[Chasing Daylight]David Webb 前列腺癌,減產
1. 隨想一堆。兼閱讀理解同寫作探究。原文:https://bit.ly/3dID3Mv
2. TL:DR – 凡事樂觀。
3. 朋友傳嚟,首先見到標題,已經估到佢唔玩。咁然後就即時估係國安法。好合理嘅猜測,if too 神經質,時間上巧合嘛,我估如果我忽然話玩呢個Page,都會有好多人估係咪國安法。草木皆兵嘛。但又凡事小心好。好多名言或心得,其實都係互相矛盾嘅,當中嘅trade off 最難掌握,否則個個發咗達。
4. 再睇落去,好快,都未使睇到佢講睇醫生,就估到係健康問題。真的,睇用字睇語氣就估到。如果佢講「我幾時幾時嚟到香港,當時仲係點點點」,你就知係其他嘢。但self-aware "you" 之類,就知係個人問題,九成係健康。
5. 當然仲有啲妄想症嘅會覺得,佢借個機會啫,唔通講明國安法咩。咁就只能講句,反正大把人都反疫苗,N咁多人覺得登月係騙局,貓王未死在阿根廷同張國榮打緊麻雀。自由真好。不過反正佢唔係政客,唔使腳痛,而我相信一個男人唔會拎前列腺癌嚟作大。甚至掉轉,係仆街嘅,應該明明生cancer都講國安法,嘩我好驚。但畢竟David Webb唔係啲咁low嘅人。
6. 我同David Webb,係不相識嘅,我識佢佢唔識我。固然我好似提過,本人分析員生涯,第一份report,佢有評點。只係因為我當時老細占士咖啡(聽名都知係鬼)同佢相熟,循例fw畀佢評點後,David Webb亦都只係意思意思評點兩句。但的確都係有用。最記得佢大意都係話:唔使將啲簡單嘅嘢複雜化,幾隻英文字已講完。的確係。特別係嗰時係寫投資報告,當然唔好咁多廢話,唔同文學創作(係呀,例如呢篇)。
7. 後來,仲有在啲公開場合見到佢,同枱食飯幾次,最後一次好似係舊年。但都係嗰句,稱不上相識,我亦冇乜點同佢講過嘢。
8. 不過,本人一路都係佢嘅讀者。咁首先係免費,但呢個唔係重點,免費我都要時間的。
9. 關於佢嘅生平呀,股壇長毛呀,投資呀等等,會有好多人講。但我比較特別,我睇佢,係當睇人寫英文。留意佢寫嘢總係可以莊中帶諧,條理清晰,但又唔係流於中學作文式嘅First, Second, last but not least 之類嘅cliché (*)
10. 都回應返,勁人都係「凡事樂觀」,悲觀嘅樂觀者。你見佢寫,都不忘幽默或放鬆,there's never been a better time to get prostate cancer。
11. 多年前我推介過本書,Chasing Daylight: How My Forthcoming Death Transformed My Life(https://amz.run/3HZp)。呢本神作,因為個作者用咗三個半月寫。咁你話其實唔難,反正本書唔多字。都真係唔難的。埃汾嚟緊本書,我估一個月點都寫晒—不過我講咗兩年仲未開始寫咁解。
12. 正經,更重要係,個作者,Eugene O'Kelly,寫完冇耐就死埋—即係佢應該唔使三個半月。個故事其實係,佢確診腦癌,三個半月就死埋(幾快手,不過可能係好事?)。本書就係呢三個半月寫完。
13. 不過涼薄兼抽離講句,其實日日都好多人死,年年都好多人腦癌。點解呢本書跑出?因為作者本身就係成功人士,迫科KPMG嘅CEO。你睇,世界幾唔公平?條友三個半月死,最後都仲要威到最尾,留低咁多legacy。所以都真係做搞好你二十至三十歲嗰十年(**)。正如即係,大把人前列腺癌,但你總唔會去關心個包二奶阿伯。你成功,就割包皮都有人要你分享心得,咁上下。
