天空上的鳥兒都成雙成對，想不到連軍用直升機都一樣，是想搵一個伴，還是覺得這樣威武一點呢？臨近回歸日，人心就更加不安穩。
#stellaso #hongkong #victoriaharbour #71 #hkpolice #三年零八個月咁 #躺平
三年零八個月咁 在 Facebook 的最讚貼文
三年零八個月咁 在 無待堂 Facebook 的精選貼文
無待堂 : 董建華，你柒夠未？
董建華，你柒夠未？你禍港八年，都未夠，依家仲要支持呢個、支持果個。你「支持」、「相信」既梁振英，被人揭佢僭建。呢單野證據確鑿，你都仲話「完全相信佢係無心之失」。一個專業測量師會唔覺意僭建？風水師會唔會揸錯羅庚呀？到呢個地步，你仲出黎護短，就算到依家，你都仲係百份之百只問親疏立場、不問是非黑白。
你做特首果時，搞到天怒人怨，依家仲好意思出黎講話完全相信梁振英，「相信佢會做得好好」？你當年夠「相信」自己會做得好啦，咁最後搞成點呀？你夠話梁錦松有「高尚情操」啦，最後佢咪又係犯哂規，搞到要落台？
你唔信自己智商低、同現實脫節，你都信下玄學啦。你撐親邊個，就衰邊個，其實你有冇搵師傅睇過下自己係咪命犯天煞孤星？
當初北京點你黎做特首，已經係痴左線。你個名改得無錯，你一心「建華」，根本就唔係打算服務香港。但你既然都落左台，你唔出聲，無人會當你啞。你都去左（辭任特首），我地亦好厚道，好少提到你既大名。但你依家仲好意思出黎講「北京政府完全無干預香港」？你既存在就係北京干預香港既鐵證啦﹗你依家咩身份呀？全國政協副主席，黨政系統既一員呀。理論上，都幾大粒架，咁你依家支持梁振英治港，係咪干預緊香港內政？中聯辦種票，係咪干預香港內政？中聯辦打俾選委拉票既電話，係咪干預香港內政？無問過香港要唔要咁多中國移民，你話俾邊個黎就俾邊個黎，係咪干預香港內政？
其實，你可唔可以唔好再係香港人面前出現？因為見到你，我地就好似諗起三年零八個月咁。每次見到你呢位一臉無辜既真心膠，都係出黎係我地既傷口上灑鹽。一個蠢人做壞事，比起壞人做壞事，更加令人氣憤。壞人做壞事，係佢既天性。而你搞到香港一鑊泡，八萬五、沙士死人、強積金、領匯……屌你，全部都係你任內既「德政」，你都仲係唔知大家幾唔妥你。
你一下腳痛就話北上做政協，我地依家仲係度受緊你作既孽。我想問你生既仔有冇屎忽？你當年既「問責官員」羅范椒芬，依家又出番黎禍港殘民，硬銷改組，實質就係搞政治分贓。更加唔好講當年教育政策越改越衰，又中又英，辛苦老師、辛苦學生，流毒至今，禍害千萬學子。你依家仲係影響緊我地，仲好意思出黎講野？你唔係太無恥，就係IQ太低。一個智商正常既人，見到咁多人鬧自己，都應該會心諗一句「嘩，做乜鳩？」你究竟有冇深切反省過自己對香港造成既傷害？你係呢個七一前既關口仲要大讚梁振英「能幹」，我心諗，做乜鳩？
睇怕你到呢一刻竟然仲唔知自己當年死咩，仲係度講埋咩「香港好國家好，國家好香港更好」既廢話；仲係度講埋啲咩「民主同法治，中央一路係度做緊」、「大家應該包容自由行雙非」。你去上水睇下、你去粉嶺睇下，睇下你一街都係既中國同胞；你去尖東睇下、你去銅鑼灣睇下，你唔講普通話，會俾人歧視架﹗依家我地想睇場戲，間戲院都「已經唔存在喇」，因為已經俾自由行既資金買起左喇﹗你地搞左咁多年「中港融合」，一般香港人既生活根本冇好到，仲越黎越差。咁多年黎，公共醫療有冇好到？大學生人工有冇止蝕？啲樓再發水、再貴，都有你既中國同胞去接貨，我地既低下層住邊？我地既青年大批大批咁下流，你有冇責任？
董生，唔該你去愛你的國，唔好再咁愛港。你都知你腳頭唔好，你再愛港，我驚香港遲早會陸沉。至於中國，就唔該你愛得俾多兩錢肉緊。或者你同成龍一齊發功，中國就會早啲「電腦大爆炸」，早日實現民主共和，咁你就叫做臨死都做返件好事喇﹗
三年零八個月咁 在 日軍入侵香港僅僅三日，就攻佔咗新界同九龍 - Facebook 的推薦與評價
喺呢三年零八個月，民不聊生之餘，香港人每日面對飢餓、疾病，隨時命都無，生命完全無保障。直到1945年8月，日本戰敗投降，佔領香港嘅日軍向英軍投降，香港正式重光 ... ... <看更多>