,還有老板張敬軒真藏的真古董,恍如致身於博物館。另一邊的 Bistro JUNON 小酒館雖說裝潢「較普通」,但中央放了老板的珍藏三角琴又怎能算是平凡!(這裡其實是軒仔的動森真實版嗎?XD)
無論你有否需要,都必須要去一遍洗手間。通往洗手間的走廊一樣華麗,女洗手間的牆紙、面鏡、洗手盤都別出心裁,還有一個超美的小型化妝室,超好拍!不過因為是和老公二人世界沒有人幫我拍照⋯ 正飲恨之際巧遇了老公的朋友在隔離枱,毫不猶豫地邀請她到洗手間互拍🤣
謝謝你看到這裡,最後就是餐廳資料和訂枱連結了🔗
JUNON 仙后餐廳
灣仔皇后大道東213號胡忠大廈2樓
網上訂座 - http://bit.ly/2T70nva
#深度分享 #當媽後是比較長氣 #驚喜計劃大成功
三不館車仔麵openrice 在 為食花太郎 Fafafoodblog Facebook 的最讚貼文
為食花太郎 Fafafoodblog
#fafafoodblog尖沙咀 #fafafoodblog車仔麵
<尖東多元化車仔麵>🍜
呢間喺尖東既靚靚車仔麵 今次第二次食 第一次係兩三年前新開嗰時 依俙記得佢味道唔錯 好多款既車仔麵料選💪🏻事隔兩年 仲多左野食 好似海南雞飯 炒麵雞扒飯都會有 😂既然之前食左車仔麵 今次就點下佢 d飯餐😍
🍴土匪雞煎蛋飯餐 53 蚊🍚
以53 蚊黎講都算好足料 有雞 煎蛋飯 白菜 or生菜 加22 蚊仲有紅燒花膠扒😍
雞既土匪汁比較濕同甜 帶 d洋葱香 雞肉應該係接近雞柳位 煙靭度適中 🐥 要黎撈飯唔錯 飯大大碗 煎蛋整爛表面 半溶既蛋汁 撈飯 正🥚🍚 加22 蚊既花膠扒都落足料算幾大件 煮得幾軟淋 醬汁香甜入味 抵食大件 正! 😍
🍴碗仔翅 24 蚊🍲
大碗碗仔翅 佢既豬肉絲好多 🐷醃得偏香咸味 粉絲係比較粗身 再加上冬菇同木耳碎 食落好有口感 🍄加入適類胡椒粉同醋就好滿足
#車仔麵 #碗仔翅 #雞扒 #土匪雞 #花膠 #煎蛋
Score 平均分 <7.2/10>
Taste 味道:👍🏻👍🏻👍🏻
Present 外觀:👍🏻👍🏻👍🏻
Decor&Hygiene 環境衞生:👍🏻👍🏻👍🏻
Value for $ 性價比:👍🏻👍🏻👍🏻👍🏻
Service 服務:👍🏻👍🏻👍🏻
~~~~~~~~~~~~~
<靚靚不一樣的車仔麵>
尖沙咀科學館道14 號新文華中心地下22 至23號鋪
~~~~~~~~~~~~
#fafafoodblog #為食花太郎 #fafafoodblog尖沙咀
=====================
🙂温馨提示🙂
Fb like左 page都睇唔到<通知>
若果大家想睇到多d唔同既美食
👇🏻👇🏻👇🏻👇🏻👇🏻
除左like 請做多一個步驟
[like] 左 👉🏻<追蹤中/Following> 👉🏻<搶先看/See First>
多謝大家支持!🤓🤓
歡迎喺唔同平台觀賞fafafoodblog
Fb📒: fafafoodblog
Ig🖍: fafafoodblog
Openrice 🍚: 花太郎
任何美食😋歡迎inbox 我 , 等我食完開心share!🤓
三不館車仔麵openrice 在 《新開車仔麵》老朱車仔麵The Noodle Bar 秘製橋底汁招牌 ... 的推薦與評價
![影片讀取中](/images/youtube.png)
這不是廣告, 沒有贊助. 全屬個人意見只係純分享. This is not an advertisement there is no sponsor. The opinions expressed here belong solely to ... ... <看更多>
三不館車仔麵openrice 在 三不館車仔麵大埔 - Facebook 的推薦與評價
三不館車仔麵 大埔, 香港. 26 個讚好· 17 次簽到. 三不館車仔麵I Don't Care Cart Noodles #三不館車仔麵#得獎金牌麻辣醬#自家製作醬料大埔店@idontcaretaipo 大埔廣福 ... ... <看更多>