14. 講返Chasing Daylight,「其實唔係太好睇」,主要係作者巴閉。咁但,腦癌三個月嘔出嚟喎,你仲想點?埃汾本書嘔咗年都未嘔到啦,本《楊枝甘露的誕生》(***)生咗廿年都未出到,芒果都爛。
15. 但Chasing Daylight有一個好成功嘅地方:開頭寫得好吸引。本書嘅開頭,我仲好記得(證明後面唔係太好睇):
16. I was blessed. I was told I had three months to live
17. 然後就講佢確診腦癌,講以往佢有幾忙,佢老婆仔女都要經秘書先約到佢食飯。之類。
18. 想講嘅始終係,凡事樂觀。即係半杯水。睇《足球小將》,有人覺得係「剩返五分鐘」(大意),但熱血嘅戴志偉會話「錯,係仲有五分鐘」。
19. 現實版就係2018世界盃,分組賽最後一輪,南韓對德國。德國非勝不可,但93分鐘失波!有趣嘅係,南韓入波被判有效後(當時VAR搞一輪),湯馬士梅拿追住球證理論。(https://bit.ly/30lkydk,9分29秒)。你以為佢鬧球證黑哨要推翻判決?錯!佢係問球證仲有幾多分鐘!然後話畀隊友聽仲有得追!係咪好撚熱向呢!
20. 不過,慎防你唔係球迷,話埋你知。之後,德國就係失多球嘅。嘻。這就是現實,正如Eugene O'Kelly寫完本書(其實未寫完),三個半月就死咗。並冇出現咩意志力令癌細胞消失。睇少啲周兆祥啦。
21. 冇錯,在呢度做冷氣軍師係好易的。泰臣(拳王,唔係吳鎮宇)話頭,Everybody has a plan until they get punched in the mouth。試下你埃汾今晚就確診Cancer睇你仲有冇咁口響睇你仲係咪凡事樂觀? 可能都冇。但無論如何有個game plan應該都係好嘅
22. 係咯,事情已發生,匯控就減咗派息,你舊芝士就搬咗走。有人選擇日日怨,有人就move on,仲識得講thankfully a brain MRI shows nothing (except a brain).
23. 但當然,Let's Carpe some fucking Diem.不過其實呢句嘢阿豬阿狗都講,但諗真啲,都廢廢地。唔得的。直到你真係有個大限就得啦。所以點解Eugene O'Kelly話I was blessed. I was told I had three months to live。其實佢有解,大把人唔知點忽然死咗,佢有三個月打理喎,仲想點。
24. 鍾意嘅,咪去買本書咯。拿,你又話冇時間,冇錢嘛。所以 Carpe 乜撚嘢Diem丫。唔好自欺欺人。送埋畀你你都唔會睇。你忙嘛。
(*)考試局對我英文最大幫助,就係教識我咩係cliché。雖然呢個字而家都十分cliché
(**)Eugene O'Kelly五十三歲死,做CEO先三年,真係頂峰收成期。不過你問佢(問米掛),佢都肯定話你知,係靠佢二十至三十歲嗰十年打下嘅基礎。
(***)《楊枝甘露的誕生》並唔會係我下一本書,以正視聽。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
「三隻小豬英文大意」的推薦目錄:
- 關於三隻小豬英文大意 在 君子馬蘭頭 - Ivan Li 李聲揚 Facebook 的最佳貼文
- 關於三隻小豬英文大意 在 君子馬蘭頭 - Ivan Li 李聲揚 Facebook 的最佳解答
- 關於三隻小豬英文大意 在 遇見「三隻小豬」星兒世界探索畫展 - Facebook 的評價
- 關於三隻小豬英文大意 在 三隻小豬The Three Little Pigs - YouTube 線上影音下載 的評價
- 關於三隻小豬英文大意 在 三隻小豬英文的彩蛋和評價,FACEBOOK和線上看 - 電影和影 ... 的評價
