熱烈狂賀我家米奇終於落網！！！
將少少花生醬放在機關內，再將個籠放在牆角，然後... 2個鐘後，米奇就好開心咁在我家裡走來走去，直到佢發現pat花生醬，佢就走左入去個籠度... 食左啲花生醬再走左.... 囧rz...
小家鼠太輕，觸動唔到機關... 😅😅😅
咁好啦，擺個20p銀仔增加重量，再擺過花生醬再來一次...
今次擺左唔駛5分鐘，小家鼠已經自己識走入去，當佢經過機關時... 個機關冇觸動到，佢又好開心咁食左我啲花生醬... 囧rz....
之後，我又再加多個銀仔，又再擺過... 而今次，隻老鼠只係停在我不遠處，用一臉「喂爽手啲啦，我肚餓呀」嘅眼神望住我，當我放低唔夠一分鐘，佢已經準備入去開餐...
我已經唔知道自己係捉緊老鼠定係餵緊佢了...
終於，今次佢行入機關，度閘就卡一聲關住左。小老鼠受驚跳左起黎，隔左一陣佢又再繼續食佢嘅花生醬，似乎被關了跟他沒什麼關係...
「你好彩呀你遇到我，遇到個癡線嘅虐待你就慘啦，仲掛住食 🙄🙄🙄」我一路同佢講，一路擺佢入袋。
換衫、拎鎖匙出門口，凌晨零下兩度，封城之際，我同佢一人一鼠在倫敦小鎮的街上，尋找一片大草地。
「好啦，到啦，下次唔好再亂入人地屋企，到時中左老鼠夾俾人夾死唔關我事架」🙄🙄🙄
就係咁，我放走左佢，佢頭也不回的跑掉了。
#好彩佢冇咬爛我啲電線
#即係咁
#相識也是緣份
#特登買個唔會有殺傷力的籠
#十世修來同船渡
#佢都唔知修左幾多世先會在咁凍嘅冬天入左我間屋
#我都請左三次花生醬
#咁大家打個和啦
#下一世到我同你唔知變咩嘅時候就再次多多指教啦下