- 關於三隻小豬英文大意 在 [LIVE] 三隻小豬的逆襲最終回 - PTT 熱門文章Hito 的評價
- 關於三隻小豬英文大意 在 365行之行行有曖昧 - Google 圖書結果 的評價
三隻小豬英文大意 在 君子馬蘭頭 - Ivan Li 李聲揚 Facebook 的最佳解答
[三千字PTGF冷氣企管系列]中—介—必—須—死!(*)
1. 聲明:唔係教你做PTGF,亦唔教你做客。純粹案例研究,講risk management,principal agency problem,pay structure,profit sharing,skin in the game (加多啲buzzword就巧似professional 啲)
2. TL;DR:人地就落場衝鋒陷陣以身犯險,你就涼冷氣分咁大舊,梗係出事。楊恭如話齋,呢個世界冇話邊個冇咗邊個唔得(**)。仲要幾個都後生女唔係阿嬋,更加難服眾咯
3. 上次講補習天王篇文反應還好(https://bit.ly/2M0yLUB),絶不走數,今日講類似嘅東西。
4. 重覆多次:我不作道德判斷。犯法梗係唔好,唔好試,赤柱擺壽酒冇人嚟的。至於買春賣淫呢啲,我冇乜咩感覺,有供有求。大家明知係有咗幾千年,古今中外都有,甚至張愛玲都話婚姻就係長期賣淫。本文不作任何道德判斷,只係討論as 一個JV咁去做,有乜注意
5. 當然一切都你請我願,但都有廣義同狹義。你畀人拎支槍指住嘅自願唔係真自願。同樣地,咩安排都好,terms太辣嘅,個equilibrium 好易topple,可能人地違約,你要打官司,甚至佢使橫手,搵人打你,同你攬炒,等等。
6. 所以「公平」唔只係「合約精神」,「Michael Sandel都咁講」,亦唔只係你簽嗰下同意。要一路玩落去,大家都心服口服,先有得玩。
7. 個大意思在TL;DR寫咗了:雖然冇相,但呀16歲少女事主X,就去接客。兩日接八個,就算個客吳彥祖咁款我估都唔多過瘾,更何況多數係張同祖咁款(無意冒犯,順口啫)。
8. 你話,「冇畀錢你呀?」,等於我地寫字樓講,「冇糧出畀你呀?」。但,唔係咁嘅。呀事主X,一次分1000,值唔值,無從判斷。但有咁多人幫襯,至少都有唔少覺得值?可以話存在即合理,但都唔係重點
9. 重點係,人係好得意嘅動物,人就係會比較。我甚至懷疑只有人先類會有「攬炒」。著名嘅Ultimatum Game(https://bit.ly/2zAtmRr)(果然加個英文就好專業):一筆錢,A決定分幾多畀阿B,阿B可以收,或者攬炒,大家都冇。理論上阿B應該乜都受,因為總係好過冇,就算100蚊阿A要99蚊分1蚊畀B,B都應該受,因為1蚊好過冇。至少古典經濟學咁講
10. 但實驗見到,唔係咁。人係好奇怪嘅動物,你可以話公義,或者就叫黃子華嘅「魚蛋論」。人見到其他人幸福,會唔開心。又或者,見到人仆街,會好開心。呢個可以同佢自己情況無關的。做過投行都知,你出三個月花紅,廢柴同事出五個月,你嬲足幾日。但你出一個月,廢柴同事冇,保證你就開心幾日。
11. 道理正係咁,事主X係咪值1000蚊,根本唔重要。重要係,你另外三條女,坐冷氣房碌下電話,收咗1600蚊喎!唔公道咯。咬得咁狼,分贜唔勻,必然出事的。肚痛只係一個導火線,總會有一日爆。
12. 另一個問題就係,所謂嘅馬扶,雞頭,龜公,agent,whatever you name it,就係中介人,帶嚟乜價值先?直接啲講,你憑乜去收嗰1600蚊?個客畀2600,係想要事主X嘅服務嘛。點解事主X唔自己拎晒2600?甚至減到2000,就win-win,大家分咗個consumer surplus (!)
13. 我同利世民,幾次都提過一本書,有中文版,《百辯經濟學》。但英文版Defending the Undefendable直頭可以免費網上睇,(https://bit.ly/2zzhfUA)。右翼Libertarian必睇,入面就係去為啲傳統畀人鬧嘅角色辯解。其中就包括pimp,扯皮條。佢有講,呢種中介人,帶嚟乜價值。
14. 本書講得有道理。但,唔好忘記,呢本書1976年。過去四十幾年,世界變咗好多。而家係一個去中介化嘅年代。以前你想睇金庸,就要買明報,奉送一大堆你唔想睇嘅物體。但而家我係作者,可以直接做收費專欄。好多行業都係咁,賣淫/性交易點會例外。你幾位冷氣agent,提供到乜嘢不可或缺嘅價值?我估冇乜。
15. 仲有一個點。亦係魚蛋論。你話如果個中介人係個阿婆,可能冇咁奶嘢。阿婆可以話「阿妹doi你估我唔想幫你咩,但我幾廿歲啲友嚟玩假牙咩,我係有人要我都落場啦」。但,今次嗰幾個中介,廿歲出頭,有手有腳有乜乜。點服眾?做乜我要落場,你唔使落場,而分得多過我?
16. 情況等於公司搬嘢,你老細如果係七十歲,咁佢唔搬嘢,你可以接受。但如果佢仲後生過你,但在側邊指指點點,唔幫手,你實唔服。
17. 唔想寫太長,但類似嘅東西,仲有好多好多。我2003年在新港戲院(已死),睇過套好爛嘅戲,叫做 In the cut,中文叫驚殺。男主角係變型俠醫,荷里活摩連奴Mark Ruffalo。但梗係睇女啦。除衫嗰個,威咯,Meg Ryan!Hey,show some respect,荷里活甜心You’ve got mail緣份的天空 90男歡女愛嘅Meg Ryan!雖然當時已經四張嘢!但更好玩嘅係,邊個監製?係Nicole Kidman.話原本係佢剝,但佢搞緊離婚要多啲時間陪小朋友,哈哈哈,所以點咗朋友Meg Ryan去除。真夠朋友,套戲咁好,你唔自己除?你又唔係七老八十。
18. 仲有,周顯早兩日寫嘅東西,亦係同一道理(https://bit.ly/2ZGY85K)。講明就係分贓不勻易出事
19. 之前睇嘅唔少戲,都係呢個主題。包括係泰片嘅《出貓特工隊》,或者十幾年前嘅西片《決勝21點》(21)—前者大家熟,後者呢套戲唔係太多人睇過,但故事應聽過:麻省理工嘅精英教授同學生,靠計數同記牌去煲爆賭場。但一樣係分贓不勻,有啲人覺得根本唔使靠其他人,我一個玩晒就得,有人唔同意,就出事。
20. 事實係,幾時都係scarcity就代表巴京拎包華.例如PTGF事主X呢個情況,你諗都諗到,邊樣先係scarcity,邊個有巴京拎包華。16歲仲要落場仲要客人滿意嘅服務提供者難求?定係啲冷氣中介難求?所以邊個應該拎大份?一睇就知唔公道。
21. 最後再講,好多人以為「老細」「管理層」「CEO」一定高人工,但都有唔少例外。亦係等於我講補習天王篇文,有啲行業睇individual talent.銀行,特別係投資銀行,最高人工嘅,往往唔係個CEO,而係帶客嘅sales,或者炒房嘅trader.原因同補習天王一樣,佢地先係落場搏命,佢地去第間都得,CEO只係個高級公關同Admin
22. 舉一反三,足球隊,NBA都係。你發現,員人工都高過領隊唔罕見,亦係Scarcity嘅問題。固然有名帥,但一般都係球員先係scarcity.曼聯費格遜年代,聽聞有個規矩,球員唔可以高人工過佢。佢話否則球員點會聽你支笛?但而家冇呢回事了,亦可能係因為領隊冇以前咁重要。所以你見而家好多時係領隊驚球員,球員有食力嘅,去邊都得。粗略講,我搵條廢柴帶美斯C朗落場,肯定好過搵摩連奴/哥迪奧拿帶班廢拉球員。
23. 真係最後講下,呢篇文其實夠晒踩界,可能去到本專頁嘅底線了。始終公開嘅專頁,唔排除有人唔高興,投訴,咁呢篇文就會下架。所以有得睇快睇,「但又記住畀like 同share」
24. 咁你話,其實我咁玩,咪又好似補習天王咁咯,人地就不停講內幕貼士,卒之出事。我就越寫越大膽,都係會出事。我想大家share,但又怕太高調。咁邊有得唔高調而廣傳呢?—但有個分別,我出事,最多咪整走篇文,或者最壞情況成個Page玩完—但唔會要坐監嘛。
25. 呢個亦係我想講,真係最後一個故事:飛機上,一隻鸚鵡對空姐說:「給大爺來杯水。」豬也學鸚鵡,對空姐說:「給大爺來杯水。」空姐大怒,將鸚鵡和豬都扔下了飛機。這時,鸚鵡對豬說:「你傻的嗎?大爺會飛呀!」
26. 教訓係乜?有時,你見高層就算同你一齊落手落腳搬嘢,甚至同你共同進退,出咗事齊齊畀人炒。但人地有幾千萬幾億身家,你冇嘛!所以,都真係唔同的。當然一般都總好過坐埋側邊點人搬嘢自己唔搬嘅人。(***)
27. 彩蛋:你見埃汾幫你間晒重點。會唔會有人以為埃汾讀書間書或者整notes好叻?無數咁多人可以證明,我係唔間書嘅。本教科書咪係碌屎。我亦都唔明啲女同學間到本書有螢光筆多過冇,係乜玩法。
(*)呢個其實係吾友高天佑本書,但佢同本post無關
(**)楊恭如真係好東西,但我唔係睇人外表咁膚淺,佢直頭係我人生導師!容許我再一次講,楊恭如教曉我嘅三件事:第一,「我同咗佢結婚,都可以同你一齊」(拍戲講,《風雲》)。第二,「呢個世界上冇話邊個冇咗邊個唔得」(周正毅毛玉萍COVA事件,當時未係美心)。第三,「食飯唔好背住門口坐」(同上)
(***)類似嘅故事我仲有好多。例如呢個:農場隻雞同隻豬,諗住幫主人廢祝生日。咁隻雞話,我地不如整個火腿蛋啦。隻豬話:你當我真係咁豬?你就貢獻個副產品排粒卵,我要終身殘廢呀!
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
三隻小豬英文大意 在 [LIVE] 三隻小豬的逆襲最終回 - PTT 熱門文章Hito 的推薦與評價
官方直播:https://vidol.tv/channel/10(月租60元,季租150元,年租540元)華視直播:https://reurl.cc/l0ykWq Cr. LiTV《三隻小豬的逆襲》(英語:PIGGYS ... ... <看更多>
三隻小豬英文大意 在 遇見「三隻小豬」星兒世界探索畫展 - Facebook 的推薦與評價
遇見「三隻小豬」星兒世界探索畫展 我們藉由各項的藝術活動,例如音樂、戲劇、繪畫等系列課程,引發我們孩子的藝術能力,希望將每位孩子的特殊之處拉拔、提升,擅長 ... ... <看更多>